التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ النَّذْرِ (بَابُ الْأَمْرِ بِقَضَاءِ النَّذْرِ)

حکم : أحاديث صحيح مسلم كلها صحيحة 

1638.01. وحَدَّثَنَا يَحْيَى بْنُ يَحْيَى، قَالَ: قَرَأْتُ عَلَى مَالِكٍ، ح وحَدَّثَنَا أَبُو بَكْرِ بْنُ أَبِي شَيْبَةَ، وَعَمْرٌو النَّاقِدُ، وَإِسْحَاقُ بْنُ إِبْرَاهِيمَ، عَنِ ابْنِ عُيَيْنَةَ، ح وحَدَّثَنِي حَرْمَلَةُ بْنُ يَحْيَى، أَخْبَرَنَا ابْنُ وَهْبٍ، أَخْبَرَنِي يُونُسُ، ح وحَدَّثَنَا إِسْحَاقُ بْنُ إِبْرَاهِيمَ، وَعَبْدُ بْنُ حُمَيْدٍ، قَالَا: أَخْبَرَنَا عَبْدُ الرَّزَّاقِ، أَخْبَرَنَا مَعْمَرٌ، ح وحَدَّثَنَا عُثْمَانُ بْنُ أَبِي شَيْبَةَ، حَدَّثَنَا عَبْدَةُ بْنُ سُلَيْمَانَ، عَنْ هِشَامِ بْنِ عُرْوَةَ، عَنْ بَكْرِ بْنِ وَائِلٍ، كُلُّهُمْ عَنِ الزُّهْرِيِّ، بِإِسْنَادِ اللَّيْثِ، وَمَعْنَى حَدِيثِهِ

مترجم:

1638.01.

امام مالک، ابن عیینہ، یونس، معمر اور بکر بن وائل سب نے زہری سے لیث کی مذکورہ سند کے ساتھ، انہی کی حدیث کے ہم معنیٰ حدیث بیان کی۔

×
حدیث ترجمہ:

امام صاحب اپنے اساتذہ کی پانچ سندوں سے، زھری ہی کی مذکورہ بالا سند سے مذکورہ بالا روایت بیان کرتے ہیں۔

حدیث حاشیہ:

