Sahih Bukhari | صحیح بخاری

ترجمۃ الباب:

اور اس پر قسم کھائی اس ڈر سے کہ اگر قسم نہ کھائے گا تو کوئی ظالم اس کو مارڈالے گا یا کوئی اور سزا دے گا اسی طرح ہر شخص جس پر زبردستی کی جائے اور وہ ڈرتا ہو تو ہر مسلمان پر لازم ہے کہ اس کی مدد کرے ظالم کا ظلم اس پر سے دفع کرے اس کے بچانے کے لیے جنگ کرے اس کو دشمن کے ہاتھ میں نہ چھوڑ دے پھر اگر اس نے مظلوم کی حمایت میں جنگ کی اور اس کے بچانے کی غرض سے ظالم کو مارہی ڈالا تو اس پر قصاص لازم نہ ہوگا( نہ دیت لازم ہوگی) اور اگر کسی شخص سے یوں کہا جائے تو شراب پی لے یا مردار کھالے یا اپنا غلام بیچ ڈال یا اتنے قرض کا اقرار کرے( یا اس کی دستاویز لکھ دے) یا فلاں چیز ہبہ کردے یا کوئی عقد توڑ ڈال نہیں تو ہم تیرے دینی باپ یا بھائی کو مارڈالیں گے تو اس کو یہ کام کرنے درست ہوجائیں گے کیوں کہ آنحضرت ﷺنے فرمایا مسلمان دوسرے مسلمان کا بھائی ہے اور بعض لوگ کہتے ہیں کہ اگر اس سے یوں کہا جائے تو شراب پی لے یا مردار کھالے نہیں تو ہم تیرے بیٹے یا باپ یا محرم رشتہ دار، بھائی، چچا، ماموں وغیرہ کو مارڈالیں گے تو اس کو یہ کام کرنے درست نہ ہوں گے نہ وہ مضطر کہلائے گا پھر ان بعض لوگوں نے اپنے قول کا دوسرے مسئلہ میں خلاف کیا۔ کہتے ہیں کہ کسی شخص سے یوں کہا جائے ہم تیرے باپ یا بیٹے کو مارڈالتے ہیں نہیں تو تو اپنایہ غلام بیچ ڈال یا اتنے قرض کا اقرار کرلے یا فلاں چیز ہبہ کردے تو قیاس یہ ہے کہ یہ سب معاملے صحیح اور نافذ ہوں گے مگر ہم اس مسئلہ میں اتحسان پر عمل کرتے ہیں اور یہ کہتے ہیں کہ ایسی حالت میں بیع اور ہبہ اور ہر ایک عقد اقرار وغیرہ باطل ہوگا ان بعض لوگوں نے ناطہ وار اور غیر ناطہ وار میں بھی فرق کیا ہے۔ جس پر قرآن و حدیث سے کوئی دلیل نہیں ہے اور آنحضرت ﷺ نے فرمایا حضرت ابراہیم ؑ نے اپنی بیوی سارہ کو فرمایا یہ میری بہن ہے اللہ کی راہ میں دین کی رو سے اور ابراہیم نخعی نے کہا اگر قسم لینے والا ظالم ہو تو قسم کھانے والے کی نیت معتبر ہوگی اور اگر قسم لین والا مظلوم ہو تواس کی نیت معتبر ہوگی۔تشریح : فقہائے حنفیہ نے ایک استحسان نکالا ہے۔ قیاس خفی جس کی شریعت میں کوئی اصل نہیں ہے وہ جس مسئلہ میں ایسے ہی قواعد اور اصول موضوعہ کا خلاف کرنا چاہتے ہیں تو کہتے ہیں کیا کریں قیاس تو یہی چاہتا تھا کہ ان اصول اور قواعد کے مطابق حکم دیا جائے مگر اتحسان کی رو سے ہم نے اس مسئلہ میں یہ حکم دیا ہے۔ حضرت امام بخاری نے ان لوگوں کے بارے میں بتلانا چاہا ہے کہ آپ ہی تو ایک قاعدہ مقرر کرتے ہیں پھر جب چاہیں آپ ہی استحسان کا بہانہ کرکے اس قاعدے کو توڑڈالتے ہیں یہ تو من مانی کارروائی ہوئی نہ شریعت کی پیروی ہوئی نہ قانون کی اور عینی نے جو اتحسان کے جواز پر آیت فَےَتَّبِعُونَ اَحسَنَہ اور حدیث ماراہ المسلمون حسنا سے دلیل لی یہ استدلال فاسد ہے کیوں کہ آیت میں یستمعون القول سے قرآن مجید مراد ہے اور ماراہ المسلمون حسنا یہ حضرت عبداللہ بن مسعود ؓ کا قول ہے۔ مرفوعاً ثابت نہیں ہے اور حدیث موقوف کوئی حجت نہیں ہے علاوہ اس کے مسلمون سے اس قول میں جمیع مسلمین مراد ہیں یا صحابہ اور تابعین ورعنہ عینی کے قول پر یہ لازم آئے گا کہ تمام اہل بدعات اور فساق اور فجار جس بات کو اچھا صحیح سمجھیں وہ اللہ کے نزدیک بھی اچھی ہو اس کے سوا ہم یہ کہیں گے کہ اسی قول میں یہ بھی ہے کہ جس چیز کو مسلمان برا سمجھیں وہ اللہ کے نزدیک بھی بری ہے اور اہل حدیث کا گروہ فقہا کے استحسان کو براسمجھتا ہے تو وہ اللہ کے نزدیک بھی برا ہوا بلکہ وہ استبحان یا استقباح ہوا لاحول ولا قوۃ الا باﷲ ( وحیدی )

