التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ أَخْبَارِ الآحَادِ (بَابُ مَا جَاءَ فِي إِجَازَةِ خَبَرِ الوَاحِدِ الصَّدُوقِ فِي الأَذَانِ وَالصَّلاَةِ وَالصَّوْمِ وَالفَرَائِضِ وَالأَحْكَامِ)

حکم : أحاديث صحيح البخاريّ كلّها صحيحة 

ترجمة الباب: وَقَوْلِ اللَّهِ تَعَالَى: {فَلَوْلاَ نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنْذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ} [التوبة: 122]، «وَيُسَمَّى الرَّجُلُ طَائِفَةً لِقَوْلِهِ تَعَالَى»: {وَإِنْ طَائِفَتَانِ مِنَ المُؤْمِنِينَ اقْتَتَلُوا} [الحجرات: 9]، «فَلَوِ اقْتَتَلَ رَجُلاَنِ دَخَلَ فِي مَعْنَى الآيَةِ»، وَقَوْلُهُ تَعَالَى: {إِنْ جَاءَكُمْ فَاسِقٌ بِنَبَإٍ فَتَبَيَّنُوا}، «وَكَيْفَ بَعَثَ النَّبِيُّ ﷺ أُمَرَاءَهُ وَاحِدًا بَعْدَ وَاحِدٍ، فَإِنْ سَهَا أَحَدٌ مِنْهُمْ رُدَّ إِلَى السُّنَّةِ»

7252. حَدَّثَنَا يَحْيَى حَدَّثَنَا وَكِيعٌ عَنْ إِسْرَائِيلَ عَنْ أَبِي إِسْحَاقَ عَنْ الْبَرَاءِ قَالَ لَمَّا قَدِمَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمَدِينَةَ صَلَّى نَحْوَ بَيْتِ الْمَقْدِسِ سِتَّةَ عَشَرَ أَوْ سَبْعَةَ عَشَرَ شَهْرًا وَكَانَ يُحِبُّ أَنْ يُوَجَّهَ إِلَى الْكَعْبَةِ فَأَنْزَلَ اللَّهُ تَعَالَى قَدْ نَرَى تَقَلُّبَ وَجْهِكَ فِي السَّمَاءِ فَلَنُوَلِّيَنَّكَ قِبْلَةً تَرْضَاهَا فَوُجِّهَ نَحْوَ الْكَعْبَةِ وَصَلَّى مَعَهُ رَجُلٌ الْعَصْرَ ثُمَّ خَرَجَ فَمَرَّ عَلَى قَوْمٍ مِنْ الْأَنْصَارِ فَقَالَ هُوَ يَشْهَدُ أَنَّهُ صَلَّى مَعَ النَّبِيِّ صَلَّى اللَّهُ عَلَيْهِ وَسَلَّمَ وَأَنَّهُ قَدْ وُجِّهَ إِلَى الْكَعْبَةِ فَانْحَرَفُوا وَهُمْ رُكُوعٌ فِي صَلَاةِ الْعَصْرِ

مترجم:

ترجمۃ الباب:

