التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ بَدْءِ الخَلْقِ (بَابُ مَا جَاءَ فِي صِفَةِ الجَنَّةِ وَأَنَّهَا مَخْلُوقَةٌ)

تمہید باب عربی

حکم : أحاديث صحيح البخاريّ كلّها صحيحة 

ترجمة الباب: قَالَ أَبُو العَالِيَةِ: {مُطَهَّرَةٌ} [البقرة: 25]: «مِنَ الحَيْضِ، وَالبَوْلِ، وَالبُزَاقِ»، {كُلَّمَا رُزِقُوا} [البقرة: 25]: «أُتُوا بِشَيْءٍ ثُمَّ أُتُوا بِآخَرَ»، {قَالُوا هَذَا الَّذِي رُزِقْنَا مِنْ قَبْلُ} [البقرة: 25]: «أُتِينَا مِنْ قَبْلُ»، {وَأُتُوا بِهِ مُتَشَابِهًا} [البقرة: 25]: «يُشْبِهُ بَعْضُهُ بَعْضًا وَيَخْتَلِفُ فِي الطُّعُومِ» {قُطُوفُهَا} [الحاقة: 23]: «يَقْطِفُونَ كَيْفَ شَاءُوا» {دَانِيَةٌ} [الأنعام: 99]: «قَرِيبَةٌ» {الأَرَائِكُ} [الكهف: 31]: «السُّرُرُ» وَقَالَ الحَسَنُ: «النَّضْرَةُ فِي الوُجُوهِ وَالسُّرُورُ فِي القَلْبِ» وَقَالَ مُجَاهِدٌ: {سَلْسَبِيلًا} [الإنسان: 18]: «حَدِيدَةُ الجِرْيَةِ»، {غَوْلٌ} [الصافات: 47]: «وَجَعُ [ص:117] البَطْنِ»، {يُنْزَفُونَ} [الصافات: 47]: «لاَ تَذْهَبُ عُقُولُهُمْ» وَقَالَ ابْنُ عَبَّاسٍ: {دِهَاقًا} [النبأ: 34]: «مُمْتَلِئًا»، {كَوَاعِبَ} [النبأ: 33]: «نَوَاهِدَ» الرَّحِيقُ: «الخَمْرُ» التَّسْنِيمُ: «يَعْلُو شَرَابَ أَهْلِ الجَنَّةِ»، {خِتَامُهُ} [المطففين: 26]: «طِينُهُ» {مِسْكٌ} [المطففين: 26]، {نَضَّاخَتَانِ} [الرحمن: 66]: «فَيَّاضَتَانِ»، يُقَالُ: {مَوْضُونَةٌ} [الواقعة: 15]: مَنْسُوجَةٌ، مِنْهُ وَضِينُ النَّاقَةِ، وَالكُوبُ: مَا لاَ أُذْنَ لَهُ وَلاَ عُرْوَةَ، وَالأَبَارِيقُ: ذَوَاتُ الآذَانِ وَالعُرَى. {عُرُبًا} [الواقعة: 37]: «مُثَقَّلَةً»، وَاحِدُهَا عَرُوبٌ، مِثْلُ صَبُورٍ وَصُبُرٍ، يُسَمِّيهَا أَهْلُ مَكَّةِ العَرِبَةَ، وَأَهْلُ المَدِينَةِ الغَنِجَةَ، وَأَهْلُ العِرَاقِ الشَّكِلَةَ " وَقَالَ مُجَاهِدٌ: {رَوْحٌ} [يوسف: 87]: جَنَّةٌ وَرَخَاءٌ، وَالرَّيْحَانُ: الرِّزْقُ، وَالمَنْضُودُ: المَوْزُ، وَالمَخْضُودُ: المُوقَرُ حَمْلًا، وَيُقَالُ أَيْضًا: لاَ شَوْكَ لَهُ، وَالعُرُبُ: المُحَبَّبَاتُ إِلَى أَزْوَاجِهِنَّ، وَيُقَالُ {مَسْكُوبٌ} [الواقعة: 31]: جَارٍ، {وَفُرُشٍ مَرْفُوعَةٍ} [الواقعة: 34]: بَعْضُهَا فَوْقَ بَعْضٍ، {لَغْوًا} [مريم: 62]: بَاطِلًا، {تَأْثِيمًا} [الواقعة: 25]: كَذِبًا، {أَفْنَانٌ} [الرحمن: 48]: أَغْصَانٌ، {وَجَنَى الجَنَّتَيْنِ دَانٍ} [الرحمن: 54]: مَا يُجْتَنَى قَرِيبٌ، {مُدْهَامَّتَانِ} [الرحمن: 64]: سَوْدَاوَانِ مِنَ الرِّيِّ "

