التخريج

قسم الحديث (القائل): مرفوع ، اتصال السند: متصل ، قسم الحديث: قولی

‌صحيح البخاري: كِتَابُ التَّعْبِيرِ (بَابُ مَنْ لَمْ يَرَ الرُّؤْيَا لِأَوَّلِ عَابِرٍ إِذَا لَمْ يُصِبْ)

حکم : أحاديث صحيح البخاريّ كلّها صحيحة 

7046. حَدَّثَنَا يَحْيَى بْنُ بُكَيْرٍ حَدَّثَنَا اللَّيْثُ عَنْ يُونُسَ عَنْ ابْنِ شِهَابٍ عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ أَنَّ ابْنَ عَبَّاسٍ رَضِيَ اللَّهُ عَنْهُمَا كَانَ يُحَدِّثُ أَنَّ رَجُلًا أَتَى رَسُولَ اللَّهِ صَلَّى اللَّهُ عَلَيْهِ وَسَلَّمَ فَقَالَ إِنِّي رَأَيْتُ اللَّيْلَةَ فِي الْمَنَامِ ظُلَّةً تَنْطُفُ السَّمْنَ وَالْعَسَلَ فَأَرَى النَّاسَ يَتَكَفَّفُونَ مِنْهَا فَالْمُسْتَكْثِرُ وَالْمُسْتَقِلُّ وَإِذَا سَبَبٌ وَاصِلٌ مِنْ الْأَرْضِ إِلَى السَّمَاءِ فَأَرَاكَ أَخَذْتَ بِهِ فَعَلَوْتَ ثُمَّ أَخَذَ بِهِ رَجُلٌ آخَرُ فَعَلَا بِهِ ثُمَّ أَخَذَ بِهِ رَجُلٌ آخَرُ فَعَلَا بِهِ ثُمَّ أَخَذَ بِهِ رَجُلٌ آخَرُ فَانْقَطَعَ ثُمَّ وُصِلَ فَقَالَ أَبُو بَكْرٍ يَا رَسُولَ اللَّهِ بِأَبِي أَنْتَ وَاللَّهِ لَتَدَعَنِّي فَأَعْبُرَهَا فَقَالَ النَّبِيُّ صَلَّى اللَّهُ عَلَيْهِ وَسَلَّمَ اعْبُرْهَا قَالَ أَمَّا الظُّلَّةُ فَالْإِسْلَامُ وَأَمَّا الَّذِي يَنْطُفُ مِنْ الْعَسَلِ وَالسَّمْنِ فَالْقُرْآنُ حَلَاوَتُهُ تَنْطُفُ فَالْمُسْتَكْثِرُ مِنْ الْقُرْآنِ وَالْمُسْتَقِلُّ وَأَمَّا السَّبَبُ الْوَاصِلُ مِنْ السَّمَاءِ إِلَى الْأَرْضِ فَالْحَقُّ الَّذِي أَنْتَ عَلَيْهِ تَأْخُذُ بِهِ فَيُعْلِيكَ اللَّهُ ثُمَّ يَأْخُذُ بِهِ رَجُلٌ مِنْ بَعْدِكَ فَيَعْلُو بِهِ ثُمَّ يَأْخُذُ بِهِ رَجُلٌ آخَرُ فَيَعْلُو بِهِ ثُمَّ يَأْخُذُهُ رَجُلٌ آخَرُ فَيَنْقَطِعُ بِهِ ثُمَّ يُوَصَّلُ لَهُ فَيَعْلُو بِهِ فَأَخْبِرْنِي يَا رَسُولَ اللَّهِ بِأَبِي أَنْتَ أَصَبْتُ أَمْ أَخْطَأْتُ قَالَ النَّبِيُّ صَلَّى اللَّهُ عَلَيْهِ وَسَلَّمَ أَصَبْتَ بَعْضًا وَأَخْطَأْتَ بَعْضًا قَالَ فَوَاللَّهِ يَا رَسُولَ اللَّهِ لَتُحَدِّثَنِّي بِالَّذِي أَخْطَأْتُ قَالَ لَا تُقْسِمْ

