التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ السَّلَامِ (بَابُ جَوَازِ أَخْذِ الْأُجْرَةِ عَلَى الرُّقْيَةِ بِالْقُرْآنِ وَالْأَذْكَارِ)

حکم : أحاديث صحيح مسلم كلها صحيحة 

2201.01. حَدَّثَنَا مُحَمَّدُ بْنُ بَشَّارٍ وَأَبُو بَكْرِ بْنُ نَافِعٍ كِلَاهُمَا عَنْ غُنْدَرٍ مُحَمَّدِ بْنِ جَعْفَرٍ عَنْ شُعْبَةَ عَنْ أَبِي بِشْرٍ بِهَذَا الْإِسْنَادِ وَقَالَ فِي الْحَدِيثِ فَجَعَلَ يَقْرَأُ أُمَّ الْقُرْآنِ وَيَجْمَعُ بُزَاقَهُ وَيَتْفِلُ فَبَرَأَ الرَّجُلُ

مترجم:

2201.01.

شعبہ نے ابو بشر سے اسی سند کے ساتھ روایت کی، اور حدیث میں یہ کہا: اس نے ام القرآن (سورۃفاتحہ) پڑھنی شروع کی اور اپنا تھوک جمع کرتا اور اس پر پھینکتا جاتا تو وہ آدمی تندرست ہوگیا۔

×
حدیث ترجمہ:

امام صاحب کو یہ روایت دو اور اساتذہ نے بھی ابو بشر کی مذکورہ سند سے سنائی اور اس میں یہ ہے، وہ ام القرآن پڑھنے لگا اور اپنی تھوک جمع کر کے تھوکتا، وہ آدمی تندرست ہو گیا۔

حدیث حاشیہ:

فوائد ومسائل

حضور اکرم صلی اللہ علیہ وسلم کسی کام کے لیے صحابہ کرام کا تیس (30) افراد پر مشتمل ایک دستہ بھیجا، وہ ایک عربی قبیلہ سے گزرا اور ان سے ضیافت کا مطالبہ کیا، لیکن انہوں نے عربی روایات کے برعکس ان کی مہمان نوازی نہ کی، اللہ کا کرنا، اس کے سردار کو بچھو نے ڈس لیا، انہوں نے اس کے علاج کے لیے ہر طرح بھاگ دوڑ کی لیکن کوئی ٹونا ٹوٹکا کارگر ثابت نہ ہوا تو پھر ان میں سے ایک نے کہا، ان لوگوں کے پاس جاؤ، شاید ان میں سے کسی کے پاس اس کا علاج ہو، انہوں نے آ کر صحابہ کرام کو پوری حقیقت سنائی اور پوچھا کیا تم میں سے کوئی اس کا دم کرتا ہے، حضرت ابو سعید رضی اللہ عنہ نے کہا، ہاں، لیکن تم نے ہماری ضیافت نہیں کی، اس لیے جب تک اجرت طے نہ ہو جائے، میں دم نہیں کروں گا تو تیس بکریاں مزدوری طے ہوئی، حضرت ابو سعید کے دل میں فاتحہ پڑھنے کا خیال آیا، اس لیے انہوں نے سات دفعہ فاتحہ پڑھی اور جس زبان سے پڑھی تھی، اس سے برکت کے حصول کے لیے، سردار پر لعاب دہن ڈالا، وہ فورا تندرست ہو گیا، گویا اس کی بیٹری کھول دی گئی ہے، انہوں نے تیس بکریاں لیں تو ساتھی کہنے لگے، ان کو تقسیم کر لیں، حضرت ابو سعید کے دل میں خیال پیدا ہوا، شاید یہ اجرت ہمارے لیے جائز نہ ہو، اس لیے کہنے لگے، رسول اللہ صلی اللہ علیہ وسلم سے پوچھنے کے بعد، ان کا کچھ کریں گے، آپ نے ان کے اطمینان اور تسلی کے لیے فرمایا، بانٹ لو اور میرا حصہ بھی رکھ لو، اس حدیث سے ثابت ہوا، قرآنی آیات کے ذریعہ دم کر کے اجرت لینا جائز ہے اور اس میں کوئی اختلاف نہیں ہے، لیکن تعلیم قرآن پر اجرت لینے میں اختلاف ہے، امام مالک، امام شافعی اور امام احمد کے ایک قول کی رو سے یہ جائز ہے اور امام ابو حنیفہ کے نزدیک جائز نہیں ہے، مگر متاخرین احناف نے جواز کا فتویٰ دیا ہے، لیکن بقول علامہ سعیدی، حضور اکرم صلی اللہ علیہ وسلم کا یہ فرمان ہے، "جن چیزوں پر تم اجر (مزدوری) لیتے ہو، ان میں اجر کی سب سے زیادہ حقدار اللہ کی کتاب ہے۔" یہ حدیث تعلیم قرآن پر اجرت لینے کے باب میں نص صریح ہے، کیونکہ اس حدیث میں الفاظ عام ہیں، اس کو دم سے خاص کرنا، صحیح نہیں ہے۔ شرح مسلم ج 6، ص 575۔ اور صحیح بات یہی ہے کہ قاری اپنا تمام وقت، ایک مخصوص مدرسہ میں، مخصوص نظام الاوقات کے مطابق، تعلیم دیتا ہے تو یہ اجرت اس کے وقت کی ہے، جس کی وہ پابندی کرتا ہے، جس طرح زکاۃ وصول کرنے والا اپنا وقت دیتا ہے، قاضی عدل و انصاف کرنے کے لیے وقت صرف کرتا ہے اور اجرت لیتا ہے، اس طرح قاری اپنا وقت دیتا ہے اور ایک مخصوص جگہ کی پابندی کرتا ہے اور یہ ایک ہم وقتی کام ہے، اس کے ساتھ کوئی دوسرا کام کر کے اپنی ضروریات پوری کرنا ممکن نہیں ہے، اس لیے اپنے وقت کی اجرت لینے میں کوئی حرج نہیں ہے، لیکن اگر اس کی معاشی ضروریات اس کے بغیر پوری ہوتی ہیں تو بہتر یہی ہے کہ یہ کام فی سبیل اللہ کرے، اگر تعلیم قرآن مہر بن سکتی ہے تو پھر اجرت میں کیا قباحت ہے، امام بخاری کا رجحان بھی اس طرف ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم5870
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)2201.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)4080.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)2201.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)5795
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)2201.01
٨. ترقيم دار السلامترقیم دار السلام5734