3246. حَدَّثَنَا أَبُو اليَمَانِ، أَخْبَرَنَا شُعَيْبٌ، حَدَّثَنَا أَبُو الزِّنَادِ، عَنِ الأَعْرَجِ، عَنْ أَبِي هُرَيْرَةَ رَضِيَ اللَّهُ عَنْهُ، أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ، قَالَ: أَوَّلُ زُمْرَةٍ تَدْخُلُ الجَنَّةَ عَلَى صُورَةِ القَمَرِ لَيْلَةَ البَدْرِ، وَالَّذِينَ عَلَى إِثْرِهِمْ كَأَشَدِّ كَوْكَبٍ إِضَاءَةً، قُلُوبُهُمْ عَلَى قَلْبِ رَجُلٍ وَاحِدٍ، لاَ اخْتِلاَفَ بَيْنَهُمْ وَلاَ تَبَاغُضَ، لِكُلِّ امْرِئٍ مِنْهُمْ زَوْجَتَانِ، كُلُّ وَاحِدَةٍ مِنْهُمَا يُرَى مُخُّ سَاقِهَا مِنْ وَرَاءِ لَحْمِهَا مِنَ الحُسْنِ، يُسَبِّحُونَ اللَّهَ بُكْرَةً وَعَشِيًّا، لاَ يَسْقَمُونَ، وَلاَ يَمْتَخِطُونَ، وَلاَ يَبْصُقُونَ، آنِيَتُهُمُ الذَّهَبُ وَالفِضَّةُ، وَأَمْشَاطُهُمُ الذَّهَبُ، وَوَقُودُ مَجَامِرِهِمْ الأَلُوَّةُ - قَالَ أَبُو اليَمَانِ: يَعْنِي العُودَ -، وَرَشْحُهُمُ المِسْكُ وَقَالَ مُجَاهِدٌ: الإِبْكَارُ: أَوَّلُ الفَجْرِ، وَالعَشِيُّ: مَيْلُ الشَّمْسِ إِلَى أَنْ - أُرَاهُ - تَغْرُبَ

مترجم:

ترجمۃ الباب:

