التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْحَجِّ (بَابُ مَا يُبَاحُ لِلْمُحْرِمِ بِحَجٍّ أَوْ عُمْرَةٍ، وَمَا لَا يُبَاحُ وَبَيَانِ تَحْرِيمِ الطِّيبِ عَلَيْهِ)

حکم : أحاديث صحيح مسلم كلها صحيحة 

1180.04. وحَدَّثَنِي إِسْحَاقُ بْنُ مَنْصُورٍ، أَخْبَرَنَا أَبُو عَلِيٍّ عُبَيْدُ اللهِ بْنُ عَبْدِ الْمَجِيدِ، حَدَّثَنَا رَبَاحُ بْنُ أَبِي مَعْرُوفٍ، قَالَ: سَمِعْتُ عَطَاءً، قَالَ: أَخْبَرَنِي صَفْوَانُ بْنُ يَعْلَى، عَنْ أَبِيهِ رَضِيَ اللهُ عَنْهُ، قَالَ: كُنَّا مَعَ رَسُولِ اللهِ صَلَّى اللهُ عَلَيْهِ وَسَلَّمَ، فَأَتَاهُ رَجُلٌ عَلَيْهِ جُبَّةٌ بِهَا أَثَرٌ مِنْ خَلُوقٍ، فَقَالَ يَا رَسُولَ اللهِ، إِنِّي أَحْرَمْتُ بِعُمْرَةٍ، فَكَيْفَ أَفْعَلُ؟ فَسَكَتَ عَنْهُ، فَلَمْ يَرْجِعْ إِلَيْهِ، وَكَانَ عُمَرُ يَسْتُرُهُ إِذَا أُنْزِلَ عَلَيْهِ الْوَحْيُ، يُظِلُّهُ، فَقُلْتُ لِعُمَرَ رَضِيَ اللهُ عَنْهُ: إِنِّي أُحِبُّ، إِذَا أُنْزِلَ عَلَيْهِ الْوَحْيُ، أَنْ أُدْخِلَ رَأْسِي مَعَهُ فِي الثَّوْبِ، فَلَمَّا أُنْزِلَ عَلَيْهِ، خَمَّرَهُ عُمَرُ رَضِيَ اللهُ عَنْهُ بِالثَّوْبِ، فَجِئْتُهُ فَأَدْخَلْتُ رَأْسِي مَعَهُ فِي الثَّوْبِ، فَنَظَرْتُ إِلَيْهِ، فَلَمَّا سُرِّيَ عَنْهُ، قَالَ: «أَيْنَ السَّائِلُ آنِفًا عَنِ الْعُمْرَةِ؟» فَقَامَ إِلَيْهِ الرَّجُلُ، فَقَالَ: «انْزِعْ عَنْكَ جُبَّتَكَ، وَاغْسِلْ أَثَرَ الْخَلُوقِ الَّذِي بِكَ، وَافْعَلْ فِي عُمْرَتِكَ، مَا كُنْتَ فَاعِلًا فِي حَجِّكَ»

مترجم:

1180.04.

رباح بن ابی معروف نے ہم سے حدیث بیان کی، کہا: میں نے عطاء سے سنا، انھوں نے کہا: مجھے صفوان بن یعلیٰ رضی اللہ تعالیٰ عنہ نے اپنے والد یعلیٰ رضی اللہ تعالیٰ عنہ سے خبر دی، کہا: ہم رسول اللہ ﷺ کے ساتھ تھے کہ ایک شخص آیا، اس نے جبہ پہن رکھا تھا جس پر زعفران ملی خوشبو کے نشانات تھے، اس نے کہا: اے اللہ کے رسول ﷺ! میں نے عمرے کا احرام باندھا ہے تو میں کس طر ح کروں؟ آپ ﷺ خاموش رہےاور اسے کوئی جواب نہ دیا، جب آپ ﷺ پر وحی اترتی تو حضرت عمر رضی اللہ تعالیٰ عنہ آپﷺ کے آگے اوٹ کرتے، آپ پر سایہ کرتے۔ میں نے حضرت عمر سے کہا: میر ی خواہش ہے کہ جب آپ ﷺ پر وحی نازل ہو، میں بھی کپڑے میں آپ ﷺ کےساتھ اپنا سر داخل کروں۔ جب آپ ﷺ پر وحی نازل ہونے لگی، حضرت عمر رضی اللہ تعالیٰ عنہ نے آپﷺ کو کپڑے سے چھپا دیا۔ میں آپ ﷺ کے پاس آیا اور آپ ﷺ کے ساتھ کپڑے میں اپنا سر داخل کر دیا اور آپﷺ کو (وحی کے نزول کی حالت میں) دیکھا۔ جب آپ کی وہ کیفیت زائل کر دی گئی تو فرمایا: ’’ابھی عمرے کے متعلق سوال کرنے والا شخص کہاں ہے؟ ’’(اتنے میں) وہ شخص آپﷺ کے پاس آ گیا تو آپ ﷺ نے فرمایا: ’’اپنا جبہ اتار دو، اپنے جسم سے زعفران ملی خوشبو کا نشان دھو ڈالو اور عمرے میں وہی کرو جو تم نے حج میں کرنا تھا۔‘‘

