التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْحَجِّ (بَابُ مَا يُبَاحُ لِلْمُحْرِمِ بِحَجٍّ أَوْ عُمْرَةٍ، وَمَا لَا يُبَاحُ وَبَيَانِ تَحْرِيمِ الطِّيبِ عَلَيْهِ)

حکم : أحاديث صحيح مسلم كلها صحيحة 

1180.01. وحَدَّثَنَا ابْنُ أَبِي عُمَرَ، قَالَ: حَدَّثَنَا سُفْيَانُ، عَنْ عَمْرٍو، عَنْ عَطَاءٍ، عَنْ صَفْوَانَ بْنِ يَعْلَى، عَنْ أَبِيهِ، قَالَ: أَتَى النَّبِيَّ صَلَّى اللهُ عَلَيْهِ وَسَلَّمَ رَجُلٌ وَهُوَ بِالْجِعْرَانَةِ، وَأَنَا عِنْدَ النَّبِيِّ صَلَّى اللهُ عَلَيْهِ وَسَلَّمَ، وَعَلَيْهِ مُقَطَّعَاتٌ - يَعْنِي جُبَّةً - وَهُوَ مُتَضَمِّخٌ بِالْخَلُوقِ، فَقَالَ: إِنِّي أَحْرَمْتُ بِالْعُمْرَةِ وَعَلَيَّ هَذَا، وَأَنَا مُتَضَمِّخٌ بِالْخَلُوقِ فَقَالَ لَهُ النَّبِيُّ صَلَّى اللهُ عَلَيْهِ وَسَلَّمَ: «مَا كُنْتَ صَانِعًا فِي حَجِّكَ؟» قَالَ: أَنْزِعُ عَنِّي هَذِهِ الثِّيَابَ، وَأَغْسِلُ عَنِّي هَذَا الْخَلُوقَ، فَقَالَ لَهُ النَّبِيُّ صَلَّى اللهُ عَلَيْهِ وَسَلَّمَ: «مَا كُنْتَ صَانِعًا فِي حَجِّكَ، فَاصْنَعْهُ فِي عُمْرَتِكَ»

مترجم:

1180.01.

عمرو بن دینار نے عطاء سے انھوں نے صفوان بن یعلیٰ رضی اللہ تعالیٰ عنہ سے، انھوں نے اپنے والد سے روایت کی، کہا: نبی کریم ﷺ جعرانہ میں تھے، آپ ﷺ کے پاس ایک شخص آیا، میں (یعلیٰ رضی اللہ تعالیٰ عنہ) بھی آپ ﷺ کی خدمت میں موجود تھا، اس (کے بدن) پر ٹکڑیوں والا (لباس)، یعنی جبہ تھا وہ زعفران ملی خوشبوسے لت پت تھا۔ اس نے کہا میں نے عمرے کا احرام باندھا ہے۔ اور میرے جسم پر یہ لباس ہے۔ اور میں نے خوشبو بھی لگائی ہے۔ (کیا یہ درست ہے؟) نبی ﷺ نے اس سے فرمایا: ’’تم اپنے حج میں کیا کرتے؟‘‘ اس نے کہا: میں یہ اپنے کپڑے اتار دیتا تو نبی کریم ﷺ نے اس سے فرمایا: ’’جو تم اپنے حج میں کرتے ہو وہی اپنے عمرے میں کرو۔‘‘

×
حدیث ترجمہ:

