Muslim | صحیح مسلم

صحيح مسلم: كِتَابُ الْقَدرِ (بَابُ كَيْفِيَّةِ خَلْقِ الْآدَمِيِّ فِي بَطْنِ أُمِّهِ وَكِتَابَةِ رِزْقِهِ وَأَجَلِهِ وَعَمَلِهِ وَشَقَاوَتِهِ وَسَعَادَتِهِ)

حکم : صحیح

2645 . حَدَّثَنِي أَبُو الطَّاهِرِ أَحْمَدُ بْنُ عَمْرِو بْنِ سَرْحٍ أَخْبَرَنَا ابْنُ وَهْبٍ أَخْبَرَنِي عَمْرُو بْنُ الْحَارِثِ عَنْ أَبِي الزُّبَيْرِ الْمَكِّيِّ أَنَّ عَامِرَ بْنَ وَاثِلَةَ حَدَّثَهُ أَنَّهُ سَمِعَ عَبْدَ اللَّهِ بْنَ مَسْعُودٍ ممم الشَّقِيُّ مَنْ شَقِيَ فِي بَطْنِ أُمِّهِ وَالسَّعِيدُ مَنْ وُعِظَ بِغَيْرِهِ فَأَتَى رَجُلًا مِنْ أَصْحَابِ رَسُولِ اللَّهِ صَلَّى اللَّهُ عَلَيْهِ وَسَلَّمَ يُقَالُ لَهُ حُذَيْفَةُ بْنُ أَسِيدٍ الْغِفَارِيُّ فَحَدَّثَهُ بِذَلِكَ مِنْ قَوْلِ ابْنِ مَسْعُودٍ فَقَالَ وَكَيْفَ يَشْقَى رَجُلٌ بِغَيْرِ عَمَلٍ فَقَالَ لَهُ الرَّجُلُ أَتَعْجَبُ مِنْ ذَلِكَ فَإِنِّي سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ إِذَا مَرَّ بِالنُّطْفَةِ ثِنْتَانِ وَأَرْبَعُونَ لَيْلَةً بَعَثَ اللَّهُ إِلَيْهَا مَلَكًا فَصَوَّرَهَا وَخَلَقَ سَمْعَهَا وَبَصَرَهَا وَجِلْدَهَا وَلَحْمَهَا وَعِظَامَهَا ثُمَّ قَالَ يَا رَبِّ أَذَكَرٌ أَمْ أُنْثَى فَيَقْضِي رَبُّكَ مَا شَاءَ وَيَكْتُبُ الْمَلَكُ ثُمَّ يَقُولُ يَا رَبِّ أَجَلُهُ فَيَقُولُ رَبُّكَ مَا شَاءَ وَيَكْتُبُ الْمَلَكُ ثُمَّ يَقُولُ يَا رَبِّ رِزْقُهُ فَيَقْضِي رَبُّكَ مَا شَاءَ وَيَكْتُبُ الْمَلَكُ ثُمَّ يَخْرُجُ الْمَلَكُ بِالصَّحِيفَةِ فِي يَدِهِ فَلَا يَزِيدُ عَلَى مَا أُمِرَ وَلَا يَنْقُصُ

صحیح مسلم:

کتاب: تقدیر کا بیان

(

باب: ماں کے پیٹ میں انسان کی تخلیق کی کیفیت، اس کے رزق، مدت حیات، عمل اور سعادت و شقاوت کا لکھا جانا

)

مترجم: ١. الشيخ محمد يحيىٰ سلطان محمود جلالبوري (دار السّلام)

