التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْحَجِّ (بَابُ بَيَانِ وُجُوهِ الْإِحْرَامِ، وَأَنَّهُ يَجُوزُ إِفْرَادُ الْحَجِّ وَالتَّمَتُّعِ وَالْقِرَانِ، وَجَوَازِ إِدْخَالِ الْحَجِّ عَلَى الْعُمْرَةِ، وَمَتَى يَحِلُّ الْقَارِنُ مِنْ نُسُكِهِ)

حکم : أحاديث صحيح مسلم كلها صحيحة 

1213.04. ح وحَدَّثَنَا يَحْيَى بْنُ يَحْيَى، - وَاللَّفْظُ لَهُ - أَخْبَرَنَا أَبُو خَيْثَمَةَ، عَنْ أَبِي الزُّبَيْرِ، عَنْ جَابِرٍ رَضِيَ اللهُ عَنْهُ، قَالَ: خَرَجْنَا مَعَ رَسُولِ اللهِ صَلَّى اللهُ عَلَيْهِ وَسَلَّمَ مُهِلِّينَ بِالْحَجِّ، مَعَنَا النِّسَاءُ وَالْوِلْدَانُ، فَلَمَّا قَدِمْنَا مَكَّةَ طُفْنَا بِالْبَيْتِ وَبِالصَّفَا وَالمَرْوَةِ، فَقَالَ لَنَا رَسُولُ اللهِ صَلَّى اللهُ عَلَيْهِ وَسَلَّمَ: «مَنْ لَمْ يَكُنْ مَعَهُ هَدْيٌ فَلْيَحْلِلْ» قَالَ قُلْنَا: أَيُّ الْحِلِّ؟ قَالَ: «الْحِلُّ كُلُّهُ» قَالَ: فَأَتَيْنَا النِّسَاءَ، وَلَبِسْنَا الثِّيَابَ، وَمَسِسْنَا الطِّيبَ، فَلَمَّا كَانَ يَوْمُ التَّرْوِيَةِ أَهْلَلْنَا بِالْحَجِّ، وَكَفَانَا الطَّوَافُ الْأَوَّلُ بَيْنَ الصَّفَا وَالْمَرْوَةِ، فَأَمَرَنَا رَسُولُ اللهِ صَلَّى اللهُ عَلَيْهِ وَسَلَّمَ أَنْ نَشْتَرِكَ فِي الْإِبِلِ وَالْبَقَرِ، كُلُّ سَبْعَةٍ مِنَّا فِي بَدَنَةٍ.

مترجم:

1213.04.

زہیر اور ابو خیثمہ نے ابو زبیر سے، انھوں نے جا بر رضی اللہ تعالیٰ عنہ سے روایت کی کہا: ہم رسول اللہ صلی اللہ علیہ وسلم کے ساتھ حج کا تلبیہ پکا رتے ہو ئے نکلے، ہمارے ساتھ عورتیں اور بچے بھی تھے۔ جب ہم مکہ پہنچے تو ہم نے بیت اللہ اور صفا مروہ کا طواف کیا۔ رسول اللہ صلی اللہ علیہ وسلم نے ہمیں ارشاد فرمایا: ’’جس کے ہمرا ہ قربانی کے جا نور نہیں ہیں وہ (احرام سے) آزاد ہو جا ئے۔‘‘ ہم نے دریا فت کیا: کون سی آزادی (حلت)؟ آپ صلی اللہ علیہ وسلم نے فرمایا: ’’(احرا م کی پابندیوں سے) پوری آزادی۔‘‘ (حضرت جا بر رضی اللہ تعالیٰ عنہ نے) کہا: ہم نے اپنی عورتوں سے قربت کی، اپنے (معمول کے) لباس پہنے اور خوشبو (کا بھی) استعمال کیا۔ جب ترویہ (آٹھ ذوالحجہ) کا دن آیا ہم نے حج کا ( احرا م باندھ کر) تلبیہ پکارنا شروع کیا اور ہمیں (حج قِران کرنے والوں کو) صفا مروہ کے در میان پہلا طواف (سعی مراد ہے) ہی کا فی ہو گیا۔ (ہمیں) رسول اللہ صلی اللہ علیہ وسلم نے( یہ بھی) حکم دیا کہ گائے اور اونٹ کی قربانی میں ہم سات سات افراد شریک ہو جا ئیں۔