فوائد ومسائل

اس حدیث سے معلوم ہوتا ہے کہ مورث نے اگر کوئی نذر مانی ہو، تو اس کے نیک طنیت وارث، اس کو پورا کرنا اپنی ذمہ داری تصور کرتے ہیں، اس مقصد کے تحت، حضرت سعد بن عبادہ رضی اللہ عنہ نے دریافت کیا تھا، اور انہیں کے تصور کے مطابق آپﷺ نے ان کو نذر پوری کرنے کا حکم دیا تھا، اس لیے سوال کے جواب میں امر کا صیغہ، فقہی اور قانونی فرضیت پر دلالت نہیں کرتا، اس لیے جمہور فقہاء کے نزدیک وارث پر نذر پوری کرنا فرض نہیں ہے، بہتر یہی ہے کہ اس کو پورا کرے، اور اگر نذر کا تعلق مال سے ہو اور ترکہ میں مال موجود ہو، تو پھر اس کا پورا کرنا فرض ہے، اور کیا وارث ہر قسم کی نذر، اس کا تعلق مال سے ہو، یا بدن سے پوری کر سکتا ہے؟ یا اس میں کوئی قید ہے؟ اس کی تفصیل حسب ذیل ہے۔
(ا) اگر نذر کا تعلق خالص مال سے ہے، مثلاً صدقہ کی نظر ہے، تو امام شافعی کے نزدیک، اس کا پورا کرنا فرض ہے، اگر ترکہ کے تہائی سے پوری ہو سکتی ہے، وگرنہ فرض نہیں ہے، اور احناف کے نزدیک، اگر مرنے والے نے وصیت کی ہو اور تہائی ترکہ سے پورا کرنا ممکن ہو تو پھر فرض ہے، اگر وصیت نہیں کی، تو پھر فرض نہیں ہے، امام مالک کا بھی یہی موقف ہے۔
(ب) اگر نذر کا تعلق محض بدن سے ہو، مثلا نماز، تو بالاتفاق اس کو پورا کرنا درست نہیں، اگر روزہ ہے، تو امام احمد کے نزدیک وارث روزہ رکھ سکتا ہے، لازم نہیں ہے، حالانکہ روایت کا صریح تقاضا روزہ رکھنا ہے، لیکن باقی ائمہ ثلاثہ کے نزدیک عبادات بدنیہ میں نیابت جائز نہیں ہے، اس لیے وارث روزہ نہیں رکھ سکتا، فدیہ ادا کرے گا، علامہ تقی لکھتے ہیں، نماز اور روزہ دونوں کی جگہ فدیہ دے گا۔ (تکملہ، ج 2، ص 151)۔
معلوم نہیں، ان حضرات کے نزدیک نماز کا فدیہ کیا ہے، اور کس دلیل کی بنا پر میت کی طرف سے بلا نذر ہی قرآن مجید پڑھنے کی اجازت ہی نہیں ترغیب دیتے ہیں، کیا وہ عبادت بدنی نہیں ہے، رہی تاویل کہ یہ اھدائے ثواب ہے، تو اس کے لیے دلیل کی ضرورت ہے، یہ کوئی نیا کام تو ہے نہیں کہ قیاس چل سکے۔
(ج) اگر عبادت بدنی مالی ہو، جیسے حج تو پھر جمہور کے نزدیک یہاں نیابت درست ہے، اگر ترکہ چھوڑا ہے اور اس کے تہائی سے حج ہو سکتا ہے، اور میت نے وصیت کی ہو، تو پھر اس کا پورا کرنا فرض ہے، وگرنہ مستحب ہے فرض نہیں، لیکن امام مالک کے نزدیک بقول علامہ تقی جائز نہیں ہے، جبکہ امام باجی نے لکھا ہے، جائز ہے۔ (المنتقیٰ، ج 3، ص 230) مالی نذر، روزہ کی نذر اور حج کی نذر کا وارث کا پورا کرنا، ان کے دلائل احادیث میں موجود ہیں، لیکن کسی نے نماز پڑھنے کی نذر مانی ہو تو اس کی دلیل موجود نہیں ہے، بلکہ بعض صحابہ سے اس کی ممانعت منقول ہے، اس لیے جس کام کی دلیل مل جائے، وہ قابل عمل ہے، محض قیاس سے کام لینا درست نہیں ہے، کیونکہ وہ کام جو عبادات سے تعلق رکھتے ہیں، ان میں صریح دلیل کی ضرورت ہے، محض قیاس کافی نہیں ہے، اور اہدائے ثواب وہیں ہو سکتا ہے جہاں نیابت ممکن ہو، روزہ اور حج میں نیابت ثابت ہے، نماز، قراءت قرآن میں ثابت نہیں ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم4327
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1638.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3092.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1638.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4261
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1638.01
٨. ترقيم دار السلامترقیم دار السلام4236

