التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ الصَّلاَةِ (بَابُ سُتْرَةُ الإِمَامِ سُتْرَةُ مَنْ خَلْفَهُ)

حکم : أحاديث صحيح البخاريّ كلّها صحيحة 

472. حَدَّثَنَا إِسْحَاقُ يَعْنِي ابْنَ مَنْصُورٍ قَالَ: حَدَّثَنَا عَبْدُ اللَّهِ بْنُ نُمَيْرٍ، قَالَ: حَدَّثَنَا عُبَيْدُ اللَّهِ بْنُ عُمَرَ، عَنْ نَافِعٍ، عَنِ ابْنِ عُمَرَ: «أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ كَانَ إِذَا خَرَجَ يَوْمَ العِيدِ أَمَرَ بِالحَرْبَةِ، فَتُوضَعُ بَيْنَ يَدَيْهِ، فَيُصَلِّي إِلَيْهَا وَالنَّاسُ وَرَاءَهُ، وَكَانَ يَفْعَلُ ذَلِكَ فِي السَّفَرِ»، فَمِنْ ثَمَّ اتَّخَذَهَا الْأُمَرَاءُ

صحیح بخاری:

کتاب: نماز کے احکام و مسائل

تمہید کتاب (

باب: امام کا سترہ مقتدیوں کو بھی کفایت کرتا ہے۔

) تمہید باب

مترجم: ١. شیخ الحدیث حافظ عبد الستار حماد (دار السلام)

472.

حضرت عبداللہ بن عمر ؓ سے روایت ہے کہ رسول اللہ ﷺ جب عید کے دن (مدینے سے) باہر تشریف لے جائے تو چھوٹا نیزہ گاڑنے کا حکم دیتے۔ جب اس کی تعمیل کر دی جاتی تو آپ اس کی طرف رخ کر کے نماز پڑھتے اور لوگ آپ کے پیچھے کھڑے ہوتے تھے۔ دوران سفر میں بھی ایسا ہی کرتے تھے۔ (مسلمانوں کے) خلفاء نے بھی اسی وجہ سے برچھا ساتھ رکھنے کی عادت اپنا لی ہے۔

×
حدیث ترجمہ:

ہم سے اسحاق بن منصور نے بیان کیا، کہا ہم سے عبداللہ بن نمیر نے کہا کہ ہم سے عبیداللہ بن عمر نے نافع کے واسطہ سے بیان کیا۔ انھوں نے عبداللہ بن عمر ؓ سے کہ رسول اللہ ﷺ جب عید کے دن (مدینہ سے) باہر تشریف لے جاتے تو چھوٹے نیزہ (برچھا) کو گاڑنے کا حکم دیتے وہ جب آپ کے آگے گاڑ دیا جاتا تو آپ ﷺ اس کی طرف رخ کر کے نماز پڑھتے اور لوگ آپ ﷺ کے پیچھے کھڑے ہوتے۔ یہی آپ ﷺ سفر میں بھی کیا کرتے تھے۔ (مسلمانوں کے) خلفاء نے اسی وجہ سے برچھا ساتھ رکھنے کی عادت بنا لی ہے۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم500
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)494
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)464
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)494
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)472
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)489
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)494
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)494
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)494

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

سترے سے متعلق احکام ومسائل:

صحیح بخاری کے بعض نسخوں میں ابواب السترۃ کے الفاظ ہیں اس بنا پر ہم سترے کی اہمیت وافادیت و جوب و فرضیت اور ایرادات واشکالات نیز اس سے متعلق دیگر مسائل کو یہاں تفصیل سے بیان کرتے ہیں امید ہے کہاس طرح امام بخاری رحمۃ اللہ علیہ کے موقف کو سمجھنے میں بھی آسانی رہے گی۔سترہ اس اوٹ کو کہتے ہیں جسے نمازی اپنے سامنے سے گزرنے والوں سے نماز کی حفاظت کے لیے قائم کر لیتا ہے تاکہ کسی کے سامنے سے گزرنے سے اس کی توجہ دوسری طرف مبذول نہ ہو نیز یہ ربط خیال کے لیے ہوتا ہے تاکہ اس کا خشوع متاثر نہ ہو اور اس کی توجہ بھی منتشر نہ ہو بلکہ مناجات الٰہیہ سے بندے اور اللہ کے درمیان جو تعلق قائم ہوتا ہے سترہ اس کی حفاظت کے لیے ہوتا ہے کیونکہ نماز اپنی نماز میں اللہ کے رو برو حاضر ہو کر اس سے مناجات کرتا ہے حدیث میں ہے رسول اللہ صلی اللہ علیہ وسلم نے فرمایا :"جب کوئی نماز پڑے تو اپنے سترے کے قریب ہو کر اسے ادا کرے مبادا شیطان اس کی نماز کو خراب کردے۔"( سنن ابی داؤد الصلاۃ حدیث 695۔)نمازی کے آگے سے گزرنے والے کو شریعت نے اس لیے شیطان کہا ہے کہ وہ اس طرح عبداور مولیٰ کے درمیان حائل ہو جاتا ہے۔شریعت نے اس مواجہت کو سترے کے ذریعت سے محصور کیا ہے تاکہ نمازی کے آگے سے گزرنے والوں کو پریشانی نہ ہو ۔چنانچہ انھیں حکم ہے کہ وہ سترے کے آگے سے گزریں اندر سے نہ گزریں اس کے متعلق سخت تنبیہ ہے اس کے باوجود اگر کوئی اس کی پروانہیں کرتا تو وہ یقیناً شیطان صفت انسان ہے جو عبداور مولیٰ کے متعلق کو قطع کرنا چاہتا ہے اگر نمازی اس سترے کا اہتمام نہ کرے تو وہ خود تعلقات الٰہیہ کو خراب کرنے کا باعث ہوگا اور اپنی نماز کے اجرو ثواب کو کم کرنے کا ذمے دار ہوگا۔ جب کہ حدیث میں ہے رسول اللہ صلی اللہ علیہ وسلم نے فرمایا:"تم میں سے کوئی سترے کے بغیر نماز نہ پڑھے بلکہ سترے کے قریب ہو کر کھڑا ہو۔ اور کسی کو اپنے آگے سے نہ گزرنے دے۔اگر کوئی (روکنے کے باوجود بزور)گزرنے کی کوشش کرے تو اسے سختی سے روکا جائے کیونکہ وہ شیطان ہے۔"( سنن ابن ماجہ ، اقامۃ الصلوات حدیث 954۔) نمازی کے آگے سے گزرنے والے کو شیطان اس لیے کہا گیا ہے کہ یہ شخص مناجات کے تعلق کو ختم کردیتا ہے جس طرح دو آدمی اپنے کسی پرائیوٹ معاملے میں سر گوشی کرتے ہیں اگر کوئی تیسرا غیر متعلق آدمی درمیان میں آگھسے تو یہی کہا جاتا ہے کہ اس نے ہماری بات کاٹ دی یا ختم کردی اسی طرح نمازی کی مناجات کا معاملہ ہے کہ اس کے آگے سے گزرنے والا مناجات کے تعلق کو ختم کردیتا ہے۔ان احادیث سے پتہ چلتا ہے کہ رسول اللہ صلی اللہ علیہ وسلم نے نمازی کو سترے کی طرف منہ کر کے نماز پڑھنے کا حکم دیا ہے اور بغیر سترے کے نماز پڑھنے سے منع کیاہے۔ واضح رہے کہ آپ کا امروجوب کے لیے اور نہی تحریم کے لیے ہے۔ہاں!اگر کوئی قرینہ ہوتو امر کو وجوب کے بجائے استحباب اور انہی کو تحریم کے بجائے تنزیہہ پر محمول کیا جا سکتا ہے لیکن یہاں کوئی ایسا قرینہ نہیں لہٰذا اس کا مطلب یہی ہے کہ نماز کے لیے سترہ بنانا واجب اور اس کے بغیر نماز ادا کرنا حرام ہے۔رسول اللہ صلی اللہ علیہ وسلم کی عملی زندگی سے بھی اسی موقف کی تائید ہوتی ہے کہ آپ نے سفر و حضر میں سترے کے ساتھ نماز پڑھنے پر ہمیشگی کی ہے چنانچہ حدیث میں ہے کہ آپ نماز عید کے لیے باہر نکلتے تو نماز کے وقت چھوٹے نیزے کو اپنے سامنے گاڑ دینے کا حکم دیتے۔ پھر آپ اس کی طرف منہ کر کے نماز پڑھتے دوسرے لوگ آپ کے پیچھے ہوتے دوران سفر میں بھی آپ ایسا کرتے تھے۔( صحیح البخاری،الصلاۃ حدیث 494۔) حضرت عائشہ رضی اللہ تعالیٰ عنہا کا بیان ہے کہ میں خود کو دیکھتی کہ چار پائی پر لیٹی ہوتی رسول اللہ صلی اللہ علیہ وسلم تشریف لاتے میری چار پائی کو اپنے اور قبلے کے درمیان کر لیتے پھر نماز پڑھتے میں اس حالت میں آپ کے سامنے لیٹے رہنے کو ناپسندکرتی تو چار پائی کی پائنتی کی طرف سےکھسک کر لحاف سے نکل جاتی۔( صحیح البخاری،الصلاۃ حدیث 508۔) اگر رسول اللہ صلی اللہ علیہ وسلم مسجد میں ہوتے تو مسجد کے کسی ستون کو آگے کرتے اور نماز پڑھتے چنانچہ حدیث میں ہے کہ حضرت سلمہ بن اکوع رضی اللہ تعالیٰ عنہ مسجد نبوی کے مصحف کے قریب والے ستون کے پاس نماز پڑھتے اور فرماتے میں نے رسول اللہ صلی اللہ علیہ وسلم کو دیکھا کہ وہ اس کے پاس قصداً نماز پڑھتے تھے۔( صحیح البخاری،الصلاۃ حدیث 502۔) دوران سفر میں اگر کوئی دیوار سامنے ہوتی تو اسے سترہ بنایا جاتا چنانچہ حدیث میں ہے کہ ایک دفعہ رسول اللہ صلی اللہ علیہ وسلم نے دیوار کی طرف منہ کر کے نماز پڑھی آپ نے اسے سترہ بنایا دوران نماز میں بکری کا ایک بچہ آیا جورسول اللہ صلی اللہ علیہ وسلم کے آگے سے گزرنے لگا۔ آپ اسے روکتے رہے حتی کہ آپ کا بطن مبارک دیوار کے ساتھ لگ گیا اور وہ بچہ آپ کے پیچھے سے گزرگیا۔( سنن ابی داؤد الصلاۃ حدیث 708۔)صحابہ کرام رضوان اللہ عنھم اجمعین کے آثار سے بھی سترے کی اہمیت کا پتہ چلتا ہے چنانچہ حضرت عمر رضی اللہ تعالیٰ عنہ نے کسی آدمی کو جو دو ستونوں کے درمیان نماز پڑھ رہا تھا ستون کے قریب کردیا اور فرمایا اس کی طرف منہ کر کے نماز پڑھ۔( صحیح البخاری تعلیقاً کتاب الصلاۃ باب الصلاۃ الی الاسطوائۃ (95)) حضرت ابن عمر رضی اللہ تعالیٰ عنہ کے متعلق حدیث میں ہے کہ وہ پالان کو اپنے اور قبلے کے درمیان کرتے اور اس کی طرف منہ کرکے نماز پڑھتے۔( المصنف لعبدالرزاق :2/10۔حدیث:2274۔)حضرت انس رضی اللہ تعالیٰ عنہ کے متعلق حدیث میں ہے کہ وہ مسجد حرام میں اپنی لاٹھی گاڑھ لیتے اور اس کی طرف منہ کر کے نماز پڑھتے۔( المصنف لا بن ابی شبہ 1/248۔) حضرت ابو سعید خدری رضی اللہ تعالیٰ عنہ کے متعلق ہے کہ وہ جمعے کے دن سترہ بنا کر نماز پڑھ رہے تھے کہ بنو ابی معیط کے ایک نوجوان نے ان کے آگے سے گزرنا چاہا تو حضرت ابو سعید خدری رضی اللہ تعالیٰ عنہ نے اسے روکا جب وہ آگے گزرنے سے باز نہ آیا تو آپ نے اسے سینے پر مارا۔( صحیح البخاری،الصلاۃ حدیث 509۔) حضرت انس بن مالک رضی اللہ تعالیٰ عنہ کہتے ہیں جب موذن اذان دیتا تو کبار صحابہ کرام رضوان اللہ عنھم اجمعین کھڑے ہو جاتے اور جلدی جلدی ستونوں کی طرف بڑھتے یہاں تک کہ رسول اللہ صلی اللہ علیہ وسلم تشریف لاتے اور وہ یعنی صحابہ کرام رضوان اللہ عنھم اجمعین اس طرح مغرب سے پہلے دورکعت ادا کررہے ہوتے۔( صحیح البخاری،الصلاۃ حدیث 625۔) حافظ ابن حجر رحمۃ اللہ علیہ لکھتے ہیں کہ صحابہ کرام رضوان اللہ عنھم اجمعین ستونوں کی طرف رخ اس لیے کرتے تھے تاکہ نماز کے لیے انھیں سترہ بنائیں کیونکہ وہ علیحدہ علیحدہ نماز پڑھتے تھے۔( فتح الباری:2/141۔) ان آثار سے معلوم ہوا کہ صحابہ کرام رضوان اللہ عنھم اجمعین نماز پڑھتے وقت سترے کا بہت اہتمام کرتے تھے۔ مسجد کے اندر بھی سترے کا اہتمام کرنا چاہتے کیونکہ احادیث کے عموم کا یہی تقاضا ہے۔ اس کے علاوہ متعدد صحابہ کرام رضوان اللہ عنھم اجمعین انفرادی نماز میں ستونوں کی طرف رخ کرتے ظاہر ہے کہ یہ اہتمام مسجد میں ہوتا تھا بلکہ رسول اللہ صلی اللہ علیہ وسلم کا بذات خود بھی یہی عمل تھا جیسا کہ صحیح بخاری کے باب الصلاۃ الی الاسطور ائۃ میں ہے پھر اہل علم کا اختلاف ہے کہ مسجد حرام میں سترہ ہونا چاہیے یا نہیں؟ اگر مسجد کے اندر بھی سترے کا اہتمام کرتے تھے چنانچہ حضرت نافع بیان کرتے ہیں کہ عبداللہ بن عمر رضی اللہ تعالیٰ عنہ جب کعبے کے اندر داخل ہوتے تو سیدھا منہ کر کے سامنے چلے جاتے اور کعبے کے دروازے کو پیٹھ کر کے آگے بڑھ جاتے حتی کہ وہ دیوار جو ان کے سامنے ہوتی تین ہاتھ کے قریب فاصلے پر رہ جاتی وہاں نماز پڑھتے اور اس جگہ کا قصد کرتے جس کے متعلق حضرت بلال رضی اللہ تعالیٰ عنہ نے انھیں بتایا تھا کہ یہاں رسول اللہ صلی اللہ علیہ وسلم نے نماز پڑھی تھی۔( صحیح البخاری،الصلاۃ حدیث 506۔) اب ہم سترے کے متعلق دیگر مسائل کا اختصار کے ساتھ تذکرہ کرتے ہیں۔© سترے کی جسامت :۔ کسی چیز کو سترہ بنانے کے لیے ضروری ہے کہ اس کی اونچائی پالان کی پچھلی لکڑی کے برابر ہو۔ حضرت عائشہ رضی اللہ تعالیٰ عنہا کا بیان ہے کہ غزوہ تبوک میں رسول اللہ صلی اللہ علیہ وسلم سے نمازی کے سترے کے متعلق دریافت کیا گیا تو آپ نے فرمایا :"پالان کی پچھلی لکڑی کی طرح۔"( صحیح مسلم ، الصلاۃ حدیث 1113۔(500)) مؤخر الرحل (پالان کی پچھلی لکڑی)کے متعلق امام نووی رحمۃ اللہ علیہ لکھتے ہیں کہ وہ بازو کی ہڈی کے برابر ہوتی ہے اور وہ ہڈی ہاتھ کے 2/3۔کے برابر ہے۔ ویسے کسی بھی چیز کواپنے سامنے کھڑا کر لیا جائے تو سترے کا مقصد حاصل ہو جائے گا۔( مسلم مع النووی 1/195۔)پالان کی لکڑی سے تشبیہ دینے سے مراد اس کی موٹائی نہیں بلکہ اونچائی ہے یعنی سترہ تقریباً سوافٹ اونچاہونا چاہیے ویسے اس کی موٹائی تیر کے برابر ہونی چاہیےجیسا کہ تیرکو سترہ بنانے کی حدیث پہلے گزر چکی ہے۔ اس سے یہ بھی معلوم ہوا کہ سترے کے لیے زمین پر خط کھینچنادرست نہیں۔ جن احادیث میں خط کھینچنے کا ذکر ہے وہ صحیح نہیں ہیں۔©سترے کے قریب کھڑے ہونا:۔جب آدمی نماز پڑھے تو اسے سترے کے قریب کھڑا ہونا چاہیے جیسا کہ حدیث میں ہے کہ جب تم میں سے کوئی نماز پڑھے تو اسے سترے کے قریب کھڑا ہونا چاہیے تاکہ شیطان اس کی نماز نہ توڑدے۔( سنن ابی داؤد الصلاۃ حدیث 695۔)بکری کے گزرنے اور تین ہاتھ کے فاصلے میں کوئی تضاد نہیں کیونکہ نمازی اور سترے کے درمیان کم ازکم فاصلہ بکری کے گزرنے جتنا اور زیادہ سے زیادہ تین ہاتھ ہونا چاہیے یہ بھی ہو سکتا ہے کہ سجدے کی حالت میں بکری کے گزرنے جتنا اور قیام کی حالت میں تین ہاتھ فاصلہ ہونا چاہیے۔جن چیزوں کے نمازی کے آگے گزرنے سے نماز ٹوٹ جاتی ہے:۔سترے کی مشروعیت کی حکمت یہ ہے کہ نمازی کے خشوع خضوع میں فرق نہ پڑے اور شیطان وسوسے ڈال کر نماز کا ثواب کم یا ضائع نہ کر دے۔ رسول اکرم صلی اللہ علیہ وسلم نے سترے کو شیطان سے بچاؤ کا ذریعہ قراردیا ہے اگر نمازی کے آگے سترہ موجود ہوتو سترے سے مادراء گزرنے والا کوئی بھی انسان یا حیوان انسان کے خشوع خضوع کو کم کرتا ہے نہ اس سے نماز ہی باطل ہوتی ہے اس بات پر اہل علم کا اجماع ہے۔ یہ بات بھی متفق علیہ ہے کہ امام کا سترہ مقتدیوں کے لیے کافی ہے ہر شخص کو نماز باجماعت میں الگ سے سترہ رکھنے کی ضرورت نہیں۔ رسول اکرم صلی اللہ علیہ وسلم نے سترہ رکھنے کا حکم دیا ہے۔سترہ نہ ہونے کی وجہ سے نماز کے خشوع خضوع اور ثواب میں کمی آجاتی ہے تاہم صحت نماز کے لیے ستر شرط نہیں حدیث ابو ذر رضی اللہ تعالیٰ عنہ میں بیان ہوا ہے کہ اگر کسی نے سترہ قائم نہ کیا یا اس کے اور سترے کے درمیان سے عورت ،گدھا یا کالا کتا گزرگیا تو نماز باطل ہو جاتی ہے۔ اس حدیث میں قطع صلاۃ کے مفہوم کے تعین میں اہل علم کے درمیان اختلاف ہے۔©اہل علم کے ایک گروہ نے قطع صلاۃ کے اس حکم کو منسوخ قراردیا ہے اور حدیث:(لاَ يَقْطَعُ الصَّلاةَ شَيْءٌ،)"نماز کوکوئی چیز قطع نہیں کرتی۔"( سنن ابی داؤد الصلاۃ حدیث 719۔)کو اس کا نسخ کہا ہے لیکن ان کا دعوائے تخ بلا دلیل ہے جیسا کہ امام نووی رحمۃ اللہ علیہ اور ابن حجر رحمۃ اللہ علیہ نے کہا ہے۔( المجموع 3/25۔) شیخ البانی رحمۃ اللہ علیہ نے حدیث(لاَ يَقْطَعُ الصَّلاةَ شَيْءٌ،)کو ضعیف قراردیا ہے اور قطع صلاۃ والی روایت کو صحیح قراردیا ہے لہٰذا تخ تو تب ثابت ہوگا جب دونوں روایات کو صحیح تسلیم کریں لیکن اگر اس حدیث کو صحیح بھی مان لیا جائے تب بھی تخ کی بجائے دونوں حدیثوں کے مابین تطبیق اور جمع کی صورت نکالیں گے جیسا کہ معروف قاعدہ ہے نصوص کے تعارض کی صورت میں اگر جمع ممکن ہو تو سب سے پہلے جمع کریں گے کہ مذکورہ حدیث کے منطوق کا لحاظ رکھتے ہوئے ہم کہیں گے کہ ان تین چیزوں کا حصر ہے کہ ان سے نماز ٹوٹ جاتی ہے اور باقی سے خشوع خضوع میں فرق آجاتا ہے۔ شیخ احمد محمد شاگرد رحمۃ اللہ علیہ نے محلی ابن حزم (1/14) کے حاشیہ میں تخ والا موقف اختیار کیا ہے لیکن جن روایات کو بنیاد بنایا ہے وہ ضعیف ہیں۔©اہل علم کے دوسرے گروہ کا کہنا ہے کہ مذکورہ حدیث میں قطع سے نماز کا باطل ہونا مراد نہیں بلکہ اس کا مطلب ہے کہ نماز کے خشوع خضوع میں کمی آجاتی ہے اور نماز کی برکت ختم ہو جاتی ہے۔©اہل علم کے تیسرے گروہ نے حدیث کا ظاہری مفہوم مراد لیا کہ نماز باطل ہو جاتی ہے۔ ان کی دلیل یہ ہے کہ نماز کی برکت تو سترہ نہ ہونے کی صورت میں مرد کے گزرنے سے بھی ختم ہو جاتی ہے اور خشوع خضوع میں کمی آجاتی ہے اگر یہ بات نہ ہوتی تو پھر نمازی کے آگے سے گزرنے والے شخص کو سختی سے روکنے اور اسے گناہ گار کہنے کی کوئی وجہ نہیں تھی۔ لہٰذا ان تین چیزوں کا بطور خاص ذکر کرنا اپنے اندر ایک زائد مفہوم رکھتا ہے اور وہ یہ ہے کہ ان کے گزرنے سے نماز باطل ہو جاتی ہے اور دیگر چیزوں کے گزرنے سے خشوع خضوع میں کمی آجاتی ہے ورنہ یہ تحصیل حاصل ہوگی اور حصر بے معنی ہوگا جو رسول اللہ صلی اللہ علیہ وسلم سے ممکن نہیں۔ پھر اس موقف کی تائید سید نا ابو ذر رضی اللہ تعالیٰ عنہ کی حدیث کے ان الفاظ سے بھی ہوتی ہے جنھیں شیخ البانی رحمۃ اللہ علیہ نے الصحیحہ میں ذکر کیا ہے وہ الفاظ یہ ہیں:(تُعادُ الصلاةُ من ممرِّ الحمارِ، والمرأةِ، والكلبِ الأسودِ)"گدھے ، عورت اور سیاہ فام کتے کے گزرنے سے نماز لوٹائی جائے۔( سلسلۃ الاحدیث الصحیحہ للالبانی 7/959۔حدیث3323۔)یہی موقف صحابہ کرام رضوان اللہ عنھم اجمعین میں سے سیدنا انس رضی اللہ تعالیٰ عنہ ،سیدنا ابو ہریرہ رضی اللہ تعالیٰ عنہ ،سیدنا ابن عباس رضی اللہ تعالیٰ عنہ ، اور سیدنا ابن عمر رضی اللہ تعالیٰ عنہ وغیرہ کا ہے۔ تابعین میں سے حسن بصری ، ابو الاحوص اور آئمہ میں سے امام احمد رحمۃ اللہ علیہ اور متاخرین میں سے امام شوکانی رحمۃ اللہ علیہ اور شیخ البانی رحمۃ اللہ علیہ ان مذکورہ تین چیزوں کے نمازی کے آگے سے گزرنے پر نماز کے باطل ہونے کے قائل ہیں۔ مزید تفصیل کے لیے ملاحظہ فرمائیں(اصل صفۃ صلاۃ النبی :1/130۔ومحلیٰ ابن حزم 4/8وفتاوی الدین الخالص :3/581۔)یادر رہے !عورت سے مراد بالغ عورت ہے جیسا کہ دوسری روایت میں صراحت ہے واللہ اعلم۔اب یہ سوال پیدا ہوتا ہے کہ انھی تین چیزوں کے نمازی کے آگے سے گزرنے سے نماز کیوں باطل ہوتی ہے؟ اس کی سب سے بڑی وجہ اور حکمت یہ ہے کہ شارع رحمۃ اللہ علیہ نے انھی تین چیزوں کو خاص کیا ہے بعض علماء نے اس کی وجہ یہ بتائی ہے کہ یہ تینوں چیزیں وجود شیطان اور اس کی فتنہ انگیزی کی زیادہ گمان کی جاتی ہیں۔ دوسری چیزوں کی بہ نسبت ان تینوں سے نماز کے فاسد ہونے کا زیادہ امکان ہے۔ امام ترمذی نے حضرت عبد اللہ بن مسعود رضی اللہ تعالیٰ عنہ سے مرفوعاً روایت نقل کی ہے کہ عورت چھپانے کی چیز ہے چنانچہ جب یہ گھر سے باہر نکلتی ہے تو شیطان اس کی طرف جھانکتا ہے۔