اور اللہ تعالیٰ نے سورۃ توبہ میں فرمایا ” ایسا کیوں نہیں کرتے ہر فرقہ میں سے کچھ لوگ نکلیں تا کہ وہ دین کی سمجھ حاصل کریں اور لوٹ کر اپنی قوم کے لوگوں کے ڈرائیں اس لئے کہ وہ تباہی سے بچے رہے “ اور ایک شخص کو بھی طائفہ کہہ سکتے ہیں جیسے سورۃ حجرات کی اس آیت میں فرمایا ” اگر مسلمانوں کے دو طائفے لڑ پڑیں اور اس میں وہ دو مسلمان بھی داخل ہیں جو آپس میں لڑ پڑیں ( تو ہر ایک مسلمان ایک طائفہ ہوا ) اور ( اسی سورت میں ) اللہ تعالیٰ نے فرمایا ” مسلمانو! ( جلدی مت کیا کرو ) اگر تمہارے پاس بدکارشخص کچھ خبر لائے تو اس کی تحقیق کر لیا کرو “ ۔ اور اگر خبر واحد مقبول نہ ہوتی تو آنحضرت ﷺایک شخص کو حاکم بنا کر اور اس کے بعد دوسرے شخص کو کیوں بھیجتے اور یہ کیوں فرماتے کہ اگر پہلا حاکم کچھ بھول جائے تو دوسرا حاکم اس کو سنت کے طریق پر لگا دے ۔ تشریح : جن کو اصلاح اہلحدیث میں خبر واحدکہتے ہیںاکثر صحیح احادیث اسی قسم کی ہیں کہ ان کو ایک دو بار صحابہ یا ایک یا دو تابعیوں نے روایت کیا ہے ۔ خبر واحد کاجب روای سچا اور ثقہ اور معتبر ہو تو اس کا قبول کرنا تمام اماموں نے واجب رکھا ہے ۔ اور ہمیشہ قیاس کو ایسی حدیث کے مقابل ترک کردیا ہے ۔ بلکہ امام ابو حنیفہ نے تو اور زیادہ احتیاط کی ہے ۔ انہوں نے کہا کہ مرسل اور ضعیف حدیث یہاں تک کہ صحابی کا قول بھی حبت ہے اور قیاس کو اس کے مقابلہ میں ترک کردیں گے ۔ اللہ تعالیٰ امام ابو حنیفہ  کو جزائے خیر دے وہ اہلسنت یعنی اہل حدیث کے پیشوا تھے۔ ہمارے زمانے میں جو لوگ اپنے تئیں حنفی کہتے ہیں اور صحیح حدیث کو سن کر بھی قیاس کی پیروی نہیں چھوڑتے وہ سچے حنفی نہیں ہیں بلکہ بد نام کنندہ نکونامے چند امام کے جھوٹے نام لیوا ہیں ۔ سچے حنفی اہل حدیث ہیں جو امام ابو حنیفہ  کی ہدایت اور ارشاد کے مطابق چلتے ہیں اور تمام عقائد اور صفات اللہ اور اصول میں ان کے ہم اعتقاد اور ہم عمل ہیں ۔ اس آیت ذیل سے خبر واحد کا حجت ہونا نکلتا ہے کیونکہ طائفہ ایک شخص کو بھی کہہ سکتے ہیں اور بعضفے فرقہ میں صرف تین ہی آدمی ہوتے ہیں ۔ اس دوسری آیت سے صاف نکلتا ہے کہ اگر نیک اور سچا اور معتبر شخص کوئی خبر لائے تو اس کو مان لینا چاہئیے۔ اس میں تحقیق کی ضرورت نہیں کیونکہ اگر اس کا خبر کا بھی یہی حکم ہو جو بد کار کی خبر کا ہے تو نیک اور بد کار دنوں یکساں ہونا لازم آئے گا ۔ ابن کثیر نے کہا آیت سے یہ بھی نکلا کہ فاسق اور بد کار شخص کی روایت کی ہوئی حدیث حجت نہیں ‘ اسی طرح مجہول الحال کی ۔ حدیث مذکور سے ظاہر ہوا کہ اگر خبر واحد قبول کے لائق نہ ہوتی تو ایک شخص واحد کو حاکم بنا کر بھیجنا یا ایک شخص واحد کا دوسرے کی غلطی ظاہر کرنا اس کو ٹھیک رستے پر لگانا اس کے کچھ معنی نہ ہوتے ۔

7252.