مترجم:

7046. حضرت ابن عباس ؓ سے روایت ہے وہ بیان کرتے ہیں کہ ایک شخص رسول اللہ ﷺ کی خدمت میں حاضر ہوا اور کہا: میں آج رات خواب میں دیکھا ہے کہ بادل کے ٹکڑے سے گھی اور شہد ٹپک رہا ہے۔ میں لوگوں کو دیکھتا ہوں کہ وہ اپنے ہاتھوں میں لے رہے ہیں۔ کچھ زیادہ اور کچھ کم۔ پھر اچانک ایک رسی دیکھی جو آسمان سے زمین کی طرف لٹک رہی ہے۔ میں نے آپ کو دیکھا آپ نے اس رسی کو پکڑا اور اوپر چڑھ گئے۔ پھر ایک اور صاحب آئے وہ بھی رسی کوپکڑا تو رسی ٹوٹ گئی اور پھر جڑ گئی۔ حضرت ابوبکر صدیق ؓ نے عرض کی: اللہ کے رسول میرے ماں باپ آپ پر قربان ہوں، مجھے اجازت دیں میں اسکی تعبیر کروں۔ نبی ﷺ نے فرمایا: ”ہاں، آپ اس کی تعبیر کریں۔“ حضرت ابوبکر صدیق ؓ نے کہا:بادل سے مراد دین اسلام ہے۔ جو گھی اور شہد ٹپک رہا تھا وہ قرآن کریم کی حلاوت اور مٹھاس ہے کچھ لوگ اسے زیادہ لینے والے ہیں اور کچھ لوگوں کی قسمت میں تھوڑا حصہ ہے اور آسمان سے زمین تک لٹکنے والی رسی سے مراد وہ سچا طریق حق ہے جس پر آپ گامزن ہیں اور آپ سے پکڑے ہوئے ہیں۔ اللہ تعالیٰ رسی کے ساتھ آپ کو بام عروج تک لے جائے گا۔ پھر آپ کے بعد اسے ایک اور آدمی پکڑے گا۔ پھر اس کے بعد دوسرا آدمی پکڑے گا، پر اس کو جب تیسرا آدمی پکڑے گا تو رسی ٹوٹ جائے گی، پھر جڑ جائے گی تو وہ بھی چڑھ جائے گا۔ اللہ کے رسول! میرے ماں باپ پر قربان ہوں، مجھے اس تعبیر کے متعلق بتائیں صحیح ہے یا غلط ہے؟ نبی ﷺ نے فرمایا: کچھ تعبیر تو صحیح ہے اور کچھ غلط ہے۔ حضرت ابوبکر صدیق ؓ نے عرض کی۔ : (اللہ کے رسول!) آپ کو اللہ کی قسم ہے آپ میری غلطی کو ضرور ظاہر کریں۔ آپ ﷺ نے فرمایا: ”تم قسم نہ دو۔“

