سنن ابو داؤد: کتاب: کہانت اور بدفالی سے متعلق احکام و مسائل (باب: بدشگونی کا بیان)

ترجمۃ الباب:

3922.01.

امام ابوداؤد ؓ کہتے ہیں کہ جناب حارث بن مسکین کے سامنے حدیث پڑھی گئی، جب کہ میں حاضر تھا، انہیں کہا گیا کہ آپ کو ابن قاسم نے خبر دی، جب کہ امام مالک ؓ سے گھوڑے اور گھر کی بدشگونی کے بارے میں پوچھا گیا؟ تو انہوں نے فرمایا: کتنے ہی گھروں میں لوگوں نے رہائش اختیار کی تو وہ ہلاک ہو گئے، پھر دوسرے قیام پذیر ہوئے تو وہ بھی ہلاک ہو گئے۔ یہی اس کی توضیح ہے، جیسے کہ ہم سمجھتے ہیں۔ اور اللہ خوب جانتا ہے۔ امام ابوداؤد ؓ نے روایت کیا کہ سیدنا عمر ؓ نے فرمایا: گھر کی چٹائی اس عورت سے کہیں بہتر ہے جو بانجھ ہو۔