التخريج

قسم الحديث (القائل): موقوف ، اتصال السند: متصل ، قسم الحديث: قولی

‌صحيح البخاري: كِتَابُ التَّوْحِيدِ وَالرَدُّ عَلَی الجَهمِيَةِ وَغَيرٌهُم (بَابُ قَوْلِ اللَّهِ تَعَالَى: (يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالاَتِهِ))

حکم : أحاديث صحيح البخاريّ كلّها صحيحة 

ترجمة الباب: وَقَالَ الزُّهْرِيُّ: «مِنَ اللَّهِ الرِّسَالَةُ، وَعَلَى رَسُولِ اللَّهِ صَلَّى اللهُ عَلَيْهِ وَسَلَّمَ البَلاَغُ، وَعَلَيْنَا التَّسْلِيمُ» وَقَالَ اللَّهُ تَعَالَى: {لِيَعْلَمَ أَنْ قَدْ أَبْلَغُوا رِسَالاَتِ رَبِّهِمْ} [الجن: 28]، وَقَالَ تَعَالَى: (أُبْلِغُكُمْ رِسَالاَتِ رَبِّي) وَقَالَ كَعْبُ بْنُ مَالِكٍ: " حِينَ تَخَلَّفَ عَنِ النَّبِيِّ ﷺ: {فَسَيَرَى اللَّهُ عَمَلَكُمْ وَرَسُولُهُ وَالمُؤْمِنُونَ} [التوبة: 105] وَقَالَتْ عَائِشَةُ: " إِذَا [ص:155] أَعْجَبَكَ حُسْنُ عَمَلِ امْرِئٍ فَقُلْ: {اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالمُؤْمِنُونَ} [التوبة: 105]: وَلاَ يَسْتَخِفَّنَّكَ أَحَدٌ " وَقَالَ مَعْمَرٌ: {ذَلِكَ الكِتَابُ} [البقرة: 2] «هَذَا القُرْآنُ» {هُدًى لِلْمُتَّقِينَ} [البقرة: 2]: «بَيَانٌ وَدِلاَلَةٌ»، كَقَوْلِهِ تَعَالَى: {ذَلِكُمْ حُكْمُ اللَّهِ} [الممتحنة: 10]: «هَذَا حُكْمُ اللَّهِ» {لاَ رَيْبَ} [البقرة: 2]: «لاَ شَكَّ»، {تِلْكَ آيَاتُ} [البقرة: 252]: يَعْنِي هَذِهِ أَعْلاَمُ القُرْآنِ، وَمِثْلُهُ: {حَتَّى إِذَا كُنْتُمْ فِي الفُلْكِ وَجَرَيْنَ بِهِمْ} [يونس: 22]: «يَعْنِي بِكُمْ» وَقَالَ أَنَسٌ: بَعَثَ النَّبِيُّ ﷺ خَالَهُ حَرَامًا إِلَى قَوْمِهِ، وَقَالَ: أَتُؤْمِنُونِي أُبَلِّغُ رِسَالَةَ رَسُولِ اللَّهِﷺ؟ فَجَعَلَ يُحَدِّثُهُمْ

7531. حَدَّثَنَا مُحَمَّدُ بْنُ يُوسُفَ حَدَّثَنَا سُفْيَانُ عَنْ إِسْمَاعِيلَ عَنْ الشَّعْبِيِّ عَنْ مَسْرُوقٍ عَنْ عَائِشَةَ رَضِيَ اللَّهُ عَنْهَا قَالَتْ مَنْ حَدَّثَكَ أَنَّ مُحَمَّدًا صَلَّى اللَّهُ عَلَيْهِ وَسَلَّمَ كَتَمَ شَيْئًا وَقَالَ مُحَمَّدٌ حَدَّثَنَا أَبُو عَامِرٍ الْعَقَدِيُّ حَدَّثَنَا شُعْبَةُ عَنْ إِسْمَاعِيلَ بْنِ أَبِي خَالِدٍ عَنْ الشَّعْبِيِّ عَنْ مَسْرُوقٍ عَنْ عَائِشَةَ قَالَتْ مَنْ حَدَّثَكَ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَتَمَ شَيْئًا مِنْ الْوَحْيِ فَلَا تُصَدِّقْهُ إِنَّ اللَّهَ تَعَالَى يَقُولُ يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالَتَهُ

مترجم:

ترجمۃ الباب:

