التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ التَّعْبِيرِ (بَابُ العَيْنِ الجَارِيَةِ فِي المَنَامِ)

حکم : أحاديث صحيح البخاريّ كلّها صحيحة 

7018. حَدَّثَنَا عَبْدَانُ أَخْبَرَنَا عَبْدُ اللَّهِ أَخْبَرَنَا مَعْمَرٌ عَنْ الزُّهْرِيِّ عَنْ خَارِجَةَ بْنِ زَيْدِ بْنِ ثَابِتٍ عَنْ أُمِّ الْعَلَاءِ وَهِيَ امْرَأَةٌ مِنْ نِسَائِهِمْ بَايَعَتْ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَتْ طَارَ لَنَا عُثْمَانُ بْنُ مَظْعُونٍ فِي السُّكْنَى حِينَ اقْتَرَعَتْ الْأَنْصَارُ عَلَى سُكْنَى الْمُهَاجِرِينَ فَاشْتَكَى فَمَرَّضْنَاهُ حَتَّى تُوُفِّيَ ثُمَّ جَعَلْنَاهُ فِي أَثْوَابِهِ فَدَخَلَ عَلَيْنَا رَسُولُ اللَّهِ صَلَّى اللَّهُ عَلَيْهِ وَسَلَّمَ فَقُلْتُ رَحْمَةُ اللَّهِ عَلَيْكَ أَبَا السَّائِبِ فَشَهَادَتِي عَلَيْكَ لَقَدْ أَكْرَمَكَ اللَّهُ قَالَ وَمَا يُدْرِيكِ قُلْتُ لَا أَدْرِي وَاللَّهِ قَالَ أَمَّا هُوَ فَقَدْ جَاءَهُ الْيَقِينُ إِنِّي لَأَرْجُو لَهُ الْخَيْرَ مِنْ اللَّهِ وَاللَّهِ مَا أَدْرِي وَأَنَا رَسُولُ اللَّهِ مَا يُفْعَلُ بِي وَلَا بِكُمْ قَالَتْ أُمُّ الْعَلَاءِ فَوَاللَّهِ لَا أُزَكِّي أَحَدًا بَعْدَهُ قَالَتْ وَرَأَيْتُ لِعُثْمَانَ فِي النَّوْمِ عَيْنًا تَجْرِي فَجِئْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فَذَكَرْتُ ذَلِكَ لَهُ فَقَالَ ذَاكِ عَمَلُهُ يَجْرِي لَهُ

مترجم:

7018.

حضرت ام العلاء ؓ سے روایت ہے جو انصار کی عورتوں سے ہیں اور انہوں نے رسول اللہ ﷺ سے بیعت کی تھی فرماتی ہیں: جب انصار نے مہاجرین کے قیام کے لیے قرعہ اندازی کی تو حضرت عثمان بن مظعون ؓ کا قرعہ ہمارے نام نکلا۔ وہ ہمارے ہاں آکر بیمار ہوگئے۔ ہم نے ان کی تیمارداری کی لیکن وہ اس بیماری میں وفات پا گئے۔ ہم نے انہیں ان کے کپڑوں میں کفن دیا۔ جب رسول اللہ ﷺ ہمارے گھر تشریف لائے تو میں نے کہا: ابو سائب! تم پر اللہ کی رحمتیں ہوں۔ میری گواہی ہے کہ تمہیں اللہ نے عزت بخشی ہے۔ آپ ﷺ نے فرمایا: ”تمہیں یہ کیسے معلوم ہوا؟“ میں نے کہا: اللہ کی قسم! مجھے معلوم نہیں۔ آپ نے فرمایا: ”بلاشبہ اسے موت آ چکی ہے اور میں اس کے لیے خیر وبرکت کی امید رکھتا ہوں لیکن اللہ کی قسم! میں اللہ کا رسول ہونے کے باوجود نہیں جانتا کہ خود میرے ساتھ کیا معاملہ کیا جائے گا اور تمہارے ساتھ کیا سلوک ہوگا؟“ سیدہ ام العلاء‬ ؓ ن‬ے کہا: اللہ کی قسم! اس کے بعد میں کسی کا تزکیہ نہیں کروں گی۔ انہوں نے مزید کہا: میں نے خواب میں حضرت عثمان بن مظعون ؓ کے لیے ایک جاری چشمہ دیکھا۔ میں نے رسول اللہ ﷺ کی خدمت میں حاضر ہو کر اس کا ذکر کیا تو آپ نے فرمایا: ”یہ ان کا نیک عمل ہے جس کا ثواب ان کے لیے جاری رہے گا۔“

