التخريج

قسم الحديث (القائل): ، اتصال السند: ، قسم الحديث:

صحيح مسلم: كِتَابُ الْحَجِّ (بَابُ سَفَرِ الْمَرْأَةِ مَعَ مَحْرَمٍ إِلَى حَجٍّ وَغَيْرِهِ)

حکم : أحاديث صحيح مسلم كلها صحيحة 

1338.03. حَدَّثَنَا قُتَيْبَةُ بْنُ سَعِيدٍ وَعُثْمَانُ بْنُ أَبِي شَيْبَةَ جَمِيعًا عَنْ جَرِيرٍ قَالَ قُتَيْبَةُ حَدَّثَنَا جَرِيرٌ عَنْ عَبْدِ الْمَلِكِ وَهُوَ ابْنُ عُمَيْرٍ عَنْ قَزَعَةَ عَنْ أَبِي سَعِيدٍ قَالَ سَمِعْتُ مِنْهُ حَدِيثًا فَأَعْجَبَنِي فَقُلْتُ لَهُ أَنْتَ سَمِعْتَ هَذَا مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ فَأَقُولُ عَلَى رَسُولِ اللَّهِ صَلَّى اللَّهُ عَلَيْهِ وَسَلَّمَ مَا لَمْ أَسْمَعْ قَالَ سَمِعْتُهُ يَقُولُ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا تَشُدُّوا الرِّحَالَ إِلَّا إِلَى ثَلَاثَةِ مَسَاجِدَ مَسْجِدِي هَذَا وَالْمَسْجِدِ الْحَرَامِ وَالْمَسْجِدِ الْأَقْصَى وَسَمِعْتُهُ يَقُولُ لَا تُسَافِرْ الْمَرْأَةُ يَوْمَيْنِ مِنْ الدَّهْرِ إِلَّا وَمَعَهَا ذُو مَحْرَمٍ مِنْهَا أَوْ زَوْجُهَا

مترجم:

1338.03.

جریر نے ہمیں عبد الملک سے جو عمیر کے بیٹے ہیں حدیث بیان کی، انھوں نے قزعہ سے اور انھوں نے ابو سعید رضی اللہ تعالیٰ عنہ سے روایت کی، (قزعہ نے) کہا: میں نے ان (ابو سعید رضی اللہ تعالیٰ عنہ) سے ایک حدیث سنی جو مجھے بہت اچھی لگی۔ تو میں نے ان سے کہا: آپ صلی اللہ علیہ وسلم نے یہ حدیث خود رسول اللہ صلی اللہ علیہ وسلم سے سنی ہے؟ انھوں نے جواب دیا: کیا میں رسول اللہ صلی اللہ علیہ وسلم پر وہ بات کہہ سکتا ہوں جو میں نے آپ صلی اللہ علیہ وسلم سے نہیں سنی! (قزعہ نے) کہا میں نے ان سے سنا کہہ رہے تھے، رسول اللہ صلی اللہ علیہ وسلم نے فرمایا: ’’(عبادت کی غرض سے) تین مسجدوں کے سوا کسی طرف رخت سفر نہ باند ھو: میری مسجد، مسجد حرام اور مسجد اقصیٰ۔‘‘ اور میں نے آپ صلی اللہ علیہ وسلم سے سنا آپ صلی اللہ علیہ وسلم فر ما رہے تھے: ’’کو ئی عورت کسی بھی وقت دو دن کا سفر نہ کرے مگر اس طرح کہ اس کے ساتھ محرم ہو یا اس کا شوہر ہو۔‘‘

×
حدیث ترجمہ:

قزعہ بیان کرتے ہیں، کہ میں نے حضرت ابو سعید رضی اللہ تعالیٰ عنہ سے ایک حدیث سنی، جو مجھے بہت اچھی لگی، تو میں نے ان سے دریافت کیا، کیا آپ نے یہ روایت براہ راست رسول اللہ صلی اللہ علیہ وسلم سے سنی ہے؟ اس نے کہا: تو کیا میں رسول اللہ صلی اللہ علیہ وسلم کے بارے میں وہ بات کہتا ہوں جو میں نے سنی نہیں ہے؟ اس نے کہا: میں نے آپ صلی اللہ علیہ وسلم کو یہ فرماتے ہوئے سنا: ’’تین مسجدوں کے سوا کسی جگہ کا رخت سفر نہ باندھو، میری یہ مسجد، مسجد حرام اور مسجد اقصیٰ۔‘‘ اور میں نے آپ صلی اللہ علیہ وسلم سے یہ بھی سنا: ’’کوئی عورت کسی وقت دو دن کا سفر نہ کرے، مگر اس کے ساتھ اس کا محرم یا شوہر ہونا چاہیے۔‘‘

