جامع ترمذی: كتاب: جہاد کے احکام ومسائل (باب: میدان جنگ سے فرارہونے کا بیان​)

ترجمۃ الباب:

1716.

عبداللہ بن عمر ؓ کہتے ہیں: رسول اللہ ﷺ نے ہم کو ایک سریہ میں روانہ کیا ، (پھر ہم) لوگ لڑائی سے بھاگ کھڑے ہوئے، مدینہ آئے تو شرم کی وجہ سے چھپ گئے اورہم نے کہا: ہلاک ہوگئے، پھر رسول اللہ ﷺ کی خدمت میں حاضرہوئے اورعرض کیا : اللہ کے رسول! ہم بھگوڑے ہیں، آپﷺ نے فرمایا: ’’بلکہ تم لوگ پیچھے ہٹ کر حملہ کرنے والے ہو اور میں تمہارا پشت پناہ ہوں‘‘۔
امام ترمذی کہتے ہیں:
۱۔ یہ حدیث حسن ہے ، ہم اسے صرف یزید بن ابی زیاد کی روایت سے جانتے ہیں۔
۲۔ ’’فحاص الناس حيصة‘‘ کا معنی یہ ہے کہ لوگ لڑائی سے فرارہوگئے۔
۳۔ اور’’بل أنتم العكارون‘‘ اس کو کہتے ہیں: جوفرارہوکراپنے امام (کمانڈر) کے پاس آجائے تاکہ وہ اس کی مدد کرے نہ کہ لڑائی سے فرارہونے کا ارادہ رکھتا ہو۔