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

اسلامی سلامتی کادین ہے۔ صرف انسان کےلیے نہیں بلکہ تمام مخلوقات کی سلامتی سکھاتاہے۔ ہرمسلمان کوسکھایاگیاہےکہ دنیاکاہروہ انسان جواللہ کاباغی نہیں اوردوسرےانسان کی سلامتی کاقائل ہےوہ صرف اسےسلامتی کایقین ہی نہ دلائےبلکہ سلامتی کی دعابھی دے۔ پہلافقرہ جوکوئی مسلمان کوکہتاہےوہ السلام علیکم ہے۔ وہ صرف اپنےمخاطب کوسلامتی کاپیغام اورسلامتی کی دعانہیں دیتابلکہ اس کےتمام ساتھیوں کوبھی اس میں شامل کرتاہے۔ قرآن مجیدنےمسلمانوں کےدرمیان سلامتی کی خواہش کےاظہاراوردعاکولازمی قراردیاہے۔ اسلام کونہ ماننےوالوں کوبھی سلام کہاجاتاتھالیکن جب انہوں نےثابت کردیاکہ وہ مسلمان بلکہ خوداللہ کےرسول اللہﷺکےلیے بھی سلامتی کےبجائےچالاکی سےہلاکت کی بددعادیتےہیں تویہ طریقہ اپنانےکاحکم دیاگیاکہ غیرمسلم اگرسلام کہیں توجواب میں سلام کہاجائےاوروہ اگروہ سام علیکم (آپ پرموت ہو،یااس جیسےاورجملے)کہیں توبھی ترکی بہ ترکی جواب دینےکےبجائےصرف علیکم کہنےپراکتفاکیاجائے۔ غیرمسلموں کےساتھ پرامن بقائےباہمی مسلمانوں کاوتیرہ ہے۔ جوسلامتی کےباہمی عہدکوتوڑدےاوردرپےآزادہوجائے تواس کی چیرہ دستیوں سےدفاع ضروری ہے۔