×
حدیث ترجمہ:

حضرت جابر رضی اللہ تعالیٰ عنہ بیان کرتے ہیں کہ ہم رسول اللہ صلی اللہ علیہ وسلم کے ساتھ حج کا احرام باندھ کر چلے، ہمارے ساتھ عورتیں، اور بچے تھے تو جب ہم مکہ پہنچے، ہم نے بیت اللہ اور صفا اور مروہ کا طواف کیا تو رسول اللہ صلی اللہ علیہ وسلم نے ہمیں فرمایا: ’’جس کے پاس ہدی نہیں ہے، وہ حلال ہو جائے۔‘‘ ہم نے پوچھا، کس قسم کا حِل مراد ہے؟ آپ صلی اللہ علیہ وسلم نے فرمایا: ’’پورے طور پر حلال ہو جاؤ۔‘‘ تو ہم بیویوں کے پاس آئے، ہم نے کپڑے (سلے ہوئے) پہن لیے اور ہم نے خوشبو استعمال کی تو جب ترویہ کا دن (آٹھ ذوالحجہ) آیا، ہم نے حج کا احرام باندھ لیا اور ہمارے لیے صفا اور مروہ کا پہلا طواف ہی کافی ہو گیا اور رسول اللہ صلی اللہ علیہ وسلم نے ہمیں حکم دیا کہ ہم سات افراد اونٹ اور گائے کی قربانی میں شریک ہو جائیں۔

حدیث حاشیہ:

فوائد ومسائل

1۔ حضرت جابر رضی اللہ تعالیٰ عنہ بیان کرتے ہیں کہ ہمارے ساتھ بچے بھی تھے، جس سے معلوم ہوتا ہے بچوں کا حج کرنا صحیح ہے آئمہ ثلاثہ امام مالک رحمۃ اللہ علیہ ،امام شافعی رحمۃ اللہ علیہ ، امام احمد رحمۃ اللہ علیہ ، محدثین اور جمہورصحابہ تابعین کے نزدیک بچے کو حج کروانا درست اور باعث اجرو ثواب ہے لیکن اگر بلوغت کے بعد اسے حج کرنے کی طاقت میسر ہو تو اسے نئے  سرے سے حج کرنا ہوگا بلوغت سے پہلے کا حج اس کے لیے کافی نہیں ہو گا۔ امام ابو حنیفہ رحمۃ اللہ علیہ کے نزدیک بچے کا حج محض مشق اور تمرین کے لیے ہے اس میں کسی قسم کا اجرو ثواب نہیں ہے۔
2۔ حضرت جابر رضی اللہ تعالیٰ عنہ کا یہ کہنا کہ ہمارے لیے صفاو مروہ کا پہلا طواف کافی ہو گیا یہ قارن کے اعتبار سے ہے متمتع کو طواف افاضہ کے بعد دوبارہ صفاو مروہ کی سعی کرنی ہوگی جمہور کا یہی موقف ہے۔ امام مالک رحمۃ اللہ علیہ اور امام ابن تیمیہ رحمۃ اللہ علیہ کے نزدیک متمتع کے لیے بھی ایک طواف اور ایک سعی کافی ہے ۔
3۔ اونٹ اور گائے کی ہدی (قربانی) میں سات افراد شریک ہو سکتے ہیں۔ یعنی ان کے سات حصے کیے جاسکتےہیں اگر اکیلا کرنا چاہے تو بہتر ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم2996
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1213.04
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2128.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1213.04
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)2935
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1213.04
٨. ترقيم دار السلامترقیم دار السلام2940.01

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

تمہید باب عربی

×

تمہید کتاب عربی

×