×
حدیث ترجمہ:
ہم سے یحییٰ بن بکیر نے بیان کیا ‘ کہا ہم سے لیث بن سعد نے بیان کیا ‘ ان سے یونس نے ‘ ان سے ابن شہاب نے ‘ ان سے عبیداللہ بن عبداللہ بن عتبہ نے ‘ ان سے ابن عباس ؓ بیان کرتے تھے کہ ایک شخص رسول اللہ ﷺ کے پاس آیا اور اس نے کہا کہ رات میں نے خواب میں دیکھا کہ ایک ابر کا ٹکڑا ہے جس سے گھی اور شہد ٹپک رہا ہے میں دیکھتا ہوں کہ لوگ انہیں اپنے ہاتھوں میں لے رہے ہیں ۔ کوئی زیادہ اور کوئی کم اور ایک رسی ہے جو زمین سے آسمان تک لٹکی ہوئی ہے ۔ میں نے دیکھا کہ پہلے آپ ﷺ نے آکر اسے پکڑا ور اوپر چڑھ گئے پھر ایک دوسرے صاحب نے بھی اسے پکڑا ور وہ بھی اوپر چڑھ گئے پھر ایک تیسرے صاحب نے پکڑا اور وہ بھی چڑھ گئے پھر چوتھے صاحب نے پکڑا اور وہ بھی اس کے ذریعہ چڑھ گئے ۔ پھر وہ رسی ٹوٹ گئی ‘ پھر جڑ گئی ۔ حضرت ابو بکر ؓ نے عرض کیا یا رسول اللہ ! میرے ماں باپ آپ پر فدا ہوں ۔ مجھے اجازت دیجئے میں اس کی تعبیر بیان کردوں ۔ آنحضرت ﷺ نے فرمایا کہ بیان کرو۔ انہوں نے کہا سایہ سے مراد دین اسلام ہے اور شہد اور گھی ٹپک رہا تھا وہ قرآن مجید کی شیرینی ہے اور بعض قرآن کو زیادہ حاصل کرنے والے ہیں ‘ بعض کم اور آسمان سے زمین تک کی رسی سے مراد وہ سچا طریق ہے جس پر آپ ﷺ قائم ہیں‘ آپ ﷺ اسے پکڑے ہوئے ہیں یہاں تک کہ اس کے ذریعہ اللہ آپ کو اٹھا لے گا پھر آپ کے بعد ایک دوسرے صاحب آپ کے خلیفہ اول اسے پکڑیں گے وہ بھی مرتے دم تک اس پر قائم رہیں گے ۔ پھر تیسرے صاحب پکڑیں گے ان کا بھی یہی حال ہو گا ۔ پھر چوتھے صاحب پکڑیں گے تو ان کا معاملہ خلافت کا کٹ جائے گا وہ بھی اوپر چڑھ جائیں گے ۔ یا رسول اللہ ! میرے ماں باپ آپ پر قربان ہو ںمجھے بتائےے کیا میں نے جو تعبیر دی ہے وہ غلط ہے یا صحیح ۔ آنحضرت ﷺ نے فرمایا کہ بعض حصہ کی صحیح تعبیر دی ہے اور بعض کی غلط ۔ حضرت ابو بکر ؓ نے عرض کیا ۔ پس واللہ ! آپ میری غلطی کو ظاہر فرمادیں آنحضرت ﷺ نے فرمایا کہ قسم نہ کھاؤ۔
حدیث حاشیہ:
اس خواب کی تفصیل بیان کرنے میں بڑے بڑے اندیشے تھے اس لیے آپ نے سکوت مناسب سمجھا اس خواب سے آپ کو رنج ہوا کہ ایک خلیفہ میر ا آفتوں میں گرفتار ہوگا ۔ صدق رسول اللہ صلی اللہ علیہ وسلم وقال المھلب توجیہ تعبیر ابا بکر ان الظلۃ نعمۃ من نعم اللہ علیٰ اھل الجنۃ وکذالک کانت علیٰ بنی اسرائیل الخ ‘ ( فتح ) یعنی مہلب نے کہا کہ حضرت ابو بکر صدیق رضی اللہ عنہ کی تعبیر کی توجیہ یہ ہے کہ سایہ اللہ کی بہت بڑی نعمت ہے جیسا کہ بنی اسرائیل پر اللہ نے بادلوں کا سایہ ڈالا ۔ ایسا ہی اہل جنت پر سایہ ہوگا ۔ اسلام ایسای ہی مبارک سایہ ہے جس کے سایہ میں مسلمان کو تکا لیف سے نجات ملتی ہے اور اس کو دنیا اور آخرت میں نعمتوں سے نوازا ناتا ہے ۔ اسی طرح شہد میں شفا ہے جیسا کہ قرآن پاک میں ہے ۔ ایسا ہی قرآن مجید کا بھی شفا ہے ۔ انہ شفاءورحمۃ للمومنین وہ سننے میں شہد جیسی حلاوت رکھتا ہے ۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7111
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7046
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6524
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7046
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6639
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6792
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7046
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7046
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7046