حدیث ترجمہ:

حضرت ابن عمر ؓ سے روایت ہے کہ رسول اللہ ﷺ نے فرمایا: ”ہر مسلمان دوسرے مسلمان کا بھائی ہے۔ وہ اس پر ظلم نہیں کرتا اور نہ اسے کسی دوسرے کے حوالے ہی کرتا ہے اور جو شخص اپنے بھائی کی ضرورت پوری کرنے میں لگا ہوگا اللہ تعالیٰ اس کی دوسری ضروریات پوری کرے گا۔“

حدیث حاشیہ:

ترجمۃ الباب:

ایسے ہی مجبور جو ڈرتا ہو تو ہر مسلمان پر لازم ہے کہ وہ ظالم کے ظلم کو اس سے روکے۔ اسے بچانے کے لیے ظالم سے جنگ کرے اور اسے رسو نہ ہونے دے۔ پھر اگر اس نے مظلوم کی حمایت کرتے ہوئے ظالم کو مار ہی ڈالا تو اس پر قصاص ہے اور نہ دیت کا ادا کرنا واجب ہے۔ اگر اسے کہا جائے کہ تو شراب پی یا مراد کھایا اپنا غلام فروخت کریا اتنے قرض کا اقرار کریا فلاں چیز ہبہ کر یا کوئی عقد توڑ بصورت دیگر تو اپنے والد یا کسی اسلامی بھائی کو قتل کر بیٹھے گا (یعنی ہم اسے قتل کردیں گے) تو مجبور انسان کو یہ کام کرنے جائز ہوجائیں گے کیونکہ نبی ﷺ نے فرمایا ہے: ”مسلمان دوسرے مسلمان کا بھائی ہے۔“بعض لوگ کہتے ہیں: اگر مجبور شخص سے کہا جائے کہ تو شراب پی یا مردار کھا بصورت دیگر تو اپنے بیٹے یا باپ یا کسی رشتہ دار کو مروا بیٹھے گا تو اسے یہ کام بجا لانے کی اجازت نہیں کیونکہ یہ شخص درحقیقت مجبور نہیں پھر خود ہی اس کے برعکس کہتا ہے کہ اگر اسے کہا جائے کہ ہم تیرے باپ یا بیٹے کو قتل کردیں گے، بصورت دیگر تو اپنا یہ غلام فروخت کر یا قرض کا اقرار کر یا فلاں چیز ہبہ کردے تو قیاس کے مطابق یہ سب معاملے صحیح اور نافذ ہوں گے لیکن ہم استحسان پر عمل کرتے ہوئے یہ کہتے ہیں کہ ایسی حالت میں بیع،ہبہ اور عقد اقرار باطل ہوگا۔ ان حضرات نے رشتے دار اور غیر رشتے دار بھی فرق کیا ہے جس پر قرآن وحدیث سے کوئی دلیل نہں ہے اور نبی ﷺکا ارشاد گرامی ہے: حضرت ابراہیم علیہ السلام نے اپنی بیوی کے متعلق فرمایا تھا: یہ میری بہن ہے۔ یہ اللہ کے راستے میں ایسا کیا تھا۔ امام نخعی نے کہا: اگر قسم لینے والا ظالم ہوتو قسم کھانے والے کی نیت کا اعتبار ہوگا اور قسم لینے والا مظلوم ہوتو قسم لینے والے کی نیت معتبر ہوگی۔

٭وضاحت: اہل کوفہ نے صحیح احادیث کو رد کرنے کے لیے استحسان کا قاعدہ بنایا ہے۔ وہ اس قیاس خفی کا نام دیتے ہیں جس کی کتاب وسنت میں کوئی دلیل نہیں۔ اس کی آڑ میں وہ جس مسئلے کے متعلق اپنے اصول وقواعد کے خلاف کرنا چاہییں،کر ڈالتے ہیں،پھر کہتے ہیں کہ قیاس جلی تو یہ چاہتا تھا کہ اس کے اصول و ضوابط کے مطابق یہ حکم دیا جاتا مگر استحسان یعنی قیاس خفی کے پیش نظر ہم نے یہ حکم دیا ہے۔ حضرت امام بخاری ان لوگوں کے متعلق بتانا چاہتے ہیں کہ یہ حضرات ایک قاعدہ خود مقرر کرتے ہیں پھر جب چاہتے ہیں استحسان کے بہانے اس قاعدے کو توڑ ڈالتے ہیں۔ یہ شریعت کی پیروی نہیں بلکہ اپنی من مانی ہے جو ایک قبیح حرکت ہے۔

حدیث ترجمہ:

ہم سے یحییٰ بن بکیر نے بیان کیا، کہا ہم سے لیث بن سعد نے بیان کیا، ان سے عقیل نے، ان سے ابن شہاب نے، انہیں سالم نے خبر دی اور انہیں حضرت عبداللہ بن عمر ؓ نے خبر دی کہ رسول اللہ ﷺ نے فرمایا مسلمان مسلمان کا بھائی ہے نہ اس پر ظلم کرے اور نہ اسے (کسی ظالم کے) سپرد کرے۔ اور جو شخص اپنے کسی بھائی کی ضرورت پوری کرنے میں لگا ہوگا اللہ تعالیٰ اس کی ضرورت اور حاجت پوری کرے گا۔

حدیث حاشیہ:

اسی حدیث کی رو سے اہل اللہ نے دوسرے حاجت مندوں کے لیے جہاں تک ان سے ہو سکا، کوشش کی ہے۔ اللہ رب العالمین بخاری شریف مطالعہ کرنے والے ہر بھائی بہن کو اس حدیث شریف پر عمل کی توفیق بخشے۔ آمین۔

حدیث ترجمہ:

Narrated 'Abdullah bin 'Umar (RA) : Allah's Apostle (ﷺ) said, "A Muslim is a brother of another Muslim. So he should neither oppress him nor hand him over to an oppressor. And whoever fulfilled the needs of his brother, Allah will fulfill his needs."