زمین پربسنےوالی اللہ کی دوسری مخلوقات کی سلامتی کوبھی یقینی بنانےکاحکم دیاگیاہے،البتہ جوموذی جانورانسانی آبادیوں میں گھس کرانسانوں اورانسان کےزیرحفاظت دوسرےچوپایوں کےلیے ضررسانی یاہلاکت کاباعث بنیں ان سےنجات حاصل کرنےکی اجازت دی گئی۔ ایسےموذی جانوروں میں بڑےاورچھوٹےسب طرح کےجانورشامل ہیں۔ اگرکوئی جانورموذی سمجھاجاتاہےلیکن وہ بھی عرصہ درازسےانسانی آبادی میں بس رہاہےتواپنےعمل سےاسےبھی سلامتی کےساتھ وہاں سےجانےکاپیغام دیناچاہیے،اگرپھربھی نہ جائےتواس سےچھٹکاراپانےکی اجازت ہے،ورنہ انسانی آبادی میں اپنی موجودگی سےغلط فائدہ اٹھاکروہ کل کلاں ہلاکت کاموجب بنےگا۔

سلامتی کےحوالےسےمسلمانوں کونہایت عمدہ آداب سکھائےگئےہیں۔ اجازت کےبغیرکسی کےگھرمیں داخل نہ ہونا،عورتیں ضروری کاموں سےباہرجائیں توان کےلیے راستوں کومحفوظ بنانااوربوقت ضرورت ان کی مددکرنا،معاشرےخاندانوں،خصوصاخواتین کی سلامتی کےتحفظ کےلیے کسی اجنبی خاتون کےساتھ خلوت میں نہ رہنااوراگرمحرم خاتون ساتھ ہےتوضرورت محسوس ہونےپراس کےساتھ اپنےرشتےکی وضاحت کردینا ضروری ہے۔ سلامتی کےلیے گھروں اورمجلسوں کی سلامتی ضروری ہے۔ مجلسوں میں مساوات،ایک دوسرےکےحقوق کےتحفظ اوراہل مجلس میں سےہرایک کےآرام کاخیال رکھنےسےمجلسوں کی سلامتی کویقینی بنایاجاسکتاہے،گھروں میں وہ لوگ داخل نہ ہوں جوفتنہ انگیزی کرسکتےہیں۔ دوآمیوں کی سرگوشی تک سےپرہیز اورضرورت کےوقت دوسروں کی مدداوران کےمسائل حل کرنےسےسب لوگوں کےدل میں سلامتی کااحساس مضبوط ہوتاہے۔

سلامتی کےمتعلق ان تمام امورکےبارےمیں رسول اللہﷺکےفرامین بیان کرنےکےبعدامام مسلم﷫ نےصحت سےمتعلق امورکوبیان کیاہے۔ سب سےپہلےان بیماریوں کےحوالےسےاحادیث لائی گئی ہیں جن کےاسباب کاکھوج لگاناعام طبیب کےلیےناممکن یاکم ازکم مشکل ہوتاہے۔ ان میں جادو،نظربداورزہرخورانی وغیرہ شامل ہیں۔ ان کےعلاج کےلیے مختلف تدابیربتائی گئی ہیں جن میں دم کرنااوردعاکرناشامل ہیں، پھرمختلف بیماریوں کےعلاج کےلیے ان مناسب طریقوں کاذکرہےجورسول اللہﷺکےزمانےمیں رائج تھے۔ ان میں سےکچھ طریقوں کورسول اللہﷺنےپسندفرمایا،کچھ کوناپسندکیا۔ یہ بھی بتایاگیاکہ آپ پسندفرماتےہیں کہ بیمارکودی جانےوالی دوائیں اورطریقہ علاج تکلیف دہ نہ ہواورغذاپسندیدہ اورعمدہ ہونی چاہیے۔ اس کےبعدمختلف وباؤں کےحوالےسےرسول اللہﷺکی ہدایات بیان کی گئی ہیں جن کےذریعےسےزیادہ سےزیادہ جانوں کاتحفظ کیاجاسکتاہے،بیمارہونےوالوں کی تیمارداری کویقینی بنانےکی ہدایات ہیں، اس کےبعدسلامتی کےحوالے سےمختلف اوہام  کاذکرہےاورآخرمیں موذی جانوروں کےبارےمیں ہدایات ہیں اورعمومی طورپرہرجاندارکے ساتھ رحم دلی کاسلوک کرنےکی تلقین ہے۔

تمہید باب عربی

×

تمہید کتاب عربی

×