دیت کی لغوی تعريف: الدية : ودی یدی سے مصدر ہے جس کے معنی ہیں: خون بہا یعنی مقتول کے ولی کو قاتل کی طرف سے جان کے بدلے میں دیا جانے والا بال اس کی جمع الديات آتی ہے ۔ اہل عرب کہتے ہیں : ود یت القتيل، أي أعطيت ديته’’میں نے مقتول کی دیت ادا ک “ دیت کو عقل بھی کہا جاتا ہے۔ عقل کے معنی باندھنے کے ہیں۔ عربوں کے ہاں رواج تھا کہ وہ مقتول کی دیت کے اونٹ اس کے گھر کےصحن میں باندھ دیتے تھے اس لیے دیت کوعقل سے تعبیر کیا جانے لگا ۔ (فقه السنة: 2/ 517، طبع دار الفکر، بیروت، 1417ھ)٭ اصطلاحی تعریف: د یت سے مراد وہ مال ہے جو کسی آزادآ دمی  کوقتل کرنے یا اس کے کسی عضو کو تلف کرنے کی صورت میں مظلوم یا اس کے ورثاء کو ادا کرنا مجرم پر واجب ہوتا ہے اور اس کی مقدار شریعت میں مقرر ہے۔ یہ اجتہادی مسلہ ٔ نہیں ہے۔ مزید تفصیل کے لیے دیکھیے : الموسوعة الفقهية :21/44 ، الطبعة الثانية:1412ھ‘ 1992)دیت کی لغوی و اعطای تعریف اور اس کے احکام ومسائل٭ د یت کی مشروعیت : اللہ رب العزت نے مسلمانوں کا مال اور جان دوسروں پرمحترم قرار دیا ہے لہذا فریقین میں سے کسی ایک پر ظلم و زیادتی کی صورت میں تاوان‘ جرمانہ‘ ہر جانہ  یا خون بہا کی صورت میں سزا مقرر کر دی گئی ہے، ارشاد باری تعالی ہے: و من قتل مؤمنا خطأ فتحرير رقبة مؤمنة و ډية مسلمة إلى أهلهه (النساء4/92 )  ”اور جوشخص کسی مومن  کوغلطی سے قتل کر دے تو اس پر ایک مسلمان غلام آزاد کرنا اور مقتول کے رشتے داروں کو خون بہا ادا کرنا لازم ہے۔ نبی اکرم ﷺنے دیت کی مشروعیت کی بابت یوں فرمایا ہے: من قتل له قتيل فهو بخير النظرين إما يؤدي واما یقادر (صحيح البخاري الديات، باب من قتل له قتيل فهو بخير النظرين حديث :6880) ’’جس کا کوئی 7 دی مل کر دیا جائے تو اسے دو چیزوں کا اختیار ہے اسے دیت دی جائے یا قصاص دلایا جائے۔‘‘٭ویت کی ادائیگی : د یت کی ادائیگی کی دو صورتیں ہیں: اگر قاتل نے عمد اقتل کیا ہے اور مقتول کے ورثاء قصاص کی بجائے دیت لینے پر راضی ہو گئے ہیں تو اس صورت میں قاتل خود و یت ادا کرے گا۔ عرق خط میں غلطی سے قتل ہوا ہے یا تل شبہ عمد ہے تو اس صورت میں دیت قاتل کے رشتے داروں پر ہوگی۔٭ دیت کی مقدار او تعیین : الله تعالی نے انسانی جان اور انسانی اعضاء کو  تلف کرنے پرشدید وعیدیں بیان فرمائی ہیں اور سخت سزائیں بھی مقرر کی ہیں ۔ اللہ تعالی کے نزدیک ایک مسلمان کی جان کی قد رقیمتی ہے، اس کا انداز و الله تعالی کے اس فرمان سے کیا جا سکتا ہے، ومن قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا (المائدةہ:32) ’’جوشخص کسی کوقتل کردئے بغیر اس کے کہ وہ کسی کا قائل ہو یا زمین میں فساد کرنے والا ہو تو گویا اس نے تمام لوگوں کو کر دیا۔ اور جو کسی ایک جان کو ( مانتی آتی ہونے سے) بچائے تو گویا اس نے تمام لوگوں کی جان بچائی۔‘‘ لہذاکسی محترم اور معصوم جان کوختم کرنے کی سزا  نہایت سخت رکھی گئی ہے حتی کہ اگر غلطی سے بھی کسی کی جان ضائع کر دی جائے یا اسے زخمی کر دیا جائے یا اس کے کسی عضو و نقصان پہنچایا جائے تو اس پر بھی شریعت اسلامی میں سزائیں مقرر ہیں علاوہ ازیں کوئی حاکم وقت یا قاضی وغیرہ اپنی مرضی سے ان میں رد و بدل نہیں کر سکتا۔ اسلامی قانون میں انسان کے مختلف حالات یعنی مسلمان آزاد‘ غلام مذکر اور مؤنث ہونے کے اعتبار سے الگ الگ دیتیں مقرر ہیں جن کی تفصیل درج ذیل ہے  1۔ اگر مقتول مسلمان آزاد مرد تھا تو اس کی دیت سواونٹ ہے۔ اگر اونٹ میسر نہ ہوں تو ایک ہزار مثقال سونای بارہ ہزار درہم چاندی یا دوسو گائیں یا دو بازار بھیڑ بکریاں ادا کی جائیں گی ۔ حضرت جابر﷜  سے روایت ہے کہ رسول اللہ ﷺ نے اونٹوں والوں پر سواونٹ گایوں والوں پر دو سو گا   ئیں اور بکریوں والوں کے ذمے  دو ہزار بکریاں بطور دیت ادا کرنا فرض قرار دیا۔ (سنن أبي داود الديات، باب الدية كم هي حديث : 4543۔4544) حضرت ابن عباس﷜ سے مروی ہے کہ بنو عدی کا ایک آدمی  قتل ہو گیا تو آپ نے اس کی دیت بارہ ہزار درہم طے فرمائی۔ (سنن أبي داود، الديات باب الدية كم هي حديث: 4546) حضرت عمرو بن حزم کے نوشتے میں ہے کہ سونے کی شکل میں ادا کرنے والوں پر ریت ایک ہزار دینار ہے۔ (سنن النسائية القسامة ذكر حديث عمروابن حزم في حديث:4857) 2۔آزاد اہل کتاب شخص خواہ ذمی ہو یا امن  حاصل کرنے والا یا حلیف اس کی دیت آزاد مسلمان آدمی کی دیت کا نصف ہے کیونکہ حضرت عبد الله بن عمرو بن عاص  ﷜سے مروی ہے کہ نبی اکرم ﷺنے فيصلہ فرمایا کہ اہل کتاب (یہود و نصاری )کی دیت مسلمانوں کی دیت سے نصف ہے۔“  (سنن أبي داود الديات باب الدية كم هي حديث: 4542و مسند أحمد:2/183۔244 )3۔ مجو سی خواہ ذمی ہو یا حلیف یا پناہ لینے والا یا کوئی بت پرست حلیف ہو یا پناہ لینے والا اس کی دیت آٹھ سو اسلامی درہم ہے۔ نبی اکرم ﷺ کا فرمان ہے: ’’مجوسی  کی دیت آٹھ سو درہم ہ‘‘ے۔ (الكامل لابن عدي: 5/347) في ترجمة عبدالله بن صالح و السنن الكبرى للبيهقي: 8/101)4۔اہل کتاب مجوسی اور بت پرستوں کی عورتوں کی دیت ان کے مردوں کی دیت سے نصف ہے جیساکہ مسلمان عورتوں کی دیت مسلمان مردوں کی دیت سے نصف ہے۔ امام ابن منذر    فرماتے ہیں: اہل علم کا اجماع ہے کہ عورت کی دیت مرد کی دیت سے نصف ہے۔“  (المغني والشرح الكبير:9/532)5۔ غلام یا لونڈی کی دیت وہی ہے جو اس کی مناسب قیمت ہو خواہ وہ کتنی ہی ہو۔ اگر یہ قیمت آزاد آدمی کی دیت سے کم ہوتو متفقہ طور پر علماء کا سہی موقف ہے لیکن اگر غلام کی قیمت آزاد کی دیت کے برابر یا زیادہ ہو جائے تو امام احمد‘ امام مالک، امام شافعی اور ابو یوسف  کا قول ہے کہ اس صورت میں بھی اس کی قیمت ہی ادا کی جائے گی، خواہ وہ کتنی ہی زیادہ ہو۔  6۔ جنین ( پیٹ میں بچہ )لڑکا ہو یا لڑکی جب وہ جنایت ( جرم) کرنے والے کی جنابت کے سبب مرجائے تو اس ضمن میں ایک غلام یا لونڈی دیت  ہے یا اس کی قیمت پانچ اونٹ ادا کرنے ہوں گے خواہ عمد اایسا  ہو یا خطا کیونکہ حضرت ابو ہریرہ  ﷜سے مروی ہے کہ رسول الله مﷺنے ہولحیان کی ایک عورت کے بارے میں فیصلہ دیا جس کے پیٹ کابچہ قتل  کر دیا گیا تھا کہ اسے ایک غلام یا لونڈی دی جائے۔ (صحیح البخاري الديات باب جنين المرأة وأن العقل حديث:4909 وصحيح مسلم القسامة" باب دية الجنين ووجوب الدية في. حدیث:1681)نوٹ : رسول اللہ ﷺنے’’ قتل شبہ عمد ‘‘میں دیت کے اونٹوں میں ایک مزید کڑی شرط لگائی ہے جو قتل خطا کی دیت میں نہیں ہے جس سے ثابت ہوتا ہے کہ اصل دیت اونٹ ہی ہیں۔ تقریبا تمام اہل علم کا اس پر اجماع ہے اور یہی قول راجح ہے کیونکہ اونٹ کے علاوہ    دیت میں دی جانے والی تمام اشیاء کی قیمت ہی کو پیش نظر رکھا گیا ہے۔ قتل کی مختلف صورتوں میں دیت کی تفصیل درج ذیل ہے: قلت خطا‘ کی نسبت ’’قتل عمد‘‘ اور ’’قتل شبہ عمد ‘‘میں دیت  کڑی ہے کہ سو اونٹوں کو تین حصوں میں یوں تقسیم کر دیا گیا ہے کہ تیسں حقے (تین سالہ اونٹنیاں تیسں جذعے (چار سالہ اونٹیاں) اور چالیس حاملہ اونٹنیاں ہیں ۔ (سنن ابن ماجه، الديات، باب من قتل عمداء فرضوا بالدية حديث:2626)’’قتل خطا  ‘‘ کی دیت میں تخفیف ہے کہ سوا ونٹوں کو چار حصوں میں تقسیم کیا گیا ہے یعنی تیس   بنت مخاض( ایک سالہ اونٹنیاں )تیسں بنت لبون ( دوسالہ اونٹیاں) تیسں حقے (تین سالہ اونٹنیاں ) اور دس ابن ليون ( دوسالہ اونٹ)  ہیں۔ (سنن ابن ماجه الديات باب دية الخطأ، حديث: 2630) اگر قاتل مذکورہ بالا تفصیل کے مطابق دیت ادا کر دے تو مقتول کے ورثاء کو چاہیے کہ وہ اسے قبول کر لیں البتہ اگر قاتل چاہے تو اونٹوں کی مروجہ قیمت بھی بطور دیت ادا کرسکتا ہے۔٭ اعضاء کی دیت :. بعض علماء کے نزدیک انسان کے جسم کے کل اعضاء پینتالیس ہیں ‘ ان سے بعض اعضاء ایک ایک ہیں اور عیش دو   دو اور  کئی دو  سے بھی زیادہ ہیں۔جسم کا جوعضو صرف ایک ہے مثلا: ناک زبان آلہ تناسل وغیرہ تو اگر کوئی اسے کاٹ دے تو اس کی دیت اتنی ہی ہے جتنی پورے انسان کی ہے۔ اور اس کی مقدار آدمی کی مختلف حیثیتوں کے اعتبار سے مختلف ہے۔ حیثیت سے مراد اس کا مرد‘ عورت آزاد غلام ‘لونڈی یا ذمی وغیرہ ہونا ہے۔ اس کی وجہ یہ ہے کہ اللہ تعالی نے جو عضو انسانی بدن میں ایک ہی پیدا کیا ہے اس کے ضائع ہونے سے اس کا فائدہ بالکل ختم ہو جاتا ہے تو گویا وہ جان جانے کے مترادف ہے لہذا اس کی دیت بھی جان کی دیت ہے۔ اس مسئلے میں علماء کا اتفاق ہے۔ حضرت عمرو بن حزم ﷜ کے مکتوب میں ہے کہ رسول الله ﷺنے فرمایا:’اور ناک کی مکمل دیت ہے جب اسے جڑ سے کاٹ دیا جائے اور زبان کی پوری دیت ہے... اور آلہ تناسل کے کاٹنے کی صورت میں مکمل دیت ہے۔ (سنن النسائي القسامة ذكر حديث عمرو بن حزم في... حدیث: 4857)٭ جسم کے جو اعضاء جوڑا جوڑا ہیں، مثلا: آنکھیں کان ہونٹ، جبڑے عورت کے پستان مردکی چھاتی ہاتھ ٹانگیں اور خصے وغیرہ اگر ایسے اعضاء دونوں ہی کاٹ دیے جائیں تو پورے انسان کی دیت ادا کرنی پڑے گی اور اگر ایک کاٹ دیا جائے تو اس میں آدھی دیت ہوگی کیونکہ ایسے دونوں اعضاء کی بقا میں انسان کی منفعت اور حسن و جمال مضمر ہے۔ (تفصیل کے لیے گذشتہ حوالہ دیکھیے ) امام ابن قدامہ   اس کی بابت لکھتے ہیں کہ ہمارے علم کے مطابق اس مسئلے میں کسی نے مخالفت نہیں کی نیز علامہ ابن عبدالبر اس کی بابت لکھتے ہیں کہ حضرت عمرو بن حزم کا  مکتوب اہل علم میں معروف ہے اور جو احکام اس میں درج ہیں ان میں سے چند ایک کے سوا باقی تمام پر اہل علم کا اتفاق ہے۔ ٭بعض اعضاء تین اجزاء پرمشتمل ہوتے ہیں ان تینوں کو کاٹ دینے کی صورت میں پوری د  یت دینی ہوگی اور اگر  وہ  ایک حصہ کاٹ دیا جائے تو اس کی دیت ایک تہائی ہے مثلا:ناک جو دو نتھنوں اور اس کی درمیانی ہڈی پرمشتمل ہے۔٭انسانی وجود میں جو چار چار اعضاء ہیں ‘ان چاروں کو کاٹ دینے کی صورت میں پوری دیت ہے اور اگر کم ہو تو دیت بھی اسی قدر ہوگی مثلا: چاروں پلکیں جن کا مقصد ظاہری خوبصورتی بھی ہے اور آنکھوں کو گرمی اور سردی سے بچانا بھی ان کی بھی دیت ہے۔ ایک کی دیت چوتھائی حصہ پاروں کی ملی و بیت ۔ ٭ ہاتھوں اور پاؤں کی انگلیوں کی دیت: دونوں ہاتھوں کی تمام انگلیوں کی مکمل دیت ہے۔ اسی طرح پاؤں کی انگلیوں کی مکمل دیت ہے ایک انگلی کی دس اونٹ دیت ہے۔ سیدنا ابن عباس﷜  سے مروی ہے رسول اللہﷺ نے فرمایا:” ہاتھوں اور پاؤں کی انگلیوں کی دیت برابر ہے۔ ہرانگلی کی دیت دس اوٹ ہے۔ (جامع الترمذي، الديات، باب ماجاء في دية الأصابع حديث:1391) صحیح  بخاری میں ہے کہ آپ نے فرمایا:’’یہ انگلی اور یہ انگلی‘ یعنی چھنگلی اور  انگوٹھا برابر ہیں ۔ ‘‘(صحیح البخاري الديات باب دية الأصابع، حدیث: 6895)، نیز ہر انگلی میں تین جوڑ  ہیں ایک جوڑ کاٹ دینے کی صورت میں انگلی کا تیسرا حصہ دیت ہے۔ انگوٹھے میں دو چوڑ ہیں اور ایک جوڑ  کی دیت ایک انگی کا نصف یعنی پانچ اونٹ ہے۔٭ دانتوں کی دیت: ہر دانت کی دیت پانچ اونٹ ہے کیونکہ حضرت عمرو بن حزم﷜ کے مکتوب میں نبی ﷺ  کا فرمان موجود ہے آپ نے فرمایا: ہر دانت کے بدلے میں پانچ اونٹ ہیں ‘‘ ( سنن النسائي القسامة ذكر حديث عمرو بن حزم في حديث: 4857) امام ابن قدامہ  اس کی بابت فرماتے ہیں کہ ہر دانت کی دیت پانچ اونٹ ہے اور اس میں کسی کا اختلاف ہمیں معلوم نہیں۔ (المغني والشرح الكبير:  9/612) ۱۹) ٭منافع کی دیت: منافع سے مراد وہ فوائد ہیں جو اعضائے جسمانی سے حاصل ہوتے ہیں مثلا: سننا ‘دیکھنا‘ سونگھنا‘ گفتگو کرنا اور چلناوغیرہ۔ انھی منافع میں سے حواس  اربعہ ‘ مثلا : دیکھتا سونگھتا، چکھنا اور سننا ہیں ان میں سے کوئی ایک حس ختم کر دی جائے تو اس کی کامل دیت ہے۔ امام ابن منذر  بیان کرتے ہیں کہ اہل علم کا اجماع ہے کہ سماعت کے ضائع ہو جانے پر پوری دیت ادا کی جائے گی، نیز امام ابن قدامہ نے اس پر اہل علم کا اجماع نقل کیا ہے۔ دیکھیے : (المغني والشرح الكبير: 2/596)سیدنا عمرو بن حزم ﷜کے مکتوب میں ہے: سونگھنے کی قوت ضائع کر دینے کی صورت میں پوری دیت ہے۔(المغني والشرح الكبير :9/100)٭ بو لنے، سمجھنے ، چلنے، کھانے نکاح (جماع) کرنے اور بول و براز کنٹرول کرنے کی قوت ختم کر دینےپربھی مکمل دیت لازم ہے کیونکہ ان میں سے ہر ایک نہایت اہم اور انتہائی فائدہ مند ہے نیز بدن میں مذکورہ دونوں میں سے ہر ایک قوت ایک ہی ہوتی ہے دو نہیں۔ ٭سر کے بال ڈاڑھی کے بال  ‘ابرو کے بال اور پلکوں کے بال : اگر ان میں سے کسی ایک مقام کو اس قدر متأثر کیا گیا کہ اس میں بال اگنے کی استعداد اور صلاحیت باقی نہ رہی تو اس کی مکمل دیت ہے۔ اگر ایک ابرو ہوتو نصف دیت ہے۔ ایک پلک کی چوتھائی دیت ہے کیونکہ پلکیں چار ہیں۔٭ سر اور چہرے کے زخموں کی دیت: وہ زخم جس سے جلد معمولی طور پر چھل جائے لیکن خون نہ نکلے‘ ایسے زخم کو اصطلاح میں حارصه کہتے ہیں۔٭و ہ زخم جس سے معمولی سا خون نکل  آئے‘ ایسے زخم کو اصطلاح میں بازله کہتے ہیں۔ ٭ وہ  زخم جس سے جلد چھل جائے اور گوشت کٹ جائے ایسے زخم کو اصطلاح میں باضعه  کہتے ہیں۔٭ایسازخم جو گوشت میں گہرائی تک چلا جائے ایسے زخم کو اصطلاح میں متلاحمه کہتے ہیں۔٭  اور ایساز خم جو گوشت میں گہرائی تک چلا جائے حتی کہ ہڈی کے اوپر بنی ہوئی جھلی تک پہنچ  جائے‘ ایسےزخم کو اصطلاح میں محاق   کہتے ہیں۔ مذکورہ پانچ قسم  کے زخموں کے ضمن میں شرعی طور پر دیت کی کوئی خاص مقدار مقرر ہیں حاکم وقت یا قاضی وغیرہ اپنے اجتہاد سے جرمانہ مقرر کرے گا۔ تفصیل کے لیے دیکھیے : (المغني والشرح الكبير :9/661)٭وہ زخم جو نہ صرف ہڈی کو ظاہر کر دے بلکہ اسے توڑ دے اس کی دیت دس اونٹ ہے۔ ایسے تم کو اصطلاح میں موضحه کہتے ہیں۔ ٭وہ زخم جو نہ صرف ہڈی کو ظاہر کر دے اور توڑ دے بلکہ ہڈی اپنی جگہ سے ہٹ جائے اور اس ٹوٹے ہوئے حصے کو جوڑ کر اور باندھ کر واپس پہلی حالست میں لانا پڑے ایسے زخم کو منقله کہتے ہیں ۔ اس قسم کے زخم کی دیت پندرہ اونٹ ہے ۔٭وہ زخم جو دماغ کی اس جھلی تک پہنچ  جائے جس میں دماغ رکھا ہوتا ہے ایسے زخم  کو اصطلاح میں مأمومه کہتے ہیں۔ ایسے زخم کی دیت ایک تہائی دیت ہے۔٭وہ زخم جو دماغ کی جھلی کو پھاڑ دے اس کو اصطلاح میں دامغه کہتے ہیں۔ ایسے زم کی دیت ایک تہائی دیت ہے۔ ٭ وہ زخم جو جسم کے اندر گہرا اور کسی خلا تک جائے مثلا: پیٹ‘ سینے ‘حلق اور مثانے کا خلا وغیرہ اس میں بھی ایک تہائی دیت ہے۔ ایسے زخم کو اصطلاح میں جائقه کہتے ہیں۔ ا(ن تمام کی تفصیل اور حوالے کے لیے دیکھیے) : (سنن النسائي القسامة ذكر حديث عمرو بن حزم فيه حدیث :4857) ٭ہڈیوں کے ٹوٹ جانے کی صورت میں دیت: پسلی کی ہڈی توڑنے کی صورت میں اگر وہ علاج کے بعدصحیح  طور پر جڑ جائے تو اس کی دیت ایک اونٹ ہے اسی طرح ہنسلی کی ہر ہڈی کی دبیت ایک ایک اونٹ ہے کیونکہ سیدنا عمر ﷜ سے مروی ہے کہ انھوں نے ہنسلی اور پسلی  کی ہڈی کے معاملے میں ایک ایک اونٹ دیت کا فیصلہ فرمایا۔ (موطا امام مالك العقول، باب جامع عقل الأسنان، حديث: 1654) تا ہم اگر پسلی یا ہنسلی کی ہڈی ٹیڑھی جڑے تو اس صورت میں حاکم وقت یا قاضی وغیرہ جو فیصلہ کر یں وہی نافذ العمل ہوگا۔٭ کلائی کی ہڈی توڑنے کی صورت میں اگرصحیح  جڑ جائے تو اس کی دیت دو اونٹ ہے۔ کلائی کی ہڈی سے مراد وہ ہے جو ہاتھ سے لے کر کہنی تک ہوتی ہے۔ ایسے ہی ران پنڈلی اور ٹخنے کی ہڈی توڑنے کی دو اونٹ دیت ہے۔ حضرت عمرو بن عاص﷜  نے سیدنا عمر بن خطاب ﷜ کو لکھا کہ ایک شخص نے کسی کے بازو کی ہڈی توڑ دی ہے تو اس کی کتنی دیتی ہے؟ حضرت عمر نے جواب دیا: اس کی دیت دو اونٹ ہے۔ اور اگر باز وؤں کی دونوں ہڈیاں توڑ دی جائیں تو ان کی چار اونٹ دیت ہے۔ (مصنف ابن أبي شيبة الديات، حدیث2777 و منار السبيل، ص: 665) اس مسئلے میں کسی صحابی نے ان کی مخالفت نہیں کی۔یہ ان زخموں کی اور ہڈیوں کو توڑنے کی دیت کا بیان تھا جن کا ذکر شریعت میں وارد ہوا ہے۔ اور ہڈی ٹوٹنے یا زخم آنے کی جو صورتیں اس کے علاوہ ہیں ان میں حاکم وقت یا قاضی وغیرہ کا فیصلہ ہی معتبر سمجھاجائے گا۔ مزید تفصیل کے لیے دیکھیے : (فقه السنة و الموسوعة الفقهية و الملخص الفقهيوالمغني والشرح الكبير و غيره)