التخريج

قسم الحديث (القائل): مرفوع ، اتصال السند: متصل ، قسم الحديث: قولی

صحيح مسلم: كِتَابُ الْمَسَاجِدِ وَمَوَاضِعِ الصَّلَاةَ (بَابُ اسْتِحْبَابِ الذِّكْرِ بَعْدَ الصَّلَاةِ وَبَيَانِ صِفَتِهِ)

حکم : أحاديث صحيح مسلم كلها صحيحة 

597.01. وحَدَّثَنَا مُحَمَّدُ بْنُ الصَّبَّاحِ، حَدَّثَنَا إِسْمَاعِيلُ بْنُ زَكَرِيَّاءَ، عَنْ سُهَيْلٍ، عَنْ أَبِي عُبَيْدٍ، عَنْ عَطَاءِ، عَنْ أَبِي هُرَيْرَةَ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ بِمِثْلِهِ

مترجم:

597.01.

اسماعیل بن زکریا نے سہیل سے، انھوں نے ابوعبید سے، انھوں نے عطاء سے اور انھوں نے ابو ہریرہ رضی اللہ تعالیٰ عنہ سے روایت کیا، کہا رسول اللہﷺ نے فرمایا، آگے (مذکورہ بالا روایت) کی مانند روایت کیا۔

×
حدیث ترجمہ:

امام صاحب ایک اور استاد سے مذکورہ بالا روایت بیان کرتے ہیں۔

حدیث حاشیہ:

فوائد ومسائل

1۔ حضرت ابوہریرہ رضی اللہ تعالیٰ عنہ کی روایت میں تسبیح تحمید اور تکبیر تینوں کلمات کا عدد 33، 33۔ بتلایا گیا ہے اور سو کی گنتی پوری کرنے کے لیے ایک مرتبہ کلمہ توحید وتہلیل  پڑھنے کے لیے فرمایا گیا ہے۔ لیکن کعب بن عجرہ رضی اللہ تعالیٰ عنہ اور بعض دوسرے صحابہ کرام رضوان اللہ عنھم اجمعین کی روایات میں سو کی گنتی پوری کرنے کے لیے اَللہُ اَکْبَر  34 دفعہ پڑھنے کی ترغیب دی گئی، دونوں طرح ہی پڑھنا درست ہے۔ اور ظاہر ہے کہ ابوہریرہ رضی اللہ تعالیٰ عنہ کی اس روایت میں جس اجروثواب کو بیان کیا گیا ہے وہ دوسری صورت میں بیان نہیں کیا گیا۔
2۔ مولانا منظور احمد نعمانی رحمۃ اللہ علیہ نے لکھا ہے کہ (نماز کے خاتمہ پر یعنی سلام کے بعد ذکرودعا رسول اللہ صلی اللہ علیہ وسلم سے عملاً بھی ثابت ہے اور تعلیماً بھی اور اس سے انکار کی گنجائش نہیں ہے لیکن یہ جو رواج ہے کہ سلام پھیرنے کے بعد دعا میں بھی متقدی نماز کی طرح امام کے پابند رہتے ہیں حتیٰ کہ اگر کسی کو جلدی جانے کی ضرورت ہو تب بھی امام سے پہلے اٹھ جانا بُرا سمجھا جاتا ہے، یہ بالکل بے اصل ہے بلکہ قابل اصلاح ہے امامت اور اقتداء کا رابطہ سلام پھیرنے پر ختم ہو جاتا ہے۔ اس لیے سلام کے بعد دعا میں امام کی اقتدا اور پابندی ضروری نہیں، چاہے تو مختصراً دعا کر کے امام سے پہلے اٹھ جائے اور چاہے تو اپنے ذوق اور کیفیت کے مطابق دیر تک دعا کرتا رہے۔ (معارف الحدیث: 3 /318) 
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم1377
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)597.01
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)939.01
٤. ترقيم فؤاد عبد الباقي (برنامج الكتب التسعة)ترقیم فواد عبد الباقی (کتب تسعہ پروگرام)597.01
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)1326
٧. ترقيم دار إحیاء الکتب العربیة (جامع خادم الحرمين للسنة النبوية)ترقیم دار احیاء الکتب العربیہ (خادم الحرمین الشریفین حدیث ویب سائٹ)597.01
٨. ترقيم دار السلامترقیم دار السلام1353

الحكم على الحديث

×
اسم العالمالحكم
١. إجماع علماء المسلمينأحاديث صحيح مسلم كلها صحيحة

تمہید باب

×

تمہید کتاب

×

امام مسلم کتاب الصلاۃ میں اذان اقامت اور بنیادی ارکانِ صلاۃ کے حوالے سے روایات لائے ہیں۔ مساجد اور نماز سے متعلقہ ایسے مسائل جو براہ راست ارکانِ نماز کی ادائیگی کا حصہ نہیں نماز سے متعلق ہیں انھیں امام مسلم نے کتاب المساجد میں ذکر کیا ہے مثلاً:قبلۂ اول اور اس کی تبدیلی نماز کے دوران میں بچوں کو اٹھانا‘ضروری حرکات جن کی اجازت ہے نماز میں سجدے کی جگہ کو صاف یا برابر کرنا ‘ کھانے کی موجودگی میں نماز پڑھنا‘بدبو دار چیزیں کھا کر آنا‘وقار سے چلتے ہوئے نماز کے لیے آنا‘بعض دعائیں جو مستحب ہیں حتی کہ اوقات نماز کو بھی امام مسلم  نے کتاب المساجد میں صحیح احادیث کے ذریعے سے واضح کیا ہے۔ یہ ایک مفصل اور جامع حصہ ہے جو انتہائی ضروری عنوانات پر مشتمل ہے اور کتاب الصلاۃ سے زیادہ طویل ہے۔

تمہید باب عربی

×

تمہید کتاب عربی

×