2645. عمرو بن حارث نے ابوزبیر علی سے روایت کی کہ حضرت عامر بن واثلہ رضی اللہ تعالی عنہ نے انہیں حدیث بیان کی، انہوں نے حضرت عبداللہ بن مسعود رضی اللہ تعالی عنہ کو یہ کہتے ہوئے سنا: بدبخت وہ ہے جو اپنی ماں کے پیٹ میں (تھا تو اللہ کے علم کے مطابق) بدبخت تھا اور سعادت مند وہ ہے جو اپنے علاوہ دوسرے سے نصیحت حاصل کرے، پھر رسول اللہ ﷺ کے صحابہ میں سے ایک شخص آئے جنہیں حضرت حذیفہ بن اسید غفاری رضی اللہ تعالی عنہ کہا جاتا تھا، انہوں (عامر بن واثلہ رضی اللہ تعالی عنہ) نے ان کو حضرت ابن مسعود رضی اللہ تعالی عنہ کے الفاظ میں یہ حدیث سنائی اور (ان سے پوچھنے کے لیے) کہا: وہ شخص کوئی عمل کیے بغیر بدبخت کیسے ہو جاتا ہے؟ تو اس (عامر) کو آدمی (حذیفہ رضی اللہ تعالی عنہ) نے کہا: کیا آپ اس پر تعجب کرتے ہیں؟ میں نے رسول اللہ ﷺ کو یہ فرماتے ہوئے سنا ہے: ’’جب نطفے پر (تیسرے مرحلے کی) بیالیس راتیں گذر جاتی ہیں تو اللہ تعالیٰ اس کے پاس ایک فرشتہ بھیجتا ہے، وہ اس کی صورت بناتا ہے، اس کے کان، آنکھیں، کھال، گوشت اور اس کی ہڈیاں بناتا ہے، پھر کہتا ہے: اے میرے رب! یہ مرد ہو گا کہ عورت؟ پھر تمہارا رب جو چاہتا ہوتا ہے وہ فیصلہ بتاتا ہے اور فرشتہ لکھ لیتا ہے، پھر وہ کہتا ہے: اے میرے رب! اس کی مدت حیات (کتنی ہو گی؟) پھر تمہارا رب جو اس کی مشیت ہوتی ہے، بتاتا ہے اور فرشتہ لکھ لیتا ہے، پھر وہ (فرشتہ) کہتا ہے: اے میرے رب! اس کا رزق (کتنا ہو گا؟) تو تمہارا رب جو چاہتا ہوتا ہے وہ فیصلہ بتاتا ہے اور فرشتہ لکھ لیتا ہے، پھر فرشتہ اپنے ہاتھ میں صحیفہ لے کر نکل جاتا ہے، چنانچہ وہ شخص کسی معاملے میں نہ اس سے بڑھتا ہے، نہ کم ہوتا ہے۔‘‘

Sharing Link:

ترقیم کوڈ	اسم الترقيم	نام ترقیم	رقم الحديث (حدیث نمبر)
١	ترقيم موقع محدّث	ویب سائٹ محدّث ترقیم	6901
٢	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	2645
٣	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	4783
٤	ترقيم فؤاد عبد الباقي (برنامج الكتب التسعة)	ترقیم فواد عبد الباقی (کتب تسعہ پروگرام)	2645
٦	ترقيم شرکة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	6817
٧	ترقيم دار إحیاء الکتب العربیة (جامع خادم الحرمين للسنة النبوية)	ترقیم دار احیاء الکتب العربیہ (خادم الحرمین الشریفین حدیث ویب سائٹ)	2645
٨	ترقيم دار السلام	ترقیم دار السلام	6726