حضرت صفوان بن یعلیٰ اپنے باپ سے روایت کرتے ہیں کہ نبی اکرم صلی اللہ علیہ وسلم کے پاس جبکہ آپ صلی اللہ علیہ وسلم جعرانہ میں تھے، ایک آدمی آیا اور میں نبی اکرم صلی اللہ علیہ وسلم کے پاس حاضر تھا، وہ سلے ہوئے کپڑے یعنی جبہ پہنے ہوئے تھا اور وہ خُلوق سے لت پت تھا تو اس نے کہا، میں نے عمرہ کا احرام باندھا ہے اور میں نے اسے پہنا ہوا ہے اور میں خوشبو سے بسا ہوا ہوں تو نبی اکرم صلی اللہ علیہ وسلم نے اسے فرمایا: ’’تم حج میں کیا کرتے؟‘‘ اس نے کہا: میں ان کپڑوں کو اتار دیتا اور اپنے آپ سے اس خوشبو (خُلوق) کو دھو ڈالتا تو نبی اکرم صلی اللہ علیہ وسلم نے اسے فرمایا: ’’جو کچھ تم حج کی حالت میں کرتے ہو وہی اپنے عمرہ کے لیے کرو۔‘‘

حدیث حاشیہ:

مفردات الحدیث

(1) مُقَطَّعَات: کاٹ، کر، الگ الگ کرکے، جسم کے مطابق سلے ہوئے۔
(2) مُتَضَمِّخٌ: لت پت، کثرت سے استعمال کیے ہوئے۔

فوائد ومسائل

اس حدیث سے معلوم ہوتا ہے کہ وہ انسان حج کے آداب واحکام سے واقف تھا، اس لیے اس کو اتنا بتانا ہی کافی تھا کہ اس طرح کرو، جس طرح حج میں کرتے ہو۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم2852
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1180.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2018
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1180.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)2794
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1180.01
٨. ترقيم دار السلامترقیم دار السلام2799

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

احرام کے لفظی معنی کسی چیز یا عمل کو حرام کرلینے کے ہیں۔حج اور عمرہ ایسی عبادت ہے جس میں انسان گھر بار،خاندان اورروزہ مرہ کے معمولات کو چھوڑکر اللہ کے گھر کی طرف روانہ ہوتاہے۔تاکہ صرف اورصرف اسی کی عبادت میں مشغول ہوجائے۔اس کے لئے مقررہ حدود سے ایک ایسی حالت اختیار کرلینا ضروری ہے۔ جس میں زیب وزینت والے اپنے لباس سمیت بہت سے دوسرےجائز امور بھی ترک کردیئے جائیں تاکہ انسان مکمل طور پر اللہ کی طرف یکسو ہوجائے۔مرد لباس میں دو سادہ چادریں استعمال کر تے ہیں۔عورتیں سلا ہوا لیکن سادہ لباس پہنتی ہیں۔جوتے ایسے ضروری ہیں جن میں ٹخنے ننگے ضروری رہیں۔احرام کے دوران میں مقصود یہ ہوتا ہے کہ  پوری توجہ اللہ کی طرف ہو۔اس لیے یہاں بیوی سے تعلقات،جسمانی زیب وزینت سے بھی غیر متعلق ہوناضروری ہے۔ ناخن تراشنا،بال کاٹنا،خوشبو لگانا،ایسی سب چیزوں کا مکمل ترک،احرام کا حصہ ہے۔باہمی اختلاف وجدال،عبادت کی طرف ارتکازتوجہ کا دشمن ہے۔اسے مکمل طور پرچھوڑنا ضروری  ہے۔وہ امن اورمامن (امن کی جگہ) کے سفر روانہ ہے۔اس لئے اسے اجازت نہیں کہ وہ شکار کرے یا کسی جاندار کو نقصان پہنچائے۔حدود حرم کے جو آداب ہیں ان سب کی پابندی ہرحالت میں ضروری ہے۔

احرام میں یکسوئی کے ساتھ ساتھ اللہ تعالیٰ کے سامنے ضروری کےاحساس سے انسان پرعجز وتذلل کی کیفیت طاری ہوجاتی ہے۔جس میں عبادت اوراللہ سے مانگنے کا مزا دوبالا ہوجاتا ہے۔احرام اور اس کے متعلقہ مسائل کی تفصیل اگلی احادیث میں آئے گی۔

تمہید کتاب

×

تمہید باب عربی

×

تمہید کتاب عربی

×