اذن  بالکسر دستوری اور جاننا عرب کہتا ہے فَعَلَه باذنى یعنی یہ کام اس نےمیری اجازت اور حکم سے کیا۔ اور عرب کہتا ہے۔أذِنَ بِالشّئِ إِذْ ناً وَإِذْناً وَاذَإناً  وأأذَانَةً  یعنی آگاہ خبر دار ہو اس چیزسے اور اسی سے ہے قول اللہ تعالیٰ کا (فَأْذَنُوا بِحَرْبٍ مِنَ اللَّهِ وَرَسُولِهِ)یعنی خبردار اور آگاہ  رہو اور  ہوشیار ہو جاؤ اللہ اور رسول  سے  لڑنے کو۔ أذِنَ لَهُ فِی لشّئِ إِذْ ناً وَأذِیْناً،اجازت اور دستوری دی اس کو فلاں چیز کی اور فلانے کام کی اور  ائذن لى على الامير یعنی اجازت دے مجھے امیر کے پاس جانے کی اور اس پر داخل ہوتے کی اور اسی سے ہے استئذان یعنی دستوری اور اجازت چاہنا اور مراداس مقام میں  یہ ہے کہ قادم جب دروازہ پر آئے بغیر اجازت گھر میں نہ جائے اور یہ امر منصوص ہے کہ تفصیل اس کی ضمن ابواب میں مذکور ہے اور آداب جمع ہے ادب کی اور ادب بالفتح شگفت اور عجب ،اور بفتحین زیر کی اور نگاہ  رکھنا ہر چیز کی حد کا اور ظاہر ہے کہ یہاں معنی طعام دعوت چنانچہ حدیث میں آیا ہے ’’وَجَعَلََ فِيْهَا مأذدُبَتهً‘‘یعنی تیار کیا اس میں ایک طعام دعوت کا ۔اور یہاں مراد ہے نگہداشت حدودِ شرعیہ اور حفاظت سنت سنیہ، نشست و بر خاست و عادات وغیرہا میں کہ تفصیل اس کی ضمن ابواب میں مذکور ہے ۔