’’قدر‘‘کاترجمہ عام طورپر ’’اندازہ‘‘کیا جاتا ہے اس سےاللہ کی تقدیر کامفہوم صحیح طورپر واضح نہیں ہو پاتا کیونکہ انسانی تصرف کےمطابق اندازہ مستقبل کےحوالے سے غیرحتمی اورغیر یقینی قسم کے علم کو کہتے ہیں جبکہ اللہ کی قدرت اور اس کاعلم غیر حتمی اورغیر یقینی ہونے مبرا ہے (اندازاہ )کی نسبت اگرمقدار کےمفہوم سے ’’قدر‘‘یا’’تقدیر‘‘کامفہوم سمجھنے کی کوشش کی جائے تو زیادہ بہتر طور سمجھ میں آسکتا ہے ۔ تقدیر کے حوالے سےیہ لفظ خود رسول اللہﷺ نے بولا ہے(حدیث :6748) اللہ نے فرمایا ہے (اللَّهُ يَعْلَمُ مَا تَحْمِلُ كُلُّ أُنْثَى وَمَا تَغِيضُ الْأَرْحَامُ وَمَا تَزْدَادُ وَكُلُّ شَيْءٍ عِنْدَهُ بِمِقْدَارٍ)اللہ جانتاہے جوہر مادہ بارآورہوتی ہے اورارحام جتنے سکڑتے اورجتنے بڑھتے ہیں اور اس کے پاس ہرچیز مقدار کےمطابق ہے ۔ ‘‘(الرعد8:13)اگلی آیات میں اس بات کےعجیب وغریب پہلو بیان ہوئے ہیں جن سےمفہوم کی وضاحت ہوتی ہے (عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ) چھپے اورکھلے کاجاننےوالا سب سےبڑ ا سب سے اوپر ہے ۔‘‘(الرعد9:13)کوئی چیز چھپی ہے تو جتنی اس نے رکھی پوری ہے اور پوری طرح اس کےعلم میں ہے کوئی چیز کھلی ہے تو جتنی اس نے رکھی اتنی ہی ہے اور اس کےعلم میں ہے ۔ اس میں جوتغیر آتا ہے وہ بھی اتناہے جتنا اس نے رکھا اورپوری طرح اس کےعلم میں ہے وہ سب سے بڑا ہے ،ہرچیز پر اس کامکمل اختیار ہے ۔ سب سےبلند ہے اورہرچیز اس کےسامنے واضح ہے پھر یہ فرمایا(سَوَاءٌ مِنْكُمْ مَنْ أَسَرَّ الْقَوْلَ وَمَنْ جَهَرَ بِهِ وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ) ’’برابر ہے تم میں سےجوچپکے سے بات کہے اورجواونچی آواز سے کہے اور (اس کےنزدیک برابر ہے) جورات کو چھپا ہوا ہے اور جو دن کو سامنے پھر رہا ہے ۔‘‘(الرعد10:13)یہ سب کچھ اسی طرح اسی مقدار کے مطابق ہے جو اس نے مکمل طورپر اس کے اختیار میں ہے اورہر عمل سےجونتیجہ نکلتا ہے وہ بالکل مادی، زمانی، زمینی ہرطرح کی مقدار کےتعین کےلیے قدر یاتقدیر کالفظ استعمال ہوا ہے اور اس مقدار کےمطابق کیاہوگا اورکب نتیجہ نکلے گا اس کےلیے عموما قضا(فیصلے)کالفظ استعمال ہوتاہے ۔ حقیقت میں ہرطرح کی مقدار کاتعین بھی اللہ ہی کےفیصلے سے ہوتاہے ۔ اللہ کافیصلہ حتمی ہے اسےوہ خو داگرچاہیے جب چاہے اورجس طرح چاہے بدل سکتا ہے ۔ اس بات کو رسول اللہﷺ نے اس طرح بیان فرمایا ہے (لايرد القضاءالاالدعاء)’’دعا کے سوا کوئی چیز(اللہ کے)فیصلے کو بدل نہیں سکتی ۔‘‘جامع الترمذی،حدیث :2139)یعنی کوئی بھی کسی طرح سےبھی اللہ کےفیصلے کو نہیں بدل سکتا ۔ انسان یہی کرسکتا ہے کہ وہ اللہ کےسامنے دعا کرے۔ وہ چاہے تواسے قبول فرما کر اپنے فیصلے کو بدل دے۔یہاں یہ بات ذہن میں رہنی چاہیے کہ یہ بھی پہلے سےاللہ کےعلم اوراختیار میں ہےکہ فرشتوں کو کون سا فیصلہ لکھ کر نافذ کرنے کےلیے دیاجائےگا اورکون کس کام کےلیے دعا کرے گا اورکون سی دعا قبول کرکے کون سافیصلہ بدل کر کس صورت میں نافذ کرنے کےلیے ملائکہ کےسپرد کیاجائےگا۔ امام مسلم نےصحیح مسلم کی کتاب القدر کاآغاز انسان کی پیدائش کے حوالے سے ان احادیث سے کیا ہے جن میں ماں کے پیٹ میں طے ہونےوالے مراحل عمر،عمل،رزق،خوش بختی یابدبختی اور اس حوالے سے تمام مقداروں کے تعین اوران کے لکھے جانے کے بارےمیں بتایا گیا ہے ۔ اس کی عمر اورعمل کی تمام تفصیلات حتی کہ اس کی سانسوں کی تعداد اور اس کے قدموں کے نشان کے کتنے ہوں گے اورکہاں کہاں لگیں گے سب کچھ فرشتے کو لکھوا دیا جاتا ہے ۔ یہ سب تفصیلات اس اصل کتاب کےمطابق ہوتی ہیں جوآسمانوں اورزمینوں کی تخلیق سےپچاس ہزار سال پہلے لکھ دی گئی تھی( حدیث :6748)پھر اس سوال کاجواب ہے کہ سب کچھ پہلے سے لکھا ہوا ہے تو ہم اسی پر بھروسہ کیوں نہ کریں، کیوں کریں؟ آپ ﷺ نے اس کاجواب یہ دیا کہ یہی لکھا ہوا ہے کہ کون ہے جو (اپنے اختیار اورفیصلے )خوش نصیبوں کے سے عمل کرےگا اورکون ہے جو(اپنے اورعمل اختیار سے)بدنصیبی کی راہ پر چلے گا۔ اورساتھ یہ سمجھایا کہ تقدیر کامطلب یہ ہےکہ انسان کاٹھکانا جنت یادوزخ میں کہاں ہوگا، اس بات کا اللہ تعالیٰ کو پہلے سےعلم ہے ۔ اللہ نے اپنے اختیار سےدونوں راستوں پر چلنے والوں کےلیے سہولت مہیا کردی ہے ۔ اللہ کو پورا علم ہے کہ کون انسان کس راستے پر چلے گا اوریہ سب کچھ تخلیق سےپہلے لکھ بھی دیا گیا۔ یہ لکھا ہوا عین اس کےمطابق ہے جوکسی بھی انسان نے کرنا ہے ۔ دونوں میں کوئی تفادت نہیں ۔صرف لکھے ہوئے کوپیش نظر رکھا جائے گا توتخلیق سےپہلے ہی پتہ ہے کہ کون تخلیق کےمرحلےسے گزرنے کےبعد کیا کچھ کرنےکافیصلہ کرکے کہاں پہنچے گا،جنتی ہوگا یاجہنمی ہوگا۔ یہ اہم نکتہ کہ جیسے منزل پہلے سے منعلوم ہے تویہ بھی پہلے سےمعلوم ہےکہ وہ اپنے اختیار سےعمل کیاکرےگا ۔ یہ پیشگی علم ہے یہ اس کےاختیار پرقدغن نہیں لگاتا، اس سے اس کی مرضی نہیں چھینتا ، اس کو طرف دھکیلتا نہیں، راستے دونوں طرف جانے کےمیسر ہیں۔ حضرت موسیٰ اورحضرت آدم﷩ کاجومکالمہ رسول اللہﷺ نےنقل فرمایا ہے اس سےیہ بات واضح ہوتی ہے کہ اللہ نے نظام ہی یہی تخلیق فرمایا تھا کہ آدم﷤ کو جنت میں رکھا جائےگا۔ وہ اسے خوددیکھ لیں گے، پھرانہیں وہاں سے زمین پر منتقل کیا جائےگا۔ یہاں آکر بھی وہ خود اور ان کی اولاد جنت ہی متلاثی ہوگی جو طرح کی کوشش کےباوجود دنیوی زندگی میں زمین پر میسر نہ ہوئی ۔ اس کےحصول کاراستہ یہی ہوگا کہ اپنے اختیار اوراپنی صوابد ید سےجنت کی طرف جانے والاراستہ اختیار کرنا ہوگا۔ انسان کو جدن بشری کمزوریوں کے ساتھ پیدا کیاگیا ہے اس کا امتحان یہی ہے کہ ان پر قابو پائے ۔ اگر نہ بھی پاسکے اور اللہ سے عفوورحمت کاطلبگار ہوتو وہ معزز ہے ۔اپنی کمزوریوں کے باوجود تمام مخلوقات میں افضل ہے،آدم﷤ اپنی خلقی کمزوریوں کے باوجود مسجود ملائک تھے ۔ وہ زمین پر لائے گئے، اس پر انہیں ملامت نہیں کی جاسکتی۔ انہوں نے خود بھی استغفار کاراستہ اختیار کیا اور اپنی اولاد کو بھی یہی راستہ دکھایا ۔ اس پر وہ ستائس اورشکر کےمستحق ہیں۔ بشری کمزریوں کےبالمقابل مغفرت اوررحمت اللہ کی عظیم ترین نعمت ہے ۔ رسول اللہﷺ نے جب یہ نکتہ سمجھایا کہ انسانوں کےدل اللہ کی مشیت اور اس کے ارادے کے تابع ہیں تو اس موقع پر اللہ کا عظیم ترین صفاتی نام الرحمان استعمال کیا۔ اس میں اشارہ ہےکہ اس کادلوں کوپھیرنا اس کی رحمت پر مبنی ہے ۔آدمی پچھلی غلطیوں پر مغفرت اورآیندہ ہدایت کاطلبگار ہو تو وہ بے پناہ رحمت سے کام لیتا ہے ۔ دلوں کو اپنی اطاعت کی طرف پھیردیتاہے ۔ اگروہ یہ فیصلہ فرماتا کہ دلوں کو نہیں پھیرے گا تو بنی آدمی ایک بار بھٹک جانے کے بعد دوبارہ صحیح راستے پر نہ آسکتے۔ انسان اگرگناہ کا ارتکاب کرتاہے تو اس کی حدودبھی متعین کر دی گئی ہیں ۔ کوئی اپنی مقررہ حدود سے باہر نہیں نکل سکتا۔ نظام میں ایسا خلل نہیں ڈال سکتا جو انسانوں کی کامیابی کی راہ کو مسددو کردے یا اتنا زیادہ ہو جائے کہ خود اس کا اپنے گناہوں سےنکلنا ممکن ہے ۔ البتہ اگر وہ گناہ پر مسلسل اصرار کرتا ہے تواس کی پاکیزگی امانت اوراچھائی کی طرف رغبت کےساتھ زندگی عطا کرتاہے ۔ کسی بھی انسان کاانجام کیا ہوگا اس کے بارےمیں دنیا میں رہتے ہوئے کوئی اندازہ نہیں کرسکتا ۔ یہ معلوم ہے کہ اللہ کافیصلہ عدل بلکہ رحمت کی بنیاد پر ہوگا لیکن کیا ہوگا؟اس کےبارےمیں پوری طرح معلوم نہیں کیا جاسکتا۔ کم عمری میں فوت ہونے والے بچوں کے بارےمیں ہونے والے فیصلے کاابھی تعین نہیں کیاجاسکتا۔ یہ اخفااس لیے ضروری ہے کہ لوگ نہ کبھی اللہ کے خوف سے بےبہرہ ہوجائیں، نہ رحمت سےمایوس ہوں۔ امیداورخوف کی کیفیت برقرار رہنی ضروری ہے تاکہ انسان کامیابی کے راستے کو اختیار کرے ۔اللہ سےرحمت ومغفرت مانگتا رہے اورامتحان کےلیے دنیا میں جن حالات سےگزارا جائے ان سے دل برا نہ کرے حالات کو قبول کرے اورہرطرح سےکامیابی کےحصول کےلیے کوشاں رہے۔