( جامع الترمذی الرضاع حدیث 1173۔)اور صحیح مسلم میں حضرت جابر رضی اللہ تعالیٰ عنہ سے مرفوعاً روایت ہے کہ عورت آتی ہے تو بصورت شیطان آتی ہے اور جب واپس جاتی ہے تب بھی شیطان کی صورت میں جاتی ہے۔( صحیح مسلم النکاح حدیث 3407(1403)) اور گدھے کی آواز کے متعلق وارد ہے کہ گدھا شیطان کو دیکھ کر آواز نکالتا ہے۔( سنن ابی داؤد الادب حدیث 5102۔) اور جہاں تک کتے کا تعلق ہے تو اس کے متعلق تو حدیث میں (الكلب الأسود شيطان)کی وضاحت موجود ہے مطلق کتے کی خباثت بھی جانی پہچانی ہے کہ جہاں کتا ہوتا ہے وہاں رحمت کے فرشتے داخل نہیں ہوتے ۔( صحیح اللباس والزینہ حدیث 5514۔(2106)) اور جس شخص نے ایسا کتا پالا جس کی شرع میں اجازت نہیں تو اس نے ہر روز اپنے اجرو ثواب میں سے دوقیراط کی کمی کر لی۔( صحیح البخاری الذبائح والصید حدیث5480۔5481۔5482۔) سترے کے متعلق کچھ اشکالات واعتراضات بھی پیش کیے جاتے ہیں جو جوابات سمیت حسب ذیل ہیں:©حضرت عبد اللہ بن عباس رضی اللہ تعالیٰ عنہ نے فرمایا:میں اور فضل ایک گدھی پر سوار ہو کر آئے۔ ہم رسول اللہ صلی اللہ علیہ وسلم کے سامنے سے گزرے جبکہ آپ میدان عرفہ میں فرض نماز پڑھ رہے تھے ۔ آپ کے اور ہمارے درمیان کوئی چیز بطور سترہ حائل نہ تھی۔( صحیح ابن خزیمہ:2/25۔)جواب:۔اس کی سند میں عبدالکریم بن المخارق راوی ضعیف ہے۔( تہذیب التہذیب:2/376۔)امام ابن خزیمہ رحمۃ اللہ علیہ نے اس حدیث پر بحث کر کے خود اسے ضعیف قراردیا ہے(صحیح ابن خزیمہ 2/28۔)مسند بزار کے حوالے سے حافظ ابن حجر رحمۃ اللہ علیہ نے مذکورہ روایت بایں الفاظ نقل کی ہے۔رسول اللہ صلی اللہ علیہ وسلم نماز پڑھ رہے تھے اور آپ کے آگے کوئی چیز بطور سترہ نہ تھی۔( فتح الباری:1/226۔) علامہ شوکانی رحمۃ اللہ علیہ نے اس حدیث کو بایں الفاظ نقل کیا ہے:آپ کے سامنے کوئی ایسی چیز سترہ نہ تھی جو ہمارے اور آپ کے درمیان حائل ہو۔( نیل الاوطار 3/12۔)اس کی سند میں بھی عبدالکریم بن ابی المخارق ہے جس کے متعلق پہلے بیان کیا جا چکا ہے جن حضرات نے اس کی تصحیح کی ہے انھوں نے اسے یعنی عبدالکریم بن ابی المخارق کو عبدالکریم الجزری خیال کیا ہے بفرض محال اگر یہ روایت ثابت بھی ہو جائے تو اس سے مطلق سترے کی نفی نہیں ہوتی جیسا کہ امام شوکانی رحمۃ اللہ علیہ لکھتے ہیں کہ حدیث مطلق طور پر سترے کی نفی نہیں کرتی بلکہ ایسے سترے کی نفی کرتی ہے جو لوگوں اور آپ کے درمیان حائل ہو جیسے بلند دیوار وغیرہ جو دونوں کے درمیان ایک دوسرے کو دیکھنے سے مانع ہو۔( نیل الاوطار 3/12۔)محدث عراقی نے بھی یہی موقف اختیار کیا ہے۔( مرعاۃ المفاتیح3/499۔) ©حضرت ابن عباس رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے کھلی فضا میں نماز پڑھی اور آپ کے سامنے کوئی چیز بطور سترہ نہ تھی۔( مسند احمد 1/224۔) جواب:۔اس کی سند مین حجاج بن ارطاۃ نامیراوی ضعیف ہے۔( مجمع الزوائد :2/66۔) مکمل بحث کے لیے مرعاۃ المفاتح (2/504)اور مسند ابی یعلی: (3/15)حدیث 2994کا مطالعہ کریں۔©حضرت فضل بن عباس رضی اللہ تعالیٰ عنہ کہتے ہیں: رسول اللہ صلی اللہ علیہ وسلم ہمارے پاس آئے اور ہم اپنی کھیتی میں تھے آپ کے ساتھ حضرت عباس رضی اللہ تعالیٰ عنہ بھی تھے۔ آپ نے صحرا میں نماز پڑھی۔ آپ کے سامنے سترہ نہیں تھا ۔ ہماری گدھی اور کتیا آپ کے سامنے کھیل رہی تھیں تو آپ نے اس کی کوئی پروا نہیں کی۔( سنن ابی داود الصلاۃ حدیث 718۔) جواب:۔اس روایت میں انقطاع ہے کیونکہ عباس بن عبید اللہ جو حضرت فضل رضی اللہ تعالیٰ عنہ سے بیان کرتے ہیں، انھوں نے اپنے چچا حضرت فضل بن عباس رضی اللہ تعالیٰ عنہ کونہیں پایا۔( مرعاۃالمفاتیح 2/504۔)البتہ حافظ ابن حجر رحمۃ اللہ علیہ نے اسے مقبول کہا ہے لیکن مقبول راوی کی روایت اس وقت قبول ہوتی ہے جب اس کی متابعت ہو لیکن اس روایت کی کوئی متابعت نہیں ہے۔©کثیر بن کثیر بن المطلب بن ابی وداعہ سے روایت ہے، انھوں نے اپنے کسی گھر والے سے سنا وہ اس کے دادا سے روایت کرتے ہیں کہ اس نے رسول اللہ صلی اللہ علیہ وسلم کو دیکھا آپ بنو سہم کے پاس نماز پڑھ رہے تھے اور لوگ آپ کے سامنے سے گزر رہے تھے آپ کے اور کعبے کے درمیان کوئی سترہ نہ تھا۔( مسند احمد 5/399۔) جواب:۔ یہ روایت بھی ضعیف ہے کیونکہ اس کی سند میں ایک راوی مجہول ہے کثیر نے یہ روایت اپنے باپ سے نہیں سنی بلکہ اس کے علاوہ کسی دوسرے شخص سے سنی ہے اور اس کا نام نہیں لیا جیسا کہ سوال کرنے پر خود کثیر نے بتایا۔ وہ کہتے ہیں: میں نے یہ روایت اپنے باپ سے تو نہیں سنی لیکن اپنے کسی گھر والے سے سن کر اپنے دادا سے روایت کی ہے(السنن الکبری للبیہقی 2/273۔)اس حدیث کے متعلق علامہ البانی مرحوم نے سیر حاصل بحث کی ہے۔( سلسلۃ الاحادیث الضعیفۃ 2/326۔) ©اس سلسلے میں صحیح بخاری کی ایک روایت بھی پیش کی جاتی ہے کہ رسول اللہ صلی اللہ علیہ وسلم نے منیٰ میں لوگوں کو دیوار کےبغیر نماز پڑھا رہے تھے۔( صحیح البخاری: الصلاۃ حدیث 493۔) اس روایت میں "بغیر دیوارکے"سے مراد بغیر سترہ ہے جیسا کہ امام شافعی رحمۃ اللہ علیہ اورامام بیہقی رحمۃ اللہ علیہ نے کہا ہے۔ اس کا مکمل جواب ہم آئندہ حدیث بخاری کی تشریح کرتے ہوئے پیش کریں گے اس مقام پر یہی کافی ہے کہ امام شافعی رحمۃ اللہ علیہ یا امام بیہقی رحمۃ اللہ علیہ کے بیان کردہ معنی امام بخاری رحمۃ اللہ علیہ کے موقف کے خلاف ہیں جس کی وضاحت آئندہ ہوگی۔الغرض نماز کے لیے سترہ ضروری ہے۔اس کے خلاف جو بھی روایات پیش کی جاتی ہیں وہ محدثین کے معیار صحت پر پوری نہیں اترتیں واللہ المستعان :۔ تراجم کے متعلق امام بخاری رحمۃ اللہ علیہ کا ایک اصول ہے کہ بعض اوقات اگر کوئی روایت دیگر کتب میں مروی ہو اور اس کا مضمون صحیح ہو تو اسے عنوان میں ذکر کر دیتے ہیں اور جن روایات کے مضامین صحیح نہ ہوں ان کی تردید فرماتے ہیں۔مذکورہ بالا عنوان بھی اسی قبیل سے ہے۔اس کے الفاظ ایک مرفوع روایت کے الفاظ ہیں جسے امام طبرانی نے(المعجم الاوسط 1/144حدیث 465) میں روایت کیا ہے لیکن سوید راوی کی وجہ سے یہ روایت ضعیف ہے۔ اسی طرح حضرت ابن عمر رضی اللہ تعالیٰ عنہ سے موقوف طور پر مذکورہ الفاظ مروی ہیں جسے امام عبدالرزاق نے اپنی مصنف (2/18)میں بیان کیا ہے بہر حال اس ضعیف روایت کا مضمون صحیح تھا اس لیے امام بخاری رحمۃ اللہ علیہ نے اس کی تائید میں روایت پیش کی ہیں امام بخاری رحمۃ اللہ علیہ یہ بیان کرنا چاہتے ہیں کہ دوران جماعت میں ہر شخص کو الگ الگ سترہ قائم کرنے کی ضرورت نہیں بلکہ امام کے لیے جو سترہ قائم کیا گیا ہے وہی مقتدیوں کے لیے کافی ہوگا البتہ مالکی حضرات کچھ تفصیل کرتے ہیں کہ مقتدیوں کا سترہ خود امام ہے اور امام کا سترہ وہ چیز ہے جو امام کے سامنے قائم کی جائے۔یہ فرق اس صورت میں واضح ہو گا کہ اگر نماز سترے کے بغیر ہو رہی ہو اور کوئی امام کے آگے سے گزر جائے تو جو لوگ امام کے سترے ہی کو مقتدیوں کا سترہ قراردیتے ہیں ان کے نزدیک امام اور مقتدیوں کی نماز متاثر ہوگی اورجو لوگ خود امام کو مقتدی حضرات کے لیے سترہ کہتے ہیں ان کے نزدیک امام کے آگے سے گزرنا خود امام کے لیے ضرررساں ہوگا۔مقتدی حضرات کو اس کا کوئی نقصان نہیں ہوگا امام بخاری رحمۃ اللہ علیہ کے نزدیک امام کا سترہ صرف امام ہی کا سترہ نہیں بلکہ مقتدیوں کا بھی سترہ ہے۔( فتح الباری:1/740۔)