سیدنا براء ؓ سے روایت ہے انہوں نے فرمایا: جب رسول اللہ ﷺ مدینہ طیبہ تشریف لائے تو آپ سولہ یا سترہ ماہ بیت المقدس کی طرف منہ کرکے نماز پڑھتے رہے لیکن آپ کی خواہش تھی کہ بیت اللہ کی طرف منہ کریں، پھر اللہ تعالیٰ نے یہ آیت نازل فرمائی: ”یقیناً ہم آپ کے چہرے کا بار بار آسمان کی طرف اٹھنا دیکھتے ہیں، ہم آپ کو اس قبیلے کی طرف ضرور پھیر دیں گے جسے آپ پسند کرتے ہیں۔“ چنانچہ آپ کا رخ کعبے کی طرف پھیر دیا گیا۔ آپ کے ساتھ ایک آدمی نے عصر کی نماز پڑھی، پھر وہ انصار کی ایک جماعت کے پاس گزرا تو کہا: وہ گواہی دیتا ہے کہ اس نے نبی ﷺ کے ہمراہ نماز پڑھی ہے اور آپ کے کعبے کی طرف منہ کرنے کا حکم دیا گیا ہے، چنانچہ یہ سن کر وہ لوگ کعبہ رخ ہوگئے حالانکہ وہ نماز عصر کے رکوع میں تھے۔

×
ترجمۃ الباب:

ارشاد باری تعالیٰ ہے: ان کے ہر گروہ میں سے کچھ لوگ کیوں نہیں نکلے(تاکہ وہ دین میں سمجھ حاصل کریں۔۔۔۔۔) ایک شخص کو بھی طائفہ کہہ سکتے ہیں جیسا کہ ارشاد باری تعالیٰ ہے۔ ”اگر مسلمان کے دو طائفے (گروہ) لڑپڑیں۔“ اس آیت کریمہ میں وہ مسلمان بھی داخل ہیں جو آپس میں لڑ پڑیں¤ نیز اللہ تعالیٰ نے فرمایا: ”اگر تمہارے پاس کوئی فاسق کوئی خبر لائے تو اس کی تحقیق کرلیا کرو۔“ ¤اور اگر خبر واحد قبول نہ ہوتی تو نبی ﷺ ایک شخص کو حاکم بناکر اس کے دوسرے شخص کو کیوں بھیجتے (اور یہ کیوں فرماتے) ان میں سے ایک بھول جائے تو اسے سنت کی طرف پھیر دیا جائے¤

وضاحت: خبر واحد سے مراد وہ حدیث ہے جس میں متواتر کی شرائط نہ پائی جائیں اور جسے کم از کم ایک راوی بیان کرے۔ ایک وہ ثقہ اور قابل اعتبار ہے تو اس کی بیان کردہ روایت قابل حجت ہے۔ اکثر صحیح احادیث اسی طرح کی ہیں۔ اس قسم کی احادیث تمام ائمہ دین قبول کی ہیں اور اس کے مقابلے میں قیاس کو ترک کیا ہے اور عقائد واحکام میں اسے تسلیم کیا ہے


حدیث ترجمہ:

ہم سے یحییٰ بن موسیٰ بلخی نے بیان کیا‘ کہا ہم سے وکیع بن جراح نے بیان کیا‘ ان سے اسرائیل بن یونس نے‘ ان سے ابو اسحاق سبیعی نے اور ان سے براء بن عازب ؓ نے بیان کیا کہ جب رسول اللہ ﷺ مدینہ تشریف لائے تو آپ سولہ یا سترہ مہینے تک بیت المقدس کی طرف منہ کر کے نماز پڑھتے رہے لیکن آپ کی آرزو تھی کہ کعبہ کی طرف منہ کر کے نماز پڑھیں۔ پھر اللہ تعالیٰ نے سورۃ بقرہ میں یہ آیت نازل کی‘ ”ہم آپ کے منہ کے بار بار آسمان کی طرف اٹھنے کو دیکھتے ہیں‘ عنقریب ہم آپ کے منہ کو اس قبلہ کی طرف پھیر دیں گے جس سے آپ خوش ہوں گے۔“ چنانچہ رخ کعبہ کی طرف کر دیا گیا۔ ایک صاحب نے عصر کی نماز آنحضرت ﷺ کے ساتھ پڑھی‘ پھر وہ مدینہ سے نکل کر انصار کی ایک جماعت تک پہنچے اور کہا کہ وہ گواہی دیتے ہیں کہ انہوں نے آنحضڑت ﷺ کے ساتھ نماز پڑھی ہے اور کعبہ کی طرف منہ کر نے کا حکم ہو گیا ہے چنانچہ سب لوگ کعبہ رخ ہو گئے حالانکہ وہ عصر کی نماز کے رکوع میں تھے۔