 ابوالعالیہ نے کہا ( سورۃ بقرہ میں ) جو لفظ ازواج مطہرۃآیا ہے اس کا معنی یہ ہے کہ جنت کی حوریں حیض اور پیشاب اور تھوک اور سب گندگیوں سے پاک صاف ہوں گی اور جویہ آیا ہے کلما رزقوا منہا من ثمرۃ رزقا آخر آیت تک اس کا مطلب یہ ہے کہ جب ان کے پاس ایک میوہ لایا جائے گا پھر دوسرا میوہ تو جنتی کہیں گے یہ تو وہی میوہ ہے جو ہم کو پہلے مل چکا ہے ۔ متشابہا کے معنی صور ت اور رنگ میں ملے جلے ہوں گے لیکن مزید میں جدا جدا ہوں گے ( سورۃ حاقہ میں ) جو لفظ قطوفہا دانیہ آیا ہے اس کا مطلب یہ ہے کہ بہشت کے میوے ایسے نزدیک ہوں گے کہ بہشتی لوگ کھڑے بیٹھے جس طرح چاہیں ان کو توڑ سکیں گے ۔ دانیہ کا معنی نزدیک کے ہیں ، اَرَائِکُ کے معنی تخت کے ہیں ، امام حسن بصری نے کہا لفظ نضرۃ منہ کی تازگی کو اور سرور دل کی خوشی کو کہتے ہیں ۔ اور مجاہد نے کہا سلسبیلا کے معنی تیز بہنے والی ، اور لفظ غول کے معنی پیٹ کے درد کے ہیں ۔ ینزفون کے معنی یہ کہ ان کی عقل میں فور نہیں آئے گا ۔ جیسا کہ دنیاوی شراب سے آ جاتا ہے ) اور حضرت ابن عباس رضی اللہ عنہما نے کہا ( سورہ نبا میں ) جو دہاقا کا لفظ آیا ہے اس کے معنی لبالب بھرے ہوئے کہ ہیں ۔ لفظ کواکب کے معنی پستان اٹھے ہوئے کے ہیں ، لفظ رحیق کے معنی جنت کی شراب ، تسنیم وہ عرق جو بہشتیوں کی شراب کے اوپر ڈالا جائے گا ۔ بہشتی اس کو پئیں گے اور لفظ ختام ( سورۃ مطففین میں ) کے معنی مہر کی مٹی ( جس سے وہاں کیش راب کی بوتلوں پر مہر لگی ہوئی ہوگی ۔ نضاختان ( سورۃ رحمن میں ) دو جوش مارتے ہوئے چشمے ، لفظ موضونۃ ( سورۃ واقعہ میں ) کا معنی جڑاو بنا ہوا ، اسی سے لفظ وضین الناقۃ نکلا ہے ۔ یعنی اونٹنی کی جھول وہ بھی بنی ہوئی ہوتی ہے اور لفظ کوب کا معنی جس کی جمع اکواب ( سورۃ واقعہ میں ) ہے ، کوزہ جس میں نہ کان ہو نہ کنڈا اور لفظ اباریق ابریق کی جمع وہ کوزہ جو کان اور کنڈہ رکھتا ہو ۔ اور لفظ عربا ( سورۃ واقعہ میں ) عروب کی جمع ہے جیسے صبور کی جمع صبر آتی ہے ۔ مکہ والے عروب کو عَرِبَۃُ اور مدینہ والے غنجہ اور عراق والے شکلہ کہتے ہیں ۔ ان سب سے وہ عورت مراد ہے جو اپنے خاوند کی عاشق ہو ۔ اور مجاہد نے کہا لفظ روح ( سورۃ واقعہ میں ہے ) کا معنی بہشت اور فراخی رزق کے ہیں ۔ ریحان کا معنی ( جو اسی سورۃ میں ہے ) رزق کے ہیں اور لفظ منضود ( سورۃ واقعہ ) کا معنی کیلے کے ہیں ۔ مخضود وہ بیر جس میں کانٹا نہ ہو ۔ میوے کے بوجھ سے لٹکا ہوا ہے بعض لوگ کہتے ہیں کہ لفظ عرب ( جو سورۃ واقعہ میں ہے ) اس کے معنی وہ عورتیں جو اپنے خاوند کی محبوبہ ہوں ، مکسوب کا معنی ( جو اسی سورۃ میں ہے ) بہتا ہوا پانی ۔ اور لفظ وفرش مرفوعۃ ( سورۃ واقعہ ) کا معنی بچھونے اونچے یعنی اوپر تلے بچھے ہوئے ، لفظ لغوا جو اسی سورۃ میں ہے ۔ اس کے معنی غلط جھوٹ کے ہیں ۔ لفظ تائیما جو اسی سورۃ میں ہے اس کا معنی بھی جھوٹ کے ہیں ۔ لفظ افنان جو سورۃ رحمن میں ہے ۔ اس کے معنی شاخیں ڈالیاں اور وجناالجنتین دان کا معنی بہت تازگی اور شاداب کی وجہ سے وہ کالے ہورہے ہوں گے ۔مجتہد اعظم حضرت امام بخاری رحمۃ اللہ علیہ نے اس باب میں ان اکثر الفاظ کے معانی و مطالب بیان کردئیے جو جنت کی تعیف میں قرآن مجید میں مستعمل ہوئے ہیں۔ اللہ پاک لکھنے والے اور پڑھنے والوں کو جنت کی یہ جملہ نعمتیں عطا کرے۔ آمین

3246.

