التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْجَنَّةِ وَصِفَةِ نَعِيمِهَا وَأَهْلِهَا (بَابُ عَرْضِ مَقْعَدِ الْمَيِّتِ مِنَ الْجَنَّةِ أَوِ النَّارِ عَلَيْهِ، وَإِثْبَاتِ عَذَابِ الْقَبْرِ وَالتَّعَوُّذِ مِنْهُ)

حکم : أحاديث صحيح مسلم كلها صحيحة 

2873. حَدَّثَنِي إِسْحَقُ بْنُ عُمَرَ بْنِ سَلِيطٍ الْهُذَلِيُّ حَدَّثَنَا سُلَيْمَانُ بْنُ الْمُغِيرَةِ عَنْ ثَابِتٍ قَالَ قَالَ أَنَسٌ كُنْتُ مَعَ عُمَرَ ح و حَدَّثَنَا شَيْبَانُ بْنُ فَرُّوخَ وَاللَّفْظُ لَهُ حَدَّثَنَا سُلَيْمَانُ بْنُ الْمُغِيرَةِ عَنْ ثَابِتٍ عَنْ أَنَسِ بْنِ مَالِكٍ قَالَ كُنَّا مَعَ عُمَرَ بَيْنَ مَكَّةَ وَالْمَدِينَةِ فَتَرَاءَيْنَا الْهِلَالَ وَكُنْتُ رَجُلًا حَدِيدَ الْبَصَرِ فَرَأَيْتُهُ وَلَيْسَ أَحَدٌ يَزْعُمُ أَنَّهُ رَآهُ غَيْرِي قَالَ فَجَعَلْتُ أَقُولُ لِعُمَرَ أَمَا تَرَاهُ فَجَعَلَ لَا يَرَاهُ قَالَ يَقُولُ عُمَرُ سَأَرَاهُ وَأَنَا مُسْتَلْقٍ عَلَى فِرَاشِي ثُمَّ أَنْشَأَ يُحَدِّثُنَا عَنْ أَهْلِ بَدْرٍ فَقَالَ إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يُرِينَا مَصَارِعَ أَهْلِ بَدْرٍ بِالْأَمْسِ يَقُولُ هَذَا مَصْرَعُ فُلَانٍ غَدًا إِنْ شَاءَ اللَّهُ قَالَ فَقَالَ عُمَرُ فَوَالَّذِي بَعَثَهُ بِالْحَقِّ مَا أَخْطَئُوا الْحُدُودَ الَّتِي حَدَّ رَسُولُ اللَّهِ صَلَّى اللَّهُ عَلَيْهِ وَسَلَّمَ قَالَ فَجُعِلُوا فِي بِئْرٍ بَعْضُهُمْ عَلَى بَعْضٍ فَانْطَلَقَ رَسُولُ اللَّهِ صَلَّى اللَّهُ عَلَيْهِ وَسَلَّمَ حَتَّى انْتَهَى إِلَيْهِمْ فَقَالَ يَا فُلَانَ بْنَ فُلَانٍ وَيَا فُلَانَ بْنَ فُلَانٍ هَلْ وَجَدْتُمْ مَا وَعَدَكُمْ اللَّهُ وَرَسُولُهُ حَقًّا فَإِنِّي قَدْ وَجَدْتُ مَا وَعَدَنِي اللَّهُ حَقًّا قَالَ عُمَرُ يَا رَسُولَ اللَّهِ كَيْفَ تُكَلِّمُ أَجْسَادًا لَا أَرْوَاحَ فِيهَا قَالَ مَا أَنْتُمْ بِأَسْمَعَ لِمَا أَقُولُ مِنْهُمْ غَيْرَ أَنَّهُمْ لَا يَسْتَطِيعُونَ أَنْ يَرُدُّوا عَلَيَّ شَيْئًا

مترجم:

2873.