      اور زہری نے کہا اللہ کی طرف سے پیغام بھیجنا اور اس کے رسول پر اللہ کا پیغام پہنچانا اور ہمارے اوپر اس کا تسلیم کرنا ہے۔ اور (سورۃ الجن) میں فرمایا «ليعلم أن قد أبلغوا رسالات ربهم‏» ”اس لیے کہ وہ پیغمبر جان لے کہ فرشتوں نے اپنے مالک کا پیغام پہنچا دیا۔“ اور (سورۃ الاعراف) میں (نوح علیہ السلام اور ہود ؑ کی زبانوں سے) فرمایا«أبلغكم رسالات ربي‏» ”میں تم کو اپنے مالک کے پیغامات پہنچاتا ہوں۔“ اور کعب بن مالک جب نبی کریم ﷺکو چھوڑ کر غزوہ تبوک میں پیچھے رہ گئے تھے انہوں نے کہا عنقریب اللہ اور اس کا رسول تمہارے کام دیکھ لے گا اور عائشہ ؓ  نے کہا جب تجھ کو کسی کا کام اچھا لگے تو یوں کہہ کہ عمل کئے جاؤ اللہ اور اس کا رسول اور مسلمان تمہارا کام دیکھ لیں گے، کسی کا نیک عمل تجھ کو دھوکا میں نہ ڈالے۔ اور معمر نے کہا (سورۃ البقرہ میں) یہ جو فرمایا «ذلك الكتاب‏» تو کتاب سے مراد قرآن ہے۔ «هدى للمتقين‏»وہ ہدایت کرنے والا ہے یعنی سچا راستہ بتانے والا ہے پرہیزگاروں کو۔“ جیسے (سورۃ الممتحنہ) میں فرمایا «ذلكم حكم الله‏» ”یہ اللہ کا حکم ہے اس میں کوئی شک نہیں“ یعنی بلا شک یہ اللہ کی اتاری ہوئی آیات ہیں یعنی قرآن کی نشانیاں (مطلب یہ ہے کہ دونوں آیات میں «ذلك» سے «هذا» مراد ہے) اس کی مثال یہ ہے کہ جیسے (سورۃ یونس میں) «وجرين بهم» سے «وجرين بكم» مراد ہے اور انس نے کہا کہ نبی کریم ﷺ نے ان کے ماموں حرام بن ملحان کو ان کی قوم بنی عامر کی طرف بھیجا۔ حرام نے ان سے کہا کیا تم مجھ کو امان دو گے کہ میں نبی کریم ﷺکا پیغام تم کو پہنچا دوں اور ان سے باتیں کرنے لگے۔تشریح:اس باب سے غرض امام بخاری کی یہ ہے کہ اللہ کا پیغام یعنی قرآن مجید غیر محلوق ہے لیکن اس کا پہنچانا اس کا سنانا رسول اللہﷺ کا فعل ہے اسی لے اللہ نے اسی کے خلاف کے لئے فان لم تفعل میں فعل کا صیغہ استعمال کیا فرمایا قرآن مجید کا غیر مخلوق ہونا امت کا متفقہ عقیدہ ہے عائشہؓ کا قول ان لوگوں سے متعلق ہے جو بظاہر قرآن کے بڑے قاری اور نمازی تھے مگر عثمان ؓ کے باغی ہوکر ان کے قتل پر مستعد ہوئے عائشہؓ کے کلام کا مطلب یہی ہے کہ کسی کی ایک آدھ اچھی بات دیکھ کر یہ اعتقاد نہ کر لینا چاہیے کہ وہ آدمی ہے بلکہ اخلاق اور عمل کے لحاظ سے اس کی اچھی طرح سے جانچ کر لینی چاہئیے

7531.

سیدہ عائشہ‬ ؓ س‬ے روایت ہے انہوں نے فرمایا: اگر کوئی تم سے یہ بیان کرے کہ نبی اکرم سیدنا محمد ﷺ نے وحی الہیٰ سے کچھ چھپالیا ہے تو اس کی تصدیق مت کرنا (کیونکہ وہ جھوٹا ہے)۔ اللہ تعالیٰ نے خود فرمایا ہے: ”اے رسول! آپ کے رب کی طرف سے جو پیغام آپ کی طرف سے اتارا گیا ہے اسے لوگوں تک پہنچا دیجیے۔ اگر آپ نے یہ کام نہ کیا تو گویا آپ نے اس(اپنے رب) کا پیغام نہیں پہنچایا۔“

×
ترجمۃ الباب:

امام زہری نے فرمایا: اللہ کی طرف سے رسالت ہے، رسول اللہﷺ کے ذمے اس پیغام کا آگے پہنچانا اور ہم پر اس کا تسلیم کرنا ضروری ہے¤ارشاد باری تعالیٰ ہے: ”تاکہ وہ (رسول) جان لے کہ فرشتوں نے اپنے رب کے پیغامات صحیح صحیح پہنچا دیے ہیں ¤نیز فرمایا: ”میں تمہیں اپنے رب کے پیغام پہناتا ہوں۔ ¤سیدنا کعب بن مالک رضی اللہ عنہ نے کہا: جب وہ(جنگ وتبوک میں) نبی ﷺ سے پیچھے رہ گئے تھے: ”اور عنقریب اللہ تمہارا عمل دیکھے گا اور اس کا رسول بھی۔ ¤سیدہ عائشہ رضی اللہ عنہا نے فرمایا: جب تجھے کسی کا کام اچھا تو یوں لگے تو یوں کہو: ”عمل کیے جاؤ،عنقریب اللہ تمہارا عمل دیکھے گا اور اس کا رسول اور اہل ایمان بھی۔“ کسی کا نیک عمل تجھے دھوکے میں نہ ڈالے¤سیدنا معمر نے کہا: ارشاد باری تعالیٰ : یہ کتاب(اس میں کوئی شک نہیں) میں کتاب سے مراد قرآن مجید ہے۔ ارشاد باری تعالیٰ ہے : ”متقین کے لیے سراسر ہدایت ہے“ یعنی بیان اور دلالت کے زریعے سے ہدایت کرتا ہے جیسا کہ ارشاد باری تعالیٰ ہے: ”یہ اللہ کا حکم ہے“ ذلکم سے مراد ھذا ہے¤ « لاریب فیہ» اسکے معنیٰ ہیں: اس کتاب میں کوئی شک نہیں¤ارشاد باری تعالیٰ ہے: یہ اللہ کی نشانیاں ہیں۔ اس آیت میں تلک سے راد ھذا ہے جیسا کہ ارشاد باری تعالیٰ ہے: ”حتیٰ کہ جب تم کشتی میں ہوتے ہو اور کشتیاں باد موافق سے انہیں کے کر چلتی ہیں۔“ اس آیت کریمہ میں بِھِم سے مراد بِکُمْ ہے، یعنی تمہیں لے کر چلتی ہیں¤سیدنا انس رضی اللہ عنہ نے کہا: نبی ﷺ نے ان کے ماموں سیدنا حرام ؓ  کو ایک قوم کی طرف بھیجا تو انہوں نے کہا:کیا تم امن دیتے ہو کہ میں تمہیں رسول اللہ ﷺ کا پیغام پہنچاؤں ؟ اس کے بعد انہوں نے پیغام پہنچانا شروع کر دیا اور ان سے باتیں کرنے لگے¤

٭فائدہ: مذکورہ عنوان سے مقصود یہ ہےکہ رسول اللہ ﷺ کی طرف سےاللہ کا پیغام لوگوں تک پہنچانا، یہ ان کا فعل اور عمل ہے، جس پر انہیں رب کی طرف سے جزا اور ثواب دیاجائے گا اور جو ”پیغام“ پہنچانا ہے وہ اللہ کا کلام ہے اور وہ غیر مخلوق ہے


حدیث ترجمہ:

ہم سے محمد بن یوسف فریابی نے بیان کیا، کہا ہم سے سفیان ثوری نے بیان کیا، کہا ہم سے اسماعیل نے، ان سے شعبی نے، ان سے مسروق نے اور ان سے عائشہ ؓ نے بیان کیا کہ اگر کوئی تم سے یہ بیان کرتا ہے کہ محمد ﷺ نے کوئی چیز چھپائی، (اور دوسری سند) اور محمد بن یوسف فریابی نے بیان کیا، کہا ہم سے ابوعامر عقدی نے بیان کیا، کہا ہم سے شعبہ بن حجاج نے، ان سے اسماعیل بن ابی خالد نے، ان سے شعبی نے، ان سے مسروق نے اور ان سے عائشہ ؓ نے بیان کیا کہ اگر تم سے کوئی یہ بیان کرتا ہے کہ نبی کریم ﷺ نے وحی میں کچھ چھپا لیا تو اس کی تصدیق نہ کرنا (وہ جھوٹا ہے) کیونکہ اللہ تعالیٰ خود فرماتا ہے (يَا أَيُّهَا الرَّسُولُ بَلِّغْ مَا أُنْزِلَ إِلَيْكَ مِنْ رَبِّكَ وَإِنْ لَمْ تَفْعَلْ فَمَا بَلَّغْتَ رِسَالَتَهُ) کہ اے رسول! پہنچا دیجئیے وہ پیغام جو آپ کے پاس آپ کے رب کی طرف سے نازل ہوا ہے اور اگر آپ نے یہ نہیں کیا تو آپ اپنے رب کا پیغام نہیں پہنچایا۔،،

