٭بدعت کی تعریف: ہر وہ کام جسے دین مین تقرب الہی کے حصول کے لیے ایجاد کیا گیا ہو اور اس کی صحت پر کوئی دلیل کتاب اللہ، سنت رسول اور صحابہ کے عمل سے نہ ہو۔٭ بدعت کے رد میں علمائے سلف کے اقوال: (ا) حضرت عبداللہ بن عمر ﷜ فرماتے ہیں: "ہر بدعت گمراہی ہے اگرچہ لوگ اسے اچھا ہی گمان کرتے ہوں۔" (شرح اتقاد اهل السنة:1/92) (ب) امام مالک   فرماتے ہیں: "جس شخص نے اسلام میں کوئی بدعت نکالی، اسے مستحسن جانا تو گویا اس نے حضرت محمد ﷺ کو رسالت میں خیانت کا مرتکب قرار دیا کیونکہ اللہ تعالیٰ فرماتا ہے: () "آج میں نے تمہارے لیے تمہارا دین مکمل کر دیا۔" لہذا جو چیز اس دن (حجہ الوداع کے دن) دین نہیں تھی وہ آج بھی دین نہیں۔" (كتاب الاعتصام‘ص:64‘ ايقاظ الهمة; ص:143) (ج) حضرت ابراہیم بن میسرہ   فرماتے ہیں: "جس نے کسی بدعتی کی عزت اور احترام کیا اس نے اسلام کو برباد کرنے مین تعاون کیا۔" (شرح اعتقاد اهل السنة:1/139) (د) حضرت حسن بصری  فرماتے ہیں: "اللہ تعالیٰ بدعتی کا کوئی عمل قبول نہیں فرماتا۔" (شرح الاعتقاد:1/139)٭ بدعات کی ابتدا اور پھیلاؤ کے اسباب: (1) بدعت کی غلط تقسیم: بدعت کو دو قسموں میں تقسیم کر کے بے شمار خرافات کو دین میں داخل کر دیا گیا ہے کہ یہ بدعت حسنہ ہے، حالانکہ ہر بدعت گمراہی ہے، مثلا بدعت حسنہ کے نام سے نیا دین متعارف کروا دیا گیا ہے جس مین ولایت، طریقت، سلوک، بیعت، اجازت، عنایت، فیض، مراقبہ، چلہ، شماع، رقص،حال، وجد، عرس، چہلم، چادر پوشی، قبر کا غسل، میلاد، گیارہویں اور اسی قسم کی بے شمار گمراہیاں شامل ہیں۔ (2) آباؤ اجداد کی پیروی: اکثر جہلاء اپنے باپ دادا کی رسومات کو دین سمجھ کر اپناتے ہیں اور پھر دین و دنیا کی بربادی پر شاداں و فرحاں پھرتے ہیں، مثلا مزاروں پر حاضری، عرس میں شرکت، سالانہ فاتحہ خوانی، محفل میلاد اور برسیاں منانا محض بدعت کے سوا کچھ نہیں، جنہین بدکردار سیاستدان، خودغرض مولوی صاحبان اور آباؤاجداد کی اندھی تقلید میں مبتلا جہلاء خوب پروان چڑھا رہے ہیں۔ (3) بزرگان کی محبت میں غلو: جہلاء قرآن و سنت کی تعلیمات سے دور ہونے کے باوجود بزرگوں کی محبت کو نجات کا ذریعہ سمجھتے ہیں۔ اسی اندھی محبت کی وجہ سے طرح طرح کی بدعات کے ذریعے سے بزرگوں کی خوشنودی اور تقرب کے حصول کی کوشش کرتے ہیں۔ (4) دین سے دوری: بدعات کی ابتدا اور ترقی ہمیشہ بے دین اور جہلاء میں ہوئی ہے۔ قرآن و سنت کی تعلیم سے بے رغبتی بدعات کی دلدل کو ہر روز وسیع کر رہی ہے۔ (05) علماء کی مجرمانہ خاموشی: علمائے حق کی خاموشی بدعات کے فروغ کا بہت بڑا سبب ہے۔ جب علمائے حق بدعات کا پرزور رد نہیں کرتے تو عوام انہیں دین سمجھ کر اپنا لیتے ہیں۔ (6) حکمرانوں کی سر پرستی: بدعمل اور بدکردار حکمران عوام کو مشغول رکھنے کے لیے مختلف طدعات کی سرپرستی کرتے ہیں تاکہ عوام بدعات کو دین و ثواب سمجھ کر ان میں مصروف رہیں اور خود حکمران اپنی عیاشیوں مین کوئی رکاوٹ محسوس نہ کریں۔ جیسا کہ وطن عزیزی میں چند برسوں سے محافل میلاد، تعزیہ اور ماتم کے جلوسوں میں ہو رہا ہے۔ (7) سالانہ بدعات کی ایک جھلک: عہد حاضر میں بدعت نے جس طرح تیز رفتاری سے ترقی کی ہے شاید ہی کسی اور شعبے نے ایسی ترقی کی ہو۔ سال بھر میں کوئی دن ایسا نہیں گرتا جس میں کسی نہ کسی بدعت کی محفل نہ سجتی ہو۔ سال بھر کی مشہور و معروف بدعات کچھ یوں ہیں: حضرت حسین ﷜ کی شہادت کے دن ماتم، تعزیہ اور رونے پیٹنے ی بدعات، نبی اکرم ﷺ کی ولادت کے نام پر محافل میلاد کا انعقاد، سب برات اور شب معراج کی محفلیں، گیارہویں شریف، تیجہ، ساتواں، چالیسواں، اجرت پر قرآن پڑھانا وغیرہ۔ اللہ تعالیٰ تمام بدعات سے بچنے اور سنت نبوی پر عمل کرنے کی توفیق عطا فرمائے۔آمین۔ (8) بدعتی شخص اسلام اور علمائے اسلام کی نظر میں: قرآن و سنت کی اتباع چھوڑ کر لوگوں کی آراء اور بدعات کو اختیار کرنے والا شخص اسلام اور علمائے اسلام کی نظر میں انتہائی برا ہے۔ اس سلسلے میں فرامین نبوی اور اقوال علماء درج ذیل ہیں:٭رسول اکرم ﷺ  نے بدعتی کی مذمت کرتے ہوئے فرمایا: "مدینہ منورہ عیر پہاڑ سے لے کر ثور تک حرم ہے، جس شخص نے اس میں کوئی بدعت رائج کی یا کسی بدعتی کو پناہ دی اس پر اللہ تعالیٰ، فرشتوں اور تمام لوگوں کی لعنت ہے۔ ایسے شخص سے اللہ تعالیی قیامت کے روز کوئی فرض یا نفل عبادت قبول نہیں فرمائے گا۔" (صحيح البخاري‘ فضائل المدينة‘ باب حرم المدينة حديث:1870‘وصحيح مسلم‘ الحج‘ حديث:1370) ٭نیز ارشاد نبوی ہے: "جس شخص نے لوگوں کو ہدایت کی دعوت دی، اسے اس ہدایت پر عمل کرنے والے تمام لوگوں کے ثواب کے برابر ثواب ملے گا اور ان کے اپنے اجر مین بھی کوئی کمی نہیں ہو گی اور جس شخص نے گمراہی کی طرف بلایا، اسے گمراہی پر عمل کرنے والے تمام لوگوں کے گناہوں کے برابر گناہ ہو گا جب کہ ان کے اپنے گناہوں میں بھی کچھ کمی نہ ہو گی۔" (صحيح مسلم‘ العلم‘ باب من سن حسنة او سئية...‘ حديث:2674) ٭حضرت ہشام بن حسان رحمۃ اللہ علیہ فرماتے ہیں: اللہ تعالیٰ بدعتی شخص کا روزہ، نماز، حج، جہاد، عمرہ، صدقہ خیرات، غلام آزاد کرنا، نفلی عبادت اور فرض عبادت کچھ بھی قبول نہیں فرماتا۔(كتاب الاعتصام:1/113) ٭ حضرت ایوب سختیانی فرماتے ہیں: بدعتی شخص نماز روزے میں جتنی محنت کرتا ہے اتنا ہی اللہ تعالیٰ سے دور ہو جاتا ہے۔ (کتاب الاعتصام:1/113)٭امام ابوالجوزاء  بدعتی کے ساتھ اپنی نفرت کا اظہار ان الفاظ میں کرتے ہیں: اس ذات کی قسم جس کے ہاتھ میں میری جان ہے! بدعتی شخص کے پاس بیٹھنے سے کہیں زیادہ مجھے یہ بات پسند ہے کہ میرا گھر بندروں اور خنزیروں سے بھر  جائے(اور میں ان کی مجلس اختیار کر لوں۔) (الاعتصام:1/19) حضرت عبداللہ بن عمر ﷜ بدعتی شخص سے سلام لینا بھی گوارا نہیں فرماتے تھے۔ ایک شخص نے آکر کہا کہ فلاں شخص نے آپ کو سلام کہا ہے۔ حضرت عبداللہ بن عمر ﷜نے فرمایا: میں نے سنا ہے کہ اس نے فلاں بدعت شروع کی ہے اگر یہ صحیح ہے تو اسے میری طرف سے سلام مت پہچانا۔(سنن الدارمی، المقدمۃ، باب اجتناب اھل الاھواء والبدع والخصومۃ، حدیث:397)