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

حدیث ترجمہ:

حدیث حاشیہ:

اسی حدیث کی رو سے اہل اللہ نے دوسرے حاجت مندوں کے لیے جہاں تک ان سے ہوسکا، کوشش کی ہے۔ اللہ رب العالمین بخاری شریف مطالعہ کرنے والے ہر بھائی بہن کو اس حدیث شریف پر عمل کی توفیق بخشے۔ آمین۔

حدیث ترجمہ:

حدیث حاشیہ:

حدیث ترجمہ:

حدیث حاشیہ:

ترقیم کوڈ	اسم الترقيم	نام ترقیم	رقم الحديث (حدیث نمبر)
١.	ترقيم موقع محدّث	ویب سائٹ محدّث ترقیم	7015
٢.	ترقيم فؤاد عبد الباقي (المكتبة الشاملة)	ترقیم فواد عبد الباقی (مکتبہ شاملہ)	6951
٣.	ترقيم العالمية (برنامج الكتب التسعة)	انٹرنیشنل ترقیم (کتب تسعہ پروگرام)	6437
٤.	ترقيم فتح الباري (برنامج الكتب التسعة)	ترقیم فتح الباری (کتب تسعہ پروگرام)	6951
٥.	ترقيم د. البغا (برنامج الكتب التسعة)	ترقیم ڈاکٹر البغا (کتب تسعہ پروگرام)	6551
٦.	ترقيم شركة حرف (جامع خادم الحرمين للسنة النبوية)	ترقیم حرف کمپنی (خادم الحرمین الشریفین حدیث ویب سائٹ)	6702
٧.	ترقيم دار طوق النّجاة (جامع خادم الحرمين للسنة النبوية)	ترقیم دار طوق النجاۃ (خادم الحرمین الشریفین حدیث ویب سائٹ)	6951
٨.	ترقيم فؤاد عبد الباقي (دار السلام)	ترقیم فواد عبد الباقی (دار السلام)	6951
١٠.	ترقيم فؤاد عبد الباقي (داود راز)	ترقیم فواد عبد الباقی (داؤد راز)	6951