سلیمان بن مغیرہ نے کہا: ہمیں ثابت نے حضرت انس بن مالک رضی اللہ تعالیٰ عنہ سے حدیث بیان کی، انھوں نے کہا: ہم حضرت عمر رضی اللہ تعالیٰ عنہ کے ہمراہ مکہ اور مدینہ کے درمیان تھے تو ہم نے پہلی کا چاند دیکھنے کی کوشش کی، میں تیز نظر انسان تھا میں نے چاند کو دیکھ لیا۔ میرے علاوہ اور کوئی نہیں تھا جس کا خیال ہو کہ اس نے اسے دیکھ لیا ہے۔(حضرت انس رضی اللہ تعالیٰ عنہ نے) کہا: پھر میں حضرت عمر رضی اللہ تعالیٰ عنہ سے کہنے لگا: کیا آپ دیکھ نہیں رہے؟ چنانچہ انھوں نے اسے دیکھنا چھوڑ دیا کہا: حضرت عمر رضی اللہ تعالیٰ عنہ کہہ رہے تھے عنقریب میں اپنے بستر پر لیٹا ہوں گا تو اسے دیکھ لوں گا، پھر انھوں نے ہم سے اہل بدرکا واقعہ بیان کرنا شروع کر دیا۔ انھو ں نے کہا: رسول اللہ ﷺ ایک دن پہلے ہمیں بدر (میں قتل ہونے) والوں کے گرنے کی جگہیں دکھا رہے تھے آپ ﷺ فرما رہے تھے۔ ’’ان شاء اللہ! کل فلاں کے قتل ہونے کی جگہ یہ ہوگی۔‘‘ کہا: توحضرت عمر رضی اللہ تعالیٰ عنہ نے کہا: اس ذات کی قسم جس نے آپ ﷺ کو حق کے ساتھ بھیجا !وہ لوگ ان جگہوں کے کناروں سے ذرا بھی ادھر اُدھر (قتل) نہیں ہوئے تھے جن کی نشاندہی رسول اللہ ﷺ نے کی تھی۔ (حضرت عمر رضی اللہ تعالیٰ عنہ نے) کہا: پھر ان (کی لاشوں) کو ایک دوسرے کے اوپر کنویں میں ڈال دیا گیا تو رسول اللہ ﷺ چل کر ان کے پاس پہنچے اور فرمایا: ’’اے فلاں بن فلاں اور اے فلاں فلاں بن فلاں! کیا تم نے اللہ اور اس کے رسول سے کیے ہوئے وعدے کو سچا پایا؟ بلاشبہ میں نے اس وعدے کو بالکل سچا پایا ہے جو اللہ نے میرے ساتھ کیا تھا۔‘‘ حضرت عمر رضی اللہ تعالیٰ عنہ نے کہا: اللہ کے رسول اللہ ﷺ! آپ ان جسموں سے کیسے بات کر رہے ہیں جن میں روحیں نہیں ہیں۔؟ آپ ﷺ نے فرمایا: ’’میں جو کچھ کہہ رہا ہوں تم لوگ اس کو ان سے زیادہ سننے والے نہیں ہو۔ مگر وہ میری بات کا کوئی جواب دینے کی طاقت نہیں رکھتے۔‘‘

×
حدیث ترجمہ:

