لغوی معنی:تعبیر کا لغوی معنی ‘اظہار ‘بیان اور ترتجمانی ہے ہیں جبکہ [رويا]سے مرا د وہ مناظر یا وہ چیزیں ہیں جو کوئی شخص نیند میں دیکھتا ہے ‘لہذا[تعبير الرويا ]کا مطلب ہوگا : حالت نیند میں دیکھے جانے والے مناظر کی تفسیر و تبیین اور ان کی ترجمانی کرنا ۔٭خوابوں کی اقسام:خواب مومن کے لیے اللہ تعالیٰ کی نعمت ہیں اگر اچھا خواب نظر آئے تو مومن کو دلی مسرت اور روحانی سرور حاصل ہوتا ہے ‘اور اگر بر خواب نظر آئے تو مومن اپنے رب کی طرف رجوع کرکے احتیاطی تدابیر اختیار کرتا اور اپنے رب کی پناہ حاصل کرلیتا ہے اس طرح خواب مومن کے لیے ہر حال میں خیرو برکت کا باعث بنتے ہیں خوابون کی اقسام درج ذیل ہیں :٭اللہ تعالیٰ کی طرف سے مومن کے لیے خوش خبری پر مشتمل خواب۔٭مومن کو پریشان کرنے کے لیے شیطانی اور ڈراؤنے خواب۔٭دن بھر کی مصروفیت ‘منصوبوں اور خیالات کا نیند میں نظر آنا۔خواب سچے بھی ہوتے ہیں اور انسان کو پریشان کرنے کے لیے محض شیطانی وسوسے بھی حافظ ابن حجر  نے خواب دیکھنے والوں کو  درج ذیل اقسام میں تقسیم کیا  ہے :٭انبیائے کرام ﷤ ان کے خواب سچے اور مبنی بر حقیقت ہیں ۔٭نیک لوگوں کے خواب :ان کے اکثر وبیشتر خواب سچے ہوتے ہیں جبکہ کبھی کبا ر اس کے بر عکس صورتحال بھی ہو سکتی ہے ۔٭فاسق و فاجر اور کفار کے خواب ان کے اکثر خواب جھوٹے اور شیطانی وسوسے ہوتے ہیں البتہ کبھی کبھار ان کے خواب بھی سچ ہو سکتے ہیں ،جیسے حضرت یوسف ﷤ کے دو قیدی ساتھیوں کے خواب یا فرعون کا خواب وغیرہ۔٭خواب کی تعبیر کے آداب :نبئ آخرالزمانﷺ نے ہر ہر شعبے میں امت کی رہنمائی فرمائی ہے صحابۂ کرام ﷢ کو خواب آتے تھے جن کی تعبیر خو د سرورکائنات ﷺ فرماتے اچھا یا برا خواب دیکھنے پر کیا آداب اختیار کرنے چاہیں ؟اس کے متعلق آپ ﷺ نے امت کی بھر  پور رہنمائی فرمائی ہے ‘چنانچہ امت کو حکم دیا ہے کہ خواب  کی تعبیر کرتے وقت اسے اچھی اور بہتر صورت پر محمول کریں  کیونکہ تعبیر کر دینے کے بعد خواب ویسے ہی واقع ہو جاتا ہے ۔خواب کی تعبیر کے سلسلے میں میں آب کا ارشاد گرامی ہے کہ تعبیر ہمیشہ اپنے خیر خواہ آدمی ہمیشہ اچھی تعبیر کریں گئے جبکہ حاسد یا جاہل  شخص بری تعبیر دے کر نقصان کا باعث بنیں گئے ۔جس شخص کو خواب آئے اسے درج ذیل آداب نبوی اپنا نے چاہیں :٭اچھا خواب نظر آئے تو اللہ تعالیٰ کا شکر ادا کرے ‘اپنے پسندیدہ ‘محبوب اور خیر خوالوگوں کو سنائے اور خوشی کا اظہار کرے ۔٭اگر ڈراؤنا یا برا خواب دیکھے تو اللہ تعالیٰ کے پناہ طلب کرے ‘یعنی [أعوذ بالله من الشيطان الرجيم]پڑھے نیند سے بیدار  ہونے پر بائیں طرف تین بار تھتکار دے کسی بھی شخص سے اس کا اظہار نہ کرے جس کروٹ لیٹا ہو اسے تبدیل کر کے دوسری کروٹ پر لیٹ جائے ۔ نفل نماز ادا کرے۔آیۃ الکرسی پڑھے۔ درج بالا اختیار کرنے  سے ان شاءاللہ آدمی برے خواب  کے اثرات سے محفوظ ہو جائے گا۔