×
حدیث ترجمہ:

صفوان بن یعلیٰ بن امیہ  اپنے باپ سے روایت کرتے ہیں کہ ہم رسول اللہ صلی اللہ علیہ وسلم کے ساتھ تھے تو آپﷺ کے پاس ایک آدمی جبہ پہنے ہوئے آیا، جس پر خلوق کا اثر تھا، اس نے کہا، اے اللہ کے رسول صلی اللہ علیہ وسلم! میں نے عمرہ کا احرام باندھا ہے تو میں کیسے کروں؟ آپ صلی اللہ علیہ وسلم اس سے خاموش ہو گئے اور اسے کوئی جواب نہ دیا اور جب آپﷺ پر وحی اترتی تو حضرت عمر رضی اللہ تعالیٰ عنہ آپﷺ کو اوٹ کرتے، آپﷺ پر سایہ کرتے تو میں نے حضرت عمر رضی اللہ تعالیٰ عنہ سے کہا، میں چاہتا ہوں، جب آپ صلی اللہ علیہ سلم پر وحی کا نزول ہو تو میں آپ کے ساتھ کپڑے میں اپنا سر داخل کروں تو جب آپﷺ پر وحی کا نزول شروع ہوا، حضرت عمر رضی اللہ تعالیٰ عنہ نے کپڑے سے آپﷺ کو ڈھانپ دیا، میں آپﷺ کے پاس آیا اور آپﷺ کے ساتھ کپڑے میں اپنا سر داخل کر دیا اور میں نے آپﷺ کو دیکھا، جب آپﷺ سے یہ کیفیت زائل ہو گئی تو آپﷺ نے فرمایا: ’’ابھی عمرہ کے بارے میں سوال کرنے والا کہاں ہے؟‘‘ آپﷺ کے پاس وہ آدمی آیا، اس پر آپﷺ نے فرمایا: ’’اپنا جبہ اپنے سے اتار دو اور تجھ پر جو خلوق کا اثر (نشان) ہے، اس کو دھو ڈالو اور اپنے عمرہ میں وہی کام کرو جو تم اپنے حج میں کرتے ہو۔‘‘

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم2855
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1180.04
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2021
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1180.04
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)2797
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1180.04
٨. ترقيم دار السلامترقیم دار السلام2802

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

احرام کے لفظی معنی کسی چیز یا عمل کو حرام کرلینے کے ہیں۔حج اور عمرہ ایسی عبادت ہے جس میں انسان گھر بار،خاندان اورروزہ مرہ کے معمولات کو چھوڑکر اللہ کے گھر کی طرف روانہ ہوتاہے۔تاکہ صرف اورصرف اسی کی عبادت میں مشغول ہوجائے۔اس کے لئے مقررہ حدود سے ایک ایسی حالت اختیار کرلینا ضروری ہے۔ جس میں زیب وزینت والے اپنے لباس سمیت بہت سے دوسرےجائز امور بھی ترک کردیئے جائیں تاکہ انسان مکمل طور پر اللہ کی طرف یکسو ہوجائے۔مرد لباس میں دو سادہ چادریں استعمال کر تے ہیں۔عورتیں سلا ہوا لیکن سادہ لباس پہنتی ہیں۔جوتے ایسے ضروری ہیں جن میں ٹخنے ننگے ضروری رہیں۔احرام کے دوران میں مقصود یہ ہوتا ہے کہ  پوری توجہ اللہ کی طرف ہو۔اس لیے یہاں بیوی سے تعلقات،جسمانی زیب وزینت سے بھی غیر متعلق ہوناضروری ہے۔ ناخن تراشنا،بال کاٹنا،خوشبو لگانا،ایسی سب چیزوں کا مکمل ترک،احرام کا حصہ ہے۔باہمی اختلاف وجدال،عبادت کی طرف ارتکازتوجہ کا دشمن ہے۔اسے مکمل طور پرچھوڑنا ضروری  ہے۔وہ امن اورمامن (امن کی جگہ) کے سفر روانہ ہے۔اس لئے اسے اجازت نہیں کہ وہ شکار کرے یا کسی جاندار کو نقصان پہنچائے۔حدود حرم کے جو آداب ہیں ان سب کی پابندی ہرحالت میں ضروری ہے۔

احرام میں یکسوئی کے ساتھ ساتھ اللہ تعالیٰ کے سامنے ضروری کےاحساس سے انسان پرعجز وتذلل کی کیفیت طاری ہوجاتی ہے۔جس میں عبادت اوراللہ سے مانگنے کا مزا دوبالا ہوجاتا ہے۔احرام اور اس کے متعلقہ مسائل کی تفصیل اگلی احادیث میں آئے گی۔

تمہید کتاب

×

تمہید باب عربی

×

تمہید کتاب عربی

×