1۔ مسبوق یعنی امام سے پیچھے رہ جانے والا تکبیر تحریمہ کہہ کر نماز شروع کرے۔ اور امام کے ساتھ مل جائے۔ وہ جس حالت میں بھی ہو۔
2۔ زیر نظر حدیث میں (الرکعة) کا ترجمہ ہم نے رکعت کیا ہے۔ جب کہ کچھ علماء یہاں اس سے مراد رکوع لیتے ہیں۔ ہمارے مشائخ اور علمائے پاک و ہند کی ایک کثیر تعداد اس سے رکعت ہی مراد لیتی ہے۔ اور حضرت ابو ہریرہ رضی اللہ تعالیٰ عنہ سے یہی منقول ہے۔ جیسے کہ شوکانی نے نیل الاوطار (244/2، 245) میں یہ بحث کی ہے۔ وہ تمام حضرات آئمہ کرام جو وجوب فاتحہ خلف الامام کے قائل ہیں۔ وہ رکوع کی رکعت کے قائل نہیں ہیں۔ امام بخاری۔ امام ابن خزیمہ۔ تقی الدین سبکی۔ اور دیگر علمائے شافعیہ اسی طرف گئے ہیں۔ تا ہم رکوع میں مل جانے سے رکعت کے قائلین کی تعداد بھی کافی ہے۔ مگرراحج یہی ہے۔ کہ رکعت دو چیزوں سے مرکب ہوتی ہے۔ ایک قیام اوردوسری قراءت اور رکوع میں ملنے والا ان دونوں سے محروم رہتا ہے۔ لہذا رکوع میں ملنے سے رکعت کو دہرانا زیادہ راحج ہے۔ واللہ اعلم۔ اور اس قسم کے مسائل میں عوام الناس کو اپنے ہاں کے قابل اعتماد محقق علماء سے رابطہ کرنا چاہیے۔
3۔ مدرک رکوع کے مسئلے کی مذید وضاحت کےلئے ملاحظہ ہوحدیث نمبر 283) کے فوائد۔