صحیح بخاری کے بعض نسخوں میں ابواب السترۃ کے الفاظ ہیں اس بنا پر ہم سترے کی اہمیت وافادیت و جوب و فرضیت اور ایرادات واشکالات نیز اس سے متعلق دیگر مسائل کو یہاں تفصیل سے بیان کرتے ہیں امید ہے کہاس طرح امام بخاری رحمۃ اللہ علیہ کے موقف کو سمجھنے میں بھی آسانی رہے گی۔سترہ اس اوٹ کو کہتے ہیں جسے نمازی اپنے سامنے سے گزرنے والوں سے نماز کی حفاظت کے لیے قائم کر لیتا ہے تاکہ کسی کے سامنے سے گزرنے سے اس کی توجہ دوسری طرف مبذول نہ ہو نیز یہ ربط خیال کے لیے ہوتا ہے تاکہ اس کا خشوع متاثر نہ ہو اور اس کی توجہ بھی منتشر نہ ہو بلکہ مناجات الٰہیہ سے بندے اور اللہ کے درمیان جو تعلق قائم ہوتا ہے سترہ اس کی حفاظت کے لیے ہوتا ہے کیونکہ نماز اپنی نماز میں اللہ کے رو برو حاضر ہو کر اس سے مناجات کرتا ہے حدیث میں ہے رسول اللہ صلی اللہ علیہ وسلم نے فرمایا :"جب کوئی نماز پڑے تو اپنے سترے کے قریب ہو کر اسے ادا کرے مبادا شیطان اس کی نماز کو خراب کردے۔"( سنن ابی داؤد الصلاۃ حدیث 695۔)نمازی کے آگے سے گزرنے والے کو شریعت نے اس لیے شیطان کہا ہے کہ وہ اس طرح عبداور مولیٰ کے درمیان حائل ہو جاتا ہے۔شریعت نے اس مواجہت کو سترے کے ذریعت سے محصور کیا ہے تاکہ نمازی کے آگے سے گزرنے والوں کو پریشانی نہ ہو ۔چنانچہ انھیں حکم ہے کہ وہ سترے کے آگے سے گزریں اندر سے نہ گزریں اس کے متعلق سخت تنبیہ ہے اس کے باوجود اگر کوئی اس کی پروانہیں کرتا تو وہ یقیناً شیطان صفت انسان ہے جو عبداور مولیٰ کے متعلق کو قطع کرنا چاہتا ہے اگر نمازی اس سترے کا اہتمام نہ کرے تو وہ خود تعلقات الٰہیہ کو خراب کرنے کا باعث ہوگا اور اپنی نماز کے اجرو ثواب کو کم کرنے کا ذمے دار ہوگا۔ جب کہ حدیث میں ہے رسول اللہ صلی اللہ علیہ وسلم نے فرمایا:"تم میں سے کوئی سترے کے بغیر نماز نہ پڑھے بلکہ سترے کے قریب ہو کر کھڑا ہو۔ اور کسی کو اپنے آگے سے نہ گزرنے دے۔اگر کوئی (روکنے کے باوجود بزور)گزرنے کی کوشش کرے تو اسے سختی سے روکا جائے کیونکہ وہ شیطان ہے۔"( سنن ابن ماجہ ، اقامۃ الصلوات حدیث 954۔) نمازی کے آگے سے گزرنے والے کو شیطان اس لیے کہا گیا ہے کہ یہ شخص مناجات کے تعلق کو ختم کردیتا ہے جس طرح دو آدمی اپنے کسی پرائیوٹ معاملے میں سر گوشی کرتے ہیں اگر کوئی تیسرا غیر متعلق آدمی درمیان میں آگھسے تو یہی کہا جاتا ہے کہ اس نے ہماری بات کاٹ دی یا ختم کردی اسی طرح نمازی کی مناجات کا معاملہ ہے کہ اس کے آگے سے گزرنے والا مناجات کے تعلق کو ختم کردیتا ہے۔ان احادیث سے پتہ چلتا ہے کہ رسول اللہ صلی اللہ علیہ وسلم نے نمازی کو سترے کی طرف منہ کر کے نماز پڑھنے کا حکم دیا ہے اور بغیر سترے کے نماز پڑھنے سے منع کیاہے۔ واضح رہے کہ آپ کا امروجوب کے لیے اور نہی تحریم کے لیے ہے۔ہاں!اگر کوئی قرینہ ہوتو امر کو وجوب کے بجائے استحباب اور انہی کو تحریم کے بجائے تنزیہہ پر محمول کیا جا سکتا ہے لیکن یہاں کوئی ایسا قرینہ نہیں لہٰذا اس کا مطلب یہی ہے کہ نماز کے لیے سترہ بنانا واجب اور اس کے بغیر نماز ادا کرنا حرام ہے۔رسول اللہ صلی اللہ علیہ وسلم کی عملی زندگی سے بھی اسی موقف کی تائید ہوتی ہے کہ آپ نے سفر و حضر میں سترے کے ساتھ نماز پڑھنے پر ہمیشگی کی ہے چنانچہ حدیث میں ہے کہ آپ نماز عید کے لیے باہر نکلتے تو نماز کے وقت چھوٹے نیزے کو اپنے سامنے گاڑ دینے کا حکم دیتے۔ پھر آپ اس کی طرف منہ کر کے نماز پڑھتے دوسرے لوگ آپ کے پیچھے ہوتے دوران سفر میں بھی آپ ایسا کرتے تھے۔( صحیح البخاری،الصلاۃ حدیث 494۔) حضرت عائشہ رضی اللہ تعالیٰ عنہا کا بیان ہے کہ میں خود کو دیکھتی کہ چار پائی پر لیٹی ہوتی رسول اللہ صلی اللہ علیہ وسلم تشریف لاتے میری چار پائی کو اپنے اور قبلے کے درمیان کر لیتے پھر نماز پڑھتے میں اس حالت میں آپ کے سامنے لیٹے رہنے کو ناپسندکرتی تو چار پائی کی پائنتی کی طرف سےکھسک کر لحاف سے نکل جاتی۔( صحیح البخاری،الصلاۃ حدیث 508۔) اگر رسول اللہ صلی اللہ علیہ وسلم مسجد میں ہوتے تو مسجد کے کسی ستون کو آگے کرتے اور نماز پڑھتے چنانچہ حدیث میں ہے کہ حضرت سلمہ بن اکوع رضی اللہ تعالیٰ عنہ مسجد نبوی کے مصحف کے قریب والے ستون کے پاس نماز پڑھتے اور فرماتے میں نے رسول اللہ صلی اللہ علیہ وسلم کو دیکھا کہ وہ اس کے پاس قصداً نماز پڑھتے تھے۔( صحیح البخاری،الصلاۃ حدیث 502۔) دوران سفر میں اگر کوئی دیوار سامنے ہوتی تو اسے سترہ بنایا جاتا چنانچہ حدیث میں ہے کہ ایک دفعہ رسول اللہ صلی اللہ علیہ وسلم نے دیوار کی طرف منہ کر کے نماز پڑھی آپ نے اسے سترہ بنایا دوران نماز میں بکری کا ایک بچہ آیا جورسول اللہ صلی اللہ علیہ وسلم کے آگے سے گزرنے لگا۔ آپ اسے روکتے رہے حتی کہ آپ کا بطن مبارک دیوار کے ساتھ لگ گیا اور وہ بچہ آپ کے پیچھے سے گزرگیا۔( سنن ابی داؤد الصلاۃ حدیث 708۔)صحابہ کرام رضوان اللہ عنھم اجمعین کے آثار سے بھی سترے کی اہمیت کا پتہ چلتا ہے چنانچہ حضرت عمر رضی اللہ تعالیٰ عنہ نے کسی آدمی کو جو دو ستونوں کے درمیان نماز پڑھ رہا تھا ستون کے قریب کردیا اور فرمایا اس کی طرف منہ کر کے نماز پڑھ۔( صحیح البخاری تعلیقاً کتاب الصلاۃ باب الصلاۃ الی الاسطوائۃ (95)) حضرت ابن عمر رضی اللہ تعالیٰ عنہ کے متعلق حدیث میں ہے کہ وہ پالان کو اپنے اور قبلے کے درمیان کرتے اور اس کی طرف منہ کرکے نماز پڑھتے۔( المصنف لعبدالرزاق :2/10۔حدیث:2274۔)حضرت انس رضی اللہ تعالیٰ عنہ کے متعلق حدیث میں ہے کہ وہ مسجد حرام میں اپنی لاٹھی گاڑھ لیتے اور اس کی طرف منہ کر کے نماز پڑھتے۔( المصنف لا بن ابی شبہ 1/248۔) حضرت ابو سعید خدری رضی اللہ تعالیٰ عنہ کے متعلق ہے کہ وہ جمعے کے دن سترہ بنا کر نماز پڑھ رہے تھے کہ بنو ابی معیط کے ایک نوجوان نے ان کے آگے سے گزرنا چاہا تو حضرت ابو سعید خدری رضی اللہ تعالیٰ عنہ نے اسے روکا جب وہ آگے گزرنے سے باز نہ آیا تو آپ نے اسے سینے پر مارا۔( صحیح البخاری،الصلاۃ حدیث 509۔) حضرت انس بن مالک رضی اللہ تعالیٰ عنہ کہتے ہیں جب موذن اذان دیتا تو کبار صحابہ کرام رضوان اللہ عنھم اجمعین کھڑے ہو جاتے اور جلدی جلدی ستونوں کی طرف بڑھتے یہاں تک کہ رسول اللہ صلی اللہ علیہ وسلم تشریف لاتے اور وہ یعنی صحابہ کرام رضوان اللہ عنھم اجمعین اس طرح مغرب سے پہلے دورکعت ادا کررہے ہوتے۔( صحیح البخاری،الصلاۃ حدیث 625۔) حافظ ابن حجر رحمۃ اللہ علیہ لکھتے ہیں کہ صحابہ کرام رضوان اللہ عنھم اجمعین ستونوں کی طرف رخ اس لیے کرتے تھے تاکہ نماز کے لیے انھیں سترہ بنائیں کیونکہ وہ علیحدہ علیحدہ نماز پڑھتے تھے۔( فتح الباری:2/141۔) ان آثار سے معلوم ہوا کہ صحابہ کرام رضوان اللہ عنھم اجمعین نماز پڑھتے وقت سترے کا بہت اہتمام کرتے تھے۔ مسجد کے اندر بھی سترے کا اہتمام کرنا چاہتے کیونکہ احادیث کے عموم کا یہی تقاضا ہے۔ اس کے علاوہ متعدد صحابہ کرام رضوان اللہ عنھم اجمعین انفرادی نماز میں ستونوں کی طرف رخ کرتے ظاہر ہے کہ یہ اہتمام مسجد میں ہوتا تھا بلکہ رسول اللہ صلی اللہ علیہ وسلم کا بذات خود بھی یہی عمل تھا جیسا کہ صحیح بخاری کے باب الصلاۃ الی الاسطور ائۃ میں ہے پھر اہل علم کا اختلاف ہے کہ مسجد حرام میں سترہ ہونا چاہیے یا نہیں؟ اگر مسجد کے اندر بھی سترے کا اہتمام کرتے تھے چنانچہ حضرت نافع بیان کرتے ہیں کہ عبداللہ بن عمر رضی اللہ تعالیٰ عنہ جب کعبے کے اندر داخل ہوتے تو سیدھا منہ کر کے سامنے چلے جاتے اور کعبے کے دروازے کو پیٹھ کر کے آگے بڑھ جاتے حتی کہ وہ دیوار جو ان کے سامنے ہوتی تین ہاتھ کے قریب فاصلے پر رہ جاتی وہاں نماز پڑھتے اور اس جگہ کا قصد کرتے جس کے متعلق حضرت بلال رضی اللہ تعالیٰ عنہ نے انھیں بتایا تھا کہ یہاں رسول اللہ صلی اللہ علیہ وسلم نے نماز پڑھی تھی۔( صحیح البخاری،الصلاۃ حدیث 506۔) اب ہم سترے کے متعلق دیگر مسائل کا اختصار کے ساتھ تذکرہ کرتے ہیں۔© سترے کی جسامت :۔ کسی چیز کو سترہ بنانے کے لیے ضروری ہے کہ اس کی اونچائی پالان کی پچھلی لکڑی کے برابر ہو۔ حضرت عائشہ رضی اللہ تعالیٰ عنہا کا بیان ہے کہ غزوہ تبوک میں رسول اللہ صلی اللہ علیہ وسلم سے نمازی کے سترے کے متعلق دریافت کیا گیا تو آپ نے فرمایا :"پالان کی پچھلی لکڑی کی طرح۔"( صحیح مسلم ، الصلاۃ حدیث 1113۔(500)) مؤخر الرحل (پالان کی پچھلی لکڑی)کے متعلق امام نووی رحمۃ اللہ علیہ لکھتے ہیں کہ وہ بازو کی ہڈی کے برابر ہوتی ہے اور وہ ہڈی ہاتھ کے 2/3۔کے برابر ہے۔ ویسے کسی بھی چیز کواپنے سامنے کھڑا کر لیا جائے تو سترے کا مقصد حاصل ہو جائے گا۔( مسلم مع النووی 1/195۔)پالان کی لکڑی سے تشبیہ دینے سے مراد اس کی موٹائی نہیں بلکہ اونچائی ہے یعنی سترہ تقریباً سوافٹ اونچاہونا چاہیے ویسے اس کی موٹائی تیر کے برابر ہونی چاہیےجیسا کہ تیرکو سترہ بنانے کی حدیث پہلے گزر چکی ہے۔ اس سے یہ بھی معلوم ہوا کہ سترے کے لیے زمین پر خط کھینچنادرست نہیں۔ جن احادیث میں خط کھینچنے کا ذکر ہے وہ صحیح نہیں ہیں۔©سترے کے قریب کھڑے ہونا:۔جب آدمی نماز پڑھے تو اسے سترے کے قریب کھڑا ہونا چاہیے جیسا کہ حدیث میں ہے کہ جب تم میں سے کوئی نماز پڑھے تو اسے سترے کے قریب کھڑا ہونا چاہیے تاکہ شیطان اس کی نماز نہ توڑدے۔( سنن ابی داؤد الصلاۃ حدیث 695۔)بکری کے گزرنے اور تین ہاتھ کے فاصلے میں کوئی تضاد نہیں کیونکہ نمازی اور سترے کے درمیان کم ازکم فاصلہ بکری کے گزرنے جتنا اور زیادہ سے زیادہ تین ہاتھ ہونا چاہیے یہ بھی ہو سکتا ہے کہ سجدے کی حالت میں بکری کے گزرنے جتنا اور قیام کی حالت میں تین ہاتھ فاصلہ ہونا چاہیے۔جن چیزوں کے نمازی کے آگے گزرنے سے نماز ٹوٹ جاتی ہے:۔سترے کی مشروعیت کی حکمت یہ ہے کہ نمازی کے خشوع خضوع میں فرق نہ پڑے اور شیطان وسوسے ڈال کر نماز کا ثواب کم یا ضائع نہ کر دے۔ رسول اکرم صلی اللہ علیہ وسلم نے سترے کو شیطان سے بچاؤ کا ذریعہ قراردیا ہے اگر نمازی کے آگے سترہ موجود ہوتو سترے سے مادراء گزرنے والا کوئی بھی انسان یا حیوان انسان کے خشوع خضوع کو کم کرتا ہے نہ اس سے نماز ہی باطل ہوتی ہے اس بات پر اہل علم کا اجماع ہے۔ یہ بات بھی متفق علیہ ہے کہ امام کا سترہ مقتدیوں کے لیے کافی ہے ہر شخص کو نماز باجماعت میں الگ سے سترہ رکھنے کی ضرورت نہیں۔ رسول اکرم صلی اللہ علیہ وسلم نے سترہ رکھنے کا حکم دیا ہے۔سترہ نہ ہونے کی وجہ سے نماز کے خشوع خضوع اور ثواب میں کمی آجاتی ہے تاہم صحت نماز کے لیے ستر شرط نہیں حدیث ابو ذر رضی اللہ تعالیٰ عنہ میں بیان ہوا ہے کہ اگر کسی نے سترہ قائم نہ کیا یا اس کے اور سترے کے درمیان سے عورت ،گدھا یا کالا کتا گزرگیا تو نماز باطل ہو جاتی ہے۔ اس حدیث میں قطع صلاۃ کے مفہوم کے تعین میں اہل علم کے درمیان اختلاف ہے۔©اہل علم کے ایک گروہ نے قطع صلاۃ کے اس حکم کو منسوخ قراردیا ہے اور حدیث:(لاَ يَقْطَعُ الصَّلاةَ شَيْءٌ،)"نماز کوکوئی چیز قطع نہیں کرتی۔"( سنن ابی داؤد الصلاۃ حدیث 719۔)کو اس کا نسخ کہا ہے لیکن ان کا دعوائے تخ بلا دلیل ہے جیسا کہ امام نووی رحمۃ اللہ علیہ اور ابن حجر رحمۃ اللہ علیہ نے کہا ہے۔( المجموع 3/25۔) شیخ البانی رحمۃ اللہ علیہ نے حدیث(لاَ يَقْطَعُ الصَّلاةَ شَيْءٌ،)کو ضعیف قراردیا ہے اور قطع صلاۃ والی روایت کو صحیح قراردیا ہے لہٰذا تخ تو تب ثابت ہوگا جب دونوں روایات کو صحیح تسلیم کریں لیکن اگر اس حدیث کو صحیح بھی مان لیا جائے تب بھی تخ کی بجائے دونوں حدیثوں کے مابین تطبیق اور جمع کی صورت نکالیں گے جیسا کہ معروف قاعدہ ہے نصوص کے تعارض کی صورت میں اگر جمع ممکن ہو تو سب سے پہلے جمع کریں گے کہ مذکورہ حدیث کے منطوق کا لحاظ رکھتے ہوئے ہم کہیں گے کہ ان تین چیزوں کا حصر ہے کہ ان سے نماز ٹوٹ جاتی ہے اور باقی سے خشوع خضوع میں فرق آجاتا ہے۔ شیخ احمد محمد شاگرد رحمۃ اللہ علیہ نے محلی ابن حزم (1/14) کے حاشیہ میں تخ والا موقف اختیار کیا ہے لیکن جن روایات کو بنیاد بنایا ہے وہ ضعیف ہیں۔©اہل علم کے دوسرے گروہ کا کہنا ہے کہ مذکورہ حدیث میں قطع سے نماز کا باطل ہونا مراد نہیں بلکہ اس کا مطلب ہے کہ نماز کے خشوع خضوع میں کمی آجاتی ہے اور نماز کی برکت ختم ہو جاتی ہے۔©اہل علم کے تیسرے گروہ نے حدیث کا ظاہری مفہوم مراد لیا کہ نماز باطل ہو جاتی ہے۔ ان کی دلیل یہ ہے کہ نماز کی برکت تو سترہ نہ ہونے کی صورت میں مرد کے گزرنے سے بھی ختم ہو جاتی ہے اور خشوع خضوع میں کمی آجاتی ہے اگر یہ بات نہ ہوتی تو پھر نمازی کے آگے سے گزرنے والے شخص کو سختی سے روکنے اور اسے گناہ گار کہنے کی کوئی وجہ نہیں تھی۔ لہٰذا ان تین چیزوں کا بطور خاص ذکر کرنا اپنے اندر ایک زائد مفہوم رکھتا ہے اور وہ یہ ہے کہ ان کے گزرنے سے نماز باطل ہو جاتی ہے اور دیگر چیزوں کے گزرنے سے خشوع خضوع میں کمی آجاتی ہے ورنہ یہ تحصیل حاصل ہوگی اور حصر بے معنی ہوگا جو رسول اللہ صلی اللہ علیہ وسلم سے ممکن نہیں۔ پھر اس موقف کی تائید سید نا ابو ذر رضی اللہ تعالیٰ عنہ کی حدیث کے ان الفاظ سے بھی ہوتی ہے جنھیں شیخ البانی رحمۃ اللہ علیہ نے الصحیحہ میں ذکر کیا ہے وہ الفاظ یہ ہیں:(تُعادُ الصلاةُ من ممرِّ الحمارِ، والمرأةِ، والكلبِ الأسودِ)"گدھے ، عورت اور سیاہ فام کتے کے گزرنے سے نماز لوٹائی جائے۔( سلسلۃ الاحدیث الصحیحہ للالبانی 7/959۔حدیث3323۔)یہی موقف صحابہ کرام رضوان اللہ عنھم اجمعین میں سے سیدنا انس رضی اللہ تعالیٰ عنہ ،سیدنا ابو ہریرہ رضی اللہ تعالیٰ عنہ ،سیدنا ابن عباس رضی اللہ تعالیٰ عنہ ، اور سیدنا ابن عمر رضی اللہ تعالیٰ عنہ وغیرہ کا ہے۔ تابعین میں سے حسن بصری ، ابو الاحوص اور آئمہ میں سے امام احمد رحمۃ اللہ علیہ اور متاخرین میں سے امام شوکانی رحمۃ اللہ علیہ اور شیخ البانی رحمۃ اللہ علیہ ان مذکورہ تین چیزوں کے نمازی کے آگے سے گزرنے پر نماز کے باطل ہونے کے قائل ہیں۔ مزید تفصیل کے لیے ملاحظہ فرمائیں(اصل صفۃ صلاۃ النبی :1/130۔ومحلیٰ ابن حزم 4/8وفتاوی الدین الخالص :3/581۔)یادر رہے !عورت سے مراد بالغ عورت ہے جیسا کہ دوسری روایت میں صراحت ہے واللہ اعلم۔اب یہ سوال پیدا ہوتا ہے کہ انھی تین چیزوں کے نمازی کے آگے سے گزرنے سے نماز کیوں باطل ہوتی ہے؟ اس کی سب سے بڑی وجہ اور حکمت یہ ہے کہ شارع رحمۃ اللہ علیہ نے انھی تین چیزوں کو خاص کیا ہے بعض علماء نے اس کی وجہ یہ بتائی ہے کہ یہ تینوں چیزیں وجود شیطان اور اس کی فتنہ انگیزی کی زیادہ گمان کی جاتی ہیں۔ دوسری چیزوں کی بہ نسبت ان تینوں سے نماز کے فاسد ہونے کا زیادہ امکان ہے۔ امام ترمذی نے حضرت عبد اللہ بن مسعود رضی اللہ تعالیٰ عنہ سے مرفوعاً روایت نقل کی ہے کہ عورت چھپانے کی چیز ہے چنانچہ جب یہ گھر سے باہر نکلتی ہے تو شیطان اس کی طرف جھانکتا ہے۔( جامع الترمذی الرضاع حدیث 1173۔)اور صحیح مسلم میں حضرت جابر رضی اللہ تعالیٰ عنہ سے مرفوعاً روایت ہے کہ عورت آتی ہے تو بصورت شیطان آتی ہے اور جب واپس جاتی ہے تب بھی شیطان کی صورت میں جاتی ہے۔( صحیح مسلم النکاح حدیث 3407(1403)) اور گدھے کی آواز کے متعلق وارد ہے کہ گدھا شیطان کو دیکھ کر آواز نکالتا ہے۔( سنن ابی داؤد الادب حدیث 5102۔) اور جہاں تک کتے کا تعلق ہے تو اس کے متعلق تو حدیث میں (الكلب الأسود شيطان)کی وضاحت موجود ہے مطلق کتے کی خباثت بھی جانی پہچانی ہے کہ جہاں کتا ہوتا ہے وہاں رحمت کے فرشتے داخل نہیں ہوتے ۔( صحیح اللباس والزینہ حدیث 5514۔(2106)) اور جس شخص نے ایسا کتا پالا جس کی شرع میں اجازت نہیں تو اس نے ہر روز اپنے اجرو ثواب میں سے دوقیراط کی کمی کر لی۔( صحیح البخاری الذبائح والصید حدیث5480۔5481۔5482۔) سترے کے متعلق کچھ اشکالات واعتراضات بھی پیش کیے جاتے ہیں جو جوابات سمیت حسب ذیل ہیں:©حضرت عبد اللہ بن عباس رضی اللہ تعالیٰ عنہ نے فرمایا:میں اور فضل ایک گدھی پر سوار ہو کر آئے۔ ہم رسول اللہ صلی اللہ علیہ وسلم کے سامنے سے گزرے جبکہ آپ میدان عرفہ میں فرض نماز پڑھ رہے تھے ۔ آپ کے اور ہمارے درمیان کوئی چیز بطور سترہ حائل نہ تھی۔( صحیح ابن خزیمہ:2/25۔)جواب:۔اس کی سند میں عبدالکریم بن المخارق راوی ضعیف ہے۔( تہذیب التہذیب:2/376۔)امام ابن خزیمہ رحمۃ اللہ علیہ نے اس حدیث پر بحث کر کے خود اسے ضعیف قراردیا ہے(صحیح ابن خزیمہ 2/28۔)مسند بزار کے حوالے سے حافظ ابن حجر رحمۃ اللہ علیہ نے مذکورہ روایت بایں الفاظ نقل کی ہے۔رسول اللہ صلی اللہ علیہ وسلم نماز پڑھ رہے تھے اور آپ کے آگے کوئی چیز بطور سترہ نہ تھی۔( فتح الباری:1/226۔) علامہ شوکانی رحمۃ اللہ علیہ نے اس حدیث کو بایں الفاظ نقل کیا ہے:آپ کے سامنے کوئی ایسی چیز سترہ نہ تھی جو ہمارے اور آپ کے درمیان حائل ہو۔( نیل الاوطار 3/12۔)اس کی سند میں بھی عبدالکریم بن ابی المخارق ہے جس کے متعلق پہلے بیان کیا جا چکا ہے جن حضرات نے اس کی تصحیح کی ہے انھوں نے اسے یعنی عبدالکریم بن ابی المخارق کو عبدالکریم الجزری خیال کیا ہے بفرض محال اگر یہ روایت ثابت بھی ہو جائے تو اس سے مطلق سترے کی نفی نہیں ہوتی جیسا کہ امام شوکانی رحمۃ اللہ علیہ لکھتے ہیں کہ حدیث مطلق طور پر سترے کی نفی نہیں کرتی بلکہ ایسے سترے کی نفی کرتی ہے جو لوگوں اور آپ کے درمیان حائل ہو جیسے بلند دیوار وغیرہ جو دونوں کے درمیان ایک دوسرے کو دیکھنے سے مانع ہو۔( نیل الاوطار 3/12۔)محدث عراقی نے بھی یہی موقف اختیار کیا ہے۔( مرعاۃ المفاتیح3/499۔) ©حضرت ابن عباس رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے کھلی فضا میں نماز پڑھی اور آپ کے سامنے کوئی چیز بطور سترہ نہ تھی۔( مسند احمد 1/224۔) جواب:۔اس کی سند مین حجاج بن ارطاۃ نامیراوی ضعیف ہے۔( مجمع الزوائد :2/66۔) مکمل بحث کے لیے مرعاۃ المفاتح (2/504)اور مسند ابی یعلی: (3/15)حدیث 2994کا مطالعہ کریں۔©حضرت فضل بن عباس رضی اللہ تعالیٰ عنہ کہتے ہیں: رسول اللہ صلی اللہ علیہ وسلم ہمارے پاس آئے اور ہم اپنی کھیتی میں تھے آپ کے ساتھ حضرت عباس رضی اللہ تعالیٰ عنہ بھی تھے۔ آپ نے صحرا میں نماز پڑھی۔ آپ کے سامنے سترہ نہیں تھا ۔ ہماری گدھی اور کتیا آپ کے سامنے کھیل رہی تھیں تو آپ نے اس کی کوئی پروا نہیں کی۔( سنن ابی داود الصلاۃ حدیث 718۔) جواب:۔اس روایت میں انقطاع ہے کیونکہ عباس بن عبید اللہ جو حضرت فضل رضی اللہ تعالیٰ عنہ سے بیان کرتے ہیں، انھوں نے اپنے چچا حضرت فضل بن عباس رضی اللہ تعالیٰ عنہ کونہیں پایا۔( مرعاۃالمفاتیح 2/504۔)البتہ حافظ ابن حجر رحمۃ اللہ علیہ نے اسے مقبول کہا ہے لیکن مقبول راوی کی روایت اس وقت قبول ہوتی ہے جب اس کی متابعت ہو لیکن اس روایت کی کوئی متابعت نہیں ہے۔©کثیر بن کثیر بن المطلب بن ابی وداعہ سے روایت ہے، انھوں نے اپنے کسی گھر والے سے سنا وہ اس کے دادا سے روایت کرتے ہیں کہ اس نے رسول اللہ صلی اللہ علیہ وسلم کو دیکھا آپ بنو سہم کے پاس نماز پڑھ رہے تھے اور لوگ آپ کے سامنے سے گزر رہے تھے آپ کے اور کعبے کے درمیان کوئی سترہ نہ تھا۔( مسند احمد 5/399۔) جواب:۔ یہ روایت بھی ضعیف ہے کیونکہ اس کی سند میں ایک راوی مجہول ہے کثیر نے یہ روایت اپنے باپ سے نہیں سنی بلکہ اس کے علاوہ کسی دوسرے شخص سے سنی ہے اور اس کا نام نہیں لیا جیسا کہ سوال کرنے پر خود کثیر نے بتایا۔ وہ کہتے ہیں: میں نے یہ روایت اپنے باپ سے تو نہیں سنی لیکن اپنے کسی گھر والے سے سن کر اپنے دادا سے روایت کی ہے(السنن الکبری للبیہقی 2/273۔)اس حدیث کے متعلق علامہ البانی مرحوم نے سیر حاصل بحث کی ہے۔( سلسلۃ الاحادیث الضعیفۃ 2/326۔) ©اس سلسلے میں صحیح بخاری کی ایک روایت بھی پیش کی جاتی ہے کہ رسول اللہ صلی اللہ علیہ وسلم نے منیٰ میں لوگوں کو دیوار کےبغیر نماز پڑھا رہے تھے۔( صحیح البخاری: الصلاۃ حدیث 493۔) اس روایت میں "بغیر دیوارکے"سے مراد بغیر سترہ ہے جیسا کہ امام شافعی رحمۃ اللہ علیہ اورامام بیہقی رحمۃ اللہ علیہ نے کہا ہے۔ اس کا مکمل جواب ہم آئندہ حدیث بخاری کی تشریح کرتے ہوئے پیش کریں گے اس مقام پر یہی کافی ہے کہ امام شافعی رحمۃ اللہ علیہ یا امام بیہقی رحمۃ اللہ علیہ کے بیان کردہ معنی امام بخاری رحمۃ اللہ علیہ کے موقف کے خلاف ہیں جس کی وضاحت آئندہ ہوگی۔الغرض نماز کے لیے سترہ ضروری ہے۔اس کے خلاف جو بھی روایات پیش کی جاتی ہیں وہ محدثین کے معیار صحت پر پوری نہیں اترتیں واللہ المستعان :۔