حضرت ابو ہریرہ ؓ ہی سے روایت ہے کہ رسول اللہ ﷺ نے فرمایا: ’’پہلی جماعت جو جنت میں داخل ہو گی ان کے چہرے بدر منیر کی طرح چمکتے ہوں گے۔ اور جو ان کے بعد داخل ہوں گے وہ جگمگاتے ستاروں کی طرح ہوں گے۔ ان سب کے دل (الفت اور محبت میں) ایک شخص کے دل کی طرح ہوں گے۔ ان میں نہ کسی بات کا اختلاف ہو گا اور نہ باہمی دشمنی۔ ان میں سے ہر ایک کے لیے دو، دو بیویاں ہوں گی۔ لطیف حسن کی وجہ سے ان کی پنڈلیوں کا مغز گوشت کے اوپر سے دکھائی دے گا۔ وہ صبح و شام اللہ کی تسبیح و تہلیل کریں گے۔ نہ کبھی بیمارہوں گے۔ اور نہ ناک سے ریزش ہی گرائیں گے۔ ان کے برتن سونے چاندی کے اور ان کی کنگھیاں سونے کی ہوں گی۔ ان کی انگیٹھیوں میں عود سلگتا رہے گا۔ ۔ ۔ راوی ابو الیمان نےکہا کہ الأَلْوَة سے مراد عود ہندی ہے۔ ۔ ۔ اور ان کا پسینہ مشک (کستوری)جیسا ہو گا۔ ’’امام مجاہد نےکہا: الْإِبْكَارِسے مراد اول فجر اور الْعَشِيِّ سے مراد سورج کا اس قدر ڈھل جا نا ہے۔ کہ وہ غروب ہو تا نظر آئے۔

×
ترجمۃ الباب:

ابو العالیہ نے کہا کہ مطهرةکے معنی ہیں: ایسی حوریں جو حیض، بول و برازاور تھوک سے پاک ہوں گی۔  كُلَّمَا رُزِقُوا کے معنی ہیں: جب اہل جنت کے پاس ایک پھل کے بعد دوسرالایا جائے گا۔  قَالُوا هَـٰذَا الَّذِي رُزِقْنَا مِن قَبْلُ تو وہ کہیں گے یہ تو وہی پھل ہے جو ہمیں پہلے مل چکا ہے۔  وَأُتُوا بِهِ مُتَشَابِهًا کے معنی ہیں: صورت اور رنگت میں ملے جلے لیکن ذائقے میں مختلف ہوں گے۔  قُطُوفُهَا دَانِيَةٌ کے معنی ہیں: وہ پھل اتنے قریب ہوں گے کہ اہل جنت حسب منشا انھیں توڑ سکیں گے۔  الْأَرَائِكِ کے معنی تخت کے ہیں۔امام حسن بصری  رحمۃ اللہ علیہ نے کہا: چہرے کی ترو تازگی کو نَضْرَةً اور دل کی خوشی کو سُرُورًا  کہا جاتا ہے۔مجاہد نے کہا:  سَلْسَبِيلًا کا مطلب ہے: تیز بہنے والا پانی۔  غَوْلٌ کے معنی درد شکم کے ہیں۔  يُنزَفُونَ  کے معنی ہیں ان کی عقل میں فتور نہیں آئے گا۔حضرت ابن عباس رضی اللہ تعالیٰ عنہ نے فرمایا:  دِهَاقًا کے معنی ہیں: "چھلکتے ہوئے۔  وَكَوَاعِبَ کے معنی ہیں: وہ عورتیں جن کی چھاتی ابھری ہوئی ہو۔  الرَّحِيقٍ  کے معنی ہیں شراب تَسْنِيمٍ کے معنی ہیں: وہ عرق جو اہل جنت کی شراب کے اوپر چھڑاکا جائے گا۔  خِتَامُهُ کے معنی ہیں۔ اس کی مٹی کستوری ہوگی۔  نَضَّاخَتَانِ جوش مارتے ہوئے دو چشمے۔  مَّوْضُونَةٍ بُنا ہوا۔ اس سے وَضِينَ الناقةِ بنا ہے، یعنی اونٹنی کی جھول جو بنی ہوتی ہے۔  الكُوبُ کے معنی "جام جس کا دستہ نہ ہو"اورأَبَارِيقَ وہ آبخورےجن کے دستے ہوں۔ "لفظ عُرُبًا جس کا واحد عُرُب ہے جیساکہ صبور کی جمع صُبُرً آتی ہے۔ اہل مکہ اسے عربة اہل مدینہ غنجة اور اہل عراق اسےشكلته کہتے ہیں۔ (اس سے مراد وہ عورت جو اپنے خاوند پر فریفتہ ہو)حضرت مجاہد نے کہا:  رُوحٌ  سے مراد جنت اور اچھی زندگی ہےاورالرَّيْحَانُ کے معنی رزق کے ہیں۔  المَّنضُودٍ کے معنی ہیں۔ کیلے المَّخْضُودٍکے معنی پھلوں سے جھکی ہوئی۔ یہ بھی کہا جا تا ہے جس کا کانٹانہ ہو۔  العُرُبُ کے معنی ہیں : وہ عورتیں جو اپنے خاوندوں کی محبوب اور پیاری ہوں مَّسْكُوبٍ کے معنی ہیں: بہتا ہوا پانی (آبشاریں) فُرُشٍ مَّرْفُوعَةٍ اوپر تلے بچھے ہوئے بچھونے لَغْوًا غلط اور تَأْثِيمًا جھوٹ۔  أَفْنَانٍ کے معنی ہیں:  ڈالیاں۔  وَجَنَى الْجَنَّتَيْنِ دَانٍ  دونوں باغوں کا پھل قریب سے توڑا جائے گا۔  مُدْهَامَّتَانِ  کے معنی ہیں:  سیرابی کی وجہ سے سیاہی مائل ہوں گے۔


حدیث ترجمہ:

ہم سے ابوالیمان نے بیان کیا، انہوں نے کہا ہم کو شعیب نے خبردی، ان سے ابالزناد نے بیان کیا، ان سے اعرج نے اور ان سے ابوہریرہ ؓ نے کہ رسول اللہ ﷺ نے فرمایا، جنت میں داخل ہونے والے سب سے پہلے گروہ کے چہرے ایسے روشن ہوں گے جیسے چودہویں کا چاند ہوتا ہے۔ جو گروہ اس کے بعد داخل ہوگا ان کے چہرے سب سے زیادہ چمک دار ستارے جیسے روشن ہوں گے۔ ان کے دل ایک ہوں گے کہ کوئی بھی اختلاف ان میں آپس میں نہ ہوگا اور نہ ایک دوسرے سے بغض و حسد ہوگا۔ ہر شخص کی دو بیویاں ہوں گی، ان کی خوبصورتی ایسی ہوگی کہ ان کی پنڈلیوں کا گودا گوشت کے اوپر سے دکھائی دے گا۔ وہ صبح شام اللہ کی تسبیح کرتے رہیں گے نہ ان کو کوئی بیماری ہو گی، نہ ان کی ناک میں کوئی آلائش آئے گی اور نہ تھوک آئے گا۔ ان کے برتن سونے اور چاندی کے اور کنگھے سونے کے ہوں گے اور ان کی انگیٹھیوں کا ایندھن الوہ کا ہو گا، ابوالیمان نے بیان کیا کہ الأَلْوَة سے عود ہندی مراد ہے۔ اور ان کا پسینہ مشک جیسا ہوگا۔ مجاہد نے کہا کہ ابکار سے مراد اول فجر ہے۔ اور العشي سے مراد سورج کا اتنا ڈھل جانا کہ وہ غروب ہوتا نظر آنے لگے۔

