جامع ترمذی: كتاب: حج کے احکام ومسائل (باب: طواف افاضہ کے بعدعورت کو حیض آ جائے توکیا ہوگا؟​)

ترجمۃ الباب:

943. ام المومنین عائشہ‬ ؓ ک‬ہتی ہیں کہ میں نے رسول اللہﷺ سے ذکر کیا کہ صفیہ بنت حیی منیٰ کے دنوں میں حائضہ ہوگئی ہیں، آپ نے پوچھا:' کیا وہ ہمیں (مکے سے روانہ ہونے سے ) روک دے گی؟' لوگوں نے عرض کیا: وہ طواف افاضہ کرچکی ہیں، تورسول اللہﷺ نے فرمایا: 'تب تو کوئی حرج نہیں'۔ امام ترمذی کہتے ہیں: ۱- ام المومنین عائشہ‬ ؓ ک‬ی حدیث حسن صحیح ہے،۲- اس باب میں ابن عمر اور ابن عباس ؓم سے بھی احادیث آئی ہیں، ۳- اہل علم کا اسی پرعمل ہے کہ عورت جب طواف زیارت کرچکی ہو اور پھر اسے حیض آجائے تو وہ روانہ ہوسکتی ہے، طوافِ وداع چھوڑ دینے سے اس پرکوئی چیز لازم نہیں ہوگی۔ یہی سفیان ثوری ، شافعی ، احمد اور اسحاق بن راہویہ کابھی قول ہے۔