×
حدیث ترجمہ:

ہم سے عبد ان نے بیان کیا‘ کہا ہم کو عبداللہ نے خبر دی‘ کہا ہم کو معمر نے خبر دی‘ انہیں زہری نے‘ انہیں خارجہ بن زید بن ثابت نے اور ان سے حضرت ام علاء ؓ  نے بیان کیا جو انہیں میں کی ایک خاتون ہیں کہ میں نے رسول اللہ ﷺ سے بیعت کی تھی۔ انہوں نے بیان کیا کہ جب انصار نے مہاجرین کے قیام کے لیے قرعہ اندازی کی تو حضرت عثمان بن مظعون ؓ کا نام ہمارے یہاں ٹھہرنے کے لیے نکلا۔ پھر وہ بیمار پڑے‘ ہم نے ان کی تیمار داری کی لیکن ا ن کی وفات ہو گئی۔ پھر ہم نے انہیں ان کے کپڑوں میں لپیٹ دیا۔ اس کے بعد آنحضرت ﷺ ہمارے گھر تشریف لائے تو میں نے کہا ابو السائب! تم پر اللہ کی رحمتیں ہوں‘ میری گواہی ہے کہ تمہیں اللہ تعالیٰ نے عزت بخشی ہے۔ آنحضرت ﷺ نے فرمایا تمہیں یہ کیسے معلوم ہوا؟ میں نے عرض کیا اللہ کی قسم مجھے معلوم نہیں ہے۔ آنحضرت ﷺ نے اس کے بعد فرمایا کہ جہاں تک ان کا تعلق ہے تو یقینی بات (موت) ان تک پہنچ چکی ہے اور میں اللہ سے ان کے لیے خیر کی امید رکھتا ہوں لیکن اللہ کی قسم میں رسول اللہ ہوں اور اس کے باوجود مجھے معلوم نہیں کہ میرے ساتھ کیا معاملہ کیا جائے گا۔ ام العلاء نے کہا کہ واللہ! اس کے بعد میں کسی انسان کی پاکی نہیں بیان کروں گی۔ انہوں نے بیان کیا کہ میں نے حضرت عثمان ؓ کے لیے خواب میں ایک جاری چشمہ دیکھا تھا۔ چنانچہ میں نے حاضر ہو آنحضرت ﷺ سے اس کا ذکر کیا تو آپ نے فرمایا کہ یہ ان کا نیک عمل ہے جس کا ثواب ان کے لیے جاری ہے۔

حدیث حاشیہ:

کہتے ہیں کہ یہ عثمان بہت مالدار آدمی تھے‘ خواب میں جو دیکھا اس سے ان کے صدقہ جاریہ مراد ہیں۔ امام بخاری رحمہ اللہ نے یہاں یہ بتلایا کہ چشمہ سے نیک عمل کی تعبیر ہوتی ہے جس طرح لوگ حتیٰ کہ جانور بھی چشمہ سے فائدہ اٹھاتے ہیں اسی طرح سے ایک مسلمان کا نیک عمل بہت سے مخلوق کو فائدہ پہنچاتا ہے۔ خیر الناس من ینفع الناس کا یہی مطلب ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7082
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7018
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6500
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7018
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6615
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6766
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7018
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7018
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7018

