التخريج

قسم الحديث (القائل): مرفوع ، اتصال السند: متصل ، قسم الحديث: شمائل

صحيح مسلم: كِتَابُ الْمَسَاجِدِ وَمَوَاضِعِ الصَّلَاةَ (بَابُ الْمَسَاجِدِ وَمَوَاضِعِ الصَّلَاةَ )

حکم : أحاديث صحيح مسلم كلها صحيحة 

521.01. حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا هُشَيْمٌ، أَخْبَرَنَا سَيَّارٌ، حَدَّثَنَا يَزِيدُ الْفَقِيرُ، أَخْبَرَنَا جَابِرُ بْنُ عَبْدِ اللهِ أَنَّ رَسُولُ اللهِ صَلَّى اللهُ عَلَيْهِ وَسَلَّمَ قَالَ فَذَكَرَ نَحْوَهُ

مترجم:

521.01.

ابو بکر بن ابی شیبہ نے ہشیم سے اسی سابقہ سند سے روایت کی کہ رسول اللہﷺ نے فرمایا: ..... پھر اسی طرح بیان کیا۔

×
حدیث ترجمہ:

امام صاحب ایک اور استاد سے مذکورہ بالا روایت بیان کرتے ہیں۔

حدیث حاشیہ:

فوائد ومسائل

اس حدیث میں آپﷺ کی پانچ امتیازی خصوصیات کا تذکرہ کیا گیا ہے لیکن اس کا یہ مطلب نہیں ہے کہ آپﷺ کے صرف یہی پانچ امتیازی اوصاف ہیں کیونکہ مقصود حصر نہیں ہے اور جس شفاعت کو آپﷺ کا خاصہ قراردیا گیا ہے اس سے مراد شفاعت کبریٰ ہے یعنی جس کے نتیجہ میں انسانوں کا محشر میں حساب کتاب شروع ہو گا۔ اور اس شفاعت کے بعد اور انبیاء علیہ السلام، ملا ئکہ، اللہ تعالیٰ کے نیک بندے، علماء، شہداء اپنے سے تعلق رکھنے والے اہل ایمان کے حق میں سفارش کریں گے۔ یہاں تک کہ چھوٹی عمر میں فوت ہو جانے والے بچے بھی اپنے والدین کے لیے سفارش کریں گے اس طرح بعض اعمال صالحہ بھی اپنے عاملوں کے حق میں سفارش کریں گے اور ان سفارشوں کا تعلق آخرت سے ہے باقی رہا دنیا میں سفارش تو اس کا اس حدیث سے کوئی تعلق نہیں ہے۔ آخرت میں سفارش اللہ کی اجازت اور مرضی سے ہو گی وہی سفارش کر سکے گا جس کو سفارش کرنے کی اجازت ملے گی اس لیے فرمایا: ﴿مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ﴾ کون ہے جو اس کی بارگاہ میں اس کی اجازت کے بغیر سفارش کر سکے: ﴿مَن﴾ کا لفظ عام ہے اس لیے کسی نبی اور فرشتے کو بھی یہ مجال نہیں ہو گی کہ وہ اللہ کی اجازت کے بغیر سفارش کر سکے، دوسری جگہ فرمایا: ﴿مَا مِنْ شَفِيعٍ إِلا مِنْ بَعْدِ إِذْنِهِ﴾ (یونس) کوئی ایک بھی اس کی اجازت کے بغیر سفارش نہیں کرے گا۔ سفارش بھی صرف اسی کے بارے میں  ہو سکے گی جس کے بارے میں اجازت مل جائے فرمایا: ﴿لَّا تَنفَعُ الشَّفَاعَةُ إِلَّا مَنْ أَذِنَ لَهُ الرَّحْمَٰنُ وَرَضِيَ لَهُ قَوْلًا﴾ (طہٰ) سفارش صرف اس شخص کو نفع دے گی جس کے حق میں رحمٰن نے اجازت دی اور اس کے لیے کوئی بات کہنے کو پسند کیا۔ سورہ انبیاء میں فرشتوں کے بارے میں فرمایا: ﴿وَلَا يَشْفَعُونَ إِلَّا لِمَنِ ارْتَضَىٰ﴾ وہ صرف اسی کے لیے سفارش کریں گے جس کے لیے وہ پسند فرمائے گا اور سفارش اتنی ہی کریں گے جتنی کی اجازت ہو جیسا کہ ﴿وَرَضِيَ لَهُ قَوْلًا﴾ سے ثابت ہوتا ہے۔ اس لیے یہ کہنا درست نہیں ہے۔ ’’ہم ہر قسم کی شفاعت کے قائل ہیں خواہ یہ شفاعت بالاذن ہو یا لِوَجَاھت ہو یا بالمحبت ہو‘‘ کیونکہ شفاعت کی اجازت ہی نہیں ملے گی جن کو اللہ کے ہاں وجاہت حاصل ہو گی یا وہ اللہ کی محبت کے مستحق ہوں گے پھر اس کے لیے بلا ضرورت طول بیانی سے کام لیا گیا ہے اور عجیب بات یہ شروع میں یہ تسلیم کر لیا گیا ہے کہ اس بخشش میں اس پر کسی کا اجارہ نہیں کسی کا زور نہیں وہی تنہا اس مغفرت اور کرم گری کا مالک ہے لیکن اللہ تعالیٰ اپنے مقبول اور مقرب بندوں کی عزت اور وجاہت دکھلانے کے لیے اپنے محبوب اور پسندیدہ بندوں کی شان ظاہر کرنے کے لیے اپنے عباد و خواص کی خصوصیت جتلانے کے لیےان کو روز حشر یہ اعزاز بخشے گا یہ مقام عطا فرمائے گا انہیں اجازت دے گا اذن مرحمت فرمائے گا کہ وہ اس کے گنہگار بندوں کی شفاعت کریں اور اللہ تعالیٰ محض اپنے فضل و کرم سے ان کی شفاعت قبول فرما کر بےحساب گنہگاروں کو بخش دے گا۔ (شرح صحیح مسلم 2 /38) از علامہ غلام رسول سعیدی) اب اس کے بعد یہ کہنا محض ایک جسارت ہے کہ دنیا میں (وہابیہ) طلب شفاعت کے قائل نہیں (کیا ہر وہابی اللہ تعالیٰ سے مغفرت طلب نہیں کرتا اور دوسروں سے بخشش کی دعا نہیں کراتا) پھر کہنا وہابیہ آخرت میں شفاعت بالإِ ذن کے قائل ہیں شفاعت بالوجاہت اور شفاعت بالمحبت کے قائل نہیں۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم1186
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)521.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)810.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)521.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)1135
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)521.01
٨. ترقيم دار السلامترقیم دار السلام1164