حدیث حاشیہ:
×
ترقیم کوڈاسم الترقيمنام ترقیمرقم الحديث (حدیث نمبر)
١.ترقيم موقع محدّث ویب سائٹ محدّث ترقیم7600
٢. ترقيم فؤاد عبد الباقي (المكتبة الشاملة)ترقیم فواد عبد الباقی (مکتبہ شاملہ)7531
٣. ترقيم العالمية (برنامج الكتب التسعة)انٹرنیشنل ترقیم (کتب تسعہ پروگرام)6977
٤. ترقيم فتح الباري (برنامج الكتب التسعة)ترقیم فتح الباری (کتب تسعہ پروگرام)7531
٥. ترقيم د. البغا (برنامج الكتب التسعة)ترقیم ڈاکٹر البغا (کتب تسعہ پروگرام)7093
٦. ترقيم شركة حرف (جامع خادم الحرمين للسنة النبوية)ترقیم حرف کمپنی (خادم الحرمین الشریفین حدیث ویب سائٹ)7254
٧. ترقيم دار طوق النّجاة (جامع خادم الحرمين للسنة النبوية)ترقیم دار طوق النجاۃ (خادم الحرمین الشریفین حدیث ویب سائٹ)7531
٨. ترقيم فؤاد عبد الباقي (دار السلام)ترقیم فواد عبد الباقی (دار السلام)7531
١٠.ترقيم فؤاد عبد الباقي (داود راز)ترقیم فواد عبد الباقی (داؤد راز)7531

الحكم على الحديث

×
اسم العالمالحكم
١. إجماع علماء المسلمينأحاديث صحيح البخاريّ كلّها صحيحة

تمہید باب

×

مذکورہ عنوان سے مقصود یہ ہے کہ رسول اللہ صلی اللہ علیہ وسلم کی طرف سے اللہ تعالیٰ کا پیغام لوگوں تک پہنچانا،یہ ان کافعل اور عمل ہے جس پر انھیں رب کی طرف سے جزا اور ثواب دیا جائے گا اور جو پیغام پہنچانا ہے وہ اللہ تعالیٰ کا کلام ہے۔اور وہ غیر مخلوق ہے،یعنی رسالت اور ابلاغ رسول کی ذمہ داری ہے جواس کا فعل اور عمل ہے۔حضرت معمر کے حوالے سے جو بیان ہوا ہے اس سے مقصود یہ ہے کہ دلالت کی مختلف قسمیں ہیں۔بعض اوقات کسی فنی نکتے کی وجہ سے اشارہ قریب کے مقام پر اشارہ بعید استعمال ہوتا ہے اور ضمیر خطاب کی جگہ پر ضمیر غائب استعمال ہوتی ہے۔اس کی متعدد مثالیں پیش کی گئی ہیں۔واضح رہے کہ رسالت میں چار چیزیں ہوتی ہیں:ایک مرسل (بھیجنے والا) دوسرا مرسل الیہ،یعنی جس کی طرف بھیجا گیا ،تیسرا رسول (پیغام لانے والا) اور چوتھا نفس رسالت (وہ پیغام جو بھیجا گیا ہے۔) ان میں سے ہر ایک کے لیے امر ہے۔مرسل کے لیے ارسال ہے۔رسول کے لیے ابلاغ اور مرسل الیہ کے لیے قبول وتسلیم ہے۔رسالت سے مراد وہ احکام واوامر ہیں جنھیں دوسروں تک پہنچانا مقصود ہوتا ہے۔حضرت حرام بن ملحان رضی اللہ تعالیٰ عنہ نے بھی اللہ تعالیٰ کا پیغام پہنچایا جو اللہ رب العزت کی طرف سے رسول کریم صلی اللہ علیہ وسلم کو بھیجا گیا تھا۔امام بخاری رحمۃ اللہ علیہ کی غرض یہ ہے کہ رسالت اللہ تعالیٰ کا پیغام ہےجو اس کے کلام پر مشتمل ہوتا ہے وہ غیر مخلوق ہے اور ابلاغ یعنی اس پیغام کا آگے قوم کو پہنچانا یہ رسول کریم صلی اللہ علیہ وسلم کا عمل اور فعل ہے ۔ان دونوں میں فرق واضح ہے۔اسی طرح تلاوت قاری کا عمل ہے اور متلو اللہ تعالیٰ کا کلام ہے۔واللہ اعلم۔

