جامع ترمذی: كتاب: طلاق ور لعان کے احکام ومسائل (باب:عورت کو ساتھ رہنے یا نہ رہنے کے اختیاردینے کا بیان​)

ترجمۃ الباب:

1179.01.

امام ترمذی کہتے ہیں:
۱۔ یہ حدیث حسن صحیح ہے۔
۲۔ (ساتھ رہنے اور نہ رہنے کے) اختیاردینے میں اہل علم کا اختلاف ہے۔ عمر اور عبداللہ بن مسعود ؓ کا کہنا ہے کہ اگرعورت نے خود کواختیارکرلیا تو طلاق بائنہ ہوگی۔ اور انہی دونوں کا یہ قول بھی ہے کہ ایک طلاق ہوگی اور اسے رجعت کا اختیار ہوگا۔ اور اگر اس نے اپنے شوہرہی کو اختیار کیا تو اس پر کچھ نہ ہوگا یعنی کوئی طلاق واقع نہ ہوگی۔۲؎۔
۴۔ اورعلی ؓ کہتے ہیں کہ اگر اس نے خود کو اختیار کیا تو طلاق بائن ہوگی اور اگر اس نے اپنے شوہرکو اختیار کیا تو ایک ہوگی لیکن رجعت کا اختیار ہوگا۔
۵۔ زید بن ثابت ؓ کہتے ہیں کہ اگر اس نے اپنے شوہرکواختیار کیا تو ایک ہوگی اور اگر خود کو اختیار کیا تو تین ہوں گی۔
۶۔ صحابہ کرام اوران کے بعد کے لوگوں میں سے اکثر اہل علم و فقہ اس باب میں عمر اور عبداللہ بن مسعود ؓ کے قول کی طرف گئے ہیں اور یہی ثوری اور اہل کوفہ کا بھی قول ہے۔
۷۔ البتہ احمدبن حنبل کا قول وہی ہے جو علی ؓ کا ہے۔