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم3267
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)3246
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)3007
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)3246
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)3074
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)3124
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)3246
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)3246
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)3246

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

اسی طرح دوزخ دونوں موجود ہیں، جملہ اہل سنت کا یہ متفقہ عقیدہ ہے۔ حافظ صاحب فرماتے ہیں۔ یعنی جنت اب موجود ہے اور اس میں معتزلہ کی تردید ہے جو کہتے ہیں کہ جنت قیامت ہی کے دن پیدا ہوگی۔ مصنف نے یہا ںکئی احادیث ذکر کی ہیں۔ جن سے جنت کا وجود ثابت ہوتا ہے اور بعض احادیث جنت کی صفات سے متعلق ہیں اور اس بارے میں زیادہ صریح وہ حدیث ہے جس کو احمد اور ابوداؤد نے صحیح سند کے ساتھ روایت کیا ہے کہ جب اللہ پاک نے جنت کو پیدا کیا تو حضرت جبرئیل علیہ السلام سے فرمایا کہ جاؤ اور جنت کو دیکھو۔جملہ اہل سنت کا عقیدہ ہے کہ جنت اوردوزخ دونوں مخلوق ہیں اور اب موجود ہیں۔اس عنوان سے معتزلہ کی تردید مقصود ہے جوکہتے ہیں کہ جنت اور جہنم قیامت کے دن پیدا ہوں گی،اب ان کا کوئی وجود نہیں ہے۔امام بخاری رحمۃ اللہ علیہ نے اس عنوان کے تحت بہت سی ایسی احادیث ذکر کی ہیں جن سے جنت کا وجودثابت ہوتا ہے جبکہ بعض احادیث میں جنت کی صفات کا ذکر ہے۔جنت کےمخلوق ہونے کے متعلق زیادہ صریح وہ روایت ہے جسے امام احمد رحمۃ اللہ علیہ اور امام ترمذی رحمۃ اللہ علیہ نے بیان کیا ہے کہ رسول اللہ صلی اللہ علیہ وسلم نے فرمایا:"جب اللہ تعالیٰ نے جنت کو پیداکیا توحضرت جبرئیل علیہ السلام سے فرمایا:جاؤ اور جنت کو دیکھ کرآؤ۔"(جامع الترمذی صفۃ الجنۃ حدیث 2560)امام بخاری رحمۃ اللہ علیہ نے اس عنوان کے تحت اکثر ایسے الفاظ کے معانی ذکر کیے ہیں جوجنت کی تعریف میں اللہ تعالیٰ نے بیان کیے ہیں۔یہ الفاظ ایسی آیات سے متعلق ہیں جو جنت کے اوصاف پر مشتمل ہیں۔دعا ہے کہ اللہ تعالیٰ صحیح بخاری اور دیگر کتب احادیث سے فائدہ اٹھانے والوں کو روز قیامت جنت میں جگہ دے۔آمین

