جامع ترمذی: كتاب: مسنون ادعیہ واذکار کے بیان میں (باب: کھانا کھاکر کیا پڑھے؟​)

ترجمۃ الباب:

3455.

عبداللہ بن عباس ؓ کہتے ہیں: میں اور خالد بن ولید ؓ (دونوں) رسول اللہ ﷺ کے ساتھ ام المومنین میمونہ‬ ؓ ک‬ے گھر میں داخل ہوئے، وہ ایک برتن لے کر ہم لوگوں کے پاس آئیں، اس برتن میں دودھ تھا میں آپﷺ کے دائیں جانب بیٹھا ہوا تھا اور خالد آپﷺ کے بائیں طرف تھے، آپﷺ نے دودھ پیا پھر مجھ سے فرمایا: ’’پینے کی باری تو تمہاری ہے، لیکن تم چاہو تو اپنا حق (اپنی باری) خالد بن ولید کو دیدو‘‘، میں نے کہا: آپﷺ کا جوٹھا پینے میں اپنے آپ پر میں کسی کو ترجیح نہیں دے سکتا، پھر رسول اللہ ﷺ نے فرمایا: ’’جسے اللہ کھانا کھلائے، اسے کھا کر یہ دعا پڑھنی چاہیے: (اللَّهُمَّ بَارِكْ لَنَا فِيهِ وَأَطْعِمْنَا خَيْرًا مِنْهُ)۱؎ اور جس کو اللہ دودھ پلائیے اسے کہنا چاہیے (اللَّهُمَّ بَارِكْ لَنَا فِيهِ وَزِدْنَا مِنْهُ)۲؎ رسول اللہ ﷺ نے فرمایا: ’’دودھ کے سوا کوئی ایسی چیز نہیں ہے جوکھانے اور پینے (دونوں) کی جگہ کھانے وپینے کی ضرورت پوری کر سکے‘‘۔
امام ترمذی کہتے ہیں:
۱۔ یہ حدیث حسن ہے۔
۲۔ بعض محدثین نے یہ حدیث علی بن زید سے روایت کی ہے، اور انہوں نے عمر بن حرملہ کہا ہے۔ جب کہ بعض نے عمر بن حرملہ کہا ہے اور عمرو بن حرملہ کہنا صحیح نہیں ہے۔