جامع ترمذی: كتاب: نکاح کے احکام ومسائل (باب: عزل کی کراہت کا بیان​)

ترجمۃ الباب:

1138.

ابوسعید خدری ؓ کہتے ہیں کہ رسول اللہ ﷺ کے پاس عزل کا ذکر کیاگیا تو آپﷺ نے فرمایا: ’’تم میں سے کوئی ایسا کیوں کرتا ہے؟‘‘ ابن ابی عمر نے اپنی حدیث میں یہ اضافہ کیا ہے: ' اور آپ نے یہ نہیں کہا کہ ’’تم میں سے کوئی ایسا نہ کرے‘‘، اور ان دونوں نے اپنی حدیث میں یہ بھی کہا ہے کہ ’’جس جان کوبھی اللہ کو پیدا کرنا ہے وہ اسے پیدا کر کے ہی رہے گا‘‘۔
امام ترمذی کہتے ہیں:
۱۔ ابوسعیدخدری ؓ کی حدیث حسن صحیح ہے۔
۲۔ یہ اس کے علاوہ اوربھی طرق سے ابوسعید خدری ؓ سے مروی ہے۔
۳۔ ا س باب میں جابر ؓ سے بھی روایت ہے۔
۴۔ صحابہ کرام وغیرہم میں سے اہل علم کی ایک جماعت نے عزل کو مکروہ قراردیا ہے۔