تمہید کتاب

×

محدثین کرام نے کتب حدیث کو مضامین کے اعتبار سے مختلف قسموں میں تقسیم کیا ہے جن میں سے ایک"الجامع"ہےاس سے مرادوہ کتاب ہے جس میں مؤلف نے عقائد عبادات ، معاملات، سیرت ، جہاد مناقب ، رقاق ، آداب ، فتن تاریخ اورا حوال آخرت سے متعلقہ احادیث کو ایک خاص ترتیب سے جمع کیا ہو۔ امام بخاری رحمۃ اللہ علیہ  کی تالیف بھی"الجامع"کہلاتی ہے جس میں مختلف قسم کے علوم و فنون جمع ہیں۔ ان میں سے ایک تاریخ بھی ہے۔ امام بخاری رحمۃ اللہ علیہ  نے یہاں سے تاریخ بیان کرنا شروع کی ہے۔ یہ سلسلہ کتاب التفسیر تک چلے گا۔ ہمارے نزدیک کتاب المغازی کوئی الگ نوعیت کی مستقل کتاب نہیں بلکہ وہ رسول اللہ صلی اللہ علیہ وسلم کی سیرت طیبہ ہی کا ایک حصہ ہے چونکہ اس کے ابواب بہت پھیلے ہوئے ہیں اس لیے اسے الگ کتاب کا نام دیا گیا ہے یہی وجہ ہے کہ اس میں رسول اللہ صلی اللہ علیہ وسلم کی بیماری اور آپ کی وفات کے ابواب بھی بیان ہوئے ہیں کیونکہ یہ سب سیرت طیبہ کے احوال کا تکملہ ہے بہر حال اسے آغاز تخلیق سے شروع کیا ہے۔اس کے بعد احادیث انبیاء پھر مناقب وغیرہ بیان ہوں گے اس کے بعد مغازی کا ذکر ہوگا۔ بہر حال امام بخاری رحمۃ اللہ علیہ  نے تاریخی حقائق بیان کرنے کے لیے ایک سو ساٹھ احادیث کا انتخاب کیا ہے جن میں بائیس معلق اور باقی ایک سواڑتیس احادیث متصل سند سے مروی ہیں ان مرفوع احادیث میں ترانوے احادیث مکرر اور تریسٹھ خالص ہیں پندرہ احادیث کے علاوہ دیگر احادیث کو امام مسلم رحمۃ اللہ علیہ  نے بھی روایت کیا ہے۔ مرفوع احادیث کے علاوہ صحابہ کرام رضوان اللہ عنھم اجمعین اورتابعین عظام  رحمۃ اللہ علیہ  سے مروی چالیس آثار بھی ہیں امام بخاری رحمۃ اللہ علیہ  نے ان احادیث و آثار پر تقریباً سترہ چھوٹے چھوٹے عنوان قائم کیے ہیں جن سے مختلف تاریخی حقائق پرروشنی ڈالنا مقصود ہے۔اس میں تاریخ کا وہ حصہ بیان کیا گیا ہے جس کا تعلق اللہ تعالیٰ کی تخلیق سے ہے۔ اس کے بعد حضرات انبیاء کا ذکر ہوگا جسے ایک الگ عنوان سے بیان کیا جائے گا۔ بہر حال آغاز تخلیق اور مخلوقات کے متعلق امام بخاری  رحمۃ اللہ علیہ  نے جو احادیث پیش کی ہیں وہ دلچسپ اور معلومات افزا ہیں ان کے متعلق تشریحی فوائد بھی ہم نے بڑی محنت سے مرتب کیےہیں۔قارئین کرام سے درخواست ہے کہ وہ خلوص نیت سے پیش کردہ احادیث اور تشریحی فوائد کا مطالعہ کریں۔ امید ہے کہ یہ مطالعہ آپ کی معلومات میں اضافے کا باعث ہوگا۔ اللہ تعالیٰ سے دعا ہے کہ وہ ہمیں قیامت کے دن گروہ محدثین سے اٹھائے اور خدام حدیث کی رفاقت اور ان کا ساتھ نصیب کرے۔آمین۔

تمہید باب عربی

×
ای موجودۃ الان واشار بذالک الی الرد علی من زعم من المعتزلۃ انہا لا توجد الایوم القیامۃ و قد ذکر البخاری فی الباب روایات کثیرۃ دالۃ علی ماترجم بہ فمنہا مایتعلق بکونہا موجودۃ الان و منہا مایتعلق بصفتہا واصرح مما دکرہ فی ذالک مااخرجہ احمد و ابوداؤد باسناد قوی عن ابی ہریرۃ عن النبی صلی اللہ علیہ وسلم قال لما خلق اللہ الجنۃ قال لجبرئیل اذہب فانظر الیہا....الحدیث ( فتح الباری )

تمہید کتاب عربی

×