التخريج

قسم الحديث (القائل): مرفوع ، اتصال السند: متصل ، قسم الحديث: فعلی

‌صحيح البخاري: كِتَابُ الحَيْض (بَابُ اعْتِكَافِ المُسْتَحَاضَةِ)

حکم : أحاديث صحيح البخاريّ كلّها صحيحة

ترجمة الباب:

310 .   حَدَّثَنَا قُتَيْبَةُ، قَالَ: حَدَّثَنَا يَزِيدُ بْنُ زُرَيْعٍ، عَنْ خَالِدٍ، عَنْ عِكْرِمَةَ، عَنْ عَائِشَةَ، قَالَتْ: «اعْتَكَفَتْ مَعَ رَسُولِ اللَّهِ صَلَّى اللهُ عَلَيْهِ وَسَلَّمَ امْرَأَةٌ مِنْ أَزْوَاجِهِ، فَكَانَتْ تَرَى الدَّمَ وَالصُّفْرَةَ وَالطَّسْتُ تَحْتَهَا وَهِيَ تُصَلِّي»

صحیح بخاری:

کتاب: حیض کے احکام و مسائل

 

تمہید کتاب  (

باب:عورت کے لیے استحاضہ کی حالت میں اعتکاف

)  

مترجم: ١. شیخ الحدیث حافظ عبد الستار حماد (دار السلام)

310.   حضرت عائشہ‬ ؓ ہ‬ی سے روایت ہے، انہوں نے فرمایا: رسول اللہ ﷺ کے ہمراہ آپ کی ایک اہلیہ نے اعتکاف کیا تو وہ خون اور زردی دیکھتی تھیں۔ طشت ان کے نیچے ہوتا اور وہ اسی حالت میں نماز پڑھتی تھیں۔

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 315
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 310
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 299
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 310
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 304
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 309
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 310
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 310
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 310
ترجمۃ الباب:


حدیث ترجمہ:

حضرت عائشہ‬ ؓ ہ‬ی سے روایت ہے، انہوں نے فرمایا: رسول اللہ ﷺ کے ہمراہ آپ کی ایک اہلیہ نے اعتکاف کیا تو وہ خون اور زردی دیکھتی تھیں۔ طشت ان کے نیچے ہوتا اور وہ اسی حالت میں نماز پڑھتی تھیں۔
حدیث حاشیہ:

1۔ امام بخاری ؒ  نے بعینہ یہی عنوان کتاب الاعتکاف میں بھی قائم کیا ہے اور اس کے تحت حدیث (310) کو بیان کیا ہے۔ (صحیح البخاري، الاعتکاف، حدیث:2037) اس مقام پر ان کا مقصد یہ معلوم ہوتا ہے کہ حیض کی وجہ سے جوامور ممنوع تھے، مثلاً: مسجد میں داخل ہونا اور نماز پڑھنا وغیرہ، استحاضے کی وجہ سے ان کی ممانعت نہیں ہے، صرف اعتکاف بیٹھنے کی صورت میں مسجد کے تقدس کے پیش نظر اتنی احتیاط کی ضرورت ہے کہ اس کی تلویث وغیرہ نہ ہو۔ اس کے لیے کوئی خاص اہتمام کرنا ہوگا۔ جیسا کہ زوجہ محترمہ نے اپنے نیچے طشت رکھنے کا بندوبست کیا تھا۔ 2۔ امام ابن جوزی ؒ  نے لکھا ہے کہ ہماری معلومات کے مطابق رسول اللہ ﷺ  کی کسی بیوی کو استحاضے کا عارضہ لا حق نہیں تھا۔ حضرت عائشہ ؓ  کے فرمان سے مراد رسول اللہ ﷺ  کی ازواج مطہرات رضوان اللہ عنھن اجمعین سے کوئی تعلق رکھنے والی ہے اور وہ ام حبیبہ ؓ بنت جحش ہے جو زوجہ محترمہ حضرت زینب بنت جحش کی بہن ہے۔ حافظ ابن حجر ؒ  نے اس خیال کی تردید کرتے ہوئے فرمایا کہ روایت (310)  میں صراحت ہے کہ وہ آپ کی بیویوں میں سے کوئی عورت تھی، بلکہ حدیث (311) میں اس سے بڑھ کر وضاحت ہے کہ وہ امہات المومنین میں سے کوئی ایک تھی۔ یہ کیسے باور کیا جاسکتا ہے کہ کوئی غیر عورت رسول اللہ ﷺ  کے ہمرا اعتکاف بیٹھی ہو، اگرچہ آپ کے ساتھ اس کاتعلق ہی کیوں نہ ہو۔ سنن سعید بن منصور میں ہے کہ رسول اللہ ﷺ  کے ہمراہ اعتکاف بیٹھنے والی ام المومنین حضرت ام سلمہ ؓ  تھیں۔ بعض روایات سے معلوم ہوتا ہے کہ وہ حضرت سودہ بنت زمعہ ؓ یا حضرت رملہ ام حبیبہ ؓ بنت ابی سفیان تھیں۔ (فتح الباري:534/1)3۔ رسول اللہ ﷺ  کے عہد مبارک میں جن عورتوں کو استحاضے کا عارضہ تھا ان کی تفصیل حسب ذیل ہے:1۔ حضرت ام المومنین ام سلمہ ؓ  ۔2۔ حضرت ام المومنین ام حبیبہ ؓ  ۔ 3۔  حضرت ام المومنین زینب بن جحش ؓ ۔ 4 ۔ حضرت ام المومنین سودہ بنت زمعہ ؓ  ۔ 5۔ ام زوجہ عبدالرحمان بن عوف ؓ ۔ 6۔ حضرت حمنہ بنت جحش زوجہ طلحہ ؓ  7۔ اسماء بنت رشد ؓ ۔ 8۔ بادیہ بنت غیلان ؓ  ۔ 9۔ فاطمہ بن ابی حبیش ؓ  ۔ 10۔ سہلہ بنت سہیل ؓ  ۔ (عمدة القاري:127/3) 4۔ اس حدیث سے معلوم ہوا کہ مستحاضہ مسجد میں ٹھہر سکتی ہے، لیکن حائضہ کے لیے مسجد میں داخل ہوناممنوع ہے، نیزمستحاضہ کااعتکاف اور نماز وغیرہ صحیح ہے۔ مندرجہ ذیل خواتین وحضرات کا مستحاضہ جیسا حکم ہے۔ ©۔ جسےپیشاب کے قطرے آتے ہوں۔ ©۔ مرض جریان ہو۔ ©۔ ہوا خارج ہوتی رہتی ہو۔©۔ سیلان رحم کا عارضہ ہو۔ جس کے زخموں سے خون رستا رہے۔ اعتکاف کے متعلقہ مسائل کتاب الاعتکاف میں بیان ہوں گے۔ بإذن اللہ۔ 5۔ حضرت عائشہ ؓ  نے کسی تقریب میں شرکت کی، وہاں کسم کا رنگین پانی دیکھاتو فرمایا: یہ ایسے رنگ کا پانی ہے جیسا کہ فلاں عورت استحاضے کے وقت دیکھتی تھی۔ خون استحاضہ کا رنگ ہلکا اور قوام رقیق ہوتا ہے، جبکہ حیض کے خون کا رنگ گہرا تیز اور قوام گاڑھا ہوتا ہے۔ واللہ أعلم۔
ترجمۃ الباب:


حدیث ترجمہ:

ہم سے قتیبہ بن سعید نے بیان کیا، کہا ہم سے یزید بن زریع نے خالد سے، وہ عکرمہ سے، وہ عائشہ‬ ؓ س‬ے، آپ نے فرمایا کہ رسول اللہ ﷺ کے ساتھ آپ کی ازواج میں سے ایک نے اعتکاف کیا۔ وہ خون اور زردی ( نکلتے ) دیکھتیں، طشت ان کے نیچے ہوتا اور نماز ادا کرتی تھیں۔
حدیث حاشیہ:

یہ خون استحاضہ کی بیماری کا تھا جس میں عورتوں کے لیے نماز معاف نہیں ہے۔
ترجمۃ الباب:


حدیث ترجمہ:

Narrated ' Aisha (RA): "One of the wives of Allah's Apostle (ﷺ) joined him in l'tikaf and she noticed blood and yellowish discharge (from her private parts) and put a dish under her when she prayed."

الحكم على الحديث

اسم العالم الحكم
إجماع علماء المسلمين