التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ النَّذْرِ (بَابُ مَنْ نَذَرَ أَنْ يَمْشِيَ إِلَى الْكَعْبَةِ)

حکم : أحاديث صحيح مسلم كلها صحيحة 

1642.01. وحَدَّثَنَا ابْنُ أَبِي عُمَرَ، وَاللَّفْظُ لَهُ، حَدَّثَنَا مَرْوَانُ بْنُ مُعَاوِيَةَ الْفَزَارِيُّ، حَدَّثَنَا حُمَيْدٌ، حَدَّثَنِي ثَابِتٌ، عَنْ أَنَسٍ، أَنَّ النَّبِيَّ صَلَّى اللهُ عَلَيْهِ وَسَلَّمَ رَأَى شَيْخًا يُهَادَى بَيْنَ ابْنَيْهِ، فَقَالَ: «مَا بَالُ هَذَا؟» قَالُوا: نَذَرَ أَنْ يَمْشِيَ، قَالَ: «إِنَّ اللهَ عَنْ تَعْذِيبِ هَذَا نَفْسَهُ لَغَنِيٌّ»، وَأَمَرَهُ أَنْ يَرْكَبَ.

مترجم:

1642.01.

حضرت انس رضی اللہ تعالی عنہ سے روایت ہے کہ نبی ﷺ نے ایک بوڑھے آدمی کو دیکھا وہ اپنے دو بیٹیوں کے سہارے چلا کر لے جایا جا رہا تھا، آپﷺ نے پوچھا: ’’اس کا کیا معاملہ ہے؟‘‘ لوگوں نے کہا: اس نے پیدل چلنے کی نذر مانی ہے۔ آپﷺ نے فرمایا: ’’بلاشبہ اللہ تعالیٰ اس شخص کے اپنے آپ کو عذاب دینے سے بے نیاز ہے۔‘‘ اور (اس کے پاس پیدل چل کر جانے کی استطاعت ہی نہ تھی، اس لیے) آپﷺ نے اسے سوار ہونے کا حکم دیا۔

×
حدیث ترجمہ:

حضرت انس رضی اللہ تعالی عنہ سے روایت ہے کہ نبی اکرم صلی اللہ علیہ وسلم نے ایک بوڑھا آدمی دیکھا، جو اپنے دو بیٹوں کے سہارے چل رہا تھا، تو آپ صلی اللہ علیہ وسلم نے پوچھا: ’’اس کا کیا معاملہ یا حال ہے؟‘‘ لوگوں نے کہا، اس نے پیدل چلنے کی نذر مانی ہے، آپﷺ نے فرمایا: ’’اللہ تعالیٰ اس سے بے نیاز اور مستغنی ہے کہ یہ اپنے آپ کو عذاب میں مبتلا کرے۔‘‘ اور آپﷺ نے اسے سوار ہونے کا حکم دیا۔

حدیث حاشیہ:

فوائد ومسائل

اگر کسی انسان نے یہ نذر مانی کہ وہ پیدل چل کر بیت اللہ جائے گا، تو بقول علامہ ابن قدامہ بالاتفاق اس پر اس نذر کو پورا کرنا لازم ہے، سفر حج کے لیے پیدل جائے یا عمرہ کا سفر پیدل کرے، اور اگر پیدل چلنے سے عاجز آ جائے یا بے بس ہو جائے، تو سوار ہو جائے، لیکن اس صورت میں کیا کفارہ پڑے گا، اس میں اختلاف ہے۔
(1) اس پر دم (خون بہانا) لازم ہے، جو کم از کم ایک بکری ہے، امام ابو حنیفہ کا یہی قول ہے، شوافع کا مختار بھی یہی قول ہے، امام احمد کا ایک قول یہی ہے۔
(2) اس پر قسم والا کفارہ ہے حنابلہ کا مختار قول یہی ہے۔
(3) اگر مسافت بہت زیادہ ہو، جیسے افریقہ سے پیدل چل کر آنا یا مسافت کم ہو، اور کم مسافت سوار ہوا ہو، تو پھر اس کے ذمہ دم ہے، لیکن اگر مسافت کم ہونے کے باوجود، زیادہ مسافت سوار ہونے کی کی، تو اگلے سال نئے سرے سے وہ مسافت پیدل چلنا ہو گا اور دم بھی پڑے گا، یہ امام مالک کا نظریہ ہے۔
(4) اگلے سال نئے سرے سے حج یا عمرہ کے لیے آئے، جتنی مسافت سوار ہو کر طے کی تھی، وہ پیدل چلے، اور جو پیدل چل کر طے کی تھی، اس میں سوار ہو جائے، ابن عمر اور ابن زبیر رضی اللہ عنہ کا یہی موقف ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم4339
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)1642.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3100.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)1642.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)4273
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)1642.01
٨. ترقيم دار السلامترقیم دار السلام4247.01

