جامع ترمذی: كتاب: قرآن کریم کی تفسیر کے بیان میں (باب: سورہ قٓ سے بعض آیات کی تفسیر​)

ترجمۃ الباب:

3272.

انس بن مالک ؓ کہتے ہیں کہ نبی اکرمﷺنے فرمایا: ’’جہنم کہتی رہے گی ﴿هَلْ مِن مَّزِيدٍ﴾ (ق:30)۱؎ یہاں تک کہ اللہ رب العزت اپنا قدم اس میں رکھ دے گا، اس وقت جہنم قط قط (بس، بس کہے گی) اورقسم ہے تیری عزت وبزرگی کی (اس کے بعد) جہنم کا ایک حصہ دوسرے حصے میں ضم ہو جائے گا‘‘۔۲؎۔
امام ترمذی کہتے ہیں:
۱۔ یہ حدیث اس سند سے حسن صحیح غریب ہے۔
۲۔ اس باب میں ابوہریرہ ؓ سے بھی روایت ہے۔