انس بن مالک رضی اللہ تعالی عنہ بیان کرتے ہیں کہ ہم حضرت عمر رضی اللہ تعالی عنہ کے ساتھ مکہ اور مدینہ کے درمیان تھے، ہم نے چاند دیکھنے کی کوشش کی، میں تیز نظر انسان تھا اس لئے میں نے چاند دیکھ لیا، میرے سوا کوئی یہ نہیں کہتا تھا کہ میں نے چاند دیکھ لیا ہے تو میں حضرت عمر رضی اللہ تعالی عنہ کو کہنے لگا کہ آپ اسے دیکھ نہیں رہے ہیں؟ تو وہ انہیں نظر نہیں آ رہا تھا، حضرت عمر رضی اللہ تعالی عنہ  کہنے لگے میں بھی اپنے بستر پر لیٹ کر دیکھ لوں گا، پھر حضرت عمر رضی اللہ تعالی عنہ اہل بدر کے بارے میں بتانے لگے کہ رسول اللہ صلی اللہ علیہ وسلم بدر کے دن سے ایک دن پہلے ہمیں اہل بدر کے (مقتولین مشرکین کے ) مرنے کی جگہیں بتانے لگے، فرماتے تھے ’’اگر اللہ نے چاہا ، تو کل اس جگہ فلاں  گرے گا۔‘‘ چنانچہ  حضرت عمر رضی اللہ تعالی عنہ  بتاتے ہیں، اس ذات کی قسم! ہم جس نے آپ کو حق دے کر بھیجا، جن جگہوں کی حضور ﷺنے تعیین فرما دی تھی وہ اس سے نہیں چوکے، وہیں وہیں گرے، جہاں جہاں آپﷺ نے نشان دہی فرمائی تھی۔‘‘ پھر انھیں ایک کنویں  میں ایک دوسرے پر ڈال دیا گیا، سو رسول اللہ صلی اللہ علیہ وسلم چل کر ان کے پاس پہنچ گئے اور فرمایا: فلاں بن فلاں،  اے فلاں کے بیٹے، کیا اللہ اور اس کے رسول نے تمہیں جو دھمکی دی تھی تم نے ٹھیک ٹھیک  پا لیا؟ کیونکہ اللہ نے مجھ سے جو وعدہ فرمایا تھا میں نےاس میں موجود ہوتا پا لیا۔‘‘ حضرت عمر رضی اللہ تعالی عنہ نے کہا: اے اللہ کے رسول! آپ  ان جسموں سے  بات کر رہے ہیں، جن میں روح (زندگی) نہیں ہے۔ آپﷺ نے فرمایا: ’’میں ان سے جو کچھ کہہ رہا ہوں تم ان سے زیادہ نہیں سن رہے، مگر ان کے بس میں نہیں ہے کہ وہ مجھے کوئی جواب دے سکیں۔‘‘

حدیث حاشیہ:

فوائد ومسائل

اس حدیث سے ثابت ہوت ہے کہ مقتولین بدر نے آپ ﷺکی بات سن لی تھی، وہ جواب کی طاقت نہیں رکھتے تھے، اصل حقیقت یہی ہے کہ مردے سنتے نہیں ہیں اور نہ ہم ان کو سنا سکتے ہیں، لیکن اللہ تعالیٰ ان کو کوئی چیز سنانا چاہے تو وہ قادر مطلق ہے، وہ جو چاہے کر سکتا ہے، اس لیے جہاں نصوص (صحیح احادیث) سے یہ بات ثابت ہو جائے کہ مردوں نے فلاں چیز سن لی ہے، یاں فلاں چیز سنتے ہیں، (جیسے جوتیوں کی چھاپ) تو اس کو تسلیم کر لیا جائے گا، لیکن ان کی بنیاد پر قیاسی گھوڑے دوڑا کر ہر بات سننے کا دعویٰ کرنا یا ان سے استغاثہ کرنا درست نہیں ہے، جبکہ اللہ تعالیٰ نے اپنے رسول کو مخاطب کر کے فرما چکے ہیں ﴿وَمَا أَنتَ بِمُسْمِعٍ مَّن فِي الْقُبُورِ﴾  ’’قبروں والوں کو سنانا، آپ کے بس میں بھی نہیں ہے تو دوسرے کیسے سناسکتے ہیں۔‘‘ (فاطر:22)
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7408
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)2873
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)5120
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)2873
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)7320
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)2873
٨. ترقيم دار السلامترقیم دار السلام7222

