سنن ابو داؤد: کتاب: وتر کے فروعی احکام و مسائل (باب: ( شمار کی غرض سے ) کنکریوں پر تسبیح پڑھنا)

ترجمۃ الباب:

1500.

عائشہ بنت سعد بن ابی وقاص اپنے والد (سیدنا سعد ؓ) سے روایت کرتی ہیں کہ وہ رسول اللہ ﷺ کے ساتھ ایک عورت کے پاس آئے جب کہ اس عورت کے سامنے گٹھلیاں تھیں یا کنکریاں، وہ ان کے ساتھ تسبیح پڑھ رہی تھی۔ آپ ﷺ نے فرمایا: ”کیا میں تمہیں وہ چیز نہ بتاؤں جو تمہارے لیے آسان تر یا افضل ہو؟“ تو آپ ﷺ نے فرمایا: «سُبْحَانَ اللَّهِ عَدَدَ مَا خَلَقَ فِي السَّمَاءِ وَسُبْحَانَ اللَّهِ عَدَدَ مَا خَلَقَ فِي الْأَرْضِ وَسُبْحَانَ اللَّهِ عَدَدَ مَا خَلَقَ بَيْنَ ذَلِكَ وَسُبْحَانَ اللَّهِ عَدَدَ مَا هُوَ خَالِقٌ» ” اللہ کی تسبیح ہے اس مخلق کی تعداد میں جو اس نے آسمان میں پیدا کی ۔ اللہ کی تسبیح ہے اس مخلوق کی تعداد میں جو اس نے زمین میں پیدا کی۔ اللہ کی تسبیح ہے اس مخلوق کی تعداد میں جو اس نے ان دونوں کے مابین پیدا کی، اللہ کی تسبیح ہے اس مخلوق کی تعداد میں جو وہ پیدا کرے گا۔ اور «الله أكبر» اسی کے مثل اور «الحمد الله» اسی کے مثل اور «لا إله إلا الله» اسی کے مثل اور «وَلَا حَوْلَ وَلَا قُوَّةَ إِلَّا بِاللَّهِ» اسی کے مثل۔“