التخريج

قسم الحديث (القائل): مرفوع اتصال السند: متصل قسم الحديث: قولی

سنن ابن ماجه: كِتَابُ إِقَامَةِ الصَّلَاةِ وَالسُّنَّةُ فِيهَا (بَابُ الِاسْتِعَاذَةِ فِي الصَّلَاةِ)

حکم : صحیح

ترجمۃ الباب:

808.   حَدَّثَنَا عَلِيُّ بْنُ الْمُنْذِرِ قَالَ: حَدَّثَنَا ابْنُ فُضَيْلٍ قَالَ: حَدَّثَنَا عَطَاءُ بْنُ السَّائِبِ، عَنْ أَبِي عَبْدِ الرَّحْمَنِ السُّلَمِيِّ، عَنِ ابْنِ مَسْعُودٍ، عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ: «اللَّهُمَّ إِنِّي أَعُوذُ بِكَ مِنَ الشَّيْطَانِ الرَّجِيمِ، وَهَمْزِهِ، وَنَفْخِهِ، وَنَفْثِهِ» قَالَ: هَمْزُهُ: الْمُوتَةُ، وَنَفْثُهُ: الشِّعْرُ، وَنَفْخُهُ: الْكِبْرُ

سنن ابن ماجہ:

کتاب: نماز کی اقامت اور اس کا طریقہ 

  (

باب: نمازمیں تعوذ پڑھنے کا بیان

)  

مترجم: فضیلۃ الشیخ مولانا محمد عطاء اللہ ساجد (دار السلام)

808.   حضرت عبداللہ بن مسعود ؓ سے روایت ہے، نبی ﷺ نے فرمایا: (اللَّهُمَّ إِنِّي أَعُوذُ بِكَ مِنَ الشَّيْطَانِ الرَّجِيمِ، وَهَمْزِهِ، وَنَفْخِهِ، وَنَفْثِهِ)’’اے اللہ! میں تیری پناہ میں آتا ہوں، مردود شیطان سے، اس کے چھونے سے، اس کی پھونک سے اور اس کے تھتکارنے سے۔‘‘ راوی بیان کرتے ہیں کہ: اس کے چھونے سے مراد ’’موتہ‘‘ کی بیماری ہے۔ اور اس کا تھتکارنا شاعری ہے‘ اور اس کی پھونک تکبر ہے۔

ترقیم کوڈ اسم الترقيم نام ترقیم ??? ?????? (حدیث نمبر)
١ ترقيم موقع محدّث ویب سائٹ محدّث ترقیم 857
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 808
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 800
٤ ترقيم فؤاد عبد الباقي (برنامج الكتب التسعة) ترقیم فواد عبد الباقی (کتب تسعہ پروگرام) 808
٥ ترقيم الأعظمي (برنامج الكتب التسعة) ترقیم اعظمی (کتب تسعہ پروگرام) 792
٦ ترقيم شرکة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 857
٧ ترقيم دار الرّسالة العالمية (جامع خادم الحرمين للسنة النبوية) ترقیم دار الرسالہ العالمیہ (خادم الحرمین الشریفین حدیث ویب سائٹ) 808
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 808
ترجمۃ الباب:

حدیث ترجمہ:

حضرت عبداللہ بن مسعود ؓ سے روایت ہے، نبی ﷺ نے فرمایا: (اللَّهُمَّ إِنِّي أَعُوذُ بِكَ مِنَ الشَّيْطَانِ الرَّجِيمِ، وَهَمْزِهِ، وَنَفْخِهِ، وَنَفْثِهِ)’’اے اللہ! میں تیری پناہ میں آتا ہوں، مردود شیطان سے، اس کے چھونے سے، اس کی پھونک سے اور اس کے تھتکارنے سے۔‘‘ راوی بیان کرتے ہیں کہ: اس کے چھونے سے مراد ’’موتہ‘‘ کی بیماری ہے۔ اور اس کا تھتکارنا شاعری ہے‘ اور اس کی پھونک تکبر ہے۔
حدیث حاشیہ:

فوائد و مسائل:
(1) (هَمزٌ) کا مطلب ہے کہ دوسرے کے جسم میں ہاتھ کی انگلیاں زور سے چبھونا جس سے اسے تکلیف محسوس ہو۔ موتہ ایک بیماری ہے جو شیطان کے اثر سے ہوتی ہے۔ اور جنون یا مرگی کے دورے سے مشابہ ہے۔ اس میں انسان کو اپنا ہوش نہیں رہتا۔ دورہ ختم ہونے پرمریض پوری طرح ہوش وحواس میں آ جاتا ہے۔
(2) (نفث) سے پھونک مارنے کا وہ انداز مراد ہوتا ہے۔ جسے دم کرتے ہوئے اختیار کیا جاتا ہے۔ فحش شاعری گندے گانے اور بے ہودہ اشعار شیطان کی ترغیب کا نتیجہ ہیں۔ جن کا کوئی فائدہ نہیں۔ البتہ اخلاقی اور معاشرتی خرابیاں اور نقصانات واضح ہیں۔ اس لئے ان کے شر سے اللہ کی پناہ طلب کرنا ضروری ہے۔ (نفث) کا مطلب وسوسہ بھی ہو سکتا ہے۔
(3) (نفخ) سے مراد پھونک مارنے کا وہ انداز ہے۔ جیسے کسی چیز میں ہوا بھری جاتی ہے۔ یا زور سے کسی چیز پر پھونک ماری جاتی ہے۔ دعا میں اس سے مراد فخر وتکبر کی کیفیت ہے۔ جس کی وجہ سے انسان دوسروں کو حقارت کی نظر سے دیکھتا ہے۔ اور خود کو ان سے برتر محسوس کرتا ہے۔ اس کی وجہ سے اور بہت سی اخلاقی بیماریاں پیدا ہوتی ہیں۔
ترجمۃ الباب:

حدیث ترجمہ:

عبداللہ بن مسعود ؓ کہتے ہیں کہ نبی اکرم ﷺ نے فرمایا: (اللَّهُمَّ إِنِّي أَعُوذُ بِكَ مِنَ الشَّيْطَانِ الرَّجِيمِ، وَهَمْزِهِ، وَنَفْخِهِ، وَنَفْثِهِ) ’’اے اللہ! میں مردود شیطان کے جنون، وسوسے اور کبر و غرور سے تیری پناہ چاہتا ہوں۔‘‘ راوی کہتے ہیں: (هَمْز) سے مراد اس کا جنون ہے ، (نَفْث) سے مراد شعر ہے اور (نَفْخ) سے مراد کبر و غرور ہے۱؎۔

 
حدیث حاشیہ:

۱؎: طیبی کہتے ہیں کہ اگر یہ تفسیر حدیث میں داخل ہے تو اس کے سوا دوسری تفسیر نہیں ہو سکتی، اور جو راوی نے یہ تفسیر کی ہے تو «نفث» سے «سحر» بھی مراد ہو سکتا ہے، اللہ تعالی نے فرمایا: (وَمِنْ شَرِّ النَّفّٰثٰتِ فِي الْعُقَدِ) (سورة الفلق:4) اور «همز» سے شیطان کا وسوسہ بھی مراد ہو سکتا ہے، جیسے قرآن میں ہے۔
ترجمۃ الباب:

حدیث ترجمہ:

It was narrated from Ibn Mas'ud that the Prophet (ﷺ) said:" (O Allah, I seek refuge in You from the accursed Satan, from his madness, his pride, and his poetry)." (Hasan) He said: "Ham z uhu is his madness, NaJathuhu is poetry, and Najkhuhu is pride."……

الحكم على الحديث

اسم العالمالحكم
١. فضيلة الشيخ الإمام محمد ناصر الدين الألبانيصحیح
٢. فضيلة الشيخ العلّامة شُعيب الأرناؤوطصحيح لغيره
٣. مجلس علمي (دار الدّعوة، دهلي)صحيح
٤. فضيلة الشيخ حافظ زبير علي زئي حسن