جامع ترمذی: كتاب: حکومت وقضاء کے بیان میں (باب: قاضی اورقضاء کے سلسلے میں رسول اللہ ﷺ کے ارشادات​)

ترجمۃ الباب:

1322.

عبداللہ بن موہب کہتے ہیں کہ عثمان ؓ نے ابن عمر ؓ سے کہا: جاؤ (قاضی بن کر) لوگوں کے درمیان فیصلے کرو، انہوں نے کہا: امیرالمومنین! کیا آپ مجھے معاف رکھیں گے، عثمان ؓ نے کہا: ’’تم اسے کیوں برا سمجھتے ہو، تمہارے باپ تو فیصلے کیا کرتے تھے؟‘‘ اس پر انہوں نے کہا: میں نے رسول اللہ ﷺ کو فرماتے سناہے: ’’جوقاضی ہوا اوراس نے عدل انصاف کے ساتھ فیصلے کئے تو لائق ہے کہ وہ اس سے برابر سرابر چھوٹ جائے‘‘ (یعنی نہ ثواب کامستحق ہونہ عقاب کا) اس کے بعد میں (بھلائی کی) کیا امید رکھوں، حدیث میں ایک قصہ بھی ہے۔
امام ترمذی کہتے ہیں:
۱۔ ابن عمر ؓ کی حدیث غریب ہے، میرے نزدیک اس کی سند متصل نہیں ہے۔ اور عبدالملک جس سے معتمر نے اِسے روایت کیا ہے عبدالملک بن ابی جمیلہ ہیں۔
۲۔ اس باب میں ابوہریرہ ؓ سے بھی روایت ہے۔