جامع ترمذی: كتاب: جنازے کے احکام ومسائل (باب: طاعون سے بھاگنے کی کراہت کا بیان​)

ترجمۃ الباب:

1065.

اسامہ بن زید ؓ کہتے ہیں کہ نبی اکرم ﷺ نے طاعون کا ذکر کیا، تو فرمایا: ’’یہ اس عذاب کا بچا ہوا حصہ ہے، جو بنی اسرائیل کے ایک گروہ۱؎ پر بھیجا گیا تھا جب کسی زمین (ملک یا شہر) میں طاعون ہو جہاں پر تم رہ رہے ہو تو وہاں سے نہ نکلو۲؎ اور جب وہ کسی ایسی سر زمین میں پھیلا ہو جہاں تم نہ رہتے ہو تو وہاں نہ جاؤ‘‘۔
امام ترمذی کہتے ہیں:
۱۔ اسامہ بن زید کی حدیث حسن صحیح ہے۔
۲۔ اس باب میں سعد، خزیمہ بن ثابت، عبدالرحمن بن عوف، جابر اور عائشہ سے بھی احادیث آئی ہیں۔