تمہید کتاب

×

دین اسلام میں سب سے زیادہ اہم فرض عقائد کی درستی ہے۔تمام انبیائے کرام علیہ السلام  نے لوگوں کو سب سے پہلے اصلاح عقیدہ کی دعوت دی۔اس کے بعد عبادات واحکام اور فرائض وواجبات کی بجاآوری ،اس کے بعد معاملات،پھر ظاہری اور باطنی اخلاق کی اصلاح کا درجہ ہے۔مذکورہ شعبہ جات کو اپنے اپنے مقام پر رکھنا بہت ضروری ہے،چنانچہ اصول وعقائد اور فرائض وواجبات میں سے کسی ایک کا انکار انسان کو دائرہ اسلام سے خارج کردیتاہے،البتہ اخلاق میں گراوٹ اور عمل میں کوتاہی سے کوئی شخص ملتِ اسلام سے  خارج نہیں ہوتا۔لغوی طور پر لفظ توحید مصدر ہے۔اس کے معنی کسی ذات کے متعلق یکتا اور منفرد ہونے کایقین کرنا ہیں۔شرعی اصطلاح میں اس بات کا اقرارویقین کرناکہ اللہ تعالیٰ اپنی ذات وصفات،الوہیت وربوبیت،عبودیت وحاکمیت اور تمام اختیارات میں یکتا ویگانہ ہے،اسے توحید کہتے ہیں۔اس توحید کی کئی قسمیں ہیں۔ان میں سے ایک انتہائی اہم قسم توحید اسماء وصفات ہے کیونکہ اللہ تعالیٰ کی کامل معرفت،اللہ تعالیٰ کے اسماء وصفات اور اس کےافعال کا ذکر دیگراحکام کے ذکر سے کہیں زیادہ ہے۔حافظ ابن قیم رحمۃ اللہ علیہ  لکھتے ہیں:"بندے کی تمام ترسعادت اللہ تعالیٰ کی ذات وصفات کی معرفت کے ساتھ قائم ہے جبکہ اسماء وصفات سے جہالت ،شقاوت وبدبختی کی بنیاد ہے۔"(مفتاح دارالسعادۃ 1/86)توحید اسماء وصفات کی اہمیت کا اندازہ اس امر سے بھی بخوبی لگایا جاسکتا ہے کہ انسان کے لیے اس وقت تک مکمل طریقے کے مطابق اللہ تعالیٰ کی عبادت ممکن نہیں جب تک اسے اللہ تعالیٰ کے اسماء وصفات کا علم نہ ہو۔اس معرفت کی بدولت وہ بڑی بصیرت کے ساتھ اللہ تعالیٰ کی عبادت کرسکتا ہے۔ارشاد باری تعالیٰ ہے:"اللہ تعالیٰ ہی کے نام سب سے اچھے ہیں۔انھی ناموں سے اسے پکارو اور ایسے لوگوں کو چھوڑ دو جو اس کے ناموں کے بارے میں سیدھے راستے سے ہٹتے ہیں۔جوکچھ وہ کرتے ہیں جلد ہی انھیں اس کا  بدلہ مل جائے گا۔"(الاعراف 7/180)اس آیت کریمہ میں اللہ تعالیٰ کے ناموں کےساتھ دعا کرنے کا حکم ہے۔اس دعا سے مراد دعائے مسئلہ اور دعائے عبادت دونوں ہیں۔دعائے مسئلہ کی صورت یہ ہے کہ جب اللہ تعالیٰ کے سامنے اپنی ضروریات وحاجت  پیش کریں تو ایسے ناموں کا واسطہ دیں جو ہماری حاجت اور ضرورت کے مناسب ہوں جبکہ دعائے عبادت یہ ہے کہ ہم ان اسماء وصفات کے تقاضوں کو مد نظر رکھتے ہوئے اس ذات کی بندگی بجالاسکیں۔اس آیت میں اللہ تعالیٰ نے ان لوگوں کی مذمت فرمائی ہے جو اس کے ناموں میں کج روی اور بےدینی کا شکار ہیں۔اس کج روی کو الحاد کہا جاتا ہے۔اس کی کچھ قسمیں حسب ذیل ہیں:©۔جو صفات اللہ تعالیٰ کے لیے خاص ہیں انھیں کسی مخلوق میں تسلیم کرنا،جیسے:وہ داتا،روزی رساں،حاجت روا،مشکل کشا اور کارساز ہے۔ان صفات کا حامل کسی مخلوق میں تسلیم کرنا،جیسے:وہ داتا،روزی رساں،حاجت روا،مشکل کشا اور کارساز ہے۔ان صفات کا حامل کسی مخلوق کو قراردینا بدترین قسم کا الحاد ہے۔©۔