حدیث حاشیہ:

یہ واقعہ تحویل کے پہلے دن مسجد نبوی بنی حارث یعنی مسجد قبلتین کا ہے۔ بعض روایتوں میں ظہر کی نماز مذکور ہے اور اگلی حدیث کا واقعہ دوسرے روز کا مسجد قبا کا ہے تو دونوں روایتوں میں اختلاف نہیں رہا۔ باب کی مطابقت ظاہر ہے کہ خبر واحد کو تسلیم کر کے اس پر جمہور صحابہ نے عمل کیا۔ جو لوگ خبر واحد کے منکر ہیں وہ جمہور صحابہ کے طرز عمل سے منکر ہیں۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7318
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7252
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6711
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7252
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6825
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6982
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7252
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7252
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7252

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

خبر واحد سے مراد وہ حدیث ہے جس میں متواتر کی شرائط نہ پائی جائیں اور جسے کم ازکم ایک راوی بیان کرے۔اگر وہ ایک راوی ثقہ اور قابل اعتبار ہے تو اس کی بیان کردہ روایت قابل حجت ہے۔اکثر صحیح احادیث اسی طرح کی ہیں۔ اس قسم کی احادیث تمام آئمہ دین نے قبول کی ہیں اور اس کے مقابلے میں قیاس کو ترک کیا ہے اور عقائد و احکام میں انھیں تسلیم کیا ہے امام بخاری رحمۃ اللہ علیہ نے خبر واحد کے حجت ہونے کے لیے تین دلائل پیش کیے ہیں۔©پہلی آیت کریمہ میں اللہ تعالیٰ نے اہل ایمان کو دین میں سمجھ پیدا کرنے کی ترغیب دی ہے اور اس آیت کریمہ میں طائفہ سے مراد ایک شخص بھی ہو سکتا ہے اور زیادہ بھی اس بنا پر اگر ایک آدمی کی خبر پردینی معاملات میں عمل کیا جائے گا تو یہ اس امر کی دلیل ہے کہ اس کی بیان کردہ حدیث بھی قابل حجت ہے دینی معاملات میں عقائد و حکام دونوں آجاتے ہیں بلکہ احکام میں تفقہ سے عقیدے میں تفقہ زیادہ اہمیت کا حامل ہے ©اس آیت کریمہ میں اللہ تعالیٰ نے ایک فاسق کی خبر کے متعلق تحقیق کرنے کا حکم دیا ہے۔ اس کا مطلب یہ ہے کہ اگر قابل اعتماد راوی کوئی خبر دے تو اس کے لیے تحقیق کی ضرورت نہیں۔ یہ آیت خبر واحد کے قابل حجت ہونے کی دلیل ہے اور اگر اس کی روایت سے یقینی علم کا فائدہ نہ ہوتا تو فاسق ہر قسم کے راوی کی خبر کے متعلق تحقیق کرنے کا حکم ہوتا۔©رسول اللہ صلی اللہ علیہ وسلم اپنے کارندے اور امر اء ایک ایک کر کے بھیجتے تھے تمام احکام میں ان کی طرف رجوع کرتے تھے چاہے وہ احکام عملی ہوں یا اعتقادی پھر ان میں سے اگر کوئی سہو اور بھول کا شکار ہو جاتا تو دوسرا اسے راہ راست کی طرف لے آتا۔ اگر خبر واحد قبول نہ ہوتی تو ایک شخص کو حاکم بنا کر بھیجنا اور دوسرے کا اسے راہ راست کی طرف لانا اس کا کیا مقصد ہو سکتا ہے۔

