التخريج

قسم الحديث (القائل): مرفوع ، اتصال السند: متصل ، قسم الحديث: صفات و شمائل

‌صحيح البخاري: كِتَابُ التَّمَنِّي (بَابُ مَا يَجُوزُ مِنَ اللَّوْ)

حکم : أحاديث صحيح البخاريّ كلّها صحيحة 

ترجمة الباب: وَقَوْلِهِ تَعَالَى: {لَوْ أَنَّ لِي بِكُمْ قُوَّةً} [هود: 80]

7241. حَدَّثَنَا عَيَّاشُ بْنُ الْوَلِيدِ حَدَّثَنَا عَبْدُ الْأَعْلَى حَدَّثَنَا حُمَيْدٌ عَنْ ثَابِتٍ عَنْ أَنَسٍ رَضِيَ اللَّهُ عَنْهُ قَالَ وَاصَلَ النَّبِيُّ صَلَّى اللَّهُ عَلَيْهِ وَسَلَّمَ آخِرَ الشَّهْرِ وَوَاصَلَ أُنَاسٌ مِنْ النَّاسِ فَبَلَغَ النَّبِيَّ صَلَّى اللَّهُ عَلَيْهِ وَسَلَّمَ فَقَالَ لَوْ مُدَّ بِيَ الشَّهْرُ لَوَاصَلْتُ وِصَالًا يَدَعُ الْمُتَعَمِّقُونَ تَعَمُّقَهُمْ إِنِّي لَسْتُ مِثْلَكُمْ إِنِّي أَظَلُّ يُطْعِمُنِي رَبِّي وَيَسْقِينِ تَابَعَهُ سُلَيْمَانُ بْنُ مُغِيرَةَ عَنْ ثَابِتٍ عَنْ أَنَسٍ عَنْ النَّبِيِّ صَلَّى اللَّهُ عَلَيْهِ وَسَلَّمَ

مترجم:

ترجمۃ الباب:

اوراللہ تعالیٰ کاارشاد” اگر مجھے تمہارامقابلہ کرنے کی قوت ہوتی“ تشریح : امام بخاری رحمہ اللہ نے یہ باب لا کر اس طرف اشارہ کیا کہ مسلم نے جو ابو ہریرہ رضی اللہ عنہ سے روایت کی کہ اگر مگر کہنا شیطان کا کام کھولتا ہے اور نسائی نے جو روایت کی جب تجھ پر کوئی بلا آئے تو یوں نہ کہہ اگر میں ایسا کرتا اگر ہوں ہوتا بلکہ یوں کہہ اللہ کی تقدیر میں یوں ہی تھا ۔ اس نے جو چاہا وہ کیا تو ان روایتوں کا یہ مطلب نہیں ہے کہ اگر مگر کہنا مطلقاً منع ہے ۔ اگر ایسا ہوتا تو اللہ اور رسول کے کلام میں اگر کا لفظ کیوں آتا ۔ بلکہ ان روایتوں کا مطلب یہ ہے کہ اپنی تدبیر پر نازاں ہو کر اور اللہ کی مشیت سے غافل ہو کر اگر مگر کہنا منع ہے ۔ آیت کے الفاظ حضرت ابو لوط علیہ السلام کے ہیں جو انہوں نے قوم کی فرشتوں کے ساتھ گستاخی دیکھ کر کہے تھے ۔

7241.