ان ناموں سے استدلال کرکے باطل چیزوں کے امکان پر بحث کرنا،مثلاً:اللہ تعالیٰ سب کچھ جانتا ہے،لہذا وہ جادو کا علم بھی رکھتا ہے۔وہ ہرچیز قادر ہے ،لہذا وہ جھوٹ بولنے پر بھی قدرت رکھتا ہے۔العیاذباللہ۔©۔ان صفات میں فلسفیانہ موشگافیاں پیداکرنا،جیسے:اللہ تعالیٰ کی صفات حادث ہیں یا قدیم؟کلام کرنا اللہ تعالیٰ کی صفت ہے اور قرآن اللہ تعالیٰ کا کلام ہے،یہ مخلوق ہے یا غیر مخلوق؟©۔اللہ تعالیٰ ہر جگہ موجود ہے اور ہر شخص کی شہ رگ سے بھی قریب ہے تو وہ عرش پر کیسے مستوی ہوسکتا ہے؟©۔اللہ تعالیٰ کی صفات کا سرے سے انکار کردینا جیسا کہ جہم بن صفوان نے تشبیہ کے خود ساختہ مفروضے سے بچنے کے لیے اللہ تعالیٰ کی صفات کا انکار کردیا اور کہا:اللہ تعالیٰ کوئی چیز نہیں ہے۔اس انکار کو تعطیل کہتے ہیں۔اس عقیدے کے حاملین کو مُعَطْلہ اور جَہمیہ کہا جاتا ہے۔©۔اللہ تعالیٰ کی صفات کو مخلوق کی صفات جیسی قراردینا،حالانکہ ارشاد باری تعالیٰ ہے:"کوئی چیز اس کے مشابہ نہیں اور وہی سب کچھ سننے والا،سب کچھ دیکھنے والا ہے۔"(الشوریٰ 11/42)اس عقیدے کا بانی مقاتل بن سلیمان ہے۔اس کے پیروکار مُشتَبہ کہلاتے ہیں،جو اللہ تعالیٰ کی صفات کو مخلوق کی صفات کے مشابہ قراردیتے تھے۔©۔اللہ تعالیٰ کی صفات کو جوں کا توں ماننے کے بجائے ان کے متعلق تاویلات کا سہارالینا،اللہ تعالیٰ کی صفات کے متعلق تاویل کا فتنہ تعطیل سے زیادہ خطرناک ہے کیونکہ اس کے تسلیم کرلینے سے قرآن وحدیث کے ظاہری مفہوم سے انحراف لازم آتا ہے جو بدترین تحریف ہے۔اللہ تعالیٰ کے اسماء وصفات میں الحاد کی ان تمام صورتوں نے سلف صالحین کو حیرت میں مبتلا کردیا،چنانچہ انھوں نے ان ملحدین وبے دین لوگوں کے اقوال کو یہودونصاریٰ اور مشرکین کے اقوال سے بھی زیادہ خطرناک قراردیا ہے،پھر وہ ان مزعومہ عقائد ونظریات کی تردید کے لیے کمر بستہ ہوگئے۔اس تردید کی بنیاد درج ذیل فرمان نبوی ہے:"جس نے ہمارے دین میں کوئی نئی چیز  ایجاد کی وہ تردید کے قابل ہے۔"(صحیح البخاری الصلح حدیث 2697)چنانچہ امام بخاری رحمۃ اللہ علیہ  نے کتاب الایمان میں مرجیہ،کتاب القدر میں تقدیر کے منکرین قدریہ،کتاب الفتن اور کتاب الاحکام میں خوارج وروافض اور آخر میں جہمیہ ،مشبہ اور تمام اہل تاویل کی تردید کے لیے کتاب التوحید کا عنوان قائم کیا۔کتاب التوحید میں امام بخاری رحمۃ اللہ علیہ  کااسلوب یہ ہے کہ پہلے وہ قرآنی آیت کا حوالہ دیتے ہیں،پھر وہ احادیث بیان کرتے ہیں جن میں صفات باری تعالیٰ کاذکر ہے۔انھوں نے یہ اسلوب اس لیے اختیار کیا کہ کچھ لوگ عقائد کے باب میں خبر واحد کو حجت خیال نہیں کرتے۔ان کی تردید مقصود ہے کہ اس قسم کی اخبار آحاد قرآنی آیات کے ذیل میں آتی ہیں،جو شخص عقائد میں ان کی حجت سے انکار کرتا ہے وہ گویا قرآن وسنت دونوں کاانکار کرتا ہے۔امام بخاری رحمۃ اللہ علیہ  نے اس عنوان کے تحت چند ایک مسائل ذکر کیے ہیں جن کی تفاصیل حسب ذیل ہیں:1۔