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

اگر کوئی خواب میں جاری چشمہ دیکھتا ہے تو اس کی تعبیر کئی ایک طرح سے کی جاتی ہے مثلاً:©اگر پانی صاف وستھرا اور شفاف ہے تو اعمال صالحہ سے تعبیر ہوگی۔©اگر پانی گندا ہے تو اس کی تعبیر بد کرداری سے ہوگی جو باعث اذیت ہے۔ ©چشمے کا پانی خیرو برکت ہوتا ہے بشرطیکہ اس کا مالک نیک اور صالح انسان ہو۔©اگر وہ نیک نہیں ہے تو اسے کوئی مصیبت آئے گی۔ جس سے پس ماندگان آنسو بہائیں گے۔(فتح الباری:12/513)

تمہید کتاب

×

لفظ تعبیر خصوصی طور پر خواب کی تشریح اور توجیہ بیان کرنے کے لیے استعمال ہوتا ہے۔لغوی طور پر"عَبر" سے ماخوذ ہے جس کے معنی ایک حال سے دوسرے حال کی طرف تجاوز کرنا ہیں۔تیرا کی،کشتی یا کسی اور طریقے سے پانی سے گزرنے کو عبور کہاجاتا ہے۔جب کوئی فوت ہوتا ہے تو اسے بھی عربی زبان میں"عبر" کہاجاتا ہے ،گویا وہ دنیا کے پل کے ذریعے سے آخرت میں پہنچ گیا ہے۔اسی طرح اعتبار اورعبرت سے مراد وہ حالت ہے جس کے سبب ایک خاص اور ظاہری حالت کے پیش نظر پوشیدہ حالت کو واضح کرنا،پھر مشاہدے کی بنا پر عدم مشاہدہ تک رسائی حاصل کرنا ہے۔مذکورہ بالالغوی تشریح سے یہ بات سامنے آتی ہے کہ تعبیر سے مراد ایسی حالت کا انکشاف ہے جو عام لوگوں سے پوشیدہ ہوتی ہے۔(فتح الباری 12/441)الرویاء سے مراد وہ چیز جو انسان اپنی نیند کی حالت میں دیکھتا ہے۔یہ مابعد الطبیعاتی امور میں ایک ایسا امر ہے جو مبنی برحقیقت اور سچا ہونے پر وحی الٰہی کے مشابہ ہوتا ہے لیکن اس کی تعبیر وتوجیہ کا میدان زیادہ تر اشاراتی ہوتا ہے۔ماہیت کے لحاظ سے خواب کی تین قسمیں ہیں:سیدنا ابوہریرہ رضی اللہ تعالیٰ عنہ  بیان کرتے ہیں کہ رسول اللہ صلی اللہ علیہ وسلم  نے فرمایا:"خواب تین طرح کے ہوتے ہیں:©۔اللہ تعالیٰ کی طرف سے بشارت۔©۔نفسانی خیالات۔©۔شیطان کی  طرف سے دراندازی۔"(صحیح مسلم الرؤیا حدیث 5905(2263)امام ابن سیرین  رحمۃ اللہ علیہ  جو خوبیوں کی تعبیر کے سلسلے میں بہت ماہر ہیں انھوں نےخواب کو دوقسموں میں تقسیم کیا ہے:©۔خواب حکم:یہ خوب درست اور سچا ہوتا ہے اور اس کی کچھ نہ کچھ اہمیت وحیثیت بھی ہوتی ہے۔©۔اضغاث:۔یہ پراگندہ خیال اور پریشان کن خواب ہوتا ہے۔اس کا حقیقت سے کوئی تعلق نہیں ہوتا۔پھر انھوں نے اضغاث کی مزید تین قسمیں بیان کی ہیں:©۔غلبہ طبیعت اور خواہشات۔©۔شیطانی نمودونمائش۔©۔نفسانی خیالات۔یہ تینوں قسم کےخواب بے کار اورردی ہوتے ہیں۔(کتاب الرؤیا ص 31) گویا انھوں نے حدیث میں بیان کی گئی دوسری اورتیسری قسم کو بے اہمیت ہونے کی وجہ سے ایک ہی شمار کیا ہے۔