التخريج

قسم الحديث (القائل): مرفوع ، اتصال السند: متصل ، قسم الحديث: صفات و شمائل

‌صحيح البخاري: كِتَابُ التَّعْبِيرِ (بَابُ مَنْ رَأَى النَّبِيَّ ﷺ فِي المَنَامِ)

حکم : أحاديث صحيح البخاريّ كلّها صحيحة

ترجمة الباب:

6997 .   حَدَّثَنَا عَبْدُ اللَّهِ بْنُ يُوسُفَ حَدَّثَنَا اللَّيْثُ حَدَّثَنِي ابْنُ الْهَادِ عَنْ عَبْدِ اللَّهِ بْنِ خَبَّابٍ عَنْ أَبِي سَعِيدٍ الْخُدْرِيِّ سَمِعَ النَّبِيَّ صَلَّى اللَّهُ عَلَيْهِ وَسَلَّمَ يَقُولُ مَنْ رَآنِي فَقَدْ رَأَى الْحَقَّ فَإِنَّ الشَّيْطَانَ لَا يَتَكَوَّنُنِي

صحیح بخاری:

کتاب: خوابوں کی تعبیر کے بیان میں

 

تمہید کتاب  (

باب : نبی کریم ﷺ کو خواب میں دیکھنا

)  

مترجم: ١. شیخ الحدیث حافظ عبد الستار حماد (دار السلام)

6997.   حضرت ابو سعید خدری ؓ سے روایت ہے انہوں نے نبی ﷺ کو یہ فرماتے ہوئے سنا: ”جس نے مجھے دیکھا اس نے حق دیکھا کیونکہ شیطان مجھ جیسا نہیں بن سکتا۔“

ترقیم کوڈ اسم الترقيم نام ترقیم رقم الحديث (حدیث نمبر)
١ ترقيم موقع محدّث ویب سائٹ محدّث ترقیم 7061
٢ ترقيم فؤاد عبد الباقي (المكتبة الشاملة) ترقیم فواد عبد الباقی (مکتبہ شاملہ) 6997
٣ ترقيم العالمية (برنامج الكتب التسعة) انٹرنیشنل ترقیم (کتب تسعہ پروگرام) 6482
٤ ترقيم فتح الباري (برنامج الكتب التسعة) ترقیم فتح الباری (کتب تسعہ پروگرام) 6997
٥ ترقيم د. البغا (برنامج الكتب التسعة) ترقیم ڈاکٹر البغا (کتب تسعہ پروگرام) 6596
٦ ترقيم شركة حرف (جامع خادم الحرمين للسنة النبوية) ترقیم حرف کمپنی (خادم الحرمین الشریفین حدیث ویب سائٹ) 6747
٧ ترقيم دار طوق النّجاة (جامع خادم الحرمين للسنة النبوية) ترقیم دار طوق النجاۃ (خادم الحرمین الشریفین حدیث ویب سائٹ) 6997
٨ ترقيم فؤاد عبد الباقي (دار السلام) ترقیم فواد عبد الباقی (دار السلام) 6997
١٠ ترقيم فؤاد عبد الباقي (داود راز) ترقیم فواد عبد الباقی (داؤد راز) 6997
ترجمۃ الباب:


حدیث ترجمہ:

حضرت ابو سعید خدری ؓ سے روایت ہے انہوں نے نبی ﷺ کو یہ فرماتے ہوئے سنا: ”جس نے مجھے دیکھا اس نے حق دیکھا کیونکہ شیطان مجھ جیسا نہیں بن سکتا۔“
حدیث حاشیہ:

1۔رسول اللہ صلی اللہ علیہ وسلم کو اللہ تعالیٰ نے دنیا میں شیطانی تصرفات سے محفوظ رکھا تھا، اسی طرح اس دنیا سے رخصت ہونے کے بعد بھی آپ صلی اللہ علیہ وسلم کی عصمت وتقدس کا تقاضا ہے کہ آپ صلی اللہ علیہ وسلم کی ذات بابرکات اس قسم کی جملہ دراندازیوں سے پاک ومبرا ہے۔
2۔مذکورہ احادیث سے معلوم ہوتا ہے کہ رسول اللہ صلی اللہ علیہ وسلم کو اگر کوئی خواب میں دیکھتا ہے تو وہ درحقیقت رسول اللہ صلی اللہ علیہ وسلم ہی کو دیکھتا ہے، تاہم اس کے متعلق کچھ تفصیل حسب ذیل ہیں: ©۔جس شخص نے رسول اللہ صلی اللہ علیہ وسلم کے زمانہ مبارک میں آپ کو بحالت خواب دیکھا وہ عنقریب آپ کو حالت بیداری میں دیکھ لے گا جیسا کہ پہلی حدیث کےمفہوم کا تقاضا ہے۔ اللہ تعالیٰ اسے ہجرت کی توفیق دے گا، پھر وہ آپ صلی اللہ علیہ وسلم کی ملاقات سے شرف یاب ہوگا یا آخرت میں اسے خاص رؤیت وشفاعت نصیب ہوگی۔شیطان کو یہ طاقت نہیں کہ وہ آپ صلی اللہ علیہ وسلم کی مشابہت اختیار کر سکے جیسا کہ عالم بیداری میں شیطان رسول اللہ صلی اللہ علیہ وسلم کی شکل اختیار کرنے پر قادر نہیں تھا حالت خواب میں بھی اللہ تعالیٰ نے اسے منع کر دیا ہے تاکہ حق کا باطل کے ساتھ اختلاط نہ ہو۔ ©۔رسول اللہ صلی اللہ علیہ وسلم کے زمانے کے بعد بھی آپ صلی اللہ علیہ وسلم کی زیارت خواب میں ممکن ہے لیکن اس کے لیے ضروری ہے کہ خواب کی حالت میں آپ صلی اللہ علیہ وسلم کو دیکھنے والا آپ صلی اللہ علیہ وسلم ہی کے پرنور چہرے، حسین وجمیل قدوقامت، بے مثال خدوخال، بے نظیر چال ڈھال، باوقار وجاہت اور پرکشش شخصیت کا جو عکس الفاظ کے پیرائے میں ہم تک پہنچاہے اس سے واقف ہو۔ اس حقیقت کی طرف امام بخاری رحمۃ اللہ علیہ نے امام ابن سرین رحمۃ اللہ علیہ کے حوالے سے اشارہ فرمایا ہے۔ ان سے اگر کوئی شخص کہتا کہ میں نے خواب میں رسول اللہ صلی اللہ علیہ وسلم کی زیارت کی ہے تو آپ اس سے حلیہ مبارک پوچھتے۔ اگر بیان کرنے والا ایسا حلیہ بیان کرتا جس کا احادیث میں دور دور تک نشان نہیں ملتا تو آپ صاف کہہ دیتے کہ تو نے رسول اللہ صلی اللہ علیہ وسلم کو نہیں دیکھا۔©۔یہ بات تسلیم شدہ ہے کہ شیطان خواب میں رسول اللہ صلی اللہ علیہ وسلم کا روپ دھار کر دراندازی نہیں کر سکتا مگر یہ ممکن ہے کہ وہ کسی دوسری شکل میں آکر یہ یقین دہانی کرائے کہ میں اللہ تعالیٰ کا رسول ہوں۔ اس صورتحال میں وہ شخص تو دھوکا نہیں کھا سکتا جس نے آپ صلی اللہ علیہ وسلم کو زندگی میں بچشم خود دیکھا تھا یا وہ آپ صلی اللہ علیہ وسلم کے حلیے مبارک سے واقف تھا لیکن عام آدمی جسے آپ صلی اللہ علیہ وسلم کے حلیے مبارک سے کوئی آشنائی نہیں ہے وہ یقیناً دھوکا کھا سکتا ہے۔ اس صورت میں اگر بحالت خواب ایسا حکم دیا جائے جو ظاہری طور پر اسلامی تعلیمات سے ٹکراتا ہے تو اس کی طرف قطعاً التفات نہیں کیا جائے گا کیونکہ اسلام مکمل ہو چکا ہے اور اس قسم کا خواب شرعی طور پر کوئی حیثیت نہیں رکھتا۔
3۔واضح رہے کہ اگر کوئی شخص رسول اللہ صلی اللہ علیہ وسلم کے حلیے مبارک کی دل آویزی اور حسن ورعنائی کو الفاظ میں دیکھنے کا خواہش مند ہو تو وہ شیخ ابراہیم بن عبداللہ حازمی کی تالیف (الرسول كأنك تراه) کا مطالعہ کرے سے راقم الحروف نے ’’آئینہ جمال نبوت‘‘ کے نام سے اردو میں ڈھالا ہے اور دارالسلام نے اسے انتہائی خوبصورت انداز میں شائع کیا ہے۔
4۔اس مقام پراس بات کی وضاحت کرنا بھی ضروری ہے کہ اس عالم رنگ وبو میں اللہ تعالیٰ کو بحالت بیداری یا بحالت خواب دیکھنا ممکن نہیں، لیکن حضرات انبیاء علیہم السلام کو اللہ تعالیٰ کی معرفت کا ملہ حاصل ہوئی ہے اس بنا پر یہ حضرات اس دنیا میں اللہ تعالیٰ کو بحالت خواب دیکھ سکتے ہیں جیسا کہ حضرت ابن عباس رضی اللہ تعالیٰ عنہ نے رسول اللہ صلی اللہ علیہ وسلم سے بیان کیا کہ آپ صلی اللہ علیہ وسلم نے بحالت نیند اپنے رب کو بڑی خوبصورت شکل میں دیکھا اور اس کی ٹھنڈک کو اپنے سینے میں محسوس کیا۔ (مسند أحمد: 368/1) اسی طرح کی ایک روایت حضرت معاذ بن جبل رضی اللہ تعالیٰ عنہ سے بھی مروی ہے (جامع الترمذي، تفسیر القرآن، حدیث: 3235) حضرات انبیاء علیہم السلام کے علاوہ دیگر صلحاء واتقیاء کو خواب میں رب کائنات کا نظر آنا محل نظر ہے۔ اس سلسلے میں کوئی صحیح حدیث وارد نہیں۔ بے بنیاد روایات کی آڑ میں خواہشات کے پجاری لوگوں نے شریعت سے راہ فرار اختیار کرنے کے لیے ایک چوردروازہ نکالا ہے جسے وہ اپنی اصطلاح میں "مکاشفات" کا نام دیتے ہیں، لہذا اس سلسلے میں انتہائی احتیاط کی ضرورت ہے۔ واللہ أعلم۔
ترجمۃ الباب:


حدیث ترجمہ:

ہم سے عبد اللہ بن یوسف نے بیان کیا‘ انہوں نے کہا ہم سے لیث نے بیان کیا‘ انہوں نے کہا ہم سے ابن الہاد نے بیان کیا‘ ان سے عبد اللہ بن خباب نے بیان کیا‘ ان سے حضرت ابو سعید خدری ؓ نے بیان کیا‘ انہو ں نے نبی کریم ﷺ کو یہ فرماتے سنا کہ جس نے مجھے دیکھا اس نے حق دیکھا کیونکہ شیطان مجھ جیسا نہیں بن سکتا۔
حدیث حاشیہ:

خواب میں آنحضرت صلی اللہ علیہ وسلم کی زیارت کا ہو جانا بڑی خوش نصیبی ہے‘ مبارک بادی ہو ان کو جن کو یہ روحانی دولت مبارکہ حاصل ہو۔ اللھم ارزقنا شفاعته یوم القیمة آمین یا رب العالمین۔
ترجمۃ الباب:


حدیث ترجمہ:

Narrated Abu Sa'id Al-Khudri (RA) : The Prophet (ﷺ) said, "Who ever sees me (in a dream) then he indeed has seen the truth, as Satan cannot appear in my shape."

الحكم على الحديث

اسم العالمالحكم
١. إجماع علماء المسلمينأحاديث صحيح البخاريّ كلّها صحيحة