اسم العالم	الحكم
١. إجماع علماء المسلمين	أحاديث صحيح البخاريّ كلّها صحيحة

اہل کوفہ نے صحیح احادیث کورد کرنے کے لیے استحسان کا قاعدہ بنایا ہے۔ اسے قیاس خفی کا نام دیتے ہیں جس کی کتاب و سنت میں کوئی دلیل نہیں ہے۔ اس کی آڑ میں وہ جس مسئلے کے متعلق اپنے اصول و قواعد کے خلاف کرنا چاہیں کر ڈالتے ہیں پھر کہتے ہیں کہ قیاس جلی تو یہ چاہتا تھا کہ اس کے اصول و ضوابط کے مطابق یہ حکم دیا جاتا مگر استحسان یعنی قیاس خفی کے پش نظر ہم نے یہ حکم دیا ہے۔امام بخاری رحمۃ اللہ علیہ ان لوگوں کے متعلق بتانا چاہتے ہیں کہ یہ حضرات ایک قاعدہ خود مقرر کرتے ہیں پھر جب چاہتے ہیں استحسان کے بہانے اس قاعدے کو توڑ ڈالتے ہیں یہ شریعت کی پیروی نہیں بلکہ اپنی من مانی ہے۔ یہ استحسان نہیں بلکہ استہجان یا استقباح لا حول ولاقوۃ الا باللہ ۔ اس مقام کی تفصیل یہ ہے کہ اگر کسی شخص کو اپنے ساتھی کے قتل ہونے یا ایسی ہی کسی دوسری بات کا خطرہ ہو تو اولاً وہ شخص اپنے ساتھی سے ظلم دور کرنے کوشش کرے۔ پھر اگر ساتھی کا دفاع کرتے ہوئے۔ اس نے ظالم کو قتل کر ڈالا تو اس صورت میں اس پر کوئی قصاص یا دیت واجب نہیں ہے کیونکہ احادیث کے پیش نظر اسے اپنے بھائی کا دفاع کرنا ضروری ہے ۔ثانیاً:اگر وہ لڑنے کی پوزیشن میں نہ ہو تو اگر اس کا دفاع قسم اٹھانے سے ہو سکتا ہے کہ میرا بھائی ہے۔تو ضرور قسم اٹھائے کیونکہ ایسا کرنے سے اس کی جان بچ سکتی ہے قسم اٹھانے کی صورت میں اس پر کفارہ قسم واجب ہو گا یا نہیں؟ اس کے متعلق علمائے امت کا اختلاف ہے۔ جمہور اہل علم کہتے ہیں کہ ایسی قسم اٹھانے پر کوئی کفارہ واجب نہیں ہوتا جبکہ اہل کوفہ کا موقف ہے کہ ایسے انسان پر اکراہ کی وجہ سے گناہ تو نہیں ہو گا۔ البتہ اسے کفارہ قسم ادا کرنا ہو گا کیونکہ وہ ایسے حالات میں تو ریہ کر سکتا تھا کہ اللہ کی قسم!وہ میرا اللہ تعالیٰ سے تعلق میں بھائی ہے یا آدم علیہ السلام سے تعلق کی وجہ سے میرا بھائی ہے۔ جب اس نے توریہ نہیں کیا تو گویا قصداً قسم اٹھائی ہے اس لیے قصدوارادے کی وجہ سے اس پر کفارہ ضروری ہے۔جبکہ جمہور اہل علم کا موقف ہے کہ جب اسے قسم پر مجبور کیا گیا تو اس کی نیت یمین مفقود تھی۔ اس بنا پروہ حانث نہیں ہوگا اور نہ اسے کفارہ قسم ہی دینا ہو گا۔ دراصل امام بخاری رحمۃ اللہ علیہ جبر واکراہ کے سلسلے میں ایک بنیادی بات بیان کرنا چاہتے ہیں کہ کسی مظلوم مسلمان کی جان بچانے کے لیےکس قسم کا جبرواکراہ معتبر ہے۔ امام بخاری رحمۃ اللہ علیہ کا موقف ہے کہ مطلق طور پر اکراہ کا اعتبار ہوگا خواہ جان کی ہلاکت کا اندیشہ ہو یا عضو ضائع ہونے کا خوف ہو خواہ اس طرح کی دھمکی اپنی ذات کے متعلق ہو یا کسی قریبی رشتے دار کے متعلق یا کسی اجنبی مسلمان کے متعلق ہو پھر یہ دھمکی محرمات شرعیہ کےمتعلق ہو۔ مثلاً:شراب پینا اور خنزیر یامردار کھانا وغیرہ خواہ مباح معاملات سے متعلق ہو مثلاً: بیع اور ہبہ وغیرہ ۔ بہر حال ان کے نزدیک ہر قسم کا اکراہ مؤثر ہے کہ ایسے شخص کے لیے شرعی محرمات کا ارتکاب جائز اور مباح معاملات میں بھی ایسا کر سکتا ہے لیکن دلی رضانہ ہونے کی وجہ سے یہ معاملات موقوف اور غیر لازم ہوں گے اور اکراہ ختم ہونے کے بعد اسے معاملات کے فسخ کا اختیار ہوگا اگر چاہے تو بیع و ہبہ کو برقرار رکھے اگر چاہے تو انھیں ختم کردے لیکن اہل کوفہ کے ہاں اس کی تفصیل ہے۔ ان کے نزدیک شرعی محرمات کا ارتکاب مجبور انسان اپنی جان بچانے کے لیے تو کرسکتا ہےلیکن کسی قریبی یا اجنبی کی جان بچانے کے لیے اس کا ارتکاب جائز نہیں۔ پھر مباح معاملات کے متعلق بھی ان کے ہاں تفصیل ہے کہ قریبی کے حق میں اکراہ معتبر ہوگا اور بیع کو غیر لازم قرار دیا جائے گا ۔لیکن اجنبی کے حق میں اکراہ کا اعتبار نہیں ہو گا۔ اس بنا پر یہ بیع اور ہبہ لازم ہوگا۔ امام بخاری رحمۃ اللہ علیہ نے اس سلسلے میں اہل کوفہ پر تین اعتراض کیے ہیں۔©اگر کسی شخص کو کہا جائے کہ شراب پی یا مردار کھایا بصورت دیگر ہم تیرے بیٹے یا باپ کو قتل کردیں گے تو اہل کوفہ کے نزدیک ایسے حالات میں اسے ان حرام چیزوں کے کھانے پینے کی اجازت نہیں ہے۔ ان حضرات نے بے شمار احادیث کی مخالفت کی ہے مثلاً:حدیث میں ہے"مسلمان دوسرے مسلمان کا بھائی ہے نہ خود اس پر ظلم کرتا ہے اور نہ اسے ظالموں کے سپرد کرتا ہے"(صحیح البخاری المظالم باب 2442)اس سے معلوم ہوتا ہے کہ وہ ہر صورت میں اپنے مسلمان بھائی خواہ قریبی ہو یا اجنبی اس کی مدد کرے۔ اسے دشمنوں کے حوالے نہ کرے بلکہ اسے ہر صورت میں بچائے جیسا کہ اپنی جان بچانا فرض ہے۔ ایسے حالات میں شراب پینے اور مردار کھانے کی بھی اجازت ہے۔ دوسرے مسلمان کی جان بچانا بھی اسی طرح فرض ہے جس طرح اپنی جان بچانا فرض ہے بلکہ ایک سچے مسلمان کو ایسے حالات میں اپنی جان سے اپنے مسلمان بھائی کی جان زیادہ عزیز ہوتی ہے لہٰذا اپنی جان کے لیے اکراہ کا اعتبار کرنا اور اپنے بھائی کے لیے اس کا اعتبار نہ کرنا بے انصافی ہے جس کی اللہ تعالیٰ نے اجازت نہیں دی۔©امام بخاری رحمۃ اللہ علیہ نے اہل کوفہ پر دوسرا اعتراض یہ کیا ہے کہ ان کے اقوال میں تناقض ہے کیونکہ یہ حضرات کسی قریبی رشتہ دار کی جان بچانے کے لیے شراب پینے اور مردار کھانے کی اجازت نہیں دیتے کیونکہ اس کے حق میں اکراہ غیر معتبر ہے لیکن عقد بیع میں اس کے متعلق اکراہ کا اعتبار کرتے ہیں ان کے نزدیک اگر کوئی دوسرے سے کہتا ہے کہ تو اس غلام کو فروخت کردے بصورت دیگر ہم تیرے باپ یا بیٹے کو قتل کردیں گے تو انھوں نے استحسان سے کام لیتے ہوئے اس قسم کے اکراہ کا اعتبار کیا ہے اور اگر وہ اپنے غلام کو فروخت کرتا ہے تو اکراہ کی وجہ سے اس بیع کو موقوف رکھتےہیں اور اکراہ ختم ہونے کے بعد مجبور انسان کو خیار فسخ حاصل ہوتا۔ الغرض ان کے ہاں شراب پینے میں اکراہ غیرمعتبر اور عقد بیع میں اکراہ معتبر ہے۔ یہ کھلا تضاد ہے لہٰذا جب انسان کتاب و سنت سے رہنمائی لیے بغیر اپنے ظن و قیاس سے مسائل حل کرنے کی کوشش کرتا ہے تو اس طرح ٹکراؤ کی صورت سے دوچار ہوتا ہے۔ اس قسم کے تعارض سے محفوظ رہنے کا یہی راستہ ہے کہ انسان کتاب و سنت کے مضبوط قلعے میں پناہ لے اور ان کی روشنی اور رہنمائی میں مسائل حل کرے۔©امام بخاری رحمۃ اللہ علیہ نے اہل کوفہ پر تیسرا اعتراض یہ کیا ہے کہ ان لوگوں نے اجنبی اور قریبی رشتے دار میں بلاو جہ تفریق کو روارکھا ہے۔ وہ اس طرح کہ اگر کوئی دوسرے کو دھمکی دیتا ہے کہ اگر تونے اس غلام کو فروخت نہ کیا تو ہم تیرے بھائی کو قتل کردیں گےتو اس صورت میں اکراہ کا اعتبارہوگا لیکن اگر کسی اجنبی شخص کو قتل کرنے کی دھمکی دی جائے تو اس کی گلو خلاصی (جان چھڑانے)کے لیے اکراہ کا اعتبار نہیں کرتے بلکہ ان کا موقف ہے کہ اجنبی شخص کی جان بچانے کے لیے اگر اس نے اپنا غلام فروخت کردیا تو یہ بیع لازم اور اکراہ غیر مؤثر ہوگا۔اس طرح ان حضرات نے قریبی اور اجنبی کے درمیان بلا وجہ تفریق کی ہے جس کی کتاب وسنت میں کوئی دلیل نہیں ہے۔ اس سلسلے میں امام بخاری رحمۃ اللہ علیہ نے دو دلیلیں پیش کی ہیں۔©حضرت ابراہیم علیہ السلام نے اپنی بیوی سیدہ سارہ علیہ السلام کے متعلق فرمایا:"یہ میری بہن ہے۔"آپ نے یہ اللہ تعالیٰ سے تعلق کی بنا پر فرمایا تھا۔ اس لیے جس طرح اپنے حقیقی بھائی کو قتل ہونے سے بچانے کے لیے اکراہ پر عمل کرنا ضروری ہے اسی طرح اپنے اسلامی بھائی کی جان بچانے کے لیے اکراہ کا اعتبار ہوگا اور اس پر عمل کر کے جان بچانا ضروری ہے۔اگر قسم لینے والا ظالم ہے تو اس میں قسم اٹھانے والے کی نیت کا اعتبار کیا جائے گا۔ اس کا مطلب یہ ہے کہ جب ظلم دور کرنے کے لیے توریہ کیا جا سکتا ہے اور اس کا اعتبار کیا جاتا ہے تو اپنے اسلامی بھائی سے قتل کو ہٹانے کی خاطر اکراہ کابجالانا کیوں غیر معتبر ہے۔بہر حال امام بخاری رحمۃ اللہ علیہ نے اہل کوفہ پر تین اعتراض کیے ہیں جن کی تفصیل ہم نے بیان کر دی ہے۔اب امام بخاری رحمۃ اللہ علیہ اس سلسلے میں دو مرفوع حدیثیں پیش کر کے جمہور اہل علم کے موقف کی تائید فرماتے ہیں اور اہل کوفہ کے تضاد اور تفریق کو نمایاں کرتے ہیں۔

