سنن ابن ماجہ: کتاب: نماز کی اقامت اور اس کا طریقہ (باب: نماز میں بھول واقع ہو جانے کا بیان)

ترجمۃ الباب:

1203.

حضرت عبداللہ بن مسعود ؓ سے روایت ہے انہوں نے فرمایا: رسول اللہ ﷺ نے نماز پڑھائی، اس میں (بھول کر) کمی بیشی ہوگئی۔ ابراہیم نخعی رحمۃ اللہ علیہ نے کہا: وہم مجھے ہوا ہے (یاد نہیں رہا کہ استاد محترم علقمہ رحمۃ اللہ علیہ نے کمی کا لفظ فرمایا تھا یا زیادتی کا) عرض کیا گیا: اے اللہ کے رسول! کیا نماز میں کچھ اضافہ ہو گیا ہے؟ آپ نے فرمایا: میں ایک انسان ہی ہوں، جس طرح تم بھول جاتے ہو، (کبھی کبھار) میں بھی بھول جاتا ہوں تو جب کسی سے بھول ہو جائے تو بیٹھے بیٹھے دو سجدے کر لیا کرے۔‘‘ پھر نبی ﷺ نے (قبلے کی طرف) منہ پھیرا اور دو سجدے کیے۔