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

جنت اللہ کی رضا کا بلند ترین مقام ہے ۔ اللہ اپنے بندوں کی اپنی رضا، اپنے قرب اور اپنے جمال کی لذتوں اور دوسری نعمتوں سے سرفراز کرنے کے لیے جن سے صحیح طور پر لذت یاب ہونا انسان کی موجود خلت کی صلاحیتوں کے بس سے باہر ہے ، انسان کو ازسر نوخلقت عطا فرمائے گا۔اللہ کی جو نعمتیں  اس کے بندوں کے لیے تیار کی گئی ہیں ،موجودہ زندگی میں نہ ان کا ادراک کیا جا سکتا ہے نہ تصور سماعت کے ذریعے سے بھی ان کا احاطہ ممکن نہیں اس بات کا اندازہ اس طرح کیا جا سکتا ہے کہ موجودہ زندگی میں نعمتیں میسر ہیں وہ اتنی گھٹیا ، بے وقعت اور عارضی ہیں کہ ان کو جہنم کے راستوں میں بکھیر دیا گیا ہے وہ اس سے زیادہ وقعت نہیں رکھتیں جو نعمتیں اللہ کی رضا کی بلند ترین منزل میں میسر ہوں گی ان کے بارے میں یہی کہا جاسکتا ہے (فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ)’’کسی انسان کو معلوم نہیں کہ ان کے لیے کیا کیا کچھ چھپا کر رکھا گیا ہے ۔‘‘ اگر رقبے اور نعمتوں کے حجم ہی کی بات کی جائے تو جنت کی وسعت اور اس کی ہر چیز اتنی بڑی ہے کہ موجودہ  زندگی میں انسان اس کے سائز اور حجم کا ادراک نہیں کر سکتا ایک درخت ہی اتنا بڑا ہو گا کہ اس کے نیچے ایک سوار  سو سال بھی چلتا رہے تو اس کے سائے کو عبور نہیں کر سکے گا۔

اس دنیا میں خوشحالی کی انتہا بد حالی پر ہوتی ہے اور بد حالی کی خوش حال پر کوئی نعمت ملے تو تھوڑی سی مہلت کے لیے ملتی ہے جنت میں اللہ کی رضا جس سے تمام قسم کی نعمتیں وابستہ مہلتوں اور وقفوں کے دائروں سے باہر ہمیشہ ہمیشہ کے لیے ہوگی ،اس کی نعمتیں بھی ہمیشہ ہمیشہ کے لیے ہوں گی ۔اہل ایمان کے مراتب اتنے بلند ہوگے کہ ان کے قریب کی بات تو رہی ایک طرف ،ان کو اچھی طرح  دیکھنا بھی ممکن نہ ہوگا ایسے نظر آئیں گے جیسے بلندی پر ستارے نظر آتے ہیں محبوب رب العالمین کے نظارہ جمال کی خاطر اپنے مال اور اپنے اہل و عیال کی قربانی کی قیمت بھی سستی ہوگی ۔تمام اہل جنت کے حسن و جمال میں ہر دم اضافے کی ہی کیفیت ہوگی کہ جنت کے بازار سے واپس آئیں گے تو گھر والوں کو نظر آئے گا کہ ان کے حسن و جمال میں اضافہ ہو چکا ہے اور آنے والوں کو اپنے گھر والے حسین تر نظر آئیں گے۔ سب سے اونچے درجے کے لوگ چاند کی طرح اور ان کے بعد تاروں کی طرح  دمکتے ہوں گے تمام اہل جنت کا جمال ہر گھڑی بڑھنے والا ہو گا اس کیفیت کا دنیا میں تصور تک نہیں کیا جا سکتا ان کے جمال کو گہنانے والی کوئی بات ان کے وجود میں نہیں ہوگی طرح طرح کے ماکولات اور مشروبات کی نعمتوں سے لطف اندوز ہوں گے لیکن وہ نعمتیں اتنی لطیف ہوں گی کہ ان کا کوئی حصہ فضلہ نہ بنے گا پیشاب پاخانے کی حاجت نہ ہو گی ایک ڈکار سے سب کچھ جزو بدن بن جائے گا ۔ان کا پسینہ تک کستور ی کی طرح خوشبو دار ہوگا یہ ہر اعتبار سے مکمل جمال ہے جس میں کہیں کوئی خامی موجود نہیں ۔