حدیث ترجمہ:

عمرو بن حارث نے ابوزبیر علی سے روایت کی کہ حضرت عامر بن واثلہ رضی اللہ تعالی عنہ نے انہیں حدیث بیان کی، انہوں نے حضرت عبداللہ بن مسعود رضی اللہ تعالی عنہ کو یہ کہتے ہوئے سنا: بدبخت وہ ہے جو اپنی ماں کے پیٹ میں (تھا تو اللہ کے علم کے مطابق) بدبخت تھا اور سعادت مند وہ ہے جو اپنے علاوہ دوسرے سے نصیحت حاصل کرے، پھر رسول اللہ ﷺ کے صحابہ میں سے ایک شخص آئے جنہیں حضرت حذیفہ بن اسید غفاری رضی اللہ تعالی عنہ کہا جاتا تھا، انہوں (عامر بن واثلہ رضی اللہ تعالی عنہ) نے ان کو حضرت ابن مسعود رضی اللہ تعالی عنہ کے الفاظ میں یہ حدیث سنائی اور (ان سے پوچھنے کے لیے) کہا: وہ شخص کوئی عمل کیے بغیر بدبخت کیسے ہو جاتا ہے؟ تو اس (عامر) کو آدمی (حذیفہ رضی اللہ تعالی عنہ) نے کہا: کیا آپ اس پر تعجب کرتے ہیں؟ میں نے رسول اللہ ﷺ کو یہ فرماتے ہوئے سنا ہے: ’’جب نطفے پر (تیسرے مرحلے کی) بیالیس راتیں گذر جاتی ہیں تو اللہ تعالیٰ اس کے پاس ایک فرشتہ بھیجتا ہے، وہ اس کی صورت بناتا ہے، اس کے کان، آنکھیں، کھال، گوشت اور اس کی ہڈیاں بناتا ہے، پھر کہتا ہے: اے میرے رب! یہ مرد ہو گا کہ عورت؟ پھر تمہارا رب جو چاہتا ہوتا ہے وہ فیصلہ بتاتا ہے اور فرشتہ لکھ لیتا ہے، پھر وہ کہتا ہے: اے میرے رب! اس کی مدت حیات (کتنی ہو گی؟) پھر تمہارا رب جو اس کی مشیت ہوتی ہے، بتاتا ہے اور فرشتہ لکھ لیتا ہے، پھر وہ (فرشتہ) کہتا ہے: اے میرے رب! اس کا رزق (کتنا ہو گا؟) تو تمہارا رب جو چاہتا ہوتا ہے وہ فیصلہ بتاتا ہے اور فرشتہ لکھ لیتا ہے، پھر فرشتہ اپنے ہاتھ میں صحیفہ لے کر نکل جاتا ہے، چنانچہ وہ شخص کسی معاملے میں نہ اس سے بڑھتا ہے، نہ کم ہوتا ہے۔‘‘