تمہید کتاب

×

احادیث ہم تک پہنچنے اور راویوں کے اعتبار سے دو قسموں پر مشتمل ہیں:1۔متواتر:اس سے مراد وہ حدیث ہے جسے تمام طبقات میں بیان کرنے والے اتنے لوگ ہوں کہ عقلاً ان کا جھوٹ پر اتفاق کر لینا ممکن نہ ہو۔ حدیث متواتر علم یقین کا فائدہ دیتی ہے۔ نیز اس کے راویوں کی جانچ پڑتال کے بغیر اس پر عمل کرنا ضروری ہے۔2۔آحاد:اس سے مراد وہ حدیث ہے جس میں متواتر کی شرائط نہ پائی جائیں جسے بیان کرنے والے زیادہ سے زیادہ دس اور کم ازکم ایک راوی ہو۔ اس کے متعلق اسلاف کا یہ موقف ہے کہ جب ثقہ راویوں کی روایت سے کوئی حدیث صحیح ثابت ہو جائے اور صحیح سند سے ہم تک پہنچ جائے تو اس پر ایمان لانا اور اس کی تصدیق کرنا ضروری ہے۔ پھر خبر واحد کو عمل با تصدیق کے لحاظ سے امت نے قبول کر لیا ہو تو جمہور امت کے نزدیک یہ یقینی علم کا فائدہ دیتی ہے پھر اسے متواترہی کی طرح سمجھا جائے گا۔ سلف صالحین کے درمیان اس بات میں کوئی اختلاف نہیں۔بعض حضرات کا خیال ہے کہ عقیدہ صرف دلیل قطعی ، یعنی قرآن یا حدیث متواتر ہی سے ثابت ہوتا ہے لیکن یہ موقف محل نظر ہے۔ امام شافعی رحمۃ اللہ علیہ  نے اس موضوع پر اپنی شہرہ آفاق کتاب" الرسالہ"میں ایک عنوان ان الفاظ میں قائم کیا ہے۔"خبر واحد کے حجت ہونے کا بیان ۔"امام شافعی رحمۃ اللہ علیہ  فرماتے ہیں۔ جب میرے سامنے رسول اللہ صلی اللہ علیہ وسلم کی صحیح حدیث بیان کی جائے اور میں اسے قابل حجت خیال نہ کروں تو گواہ رہو کہ میری عقل زائل ہو چکی ہے۔(مناقب الشافعی:1/474)اس سے معلوم ہوا کہ امام شافعی رحمۃ اللہ علیہ  اس شخص کو پاگل سمجھتے تھے جو صحیح حدیث پر عمل نہ کرےخواہ اس کا تعلق عقیدے سے ہوا یا اعمال سے بلکہ آپ خبر واحد کو قبول کرنا واجب خیال کرتے تھے۔ صحابہ کرام رضوان اللہ عنھم اجمعین  کا بھی معمول تھا کیونکہ ان کے سامنے جب کوئی صفات باری تعالیٰ کے بارے میں رسول اللہ صلی اللہ علیہ وسلم کی حدیث بیان کرتا تو وہ اسے بغیر لیت و لعل کے مان لیتے اور اس کے مطابق اپنا عقیدہ بنا لیتے جیسے رویت باری تعالیٰ اللہ تعالیٰ کاکلام کرنا ہر رات اس کا آسمان دنیا پر نزول فرمانا یا دیگر صفات وہ اس بات کا مطالبہ نہ کرتے تھے کہ تمھاری یہ حدیث خبر واحد ہے جب تک یہ متواتر کی حد تک نہیں پہنچے گی یقینی علم کا فائدہ نہیں دے گی صحابہ کرام رضوان اللہ عنھم اجمعین  نے احکام کی بعض احادیث میں تو شک کا اظہار کیا لیکن کسی نے بھی احادیث صفات کے متعلق کسی قسم کی دلیل کا مطالبہ نہیں کیا بلکہ وہ راوی کی حدیث سن کر سب سے جلدی اسے قبول کرتے اس کی تصدیق کرتے اور ان صفات کا عقیدہ رکھتے جو اس میں بیان ہوتا تھا۔