سیدنا انس ؓ سے روایت ہے انہوں نے کہا کہ نبی ﷺ نے رمضان کے آخری دونوں میں وصال کے روزے رکھے تو کچھ صحابہ کرام‬ ؓ ن‬ے بھی روزوں میں وصال کیا۔ نبی ﷺ کو جب اطلاع پہنچی تو آپ نے فرمایا: ”اگر اس مہینے کے دن مزید بڑھ جاتے تو میں اتنے دنوں تک وصال کے روزے رکھتا کہ ہوس کرنے والے اپنی ہوس چھوڑ دیتے۔ میں تم لوگوں جیسا نہیں ہوں۔ میں اس طرح دن گزارتا ہوں کہ میرا رب مجھے کھلاتا پلاتا ہے۔“ سلیمان بن مغیرہ نے سیدنا ثابت سے، انہوں نے سیدنا انس ؓ سے انہوں نے نبی ﷺ سے یہ حدیث بیان کرنے میں سیدنا حمید کی متابعت کی ہے۔

×
ترجمۃ الباب:

ارشاد باری تعالیٰ ہے: (سیدنا لوط ؑ نے کہا:) کاش! میرے پاس تمہارا مقابلہ کرنے کی کچھ طاقت ہوتی۔¤

وضاحت : بعض روایات میں ”اگر مگر“ کے الفاظ استعمال کرنے سے منع کیا گیا ہے۔ امام بخاری رحمہ اللہ نے ثابت کیا ہے کہ ممانعت کا یہ حکم مطلق نہیں بلکہ اللہ کی مشیت سے غافل اور اپنی قوت وتدبیر پر فخر کرتے ہوئے اگر مگر کہنا منع ہے۔ آیت کے الفاظ سیدنا لوط علیہ السلام نے اس وقت کہے تھے جب ان کی قوم فرشتوں سے بد تمیزی اور گستاخی پر اتر آئی تھی


حدیث ترجمہ:

ہم سے عیاش بن الولید نے بیان کیا‘ کہا ہم سے عبد الاعلیٰ نے بیان کیا‘ کہا ہم سے حمید طویل نے‘ ان سے ثابت نے اور ان سے انس ؓ نے بیان کیا کہ نبی کریم ﷺ نے رمضان کے آخری دنوں میں صوم وصال رکھا تو بعض صحابہ نے بھی صوم وصال رکھا۔ آنحضرت ﷺ کو اس کی اطلاع ملی تو آپ نے فرمایا اگر اس مہینے کے دن اور بڑھ جاتے تو میں اتنے دن متواتر وصال کرتا کہ ہوس کرنیوالے اپنی ہوس چھوڑ دیتے‘ میں تم لوگوں جیسا نہیں ہوں۔ میں اس طرح دن گزارتا ہوں کہ میرا رب مجھے کھلاتا پلاتا ہے۔ اس روایت کی متابعت سلیمان بن مغیرہ نے کی‘ ان سے ثابت نے‘ ان سے انس ؓ نے‘ ان سے نبی کریم ﷺ نے ایسا فرمایا جو اوپر مذکور ہوا۔

حدیث حاشیہ:

یعنی حقیقت میں جنت کا کھانا پانی اس صورت میں آپ کا وصالی روزہ ظاہری ہوگا نہ کی حقیقت میں۔ مگر بعض نے کہا کہ کھانے پینے سے مجازی معنی مراد ہے کہ وہ مجھ کو قوت دیتا رہتا ہے جو تم کو کھانے پینے سے حاصل ہوتی ہے۔ صوم ومال اس روزے کو کہتے ہیں جس میں افطار وسحر کے وقت میں بھی نہیں کھایا جاتا اور روزے کو مسلسل جاری رکھا جاتا ہے۔
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7307
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7241
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6700
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7241
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)6814
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)6971
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7241
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7241
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7241

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

بعض روایات میں"اگرمگر" کے الفاظ استعمال کرنے سے منع کیا گیا ہے لیکن امام بخاری رحمۃ اللہ علیہ نے ثابت کیا ہے کہ یہ حکم امتناعی علی الاطلاق نہیں ہے بلکہ اللہ تعالیٰ کی مشیت سے غافل اور اپنی قوت وتدبیر پر فخر کرتے ہوئے اگر مگر کہنا منع ہے۔آیت کے الفاظ حضرت لوط علیہ السلام نے اس وقت کہے تھے جب ان کی قوم فرشتوں سے بدتمیزی اور گستاخی پر اترآئی تھی۔