کسی پر اس کی مرضی کے خلاف کوئی چیز لازم کردینا اکراہ کہلاتا ہے۔فقہاء کی اصطلاح میں اکراہ سے مرادصرف خوف یا ڈر نہیں بلکہ ایسی مجبوری ہے جس سے انسان بے بس ہوجائے۔اس کی جامع تعریف یوں کی گئی ہے:"کسی شخص کا وہ قول یا فعل جو دوسرے شخص کو اس کی خواہش اور ارادے کے خلاف کوئی کام یا بات کرنے پر مجبور کردے۔"اکراہ،جبر کرنے والے ،جس کو مجبور کیاجائے اور جس کام کے لیے جبر کیا جائے ان کے مختلف ہونے کی وجہ سے جبر بھی مختلف ہوتارہتا ہے۔اکراہ کی دو بڑی قسمیں ہیں:اکراہ تام اور اکراہ ناقص۔©۔اکراہ تام:۔جس میں انسان اس حد تک مجبور ہوجاتا ہے کہ اس کی مرضی ختم ہوجاتی ہے اور اس کا اختیار ختم ہوجاتا ہے ہے،مثلاً:قتل کرنے یا جسم کے کسی حصے کو ضائع کرنے کی دھمکی یا ایسی مارجس سے جان جانے کا خطرہ ہو۔©۔اکراہ ناقص:۔جس میں انسان اس حد تک مجبور ہوتا ہے کہ اس کی رضا تو ختم ہوجائے لیکن اس کا اختیار ختم ہونے کےبجائے فاسد ہوجائے،مثلاً:ایسی دھمکی دی جائے جس سے جان جانے یا جسم کےکسی عضو کے ضائع ہونے کا اندیشہ نہ ہو۔پھر اس اکراہ کی کچھ شرطیں ہیں۔ان میں سے چند ایک کا تعلق جبر کرنے والے شخص سے ہےاور کچھ شرطوں کا تعلق اس شخص سے ہے جسے مجبور کیا جارہا ہے چنانچہ جبر کرنے والے شخص کے لیے ضروری ہے کہ وہ اس فعل کے کرنے پر قادر ہو جس کی اس نے دھمکی دی ہے اور جس شخص کو مجبور کیا جارہا ہے اسے یقین ہو کہ دھمکی دینے والا اپنی دھمکی کے مطابق عمل کر گزرے گا،بصورت دیگر اکراہ ثابت نہیں ہوگا۔ہاں،فعل کی نوعیت اگرایسی ہو جس میں یقین سے نہ کہا جاسکے کہ دھمکی دینے والا شخص وہ کام کرگزرے گا تو ظن غالب کا اعتبار کیا جائے گا جو یقین کے قریب قریب ہوتا ہے۔پھر جس کام پر انسان کو مجبور کیا جاتا ہے اس کی دوقسمیں ہیں:مباح اور مرخص۔©۔مُبَاح:۔ اس میں وہ امور شامل ہیں جن کا ارتکاب اکراہ تام کی وجہ سے حالت اضطراب میں جائز ہوجاتا ہے،حالانکہ عام حالات میں وہ حرام ہوتے ہیں۔حالت اکراہ میں ان کا بجا لانا ضروری ہے،مثلاً:انتہائی شدت کی بھوک میں جبکہ جان جانے کا خطرہ ہوتو مردار کا گوشت کھانا یا شراب پینا وغیرہ۔©۔مرخص:۔اس میں وہ افعال داخل ہیں جن کے کرنے یا نہ کرنے دونوں کی شریعت نے اجازت دی ہے،مثلاً:کوئی اکراہ تام کی صورت میں کلمہ کفر زبان سے نکالے مگر اس کا دل ایمان پر قائم ہوتو ایسی صورت میں وہ شخص کلمہ کفر کہے یا نہ کہے شرعاً اس کا کوئی مواخذہ نہیں ہوگا،البتہ ایسے حالات میں اس کا کلمہ کفر نہ کہنا بہتر اور باعث فضیلت ہے،چنانچہ اگر کوئی مسلمان اکراہ تام کے باوجود کلمہ کفر زبان سے نہ نکالے اور قتل ہونا پسند کرے ،ایسے حالات میں اگر اسے قتل کردیا جائے تو اللہ تعالیٰ کے ہاں اجر عظیم کا حقدار ہوگا کیونکہ اس نے رخصت پر عمل کرنے کے بجائے عزیمت کو اختیار کیا ہے۔ہم دیکھتے ہیں کہ مکی دور میں جب قریش مکہ کی طرف سے مسلمانوں پر مظالم کے پہاڑ توڑے جارہے تھے اور انھیں ظلم وستم کی چکی میں پیسا جارہاتھا تو حضرت یاسر اور ان کی زوجہ محترمہ حضرت سمیہ رضی اللہ تعالیٰ عنہا نے اپنی جانوں کا نذرانہ پیش کردیالیکن کلمہ کفر زبان پر نہ لائے۔اس کے برعکس حضرت عمار بن یاسر رضی اللہ تعالیٰ عنہ نے وہ سب کچھ کہہ دیا جوکفار ان سے کہلوانا چاہتے تھے۔وہ رسول اللہ صلی اللہ علیہ وسلم کی خدمت میں حاضر ہوئے اور عرض کی:اللہ کے رسول صلی اللہ علیہ وسلم !میں نے ایسے حالات میں آپ کی ذات کو بُرا بھلا کہا اور قریش کے معبودان باطلہ کا ذکر خیر کیا۔رسول اللہ صلی اللہ علیہ وسلم نے فرمایا:"ایسے حالات میں تیرے دل کی کیا کیفیت تھی؟"انھوں نے عرض کی:میرادل پوری طرح ایمان پر مطمئن تھا۔اس پر رسول اللہ صلی اللہ علیہ وسلم نے فرمایا:"اگر وہ پھر تم سے ایسا سلوک کریں تو تمھیں اس رخصت سے فائدہ اٹھانے کی اجازت ہے۔"(المستدرک للحاکم 2/357)اسی طرح ایک آیت کریمہ میں اہل ایمان کو اہل کفر سے بے تعلق رہنے کی تلقین کی گئی ہے لیکن اگر بے تعلق رہنے سے کسی خطرے یا نقصان کااندیشہ ہوتوظاہرداری کے طور پر"دوستی" رکھنے کی اجازت ہے۔اس کے لیے جو لفظ استعمال ہوا ہے اسے ہم تقیہ سے تعبیرکرسکتے ہیں،جس کے معنی ہیں:کسی معقول عذر کی بنا پر اپنے اسلام کو چھپانا،خواہ اسلام کے عدم اظہار کی صورت میں ہویا ایمان کے منافی کردار کے اظہار کی شکل میں ہو،دونوں کی اجازت ہے۔اس کی وضاحت ہم آئندہ کریں گے۔امام بخاری رحمۃ اللہ علیہ نے اس عنوان کے تحت پہلے چند آیات پیش کرکے تمہید کو اٹھایاہے،پھر پندرہ(15) مرفوع احادیث ذکر کی ہیں جن میں تین(3) معلق اور بارہ(12) متصل سند سے مروی ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین اور تابعین رحمۃ اللہ علیہ سے مروی نو(9) آثار بھی پیش کیے ہیں،پھر ان احادیث وآثار پر سات(7) چھوٹے چھوٹے عنوانات قائم کیے ہیں،آپ نے ان احادیث سے جبرواکراہ کے متعدد مسائل واحکام بیان کیے ہیں جن کی تفصیل ہم فوائد میں بیان کریں گے ۔اللہ تعالیٰ ہمیں ہرقسم کی آزمائشوں سے بچائے،نیزمشکل اور کڑے حالات میں ثابت قدم رہنے کی توفیق دے۔آمین

