جامع ترمذی: کتاب: آداب واحکام کا بیان (باب: نبی اکرم ﷺ کے اسماء گرامی کابیان​)

ترجمۃ الباب:

2840.

جبیر بن مطعم ؓ سے روایت ہے کہ رسول اللہ ﷺ نے فرمایا: ’’میرے کئی نام ہیں: میں محمد ہوں، میں احمد ہوں، میں وہ ماحی ہوں جس کے ذریعہ اللہ کفر کو مٹاتا ہے، میں وہ حاشر ہوں جس کے قدموں پر لوگ جمع کیے جائیں گے۱؎ میں وہ عاقب ہوں جس کے بعد کوئی نبی نہ پیدا ہو گا‘‘۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اس باب میں حذیفہ سے بھی روایت ہے۔