پہلے توحید باری تعالیٰ کو ثابت کیا ہے کیونکہ کچھ لوگوں نے اللہ تعالیٰ کی وحدانیت کا انکار کرکے(وحدة الوجود) کا نظریہ پیش کیا اورکہا کہ کائنات کی ہر چیز اللہ تعالیٰ ہے۔یہ نظریہ پیش کرنے والے ابن عربی اور حسین بن منصور حلاج ہیں۔©۔اسمائے حسنیٰ اور صفات علیا کا اثبات وصفات باری تعالیٰ کی چارقسمیں ہیں:©۔صفات ذاتیہ عقلیہ،مثلاً:حیات،علم ،قدرت،ارادہ ،سمع اور بصر وغیرہ©۔صفات فعلیہ عقلیہ ،مثلاً رحمۃ اللہ علیہ :پیدا کرنا،رزق دینا،زندہ کرنا،مارنا،معاف کرنا اور سزا دینا وغیرہ۔©۔صفات ذاتیہ سمعیہ،مثلاً:وجہ،ید،عین،نفس اور شخص وغیرہ۔©۔صفات فعلیہ سمعیہ،مثلاً:اتیان،مجئی اور نزول وغیرہ۔3۔مسئلہ علو اور (اسْتَوَى عَلَى العَرش)4۔روئیت باری تعالیٰ۔5۔مسئلہ تکوین6۔تلاوت اور مَتلُو میں فرق۔7۔خلق افعال العباد۔8۔صفت کلام۔اسے آخر میں بیان کیا ہے۔امام بخاری  رحمۃ اللہ علیہ  نے اس سلسلے میں 245 مرفوع احادیث پیش کی ہیں جن میں 55 معلق اور 190 موصول ہیں۔ان میں(71) مکرر ہیں جن کی تعداد 234ہے۔باقی صرف 11 احادیث خالص ہیں۔چار(4) احادیث کو امام مسلم  رحمۃ اللہ علیہ  نے بھی بیان کیا  ہے۔باقی 241 احادیث بیان کرنے میں امام بخاری رحمۃ اللہ علیہ  منفرد ہیں۔مرفوع احادیث کے علاوہ مختلف صحابہ کرام رضوان اللہ عنھم اجمعین  اور تابعین  رحمۃ اللہ علیہ  سے 36 آثار بھی بیان کیے ہیں،پھر ان احادیث وآثار پر اٹھاون(58) عنوان قائم کیے ہیں جن کی تفصیل آئندہ بیان کی جائےگی۔باذن اللہ تعالیٰ۔اسماء وصفات کے متعلق امام بخاری رحمۃ اللہ علیہ  کا موقف یہ ہے کہ کتاب وسنت میں جو اسماء وصفات وارد ہیں ان پر ایمان لانا واجب ہے اور انھیں بلاتکہیف وتمثیل ،اور بلاتعطیل وتحریف،اللہ تعالیٰ کے شایانِ شان مبنی برحقیقت تسلیم کیا جائے۔یہ اقرار وایمان کسی قسم کی بے جاتاویل کے بغیر ہو۔اس انداز اتباع سے آپ نے ہمیں یہ پیغام دیا ہے کہ قرآن وحدیث میں کسی قسم کی غلطی کا امکان نہیں،دونوں وضاحت کے ساتھ حق بیان کرتی ہیں۔اس حق سے وہی دور ہوئے ہیں جنھوں نے اپنے لیے اسلام کا راستہ چھوڑ کر ایک نئی راہ  کا انتخاب کیا ہے جو ان کی گمراہی کا باعث ہے،ایک مسلمان کو چاہیے کہ وہ ان دونوں کو مضبوطی سے تھام لےاور اس کے خلاف ہرچیز کوچھوڑ دے۔اللہ تعالیٰ نے ہماری طرف اپنا نمائندہ بھیجا ،جس نے ہر چیز کو کھول کر بیان کردیا،ہم اس کے بعد کسی چیز کے محتاج نہیں ہیں اگر ہم نے اس سے روگردانی کی تو شیاطین ہمیں گہری کھائیوں میں پھینک دیں گے جیسا کہ ارشاد باری تعالیٰ ہے:"جو شخص رحمٰن کے ذکر سے آنکھیں بند کرلیتا ہے ہم اس پر ایک شیطان مسلط کردیتے ہیں جو اس کا ساتھی بن جاتا ہے اور ایسے شیطان انھیں سیدھی راہ سے روک دیتے ہیں جبکہ وہ یہ سمجھ رہے ہوتے ہیں کہ وہ ٹھیک راستے پر جارہے ہیں۔"