ایمان لانے کے بعد کفر کا راستہ اختیار کرنا ارتداد،یعنی دین اسلام سے پھر جانا ہے لیکن بعض اوقات اسباب کفر کے باوجود کسی متعین شخص کو کافر قراردینے میں کوئی رکاوٹ کھڑی ہوجاتی ہے جسے ہم مانع سے تعبیر کرتے ہیں جس کی جمع موانع ہے۔کسی کو اسباب کفر کے باوجود کافر قراردینے کے لیے متعدد موانع ہیں جن میں ایک اکراہ اور دوسرا تقیہ ہے۔یہ دونوں موانع امام بخاری رحمۃ اللہ علیہ کی پیش کردہ آیات میں بیان ہوئے ہیں۔اکراہ کے متعلق کچھ وضاحت پہلے ہوچکی ہے۔حافظ ابن حجر رحمۃ اللہ علیہ لکھتے ہیں:اکراہ یہ ہے کہ کسی پر کوئی ایسی چیز لازم کردینا جسے وہ نہ چاہتا ہو۔اس کی چار شرطیں ہیں:©۔دھمکی دینے والا اپنی دھمکی کے مطابق عمل کرنے کی طاقت رکھتا ہو اور مجبور انسان اپنا دفاع کرنے سے عاجز ہوحتی کہ وہ بھاگ کر بھی اپنی جان نہ بچاسکے۔©۔مجبور انسان کو یقین یا کم از کم ظن غالب ہو کہ اگر وہ اس کے مطابق عمل نہ کرسکا تو جبر کرنے والا اپنی دھمکی کو عملی شکل دے دے گا۔©۔اپنی دھمکی کو فوری طور پر عمل شکل دینے پر قادر ہو۔اگر اس نے یوں کہا کہ اگرتونے اب ایسا نہ کیا تو میں کل تجھے ماردوں گا توایسا انسان مجبور نہیں ہوگا۔©۔مجبور انسان سے اس قسم کا عمل ظاہر نہ ہو جو اس کے اختیار وارادے پر دلالت کرتا ہو۔(فتح الباری 12/390)اسباب کفر کے باوجود کسی کو کافر قراردینے میں دوسرا مانع"تقیہ" ہے جس کے متعلق ہم تعارفی نوٹ میں کچھ وضاحت کرآئے ہیں۔اس کی تفصیل حسب ذیل ہے:دین اسلام قبول کرنے کے بعد اسے چھپا کرنہیں رکھنا چاہیے،نیز اس کے تقاضوں کے مطابق اعلانیہ عمل کرنا چاہیے لیکن بعض مقامات پر طاغوتی طاقتیں اس قدر زور آور ہوتی ہیں کہ مسلمان وہاں کھل کر اپنے دین کا اظہار نہیں کرسکتا،بصورت دیگر اسے وہاں امتحانات اور آزمائشوں سے گزرنا اور مصائب وآلام سے دوچارہونا پڑتا ہے۔ایسےحالات میں دین اسلام کا مطالبہ ہے کہ اسے چھپانے کے بجائے اس وطن کو خیرآباد کہہ دیا جائے اور وہاں سے ہجرت کرکے رہنے کے لیے کوئی ایسی جگہ منتخب کی جائے جہاں کھل کر اپنے دین کا برملا اظہار کیا جاسکے۔لیکن بعض اوقات دین کے متعلق فتنے اور آزمائش میں مبتلا ہونے کے باوجود ہر انسان ہجرت کرنے کی پوزیشن میں نہیں ہوتا تو ایسے حالات میں اس کے لیے اپنے دین کو چھپانا اور اس کا اظہار نہ کرنا جائز ہے لیکن اسے جب بھی موقع ملے اپنے دین پر پورا عمل کرے اور اپنے قول وفعل سے کفر کی تائید سے اجتناب کرے۔اس معقول عذر کی تعین حالات وواقعات سے ہوتی ہے۔دین کوچھپانا اور اسےظاہر نہ کرنا تقیہ کہلاتا ہے اور اس کی دو قسمیں ہیں:©۔کتمان اسلام ،یعنی اسلام کو چھپانے کا تقیہ۔©۔اظہار کفر،یعنی کفر کو ظاہر کرنے کاتقیہ،چنانچہ غزوہ احزاب کے موقع پر حضرت نعیم بن مسعود رضی اللہ تعالیٰ عنہ نے مسلمانوں کی خیر خواہی اور مصلحت کے لیے یہ جنگی چال اختیار کی کہ اپنے اسلام کو چھپائے رکھا اور یہودومشرکین سے بظاہر اپنی ہمدردی اور خیرخواہی کا اظہار کیا۔یہ کتمان اسلام،یعنی اسلام کو چھپانے کا تقیہ تھا۔اسی طرح کعب بن اشرف یہودی کوقتل کرنے کے لیے حضرت محمد بن مسلمہ رضی اللہ تعالیٰ عنہ نے بظاہر کفر کا اظہار کیا اور اس کے پاس رسول اللہ صلی اللہ علیہ وسلم کی شکایت کی تاکہ وہ انھیں اپنا دوست خیال کرے اور آپ صلی اللہ علیہ وسلم سے منہ موڑنے والاسمجھے۔