یہ بات ذہن نشین رہے کہ اچھا اور بُرا خواب دیکھنے میں انسان کے ذاتی خیالات ،حالت بیداری میں پیش آنے والے حالات وواقعات اور ذہنی وقلبی رجحانات کا بنیادی عمل دخل ہوتا ہے ،نیز ذریعہ معاش،سوچ وفکر اور صحت ومرض بھی اس میں بنیادی کردار ادا کرتے ہیں۔ہمارے ہاں خواب کی حقیقت کے بارے میں مختلف نظریات پائے جاتے ہیں۔جن کی تفصیل حسب ذیل ہے:©۔کچھ لوگ خواب کی حقیقت سے انکار کرتے ہیں۔ان کے ہاں خواب ذہنی انتشار،توہمات اور لاشعوری احساسات کا نام ہے لیکن یہ نظریہ قرآن وحدیث کے مخالف ہے کیونکہ قرآن مجید میں سیدنا ابراہیم،سیدنا یوسف علیہ السلام  اوررسول اللہ صلی اللہ علیہ وسلم  کے خوابوں کا تذکرہ موجود ہے۔©۔کچھ حضرات کہتے ہیں کہ خواب بھی دیگر شرعی دلائل کی طرح قابل حجت ہے۔یہ لوگ خواب پر اعتماد کرکے اپنے عمل کی بنیاد رکھنے کے قائل وفاعل ہیں۔کافی عرصہ پہلے سعودی عرب میں مہدی تحریک کی بنیاد بھی مختلف حضرات کو آنے والے خواب تھے۔اس موقف کی بھی کوئی حیثیت نہیں ہے۔©۔اس افراط وتفریط کے درمیان ایک تیسرا گروہ ہے جو درمیانی راستہ اختیار کرتاہے کہ خواب دوطرح کے ہوتے ہیں:©۔انبیاء علیہ السلام  کے خواب۔©۔عام آدمی کے خواب۔انبیاء علیہ السلام  کے خواب وحی الٰہی کی ایک قسم ہے اور یہ قابل اتباع ہوتے ہیں،چنانچہ حضرت ابراہیم علیہ السلام  نے خواب میں دیکھ کر اپنے لخت جگر کی گردن پر چھری رکھ دی تھی۔حافظ ابن حجر  رحمۃ اللہ علیہ  لکھتے ہیں کہ انبیاء علیہ السلام  کے خواب وحی ہوتے ہیں اور وحی ہر قسم کےخلل سے محفوظ ہوتی ہے۔(فتح الباری 12/443)عام آدمی کے خواب میں سچ اور جھوٹ دونوں کا احتمال پایا جاتا ہے۔ان کے متعلق ابن حجر رحمۃ اللہ علیہ  لکھتے ہیں:حضرات انبیاء علیہ السلام  کے علاوہ عام لوگوں کے خواب میں بعض دفعہ شیطان کا عمل دخل ہوتاہے اور کبھی کبھی شیطان نیند کی حالت میں فرشتوں کا روپ دھارکرانسان کو الٹے سیدھے کاموں میں لگادیتا ہے۔(فتح الباری 12/444)امام بخاری رحمۃ اللہ علیہ  نے خوابوں کے احکام ومسائل بیان کرنے کے لیے نناوے(99) مرفوع احادیث کا انتخاب کیا ہے جن میں بیاسی(82) متصل اسناد سے بیان کی جاتی ہیں اور باقی سترہ(17) معلق اور متابع کی حیثیت سے پیش کی ہیں ،پھر ان میں پچھتر (75) احادیث مکرر اور باقی خالص ہیں۔مرفوع احادیث کے علاوہ امام صاحب نے مختلف صحابہ کرام رضوان اللہ عنھم اجمعین  اور تابعین عظام  رحمۃ اللہ علیہ سے مروی دس(10)آثار بھی ذکر کیے ہیں۔ان مختلف احادیث وآثار پراڑتالیس(48) کے قریب چھوٹے چھوٹے عنوانات قائم کیے ہیں جن میں خوابوں کے متعلق ٹھوس حقائق اور شرعی احکام بیان کیے ہیں۔ہم انھیں  فوائد کے عنوان سے مزید تشریح سے پیش  کریں گے۔باذن اللہ تعالیٰ۔

تمہید باب عربی

×

تمہید کتاب عربی

×