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

نذر یہ ہے کہ آدمی کسی نیکی کو جو  اس پر واجب نہیں ،خود اپنے لیے واجب کر لے عموماً یہ مشروط ہوتی ہے اگر میرا فلاں کام ہو گیا تو میں اتنے نوافل پڑھوں گا،یا اتنے روزے رکھوں گا بعثت سے پہلے بھی لوگ نذر مانتے تھے مثلاً کعبہ کی طرف پیدل جانے ،کعبہ میں اعتکاف کرنے،جانور وہاں لے جا کر قربان کرنے یا مطلق کسی جانور کی قربانی جیسی نذریں مانی جاتی تھیں۔ نیکی کے صحیح کاموں کی نذریں جو لوگوں نے اسلام لانے سے پہلے مانی تھیں،اسلام لانے کے بعد انھیں پورا کرنے کا حکم دیا گیا شرط عموما کسی کام کے ہو جانے ،کسی تکلیف کے رفع ہونے یا کسی خدشے سے محفوظ ہونے اور کسی اچھی خبر ملنے کے حوالے سے ہوتی ہے شوافع اس کو نذرِ لحاج کہتے ہیں۔جب شرط پوری ہو جائے تو نذر کا ایفاء(پورا کرنا) بھی ضروری ہوتا ہے ۔شرط کے بغیر بھی نذر مانی جاتی ہے اسے بہر صورت پورا کرنا ضروری ہے رسول اللہ ﷺ کا اپنا طرق کار یہ تھا کہ مشکل کے وقت دعا اور عبادت کے ذ ریعے سے اللہ تعالیٰ کی طرف رجوع فرماتے تھے بعد میں ازخود سجدہ شکر کا اہتمام فرماتے ۔یہی سب سے اچھا طریقہ ہے آپﷺ نے واضح فرمایا کہ نذر کے کے ذریعے سے تقدیر نہیں بدل سکتی جبکہ اس کے بالمقابل دعا کے حوالے سے آپ نے فرمایا :لَا يَرُدُّ القَضَاءَ إِلَّا الدُّعَاءُ تقدیر کے فیصلے کو دعا ہی بدل سکتی ہے ‘‘ (جامع ترمذی،حدیث 2139) اس لیےآپ نے نذر نہ ماننے کی تلقین فرمائی اور واضح کیا کہ نذر کے ذریعے سے کسی بخیل کا مال اللہ کی راہ میں خرچ ہو جاتا ہے یا نہ کرنے والا اس طرح کوئی اچھا کام کر لیتا ہے یہی وجہ ہے کہ آپ نے نذر کو ممنوع قرار نہیں دیا بلکہ مانی ہوئی نذر کو  ،اگراس میں اللہ کی نافرمانی نہ ہو پورا کرنے کا حکم دیا اگر کسی شخص نے ایسا کام کرنے کی نذر مانی جو گنا ہ ہے تو وہ نذر ساقط ہے ، گناہ کا کام ہر گز نہیں کرنا چاہیے۔یہ بھی اسلام کی رحمت ہے کہ اگر کوئی ایسی نذر  مان لے جو اس کے اختیار میں نہیں مثلاً:کوئی ایسا کام کرنے کی نذر جو اس کی استطاعت سے باہر ہے کہ کوئی شخص ایسی  چیز اللہ کی راہ میں دینے یا قربان کرنے کی نذر جو اس کی ملکیت میں ہی نہیں توایسی نذر اس سے ساقط ہو جاتی ہے اگر نذر ماننے والا ایسے کام کی نذر مانے جسے وہ مکمل طور پر تو پورا کرنے کی سکت نہیں رکھتا لیکن جزوی طور پر سکت موجود ہے ،اسے استطاعت کے مطابق پورا کرنا             ضروری ہے ۔

اگر اس کی نذر جائز یا نیکی کے حوالے سے تھی اور اس نے اس نذر کو پورا نہیں کیا تو اس پر کیا کفارہ عائد ہو گا؟اس کے بارے میں اختلاف ہے بہت سے علماء کفارے کو جائز قرار نہیں دیتے بلکہ مستحب گردانتے ہیں وہ صحیح مسلم کی اس کتاب کی آخری حدیث میں کفارے کے حوالے سے جو حکم ہے اس استحباب پر محمول کرتے ہیں لیکن احتیاط یہی ہے کہ نذر پوری نہ کرنے کی صورت میں قسم توڑنے کا کفارہ دیا جائے۔حضرت عقبہ بن عامر ؓنے اپنی بہن کی نذر کے حوالے سے دو حدیث بیان کی (حدیث 4250)سنن ابي داود میں اسی روایت کے آخر میں :’’تُھدِیَ ھَدْيًا‘‘(اور قربانی کے جانور ساتھ لے جانے )کے الفاظ بھی ہیں (سنن ابي داود حديث 3296)حضرت عقبہ بن عامر کے علاوہ   حضرت ابن عباس ؓ نے بھی  رسول اللہ ﷺ سے یہی الفاظ روایت کیے ہیں اس لیے نذر ایفاء نہ کرنے یا ادھوری ایفاء کرنے کی صورت میں قسم والا کفارہ دینا ہی قرین احتیاط ہے۔امام شافعی  مشروط نذر(نذر لحاج)کے معاملے میں کفارہ ضروری خیال کرتے ہیں۔اگر نذر غیر مشروط ہو اس کے عدم ایفاء پر کفارہ دینا ضروری ہے ، اس پر سب کا اتفاق ہے۔

تمہید باب عربی

×

تمہید کتاب عربی

×