معاشرتی زندگی صرف لطف ، محبت اور موانست سے عبارت ہوگی ،کوئی منفی جذبہ کسی کے دل میں بھی پیدا نہیں ہو گا اللہ کی حمدوثنا سانسوں کی طرح جسم میں بسی ہوگی ۔ یہ ابدی نعمتیں ہوں گی جن کے زوال کا کوئی خدشہ نہیں ہوگا دنیا میں نیک مومنوں نے مشکلوں بھری زندگی کزاری ہوگی سرکشوں اور ظالموں کے ظلم سہے ہوں گے معمولی درجے کے لوگ ہوں گے اب ان تمام تکلیفوں کا ازالہ ہو جائے گا ان کے جسم حضرت آدم کے جسم کی طرح اونچے لمبے چوڑے ہوں گے اور اچھی طرح ہر قسم کی نعمتوں کا لطف اٹھائیں گے ۔دوسری طرف جہنم انسانی تصور اور اک سے بڑی عذابوں سے بھری ہوئی ہے اس کی گہرائی میں وہ سر کش لوگ داخل ہوں گے جو دنیا میں تکبر ،نخوت ،جبر اور ظلم کے مجسمے تھے جہنم کی وسعتیں اتنی ہوں گی کہ سارے برے لوگ اس میں ڈال دیے جائیں گے تب بھی ان کی بھوک نہیں مٹے گی  اہل جہنم کا عذاب جہنم میں داخل ہونے سے پہلے بھی شروع ہو چکا ہوگا لوگ اپنے مال کے مطابق میدان  حشر میں اپنے پسینے میں ڈوبے کھڑے ہوں گے جن پر رحمت ہو جائے گی ان کی بخشش ہو جائے گی اللہ کی رحمت اس کے غضب سے کہیں زیادہ وسیع ہے ،اس لیے جہنم میں داخلے کے بعد بھی بہت لوگوں کو اس کی رحمت کا سہارا ملے گا اور جہنم سے نکال کر ان کی حالت درست کر کے ان کو جنت کی طرف بھیجا جائے گا پھر اہل جنت اہل جنت اور اہل جہنم دونوں کے سامنے موت کو ختم کر دیا جائے گا اور جو شحص یہاں ہوگا ہمیشہ کے لے اسی کا مستحق ہو جائے گا جہنم کا عذاب بھی مسلسل برقرار رہے گا۔بڑے بڑے مشرک  جس طرح شرک کی نئی رسمیں نکالنے والا عمر و بن لحی بن قمعہ بن خندف  تھا دائمی عذاب میں مبتلا ہوں گے دنیا میں اپنے حسن کو فتنہ بنانے والی عورتیں جہنم بھر دیں گی ۔ایسی جہنم جس کا تعفن دور دور کے فاصلوں تک پھیلا ہوگا حساب سے پہلے حشر کے ہولناکیاں اور یوم قیامت کے مصائب اور اور ان سے بھی پہلے قبروں کے اندر نیک لوگوں کا آرام دہ قیام اور کافروں کا خوفناک انتظار اور مختلف شکلوں میں ان پر مسلط عذاب ایسا ہوگا کہ اگر لوگ دنیا کی زندگی میں اس سے آگا ہ ہو جائیں تو اپنے مردوں کو دفن کرنا چھوڑ دیں۔

کتاب کے آخر میں امام مسلم نے وہ احادیث بیان کی ہیں جن میں بتایا گیا ہے کہ نجات جس کی بھی ہوگی صرف اور صرف اللہ کی رحمت سے ہوگی ۔ اللہ تعالیٰ ہمیں اپنی رحمت سے نواز دے اور اپنے غضب سے اپنی پناہ میں رکھے یہ دعا ہے جس کی رسول اللہ ﷺ نے اپنی امت کو تلقین فرمائی۔

تمہید باب عربی

×

تمہید کتاب عربی

×