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

نذر یہ ہے کہ آدمی کسی نیکی کو جو  اس پر واجب نہیں ،خود اپنے لیے واجب کر لے عموماً یہ مشروط ہوتی ہے اگر میرا فلاں کام ہو گیا تو میں اتنے نوافل پڑھوں گا،یا اتنے روزے رکھوں گا بعثت سے پہلے بھی لوگ نذر مانتے تھے مثلاً کعبہ کی طرف پیدل جانے ،کعبہ میں اعتکاف کرنے،جانور وہاں لے جا کر قربان کرنے یا مطلق کسی جانور کی قربانی جیسی نذریں مانی جاتی تھیں۔ نیکی کے صحیح کاموں کی نذریں جو لوگوں نے اسلام لانے سے پہلے مانی تھیں،اسلام لانے کے بعد انھیں پورا کرنے کا حکم دیا گیا شرط عموما کسی کام کے ہو جانے ،کسی تکلیف کے رفع ہونے یا کسی خدشے سے محفوظ ہونے اور کسی اچھی خبر ملنے کے حوالے سے ہوتی ہے شوافع اس کو نذرِ لحاج کہتے ہیں۔جب شرط پوری ہو جائے تو نذر کا ایفاء(پورا کرنا) بھی ضروری ہوتا ہے ۔شرط کے بغیر بھی نذر مانی جاتی ہے اسے بہر صورت پورا کرنا ضروری ہے رسول اللہ ﷺ کا اپنا طرق کار یہ تھا کہ مشکل کے وقت دعا اور عبادت کے ذ ریعے سے اللہ تعالیٰ کی طرف رجوع فرماتے تھے بعد میں ازخود سجدہ شکر کا اہتمام فرماتے ۔یہی سب سے اچھا طریقہ ہے آپﷺ نے واضح فرمایا کہ نذر کے کے ذریعے سے تقدیر نہیں بدل سکتی جبکہ اس کے بالمقابل دعا کے حوالے سے آپ نے فرمایا :لَا يَرُدُّ القَضَاءَ إِلَّا الدُّعَاءُ تقدیر کے فیصلے کو دعا ہی بدل سکتی ہے ‘‘ (جامع ترمذی،حدیث 2139) اس لیےآپ نے نذر نہ ماننے کی تلقین فرمائی اور واضح کیا کہ نذر کے ذریعے سے کسی بخیل کا مال اللہ کی راہ میں خرچ ہو جاتا ہے یا نہ کرنے والا اس طرح کوئی اچھا کام کر لیتا ہے یہی وجہ ہے کہ آپ نے نذر کو ممنوع قرار نہیں دیا بلکہ مانی ہوئی نذر کو  ،اگراس میں اللہ کی نافرمانی نہ ہو پورا کرنے کا حکم دیا اگر کسی شخص نے ایسا کام کرنے کی نذر مانی جو گنا ہ ہے تو وہ نذر ساقط ہے ، گناہ کا کام ہر گز نہیں کرنا چاہیے۔یہ بھی اسلام کی رحمت ہے کہ اگر کوئی ایسی نذر  مان لے جو اس کے اختیار میں نہیں مثلاً:کوئی ایسا کام کرنے کی نذر جو اس کی استطاعت سے باہر ہے کہ کوئی شخص ایسی  چیز اللہ کی راہ میں دینے یا قربان کرنے کی نذر جو اس کی ملکیت میں ہی نہیں توایسی نذر اس سے ساقط ہو جاتی ہے اگر نذر ماننے والا ایسے کام کی نذر مانے جسے وہ مکمل طور پر تو پورا کرنے کی سکت نہیں رکھتا لیکن جزوی طور پر سکت موجود ہے ،اسے استطاعت کے مطابق پورا کرنا             ضروری ہے ۔

اگر اس کی نذر جائز یا نیکی کے حوالے سے تھی اور اس نے اس نذر کو پورا نہیں کیا تو اس پر کیا کفارہ عائد ہو گا؟اس کے بارے میں اختلاف ہے بہت سے علماء کفارے کو جائز قرار نہیں دیتے بلکہ مستحب گردانتے ہیں وہ صحیح مسلم کی اس کتاب کی آخری حدیث میں کفارے کے حوالے سے جو حکم ہے اس استحباب پر محمول کرتے ہیں لیکن احتیاط یہی ہے کہ نذر پوری نہ کرنے کی صورت میں قسم توڑنے کا کفارہ دیا جائے۔حضرت عقبہ بن عامر ؓنے اپنی بہن کی نذر کے حوالے سے دو حدیث بیان کی (حدیث 4250)سنن ابي داود میں اسی روایت کے آخر میں :’’تُھدِیَ ھَدْيًا‘‘(اور قربانی کے جانور ساتھ لے جانے )کے الفاظ بھی ہیں (سنن ابي داود حديث 3296)حضرت عقبہ بن عامر کے علاوہ   حضرت ابن عباس ؓ نے بھی  رسول اللہ ﷺ سے یہی الفاظ روایت کیے ہیں اس لیے نذر ایفاء نہ کرنے یا ادھوری ایفاء کرنے کی صورت میں قسم والا کفارہ دینا ہی قرین احتیاط ہے۔امام شافعی  مشروط نذر(نذر لحاج)کے معاملے میں کفارہ ضروری خیال کرتے ہیں۔اگر نذر غیر مشروط ہو اس کے عدم ایفاء پر کفارہ دینا ضروری ہے ، اس پر سب کا اتفاق ہے۔

تمہید باب عربی

×

تمہید کتاب عربی

×