تمہید کتاب

×

لغوی طور پر(تمني)،( أُمْنِيَّة) سے باب (تَفَعُّل) ہے۔اس کے معنی تمنا کرناہیں۔اس كا تعلق مستقبل سے ہے،پھر یہ تعلق اگراچھی چیز سے ہو اور اس کی بنیاد حسد نہ ہو تو قابل  تعریف بصورت دیگر قابل مذمت ہے۔بعض اوقات انسان کسی کا مال ودولت دیکھ کر لمبی لمبی تمنائیں کرنی شروع کردیتا ہے اور ٹھنڈی آہیں بھرتا ہے جسےشریعت نے مستحسن اور پسندیدہ قرارنہیں دیا جیسا کہ قرآن کریم نے بیان کیا ہے:"ایک دن قارون اپنی قوم کے سامنے بڑے ٹھاٹ باٹ سے نکلا تو جو لوگ دنیا کے طلب گار تھے وہ کہنے لگے:کاش!ہمیں بھی وہی کچھ میسر ہوتا جوقارون کو دیا گیا ہے۔وہ تو بہت بختوں اور بڑے نصیب والا ہے۔"(القصص 28/79)پھر جب اس کا انجام سامنے آیا کہ اسے مال واسباب سمیت زمین میں  دھنسا  دیاگیا تو جو لوگ قارون کے خزانوں کی تمنا کررہے تھے کہنے لگے:"ہماری حالت پر افسوس !اللہ ہی اپنے بندوں میں ہے جس کاچاہے رزق کشادہ کردیتا ہے اور جس کا چاہے تنگ کردیتاہے۔اگراللہ ہم پر احسان نہ کرتاتو ہمیں بھی دھنسا دیا جاتا۔"(القصص 28/82)امام بخاری رحمۃ اللہ علیہ  نے اس عنوان کے تحت تمناؤں کےسلسلے میں ہماری رہنمائی فرمائی ہے۔کون سی تمنا مذموم ہے اور کون سی تمنا اللہ تعالیٰ کے ہاں قابل تعریف ہے،آپ نے اس سلسلے میں بیس(20) مرفوع احادیث کا انتخاب کیا ہے اور ان پر نو(9) مختلف چھوٹے چھوٹے عنوان قائم کیے ہیں۔جن سے پتا چلتا ہے کہ امام بخاری رحمۃ اللہ علیہ  صرف قابل قدر فقیہ ہی نہ تھے بلکہ ایک زبردست مصلح بھی تھے جو اپنے انداز اصلاح امت کا جذبہ وافر مقدار میں رکھتے تھے۔درج ذیل عنوانات دیکھ کر اس بات کا اندازہ کیا جاسکتا ہے۔©۔شہادت کی آرزو کرنا©۔نیک کام کی تمنا کرنا۔©۔قرآن اور علم کی خواہش کرنا©۔کون کون سی تمنائیں مکروہ ہیں©۔دشمن سے مڈ بھیڑ ہونے کی آرزو جائز نہیں©۔اگر مگر کے الفاظ کہاں جائزاور کہاں ناجائز ہیں۔بہرحال اگر انسان کی تمنا کسی خیر اور بھلائی والے کام سے متعلق ہے اور اس کے حصول کے لیے جائزذرائع کو عمل میں لاتا ہے تو ایسی آرزو یقیناً باعث برکت اور اللہ تعالیٰ کے ہاں ثواب کا ذریعہ ہے اوراگر اس کی خواہش کا تعلق دنیا سے ہے اور اس کے حصول کے لیے جائز ناجائز ہرقسم کے اسباب وذرائع استعمال کرتا ہے توایسی خواہش کو کسی صورت میں مستحسن قرارنہیں دیا جاسکتا۔اللہ تعالیٰ ہمیں نیک خواہشات رکھنے اور نیک اعمال کرنے کی توفیق عطا فرمائے۔آمین

تمہید باب عربی

×

تمہید کتاب عربی

×