التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْحَجِّ (بَابُ بَيَانِ أَنَّ السُّنَّةَ يَوْمَ النَّحْرِ أَنْ يَرْمِيَ، ثُمَّ يَنْحَرَ، ثُمَّ يَحْلِقَ وَالِابْتِدَاءِ فِي الْحَلْقِ بِالْجَانِبِ الْأَيْمَنِ مِنْ رَأْسِ الْمَحْلُوقِ)

حکم : أحاديث صحيح مسلم كلها صحيحة 

1305.03. وحَدَّثَنَا ابْنُ أَبِي عُمَرَ، حَدَّثَنَا سُفْيَانُ، سَمِعْتُ هِشَامَ بْنَ حَسَّانَ، يُخْبِرُ عَنِ ابْنِ سِيرِينَ، عَنْ أَنَسِ بْنِ مَالِكٍ، قَالَ: «لَمَّا رَمَى رَسُولُ اللهِ صَلَّى اللهُ عَلَيْهِ وَسَلَّمَ الْجَمْرَةَ وَنَحَرَ نُسُكَهُ وَحَلَقَ نَاوَلَ الْحَالِقَ شِقَّهُ الْأَيْمَنَ فَحَلَقَهُ، ثُمَّ دَعَا أَبَا طَلْحَةَ الْأَنْصَارِيَّ فَأَعْطَاهُ إِيَّاهُ، ثُمَّ نَاوَلَهُ الشِّقَّ الْأَيْسَرَ»، فَقَالَ: «احْلِقْ فَحَلَقَهُ، فَأَعْطَاهُ أَبَا طَلْحَةَ»، فَقَالَ: «اقْسِمْهُ بَيْنَ النَّاسِ»

مترجم:

1305.03.

ہم سے سفیان نے حدیث بیان کی (کہا) میں نے ہشام بن حسان سے سنا وہ ابن سیرین سے خبر دے رہے تھے انھوں نے حضرت انس بن مالک رضی اللہ تعالیٰ عنہ سے روایت کی، کہا: جب رسول اللہ صلی اللہ علیہ وسلم نے جمرہ عقبہ کو کنکریاں ماریں اپنی قربانی (کے اونٹوں) کو نحر کیا اور پھر سر منڈوانے لگے تو آپ صلی اللہ علیہ وسلم نے اپنے سر کی دائیں جا نب مونڈنے والے کی طرف کی تو اس نے اس طرف کے بال اتار دیے آپ صلی اللہ علیہ وسلم نے طلحہ انصاری رضی اللہ تعالیٰ عنہ کو بلا یا اور وہ (بال) ان کے حوالے کر دیے۔ پھر آپ صلی اللہ علیہ وسلم نے (سر کی) بائیں جا نب اس کی طرف کی اور فرمایا: ’’(اس کے) بال اتاردو‘‘۔ اس نے وہ بال اتار دیے تو آپ صلی اللہ علیہ وسلم نے وہ بھی ابو طلحہ کو دے دیے اور فرمایا: ’’ان (بائیں طرف والے بالوں) کو لوگوں میں تقسیم کر دو۔‘‘

×
حدیث ترجمہ:

حضرت انس بن مالک رضی اللہ تعالیٰ عنہ بیان کرتے ہیں، جب رسول اللہ صلی اللہ علیہ وسلم نے جمرہ عقبہ پر کنکریاں ماریں، اور اپنی قربانیاں نحر کیں تو سر منڈوایا، سر مونڈنے والے کے سامنے اپنی دائیں طرف کی، اس نے اسے مونڈ دیا، پھر آپ صلی اللہ علیہ وسلم نے ابو طلحہ کو طلب کیا، اور وہ بال اسے دے دئیے، پھر حجام کے سامنے بائیں طرف کر کے فرمایا: ’’مونڈ۔‘‘ اس نے اسے بھی مونڈ دیا، وہ بال بھی آپ صلی اللہ علیہ وسلم نے ابو طلحہ کو دئیے، اور فرمایا: ’’لوگوں میں تقسیم کر دو۔‘‘

حدیث حاشیہ:

فوائد ومسائل

قربانی کے دن حج کرنے والے نے چار کام کرنے ہوتے ہیں، اور ان میں سنت طریقہ یہ ہے کہ سب سے پہلے مزدلفہ سے آ کر جمرہ عقبہ پر رمی کرے، پھرقربانی کرے، پھر سر منڈوائے یا بال کٹوائے، اس کے بعد مکہ مکرمہ جا کر طواف افاضہ کرے، متمتع اس کے بعد صفا اور مروہ کے درمیان سعی کرے گا، مفرد اور قارن اگر طواف قدوم کے بعد سعی کر چکے ہیں، تو انھیں اب سعی کی ضرورت نہیں ہے، اور آئمہ اربعہ کے نزدیک سنت یہی ہے کہ سر منڈوانے والے کے سر کے دائیں جانب سے سر مونڈنے کا آغاز کیا جائے گا، امام ابو حنیفہ رحمۃ اللہ علیہ سے بائیں جانب سے آغاز منقول ہے، لیکن متأخرین احناف کے نزدیک امام صاحب نے اپنے اس قول سے رجوع کر لیا تھا، نبی اکرم صلی اللہ علیہ وسلم کے بال عظمت و تکریم کے حامل تھے، اس لیے ان کو لوگوں میں بانٹ دیا گیا، لیکن اب یہ مقام کسی کو حاصل نہیں ہے، حضوراکرم صلی اللہ علیہ وسلم کے بال عمر بن عبد اللہ رضی اللہ تعالیٰ عنہ نے مونڈے تھے، اور آپ صلی اللہ علیہ وسلم نے دائیں طرف کے بال دوسرے لوگوں میں بانٹنے کے لیے ابو طلحہ کو دئیے تھے، اور بائیں طرف کے بال ابو طلحہ رضی اللہ تعالیٰ عنہ کو اُم سلیم رضی اللہ تعالیٰ عنہا کے لیے دئیے تھے، اس لیے ایک روایت میں اُم سلیم رضی اللہ تعالیٰ عنہا کو دینے کا تذکرہ ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3212
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1305.03
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2300
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1305.03
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3151
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1305.03
٨. ترقيم دار السلامترقیم دار السلام3155

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

تمہید باب عربی

×

تمہید کتاب عربی

×