حدیث حاشیہ:

فائدہ:

اللہ تعالی کا اپنی مشیت کے مطابق جو فیصلہ ہوتا ہے فرشتے کو بتاتا ہے۔ اس کا مطلب یہی ہے کہ اس شخص کے اپنے اعمال اور اپنی جدوجہد کی روشنی میں، جس کا اللہ تعالی کو پہلے سے مکمل طور پر علم ہوتا ہے جو فیصلہ ہوتا ہے وہ بتا دیتا ہے اور وہ لکھ لیا جاتاہے۔

حدیث ترجمہ:

حضرت عامر بن واثلہ بیان کرتے ہیں کہ اس نے حضرت عبد اللہ بن مسعود رضی اللہ تعالیٰ عنہ کو یہ فرماتے سنا، بد بخت وہ ہے جو اپنی ماں کے پیٹ میں بد بخت ہوا اور نیک بخت وہ ہے جو دوسروں سے سبق و عبرت حاصل کرے اور پھر رسول اللہ صلی اللہ علیہ وسلم کے ایک ساتھی خذیفہ بن اسید غفاری رضی اللہ تعالیٰ عنہ نامی صحابی کے پاس آیا۔ چنانچہ انہیں حضرت مسعود رضی اللہ تعالیٰ عنہ کا یہ قول سنایا اور پوچھا عمل کے بغیر انسان کیسے بد بخت ہو سکتا ہے؟ تو انھوں نے اسے کہا، کیا تجھے اس پر تعجب ہے ؟ میں نے خود رسول اللہ صلی اللہ علیہ وسلم کو یہ فرماتے ہوئے سنا ہے، ’’جب نطفہ پر بیالیس راتیں گزر جاتی ہیں تو اللہ اس کی طرف ایک فرشتہ بھیجتا ہے تو وہ اس کی تصویر کشی کرتا ہے، اس کے کان ،آنکھ ،کھال، گوشت اور اس کی ہڈیاں بناتا ہے، پھر عرض کرتا ہے اے میرے رب! کیا مذکرہے یا مؤنث؟ تو اللہ جو فیصلہ چاہتا ہے فرماتا ہے اور فرشتہ لکھ دیتا ہے پھر فرشتہ پوچھتا ہے۔اے میرے رب!اس کی عمر کیا ہے؟ تو تیرا رب جو چاہتا ہے فرمادیتا ہے اور فرشتہ لکھ لیتا ہے ، پھر وہ پوچھتا ہے ، اے میرے رب! اس کا رزق تو تیرا رب جو چاہتا ہے ، فیصلہ فرماتا ہے اور فرشتہ اسے لکھ لیتا ہے پھر فرشتہ نوشتہ ہاتھ میں لے کر نکل جاتا ہے اس کو جو حکم ملتا ہے، اس میں نہ اضافہ کرتا ہے اور نہ کمی۔‘‘

