جامع ترمذی: كتاب: جنازے کے احکام ومسائل (باب: اس شخص کے ثواب کا بیان جس نے کوئی لڑکا ذخیرہ آخرت کے طورپرپہلے بھیج دیا ہو​)

ترجمۃ الباب:

1061.

عبداللہ بن مسعود ؓ کہتے ہیں کہ رسول اللہ ﷺ نے فرمایا: ’’جس نے تین بچوں کو (لڑکے ہوں یا لڑکیاں) بطورذخیرۂ آخرت کے آگے بھیج دیا ہو، اور وہ سنِ بلوغت کونہ پہنچے ہوں تو وہ اس کے لیے جہنم سے بچانے کا ایک مضبوط قلعہ ہوں گے‘‘۔ اس پرابوذر ؓ نے عرض کیا: میں نے دوبچے بھیجے ہیں؟ آپﷺ نے فرمایا: ’’دو بھی کافی ہیں‘‘۔ توابی بن کعب سید القراء ۱؎ ؓ نے عرض کیا: میں نے ایک ہی بھیجا ہے؟ تو آپﷺ نے فرمایا: ’’ایک بھی کافی ہے۔ البتہ یہ قلعہ اس وقت ہوں گے جب وہ پہلے صدمے کے وقت یعنی مرنے کے ساتھ ہی صبر کرے‘‘۔
امام ترمذی کہتے ہیں:
۱۔ یہ حدیث غریب ہے۔
۲۔ ابوعبیدہ نے اپنے والدعبداللہ بن مسعود ؓ سے نہیں سُنا ہے۔