تراجم کے متعلق امام بخاری رحمۃ اللہ علیہ کا ایک اصول ہے کہ بعض اوقات اگر کوئی روایت دیگر کتب میں مروی ہو اور اس کا مضمون صحیح ہو تو اسے عنوان میں ذکر کر دیتے ہیں اور جن روایات کے مضامین صحیح نہ ہوں ان کی تردید فرماتے ہیں۔مذکورہ بالا عنوان بھی اسی قبیل سے ہے۔اس کے الفاظ ایک مرفوع روایت کے الفاظ ہیں جسے امام طبرانی نے(المعجم الاوسط 1/144حدیث 465) میں روایت کیا ہے لیکن سوید راوی کی وجہ سے یہ روایت ضعیف ہے۔ اسی طرح حضرت ابن عمر رضی اللہ تعالیٰ عنہ سے موقوف طور پر مذکورہ الفاظ مروی ہیں جسے امام عبدالرزاق نے اپنی مصنف (2/18)میں بیان کیا ہے بہر حال اس ضعیف روایت کا مضمون صحیح تھا اس لیے امام بخاری رحمۃ اللہ علیہ نے اس کی تائید میں روایت پیش کی ہیں امام بخاری رحمۃ اللہ علیہ یہ بیان کرنا چاہتے ہیں کہ دوران جماعت میں ہر شخص کو الگ الگ سترہ قائم کرنے کی ضرورت نہیں بلکہ امام کے لیے جو سترہ قائم کیا گیا ہے وہی مقتدیوں کے لیے کافی ہوگا البتہ مالکی حضرات کچھ تفصیل کرتے ہیں کہ مقتدیوں کا سترہ خود امام ہے اور امام کا سترہ وہ چیز ہے جو امام کے سامنے قائم کی جائے۔یہ فرق اس صورت میں واضح ہو گا کہ اگر نماز سترے کے بغیر ہو رہی ہو اور کوئی امام کے آگے سے گزر جائے تو جو لوگ امام کے سترے ہی کو مقتدیوں کا سترہ قراردیتے ہیں ان کے نزدیک امام اور مقتدیوں کی نماز متاثر ہوگی اورجو لوگ خود امام کو مقتدی حضرات کے لیے سترہ کہتے ہیں ان کے نزدیک امام کے آگے سے گزرنا خود امام کے لیے ضرررساں ہوگا۔مقتدی حضرات کو اس کا کوئی نقصان نہیں ہوگا امام بخاری رحمۃ اللہ علیہ کے نزدیک امام کا سترہ صرف امام ہی کا سترہ نہیں بلکہ مقتدیوں کا بھی سترہ ہے۔( فتح الباری:1/740۔)

