جامع ترمذی: كتاب: قرآن کریم کی تفسیر کے بیان میں (باب: سورہ شعراء سے بعض آیات کی تفسیر​)

ترجمۃ الباب:

3184.

ام المومنین عائشہ‬ ؓ ک‬ہتی ہیں: جب یہ آیت ﴿وَأَنْذِرْ عَشِيرَتَكَ الأَقْرَبِينَ﴾۱؎ نازل ہوئی تو نبی اکرمﷺ نے فرمایا: ’’اے صفیہ بنت عبدالمطلب، اے فاطمہ بنت محمد، اے بنی عبدالمطلب : سن لو میں اللہ سے متعلق معاملات میں تمہاری کچھ بھی حمایت، مدد وسفارش نہیں کر سکتا، ہاں (اس دنیا میں) میرے مال میں سے جو چاہو مانگ سکتے ہو‘‘۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اسی طرح روایت کی ہے وکیع اور کئی راویوں نے ہشام بن عروہ سے، ہشام نے اپنے باپ سے اورعروہ نے عائشہ سے محمد بن عبدالرحمن طفاوی کی حدیث کی مانند۔
۳۔ اور بعض راویوں نے ہشام بن عروہ سے، ہشام نے اپنے باپ عروہ سے اورعروہ نے نبی اکرمﷺسے مرسلاً روایت کی ہے اورا س سند میں عائشہ‬ ؓ ک‬ا ذکر نہیں کیا۔
۴۔ اس باب میں علی اور ابن عباس ؓ سے بھی احادیث آئی ہیں۔