حدیث حاشیہ:

فوائد ومسائل

اس حدیث سے ثابت ہوتا ہے کہ انسان کی تصویر کشی کا آغاز، نطفہ کے علقہ میں بدلنے کے آغاز سے ہوتا ہے اور آہستہ آہستہ تدریجا اس خاکہ میں رنگ بھرنا شروع ہوتا ہے اور نوک پلک چار ماہ گزرنے کے بعد سنوارے جاتے ہیں، جیسا کہ قرآن مجید کی (سورہ مومنون آیت 1413)۔ سے ثابت ہوتا ہے، کہ نطفہ سے علقہ بنتا ہے، پھر اس سے مضغہ بنتا ہے، پھر مضغہ سے ہڈیاں بنتی ہیں اور ہڈیوں پر گوشت چڑھایا جاتا ہے، پھر اس کو ایک نئی تخلیق میں پیدا کیا جاتا ہے، یعنی گوشت پوست چڑھانے کے بعد روح پھونکی جاتی ہے اور ان مراحل کی تفصیل حضرت عبداللہ بن حدیث میں گزر چکی ہے، اس طرح اس حدیث سے حضرت عبداللہ کی روایت کی تائید ہوتی ہے کہ چار باتوں کی مکمل تحریر کا وقت چار ماہ کے بعد آتا ہے، جب انسان کا مکمل ڈھانچہ بن چکا ہوتا ہے اور قرآن مجید سے بھی حضرت عبداللہ کی روایت کی تصدیق ہوتی ہے اور اجمالی حدیث کا معنی، تفصیلی حدیث کے مطابق ہی لیا جائے گا، حضرت انس رضی اللہ عنہ کی حدیث سے بھی حضرت ابن مسعود رضی اللہ عنہ کی تائید ہوتی ہے۔

حدیث ترجمہ:

'Abdullah bin Mas'ud reported: Evil one is he who is evil in the womb of his mother and the good one is he who takes lesson from the (fate of) others. The narrator came to a person from amongst the Companion of Allah's Messenger (ﷺ) who was called Hudhaifa bin Usaid Ghifari and said: How can a person be an evil one without (committing an evil) deed? Thereupon the person said to him: You are surprised at this, whereas I have heard Allah's Messenger (ﷺ) as saving: When forty nights pass after the semen gets into the womb, Allah sends the angel and gives him the shape. Then he creates his sense of hearing, sense of sight, his skin, his flesh, his bones, and then says: My Lord, would he be male or female? And your Lord decides as He desires and the angel then puts down that also and then says: My Lord, what about his age? And your Lord decides as He likes it and the angel puts it down. Then he says: My Lord, what about his livelihood? And then the Lord decides as He likes and the angel writes it down, and then the angel gets out with his scroll of destiny in his hand and nothing is added to it and nothing is subtracted from it.

اسم العالم	الحكم
١. إجماع علماء المسلمين	أحاديث صحيح مسلم كلها صحيحة

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

موضوعات

المواضيع

Topics

المواضيع

موضوعات

Topics

تمہید کتاب

تمہید باب

فوائد ومسائل

الحكم على الحديث