(الزخرف 43/36)امام بخاری رحمۃ اللہ علیہ  نےٹھیک ٹھیک اسلاف کی ترجمانی کی ہے لیکن شارحین نے اس سلسلے میں حق ادا نہیں کیا بلکہ انھوں نےاجماع اُمت کی آڑ میں صفات باری تعالیٰ کا انکارکیا یا انھیں مبنی برحقیقت تسلیم کرنے کے بجائے دوراز کارتاویلات کا سہارا لیا،چنانچہ امام بخاری رحمۃ اللہ علیہ  نے ایک عنوان ان الفاظ میں ذکر کیا ہے:)باب قَوْلِ النَّبِيِّ صَلَّى اللَّهُ عَلَيْهِ وَسَلَّمَ لَا شَخْصَ أَغْيَرُ مِنْ اللَّهِ("کوئی شخص اللہ تعالیٰ سے زیادہ غیرت مند نہیں۔"(صحیح البخاری الصلح حدیث 20)اس سے امام بخاری رحمۃ اللہ علیہ  نےثابت کیا ہے کہ لفظ"شخص" کا اطلاق ذات باری تعالیٰ پر ہوسکتا ہے،لیکن شارحین کی اکثریت اشعری مکتب فکر سے متعلق ہے،اس لیے ان کی تشریحات ملاحظہ فرمائیں:©۔شارح صحیح بخاری ابن بطال لکھتے ہیں کہ امت کا اس بات پر اجماع ہے یہ لفظ اللہ تعالیٰ کے حق میں نہیں بولا جاسکتا کیونکہ حدیث میں اس کی کوئی صراحت نہیں ہے۔(شرح ا بن بطال 10/442)©۔شارح صحیح بخاری علامہ خطابی  رحمۃ اللہ علیہ  فرماتے ہیں کہ اللہ تعالیٰ کے لیے لفظ شخص کا اطلاق صحیح نہیں کیونکہ شخص وہ ہے جو مرکب جسم رکھتا ہو۔اس طرح کی صفت اللہ تعالیٰ کی شان کے لائق نہیں۔جن احادیث میں یہ لفظ وارد ہے وہ راویوں کی تصحیف کا نتیجہ ہے۔(اعلام الحدیث 4/2344)©۔حافظ ابن حجر رحمۃ اللہ علیہ  چونکہ حافظ الدنیا ہیں،اس لیے کثرت روایات کے پیش نظر اس اطلاق کا انکار تو   نہیں کرتے،البتہ انھوں نے اس سلسلے میں دور اذکار کا سہارا لیا ہے۔( فتح الباری 13/491)©۔علامہ عینی نے متقدمین کے اقوال نقل کرنے اور حافظ ابن حجر رحمۃ اللہ علیہ  پر اعتراض کرنے کے علاوہ اپنی طرف سے اس صفت کے اثبات یا نفی میں کوئی تبصرہ نہیں کیا۔(عمدۃ  القاری 16/612)اللہ تعالیٰ استاذ محترم الشیخ عبداللہ بن محمد الغنیمان  رحمۃ اللہ علیہ  کو اجر عظیم عطا فرمائے،انھوں نے کتاب التوحید کی شرح کا حق ادا کیا۔ہم آئندہ احادیث کے فوائد اسی شرح سے مرتب کریں گے اور اس کےساتھ ساتھ دیگر شروعات سے بھی استفاذہ کیا جائے گا۔واللہ اعلم۔واضح رہے کہ برصغیر  میں تاویل صفات کے جمود کو توڑنے میں استاذ محترم ،شیخ العرب والعجم سید بدیع الدین شاہ راشدی  رحمۃ اللہ علیہ  نے نمایاں کردار اداکیا۔انھوں نے"توحید خالص" نامی کتاب لکھ کر توحید اسماء وصفات کا حق ادا کیا۔الغرض توحید اسماء وصفات کے متعلق عافیت کا راستہ یہی ہے کہ کتاب وسنت میں اللہ تعالیٰ کے متعلق جوصفات وارد ہیں انھیں بلاتکہیف وتمثیل اس کی شان کے لائق مبنی برحقیقت تسلیم کیا جائے۔انھیں ظاہر معنی پرمحمول کرتے ہوئے ان کے متعلق کسی بھی قسم کی تاویل سے گریز کیا جائے۔اس کے علاوہ الحاد کی جتنی بھی صورتیں ہیں سب کفر وشرک اور گمراہی کی طرف لے جانے والی ہیں،لہذا ایک مسلمان کو کبھی بھی اللہ تعالیٰ کی صفات کو زیر بحث لاکر ان کی تہ تک پہنچنے کی کوشش نہیں کرنی چاہیے کیونکہ یہ انسانی بساط سے باہر ہے۔پھر یہ اعتقادی بیماریاں ایک تو آگے منتقل ہوتی جاتی ہیں ،دوسرے زندگی کا رخ غلط راہوں پرڈال دیتی ہیں۔دعا ہے کہ اللہ تعالیٰ ہمیں اس سلسلے میں صراط مستقیم پر گامزن رکھے۔آمین۔

تمہید باب عربی

×

تمہید کتاب عربی

×