حدیث حاشیہ:

فوائد ومسائل

عورت بغیر محرم کے کتنی مسافت کا سفر کر سکتی ہے۔ اس کے بارے میں مختلف روایات آئی ہیں معلوم ہوتا ہے ،آپ صلی اللہ علیہ وسلم سے مختلف مواقع پر مختلف مسافت کے بارے میں سوال کیا گیا اور آپ صلی اللہ علیہ وسلم نے اس کے مطابق جواب دیا کسی نے تین دن کی مسافت کے بارے میں سوا ل کیا، کسی نے دو دن کے بارے میں اور کسی نے ایک دن کے بارے میں آپ صلی اللہ علیہ وسلم نے ہر ایک کو یہی جواب دیا کہ بغیر محرم کے سفر جائز نہیں ہے، بعض روایات میں ایک برید کی مسافت آئی ہے، جو بارہ میل ہے اور بعض میں تین میل آیا ہے، صحیح بات یہی ہے جو بھی سفر ہے کم ہو یا زیادہ جس سے معلوم ہوتا ہے عورت کو بغیر محرم کے سفر نہیں کرنا چاہیے، جیسا کہ اس باب کے آخرمیں حضرت ابن عباس رضی اللہ تعالیٰ عنہما کی روایت آ رہی ہے۔ ( لَا تُسَافِرْ الْمَرْأَةُ إِلَّا مَعَ ذِي مَحْرَمٍ) (کہ عورت بغیر محرم کے سفر نہ کرے) لیکن احناف کے نزدیک تین دن سے کم مسافت کا سفر بغیر محرم کے کر سکتی ہے، سفرِ حج کے بارے میں اختلاف ہے، امام مالک رحمۃ اللہ علیہ اور امام شافعی رحمۃ اللہ علیہ کے نزدیک اگر سفر میں امن اور اطمینان و سکون حاصل ہو، جس کی تین صورتیں ہیں۔
1۔ شوہر ساتھ ہو۔
(2)۔ ایسا رشتے دار ساتھ ہو، جس کے ساتھ نکاح نہیں ہو سکتا۔
(3) چند معتبر اور قابل اعتماد عورتیں ساتھ ہوں ان تینوں میں سے کسی ایک کا ہونا ضروری ہے تو عورت پر حج کرنا لازم ہے اس کے بغیر وہ حج نہیں کرسکتی، عطاء سعید بن جبیر رحمۃ اللہ علیہ، ابن سیرین رحمۃ اللہ علیہ اور اوزاعی رحمۃ اللہ علیہ کا موقف بھی یہی ہے احناف اور حنابلہ کے ہاں عورت محرم کے بغیر حج نہیں کر سکتی، ہاں اگر مسافت تین دن سے کم ہو تو احناف کے نزدیک حج کرے گی، علامہ انور شاہ کشمیری رحمۃ اللہ علیہ نے لکھا ہے اگر امن کا زمانہ ہو اور عورت کو اعتماد ہو تو وہ تنہا بھی سفر کرسکتی ہے، مولانا بدر عالم میرٹھی نے بھی اس کی تائید کی ہے، (فیض الباری ج3ص397) صحیح بات یہ ہے کہ عام حالات میں محرم کے بغیر سفر نہیں کرنا چاہیے، اگر کوئی مجبوری یا عذر ہو اور محرم ساتھ نہ جا سکتا ہو تو پھر عورت فرض حج کر سکتی ہے، بشرطیکہ قابل اعتماد عورتیں اور ان کے محرم ساتھ ہوں۔ حضرت ابو سعید خدری رضی اللہ تعالیٰ عنہ کی روایت سے ثابت ہوتا ہے کہ کسی جگہ کو مقدس و متبرک اور محترم سمجھ کر یا اجرو ثواب میں اضافہ کا باعث سمجھ کر یا اس میں دعا اور عبادت کی نذر مان کر رخت سفر باندھنا تین مساجد کے سوا جائز نہیں ہے، ہاں کسی اور مقصد کی خاطر مثلاً حصول علم، سیرو سیاحت کے لیے کسی بھی جگہ کا سفر کیا جا سکتا ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3322
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1338.03
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)2383
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1338.03
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3261
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1338.03
٨. ترقيم دار السلامترقیم دار السلام3261

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

تمہید باب عربی

×

تمہید کتاب عربی

×