جامع ترمذی: كتاب: قرآن کریم کی تفسیر کے بیان میں (باب: سورہ مجادلہ سے بعض آیات کی تفسیر​)

ترجمۃ الباب:

3301.

انس ابن مالک ؓ کہتے ہیں: ایک یہودی نے نبی اکرمﷺ اور آپﷺ کے صحابہ کے پاس آ کر کہا: (السَّامُ عَلَیکُم) (تم پر موت آئے) لوگوں نے اسے اس کے (سام) کا جواب دیا، نبی اکرمﷺنے لوگوں سے پوچھا: ’’کیا تم جانتے ہو اس نے کیا کہا ہے؟‘‘ لوگوں نے کہا: اللہ اور اس کے رسول زیادہ بہتر جانتے ہیں، اے اللہ کے نبیﷺ! اس نے تو سلام کیا ہے، آپﷺ نے فرمایا: ’’نہیں، بلکہ اس نے تو ایسا ایسا کہا ہے، تم لوگ اس (یہودی)کولوٹا کرمیرے پاس لاؤ‘‘، لوگ اس کو لوٹا کر لائے، آپﷺ نے اس یہودی سے پوچھا:  تو نے (السَّامُ عَلَیکُم) کہا ہے؟‘‘ اس نے کہا: ہاں، نبی اکرمﷺنے اسی وقت سے یہ حکم صادر فرمایا دیا کہ ’’جب اہل کتاب میں سے کوئی تمہیں سلام کرے تو تم اس کے جواب میں (عَلَْیكَ مَاقُلْتَ) (جو تم نے کہا وہی تمہارے لیے بھی ہے) کہہ دیا کرو‘‘، اور آپﷺ نے یہ آیت پڑھی ﴿وَإِذَا جَائُوكَ حَيَّوْكَ بِمَا لَمْ يُحَيِّكَ بِهِ اللَّهُ﴾۱؎۔
امام ترمذی کہتے ہیں: یہ حدیث حسن صحیح ہے۔