خبر واحد کے متعلق دوسرا المیہ یہ ہے کہ کچھ اہل علم نے درایت یا شدت احتیاط کے پیش نظر ایسے اصول وضع کیے ہیں جن کی روسے انھوں نے صحیح احادیث کی ایک بڑی تعداد کو رد کردیا ہے۔ وہ اصول حسب ذیل ہیں۔©اخبار آحاد کو قرآن کے عمومات پر پیش کیا جائے اگر اس سے قرآن کے کسی عمومی حکم کی مخالفت ہوتی ہو تو قرآن لیا جائے گا اور خبر واحد کو رد کردیا جائے۔©اخبار آحاد اگر سنت مشہورہ کے خلاف ہو ں تو سنت مشہورہ  کو لیا جائے گا اوراس کے مقابلے میں خبر واحد کو رد کردیا جائے گا۔©خبر واحد کو اس وقت قبول نہ کیا جائے جب اس کے راوی کا عمل اس کے خلاف ہو۔©خبر واحد کو اس وقت قبول نہ کیا جائے جب اس کا راوی غیر فقیہ ہو اور وہ روایت ہر طرح سے قیاس کے خلاف ہو۔ ©خبر واحد کو اس وقت قبول نہ کیا جائے جب صحابہ و تابعین کے زمانے میں اس پر لوگوں نے عمل کرنا چھوڑدیا ہو۔اس طرح اور بہت سے اصول ہیں جنھیں سامنے رکھتے ہوئے ان حضرات نے بہت سی احادیث کو رد کیا ہے۔ امام بخاری رحمۃ اللہ علیہ  نے اس عنوان کے تحت اس قسم کے اصولوں کا جائزہ لیا ہے۔ ٹھوس اور پختہ دلائل سے ثابت کیا ہے کہ خبر واحد حجت ہے اور احکام کے ساتھ ساتھ عقائد بھی اس سے ثابت ہوتے ہیں چنانچہ حافظ ابن حجر رحمۃ اللہ علیہ  لکھتے ہیں۔"خبر واحد پر کسی رد کے بغیر صحابہ کرام رضوان اللہ عنھم اجمعین اور تابعین عظام رحمۃ اللہ علیہ  کے درمیان وسیع پیمانے پر عمل جاری و ساری تھا۔ یہ اس امر کی دلیل ہے کہ وہ خبر واحد کے مقبول ہونے پر متفق تھے۔"(فتح الباری:13/288)امام بخاری رحمۃ اللہ علیہ  نے اس سلسلے میں بائیس(22)مرفوع احادیث کا انتخاب کیا ہے اور ان پر چھوٹے چھوٹے چھ(6)عنوان قائم کیے ہیں۔آپ نے اس سلسلے میں پہلا عنوان ان الفاظ میں قائم کیا ہے۔(بابُ مَا جَاءَ فِي إِجَازَةِ خَبَرِ الْوَاحِدِ الصَّدُوقِ فِي الأَذَانِ وَالصَّلَاةِ وَالصَّوْمِ وَالْفَرَائِضِ وَالأَحْكَامِ)اذان ، نماز، روزہ، اور دیگر فرائض و احکام میں ایک سچے آدمی کی خبر پر عمل کا جائزہونا۔"اور آخری عنوان اس طرح ہے۔(باب خَبَرِ الْمَرْأَةِ الْوَاحِدَةِ) "ایک عورت کی خبر کا بیان۔"بہرحال امام بخاری رحمۃ اللہ علیہ  نے خبر واحد کے سلسلے میں اسلاف کے موقف کی خوب وضاحت کی ہے اور احادیث کی روشنی میں اس کی حجیت کو ثابت کیا ہے۔ہم فوائد میں ان کی وضاحت کریں گے اللہ تعالیٰ سے دعا ہے کہ وہ ہمیں احادیث کو سمجھنے دل سے ماننے اور اخلاص کے ساتھ ان پر عمل کرنے کی توفیق دے۔ آمین یا رب العالمین۔

تمہید باب عربی

×

تمہید کتاب عربی

×