تمہید کتاب

×

(صلاۃ) کے لغوی معنی دعاواستغفار ہیں۔ارشاد باری تعالیٰ ہے: (خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ) (التوبۃ 103/9۔)"آپ ان کے اموال سے صدقہ لیجئے،انھیں پاک کیجئے اور اس کے ذریعے سے ان کا تزکیہ کیجئے  اور ان کے لیے دعا کیجئے۔"جب صلاۃ کی نسبت اللہ کی طرف ہوتو اس کے معنی  رحمت اور خیروبرکت ہوتے ہیں۔ارشاد باری تعالیٰ ہے:(هُوَ الَّذِي يُصَلِّي عَلَيْكُمْ) (الاحزاب 43/33۔) "وہی ہے(اللہ) جو تم پر اپنی رحمت نازل فرماتا ہے۔"شریعت میں صلاۃ ایک مخصوص عبادت کانام ہے جس کا آغاز تکبیر تحریمہ سے اور اختتام تسلیم سے ہوتا ہے ۔چونکہ یہ عبادت بندے کی طرف سے دعاؤں پر مشتمل ہوتی ہے اور اس کی ادائیگی پر اللہ کی رحمت کا نزول ہوتا ہے اس لیے اس عبادت کو سلاۃ سے موسوم کیاجاتا ہے۔دائرہ اسلام میں داخل ہونے کے بعد سب سے پہلے بندے کو اس عبادت کا مکلف ہوناپڑتا ہے اور قیامت کے دن بھی حقوق اللہ کی بابت سب سے پہلے اس کے متعلق ہی سوال ہوگا۔صلاۃ ،اللہ سے مناجات کا بہت بڑا ذریعہ ہے ،لہذا عبادات میں اسے مقدم رکھا جاتا ہے۔امام بخاری  رحمۃ اللہ علیہ  نے شرائط صلاۃ،یعنی طہارت صغریٰ،طہارت کبریٰ،پھر طہارت مائیہ(وضو) اور طہارت ترابیہ(مسح) سے فراغت کے بعد مشروط،جو کہ اصل مقصود ہے،اسے بیان فرمایا ہے۔طہارت ،نماز کے لیے شرط ہے اور وسیلے میں چونکہ مشروط پر شرط اور مقصود پروسیلہ مقدم ہوتا ہے اس لیے شرط اور وسیلے کے بعدمشروط اورمقصود کو بیان کیاجارہا ہے۔امام بخاری رحمۃ اللہ علیہ  نے کتاب ا لصلاۃ کاآغاز اس کی فرضیت کے بیان سے کیا ہے،یعنی فرضیت صلاۃ کہاں ،کب اور کیسے ہوئی اور کس شان سے ہوئی؟اس کے بعد آداب صلاۃ بیان کیے ہیں جو چار حصوں میں مشتمل ہیں:ستر العورۃ،استقبال قبلہ،احکام مساجد اور مسائل سترہ،وغیرہ۔نماز کی فرضیت کے لیے رسول اللہ صلی اللہ علیہ وسلم  کو بطورمہمان اللہ تعالیٰ نے اپنے پاس بلایا۔چونکہ میزبان کی طرف سے اپنے معزز مہمان کو کچھ نہ کچھ پیش کیا جاتا ہے،اسی طرح شب معراج میں آپ کو صلاۃ کا تحفہ پیش کیا گیا تاکہ اس کے ذریعے سے جب بھی بندہ اپنے آقا کے حضورحاضری دینا چاہے،دےسکے۔امام بخاری  رحمۃ اللہ علیہ  نے اس مناسبت سے حدیث معراج کو بیان فرمایا ،پھر آداب صلاۃ کے سلسلے میں سرفہرست سترعورۃ کا مسئلہ ہے کیونکہ برہنگی تو ویسے ہی اللہ کو پسند نہیں چہ جائیکہ راز ونیاز کے وقت اسے اختیار کیاجائے،اس لیے جسم کے قابل سترحصے اور ان کی حدود وقیود کو بیان کیا۔قابل سترحصے کو ڈھانپنے کے لیے نہ تو کپڑوں کی تعداد درکارہوتی ہے اور نہ کسی خاص نوعیت کے کپڑوں ہی کی ضرورت ،اس مناسبت سے نماز میں مرد اورعورت کے لیے لباس کی اہمیت اور اس سے متعلقہ ہدایات ذکر کیں،پھر متعلقات لباس جوتے اورموزے پہن کر نماز ادا کرنا،ان کے متعلق شرعی ضابطہ ذکر کیا،پھر اس بات کا ذکر کیا کہ نماز کے لیے خاص جگہ کا انتخاب ضروری نہیں کہ وہ سطح زمین ہو بلکہ چھت ،منبر،چٹائی ،تختہ،بوریا،بستر اور دری یا قالین وغیرہ پر ادا کی جاسکتی ہے۔نماز کی ایک اہم شرط استقبال قبلہ ہے۔اس کی اہمیت وفضیلت ،عین قبلہ،جہت قبلہ ،تحری قبلہ کے مسائل،پھر اس مناسبت سے یہ وضاحت کہ اگر نمازی کا مقصد اللہ تعالیٰ کی رضا ہے تو قبلے کی جانب اس کے سامنے آگ یا جلتاہوا تنور ہونانماز کے منافی نہیں۔چونکہ استقبال قبلہ جگہ کا تقاضا کرتا ہے اس لحاظ سے آداب مساجد کا ذکر فرمایا اس میں فضیلت بنائے مسجد،اہمیت مسجد ،حفاظت  مسجد ،نظافت مسجد،آداب دخول وخروج مسجد،مسجد میں سونا،فیصلے کرنا،اس کے ستونوں کے ساتھ قیدی باندھنا اور مسجد سے متعلقہ مکروہات ومباحات کی تفصیل ،کون سی جگہ نماز کے قابل نہیں اور نماز کہاں ادا کی جائے،اسے بیان فرمایا۔پھر اسے مناسبت سے مکے اور مدینے کے درمیان رسول اللہ صلی اللہ علیہ وسلم  نے دوران سفر میں جہاں جہاں نماز پڑھی تھی،وہاں تعمیر کردہ تاریخی مساجد کا تذکرہ کیا ہے۔آخر میں سترے کے احکام بیان کیے ہیں،یعنی سترہ امام کی حیثیت ،سترے کی مقدار،نمازی اور سترے کے درمیان فاصلہ ،کون کون سی چیز کو سترہ بنایا جاسکتا ہے،مسجد حرام میں سترہ ستونوں کے درمیان اور ان کے پیچھے نماز کی ادائیگی اور اس کی شرعی حیثیت ،نمازی کے آگے سے گزرنا اور اس کی سنگینی۔ابواب سترہ میں اس بات کو خاص طور پر بیان کیاگیا ہے کہ اگرعورت نماز میں سترے کی جگہ ہوتو اس میں کوئی مضائقہ نہیں،پھر اس مناسبت سے چند ابواب عورت کے متعلق منعقد کیے تاکہ نماز کے متعلق عورت کے معاملے میں تشدد سے کام نہ لیاجائے جیسا کہ بعض حضرات اس کے فاعل وقائل ہیں۔دوران نماز میں اسے چھونے سے اگرنماز ختم نہیں ہوتی تو اسے سترہ بنانے میں کیا حرج ہے۔امام بخاری  رحمۃ اللہ علیہ  نے صلاۃسے متعلقہ ڈھیروں مسائل بیان کرنے کے لیے ایک سو سےزیادہ چھوٹے چھوٹے عنوان قائم کیے ہیں جن سے آپ کی دقت نظر اور جلالت قدر کا اندازہ ہوتا ہے۔ان مسائل کو ثابت کرنے کے لیے  171 مرفوع احادیث بیان کی ہیں جن میں 51مکرر ہیں۔اس کے معلقات 33 اور موقوف آثار کی تعداد 34 ہے۔اس  طرح امام بخاری  رحمۃ اللہ علیہ  نے اس کتاب میں متعدد حقائق ومعارف سے پردہ اٹھایا ہے۔ہماری ان معروضات کو سامنے رکھتے ہوئے کتاب الصلاۃ کا مطالعہ کریں اور اپنے قلب وذہن کو قرآن وحدیث سے جلا بخشیں۔اللہ تعالیٰ ہم سب کاحامی وناصر ہو اور ہمیں کتاب وسنت کے مطابق زندگی بسر کرنے کی توفیق دے۔آمین۔

تمہید باب عربی

×

تمہید کتاب عربی

×