سنن ابو داؤد: کتاب: وتر کے فروعی احکام و مسائل (باب: قرآن مجید سات حروف پر اتارا گیا ہے)

ترجمۃ الباب:

1478.

سیدنا ابی بن کعب ؓ سے مروی ہے کہ نبی کریم ﷺ قبیلہ بنی غفار کے تالاب کے پاس تھے کہ آپ ﷺ پر جبرائیل ؑ نازل ہوئے اور فرمایا بیشک اللہ تعالیٰ آپ کو یہ حکم دیتا ہے کہ اپنی امت کو ایک حرف پر قرآن پڑھائیں۔ آپ ﷺ نے کہا: ”میں اللہ عزوجل سے عفو و مغفرت کا سائل ہوں، کیونکہ میری امت اس کی طاقت نہیں رکھتی۔“ پھر جبرائیل ؑ دوسری بار آئے اور پہلے کی مانند ذکر کیا، حتیٰ کہ سات حرفوں تک پہنچے۔ فرمایا اللہ آپ کو حکم دیتا ہے کہ اپنی امت کو (کلام اللہ) سات حرفوں پر پڑھائیں، جس حرف پر بھی وہ پڑھیں گے، صحیح ہو گا۔