جامع ترمذی: كتاب: قرآن کریم کی تفسیر کے بیان میں (باب: سورہ تکاثر سےبعض آیات کی تفسیر)

ترجمۃ الباب:

3354.

شخیر ؓ کہتے ہیں: وہ نبی اکرم ﷺ کے پاس اس وقت پہنچے جب آپﷺ آیت ﴿أَلْهَاكُمْ التَّكَاثُرُ﴾۱؎ تلاوت فرما رہے تھے، آپﷺ نے فرمایا: ’’ابن آدم میرا مال، میرا مال کہے جاتا ہے (اسی ہوس وفکر میں مرا جاتا ہے) مگر بتاؤ تو تمہیں اس سے زیادہ کیا ملا جو تم نے صدقہ دے دیا اور آگے بھیج دیا یا کھا کر ختم کر دیا یا پہن کر بوسیدہ کر دیا‘‘۱؎۔
امام ترمذی کہتے ہیں: یہ حدیث حسن صحیح ہے۔