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

امام مسلم کتاب الصلاۃ میں اذان اقامت اور بنیادی ارکانِ صلاۃ کے حوالے سے روایات لائے ہیں۔ مساجد اور نماز سے متعلقہ ایسے مسائل جو براہ راست ارکانِ نماز کی ادائیگی کا حصہ نہیں نماز سے متعلق ہیں انھیں امام مسلم نے کتاب المساجد میں ذکر کیا ہے مثلاً:قبلۂ اول اور اس کی تبدیلی نماز کے دوران میں بچوں کو اٹھانا‘ضروری حرکات جن کی اجازت ہے نماز میں سجدے کی جگہ کو صاف یا برابر کرنا ‘ کھانے کی موجودگی میں نماز پڑھنا‘بدبو دار چیزیں کھا کر آنا‘وقار سے چلتے ہوئے نماز کے لیے آنا‘بعض دعائیں جو مستحب ہیں حتی کہ اوقات نماز کو بھی امام مسلم  نے کتاب المساجد میں صحیح احادیث کے ذریعے سے واضح کیا ہے۔ یہ ایک مفصل اور جامع حصہ ہے جو انتہائی ضروری عنوانات پر مشتمل ہے اور کتاب الصلاۃ سے زیادہ طویل ہے۔

تمہید باب عربی

×

تمہید کتاب عربی

×