جامع ترمذی: كتاب: حکومت وقضاء کے بیان میں (

باب: گری پڑی چیز اور گمشدہ اونٹ اور بکری کے بیان​ میں

ترجمۃ الباب:

1374.

سوید بن غفلہ کہتے ہیں کہ میں زید بن صوحان اور سلمان بن ربیعہ کے ساتھ نکلا تومجھے (راستے میں) ایک کوڑا پڑاملا- ابن نمیرکی روایت میں ہے کہ میں نے پڑا ہوا ایک کوڑا پایا- تومیں نے اُسے اٹھا لیا تو ان دونوں نے کہا: اسے رہنے دو، (نہ اٹھاؤ) میں نے کہا: میں اسے نہیں چھوڑسکتا کہ اسے درندے کھا جائیں، میں اسے ضرور اٹھاؤں گا، اور اس سے فائدہ اٹھاؤں گا۔ پھر میں ابی بن کعب کے پاس آیا، اور ان سے اس کے بارے میں پوچھا اور ان سے پوری بات بیان کی تو انہوں نے کہا: تم نے اچھا کیا، رسول اللہ ﷺ کے زمانہ میں، میں نے ایک تھیلی پائی جس میں سو دینار تھے، اسے لے کرمیں آپ ﷺکے پاس آیا، آپﷺ نے مجھ سے فرمایا: ’’ایک سال تک اس کی پہچان کراؤ‘‘، میں نے ایک سال تک اس کی پہچان کرائی لیکن مجھے کوئی نہیں ملا جو اسے پہچانتا، پھر میں اسے لے کر آپﷺ کے پاس آیا۔ آپﷺ نے فرمایا: ’’ایک سال تک اور اس کی پہچان کراؤ'، میں نے اس کی پہچان کرائی، پھر اسے لے کر آپ کے پاس آیا ۔ توآپﷺ نے فرمایا: ’’ایک سال تک اوراس کی پہچان کراؤ ۱؎‘‘ اورفرمایا: ’’اس کی گنتی کرلو، اس کی تھیلی اوراس کے سربند کوخوب اچھی طرح پہچان لو اگراسے تلاش کرنے والا آئے اور اس کی تعداد ،اس کی تھیلی اوراس کے سربند کے بارے میں بتائے تو اسے دے دو ورنہ تم اسے اپنے کام میں لاؤ‘‘۔
امام ترمذی کہتے ہیں: یہ حدیث حسن صحیح ہے۔