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

حضرت ابن عباس رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا:"خواب کی تعبیر کرنے والے کی تعبیر سے پوری ہو جاتی ہے۔"(سنن ابن ماجہ الرویا حدیث 3915) امام بخاری رحمۃ اللہ علیہ کا موقف ہے کہ پہلے تعبیر کرنے والے کی تعبیر اگر غلط ہو تو اس سے خواب پر کوئی اثر نہیں پڑے گا۔ہم اس کی آئندہ وضاحت کریں گے علاوہ ازیں اس حدیث کی سند ضعیف ہے کیونکہ اس کی سند میں یزید رقاشی نامی راوی کمزور ہے۔(فتح الباری:12/540)

تمہید کتاب

×

لفظ تعبیر خصوصی طور پر خواب کی تشریح اور توجیہ بیان کرنے کے لیے استعمال ہوتا ہے۔لغوی طور پر"عَبر" سے ماخوذ ہے جس کے معنی ایک حال سے دوسرے حال کی طرف تجاوز کرنا ہیں۔تیرا کی،کشتی یا کسی اور طریقے سے پانی سے گزرنے کو عبور کہاجاتا ہے۔جب کوئی فوت ہوتا ہے تو اسے بھی عربی زبان میں"عبر" کہاجاتا ہے ،گویا وہ دنیا کے پل کے ذریعے سے آخرت میں پہنچ گیا ہے۔اسی طرح اعتبار اورعبرت سے مراد وہ حالت ہے جس کے سبب ایک خاص اور ظاہری حالت کے پیش نظر پوشیدہ حالت کو واضح کرنا،پھر مشاہدے کی بنا پر عدم مشاہدہ تک رسائی حاصل کرنا ہے۔مذکورہ بالالغوی تشریح سے یہ بات سامنے آتی ہے کہ تعبیر سے مراد ایسی حالت کا انکشاف ہے جو عام لوگوں سے پوشیدہ ہوتی ہے۔(فتح الباری 12/441)الرویاء سے مراد وہ چیز جو انسان اپنی نیند کی حالت میں دیکھتا ہے۔یہ مابعد الطبیعاتی امور میں ایک ایسا امر ہے جو مبنی برحقیقت اور سچا ہونے پر وحی الٰہی کے مشابہ ہوتا ہے لیکن اس کی تعبیر وتوجیہ کا میدان زیادہ تر اشاراتی ہوتا ہے۔ماہیت کے لحاظ سے خواب کی تین قسمیں ہیں:سیدنا ابوہریرہ رضی اللہ تعالیٰ عنہ  بیان کرتے ہیں کہ رسول اللہ صلی اللہ علیہ وسلم  نے فرمایا:"خواب تین طرح کے ہوتے ہیں:©۔اللہ تعالیٰ کی طرف سے بشارت۔©۔نفسانی خیالات۔©۔شیطان کی  طرف سے دراندازی۔"(صحیح مسلم الرؤیا حدیث 5905(2263)امام ابن سیرین  رحمۃ اللہ علیہ  جو خوبیوں کی تعبیر کے سلسلے میں بہت ماہر ہیں انھوں نےخواب کو دوقسموں میں تقسیم کیا ہے:©۔خواب حکم:یہ خوب درست اور سچا ہوتا ہے اور اس کی کچھ نہ کچھ اہمیت وحیثیت بھی ہوتی ہے۔©۔اضغاث:۔یہ پراگندہ خیال اور پریشان کن خواب ہوتا ہے۔اس کا حقیقت سے کوئی تعلق نہیں ہوتا۔پھر انھوں نے اضغاث کی مزید تین قسمیں بیان کی ہیں:©۔غلبہ طبیعت اور خواہشات۔©۔شیطانی نمودونمائش۔©۔نفسانی خیالات۔یہ تینوں قسم کےخواب بے کار اورردی ہوتے ہیں۔(کتاب الرؤیا ص 31) گویا انھوں نے حدیث میں بیان کی گئی دوسری اورتیسری قسم کو بے اہمیت ہونے کی وجہ سے ایک ہی شمار کیا ہے۔