اس بہانے انھیں کعب بن اشرف کو راستے سے ہٹانے اوراسے قتل کرنے کا موقع میسرآیا۔امام ابوداود رحمۃ اللہ علیہ نے اس واقعے پر یہ عنوان قائم کیا ہے:(باب: في الْعَدُوِّ يُؤْتَى عَلَى غِرَّةٍ وَيُتَشَبَّهُ بِهِمْ)"دشمن کو دھوکا دینا اور اسے چکمہ دینے کے لیے ان کی مشابہت اختیار کرنا۔"(سنن ابی داؤد الجھاد رقم الباب 175)لیکن افسوس کہ ہمارے ہاں تقیہ بطور منافقت استعمال کیا جاتا ہے۔اس کے متعلق اہل سنت اور شیعہ حضرات میں ایک بنیادی فرق یہ ہے کہ شیعہ حضرات کے نزدیک واکراہ کے بغیر بھی تقیہ کرنا جائز ہے جبکہ اہل سنت کے نزدیک ایسا کرنا نفاق اورکفر ہے۔یہی وجہ ہے کہ شیعوں کے ہاں حق کو چھپانا،جھوٹ بولنا،دھوکادینا،بزدلی دکھانا اور دوغلی پالیسی پر عمل کرناعام ہے لیکن اہل سنت کا تقیہ ایسی باتوں کی تلقین نہیں کرتا بلکہ اسے کسی دینی مصلحت کے پیش نظر انتہائی مجبوری کی حالت میں اختیار کرنے کی اجازت ہے اگرچہ ایسے حالات میں بھی نظر رکھنی چاہیے کہ تقیہ کی پہلی قسم جس کا تعلق کتمان اسلام(اسلام کو چھپانے) سے ہے اس کے لیے انسان کی عاجزی اور بے بسی ہی کافی ہے۔لیکن تقیہ کی دوسری قسم میں کفر کا اظہار کیا جاتاہے اس میں ایسی مجبوری کا ہوناضروری ہے جس میں انسان بے اختیار ہوجاتاہے۔واضح رہے کہ تقیہ سے متعلقہ آیت کریمہ میں بہت سی باتیں ایسی آجاتی ہیں جو محض مومن کی صوابدید پر چھوڑدی جاتی ہیں،مثلاً:وہ خطرہ جس کے پیش نظر اس نے کتمان اسلام یا اظہار کفر کرناہے ،واقعی موجود ہے یا وہ موہوم ہے۔اگر موجود ہے تو کیا واقعی اس کی جان اورآبرو کے ضائع ہونے کا خطرہ ہے؟وہ خطرہ اس کی ذات تک محدود ہے یا دوسرے مسلمانوں کے لیے بھی باعث فتنہ بن سکتاہے،یعنی اظہار کفر کرکے اپنے آپ کو تو محفوظ کرلیتا ہے تو اس کا نقصان دوسرے مسلمانوں کوتو نہیں پہنچے گا۔ان تمام سوالوں کاجواب:(وَيُحَذِّرُكُمُ اللَّهُ نَفْسَهُ وَإِلَى اللَّهِ الْمَصِيرُ)"اللہ تمھیں اپنے آپ سے ڈراتا ہے اور اللہ کی طرف لوٹ جانا ہے۔"(آل عمران:3/28)میں پوشیدہ ہے ،یعنی اسے ایسی باتوں کا جواب اس اللہ سے ڈر کر سوچناچاہیے جس کے پاس ایک دن لوٹ کرجاناہے۔وہ دلوں کے حالات اور خیالات تک کوبھی خوب جانتاہے اوراس بات پر بھی قادر ہے کہ اگر کافر اور کفر کےڈر کے بجائے اللہ تعالیٰ کے ڈر کو مقدم رکھا جائے گا تو وہ ان کے فتنے سے بچانے کی پوری قدرت رکھتا ہے اور اس سے نکلنے کی کئی دوسری راہیں پیدا کرسکتا ہے،لہذا اللہ تعالیٰ کی دی ہوئی رعایت سے صرف اسی قدر فائدہ اٹھانا چاہیے جس کے بغیر کوئی چارہ کار نظر نہ آرہا ہو،بصورت دیگر اللہ تعالیٰ بڑی قدرت والا ہے،وہ دنیا میں بھی سزا دے سکتا ہے ،ذلیل ورسواکر سکتا ہے اورآخرت میں بھی بڑے عذاب سے دوچار کرسکتاہے۔بہرحال سنگین حالات میں اگرچہ رخصت عمل کرناجائز ہے،تاہم ایک بندہ مومن کی شان یہ ہے کہ وہ ایسے حالات میں مستقل مزاجی اور عزیمت کا مظاہرہ کرے۔ واللہ اعلم۔

موضوعات

المواضيع

Topics

المواضيع

موضوعات

Topics

رابطہ کریں

ہمارے دیگر پراجیکٹ

ڈیفالٹ سیٹنگ منتخب کریں

موضوعات

المواضيع

Topics

المواضيع

موضوعات

Topics

الحكم على الحديث

تمہید باب

تمہید کتاب

تمہید باب عربی

تمہید کتاب عربی