یہ بات ذہن نشین رہے کہ اچھا اور بُرا خواب دیکھنے میں انسان کے ذاتی خیالات ،حالت بیداری میں پیش آنے والے حالات وواقعات اور ذہنی وقلبی رجحانات کا بنیادی عمل دخل ہوتا ہے ،نیز ذریعہ معاش،سوچ وفکر اور صحت ومرض بھی اس میں بنیادی کردار ادا کرتے ہیں۔ہمارے ہاں خواب کی حقیقت کے بارے میں مختلف نظریات پائے جاتے ہیں۔جن کی تفصیل حسب ذیل ہے:©۔کچھ لوگ خواب کی حقیقت سے انکار کرتے ہیں۔ان کے ہاں خواب ذہنی انتشار،توہمات اور لاشعوری احساسات کا نام ہے لیکن یہ نظریہ قرآن وحدیث کے مخالف ہے کیونکہ قرآن مجید میں سیدنا ابراہیم،سیدنا یوسف علیہ السلام  اوررسول اللہ صلی اللہ علیہ وسلم  کے خوابوں کا تذکرہ موجود ہے۔©۔کچھ حضرات کہتے ہیں کہ خواب بھی دیگر شرعی دلائل کی طرح قابل حجت ہے۔یہ لوگ خواب پر اعتماد کرکے اپنے عمل کی بنیاد رکھنے کے قائل وفاعل ہیں۔کافی عرصہ پہلے سعودی عرب میں مہدی تحریک کی بنیاد بھی مختلف حضرات کو آنے والے خواب تھے۔اس موقف کی بھی کوئی حیثیت نہیں ہے۔©۔اس افراط وتفریط کے درمیان ایک تیسرا گروہ ہے جو درمیانی راستہ اختیار کرتاہے کہ خواب دوطرح کے ہوتے ہیں:©۔انبیاء علیہ السلام  کے خواب۔©۔عام آدمی کے خواب۔انبیاء علیہ السلام  کے خواب وحی الٰہی کی ایک قسم ہے اور یہ قابل اتباع ہوتے ہیں،چنانچہ حضرت ابراہیم علیہ السلام  نے خواب میں دیکھ کر اپنے لخت جگر کی گردن پر چھری رکھ دی تھی۔حافظ ابن حجر  رحمۃ اللہ علیہ  لکھتے ہیں کہ انبیاء علیہ السلام  کے خواب وحی ہوتے ہیں اور وحی ہر قسم کےخلل سے محفوظ ہوتی ہے۔(فتح الباری 12/443)عام آدمی کے خواب میں سچ اور جھوٹ دونوں کا احتمال پایا جاتا ہے۔ان کے متعلق ابن حجر رحمۃ اللہ علیہ  لکھتے ہیں:حضرات انبیاء علیہ السلام  کے علاوہ عام لوگوں کے خواب میں بعض دفعہ شیطان کا عمل دخل ہوتاہے اور کبھی کبھی شیطان نیند کی حالت میں فرشتوں کا روپ دھارکرانسان کو الٹے سیدھے کاموں میں لگادیتا ہے۔(فتح الباری 12/444)امام بخاری رحمۃ اللہ علیہ  نے خوابوں کے احکام ومسائل بیان کرنے کے لیے نناوے(99) مرفوع احادیث کا انتخاب کیا ہے جن میں بیاسی(82) متصل اسناد سے بیان کی جاتی ہیں اور باقی سترہ(17) معلق اور متابع کی حیثیت سے پیش کی ہیں ،پھر ان میں پچھتر (75) احادیث مکرر اور باقی خالص ہیں۔مرفوع احادیث کے علاوہ امام صاحب نے مختلف صحابہ کرام رضوان اللہ عنھم اجمعین  اور تابعین عظام  رحمۃ اللہ علیہ سے مروی دس(10)آثار بھی ذکر کیے ہیں۔ان مختلف احادیث وآثار پراڑتالیس(48) کے قریب چھوٹے چھوٹے عنوانات قائم کیے ہیں جن میں خوابوں کے متعلق ٹھوس حقائق اور شرعی احکام بیان کیے ہیں۔ہم انھیں  فوائد کے عنوان سے مزید تشریح سے پیش  کریں گے۔باذن اللہ تعالیٰ۔

تمہید باب عربی

×

تمہید کتاب عربی

×