شہادات جمع ہے شہادت کی اور شہادت اور شہود اور مشاہدات اصل میں بمعنی حضور اور ادراک بصر کے ہیں اور کبھی اطلاق ہوتا ہے اس کا اوپر علم  یقینی کے جو حاصل ہو ساتھ بصیرت کے اور کبھی آتا ہے بمعنی خبر قاطع کے کہ صادر ہو ساتھ موافقت قلب کے اور شریعت میں خبر دینا ساتھ حق غیر کے جو ہو اوپر دوسرے کے ،جیسا ہ اقرار اخبار ہے ساتھ حق غیر کے اوپر اپنے اور دعویٰ اخبار ہے ساتھ حق اپنے کے اوپر غیر کے ۔ اور بعض نے شہادت کی تعریف میں کہا ہے : هى الاخبار عند الحاكم بما يعتقد الإنسان اور  گواہ کو شاہد کہتے ہیں اور شاہد ایک نام ہے رسول اللہ ﷺکے نامہائے مبارک سے ۔اور شہود اور شہداء اس کی جمع آتی ہے اور اشہاد بھی اور شاہدبمعنی زبان اور فرشتہ اور روز جمعہ اور ثریا بھی وارد ہے ،اور شہود ناقہ آثار ولادت اس کے خون وغیرہ سے صلوٰۃ شاہد نماز مغرب شاہدہ زمین ہے اور احکام اس کے ضمن احادیث میں مذکور ہوں گے اور وجوب شہادت کا سبب درخواست ہی ہے صاحب حق کی یا خوف ہے صاحب حق کے حق فوت ہونے کااور شرائط شہادت بالاستیعاب اکیس ہیں جن میں سے پانچ و جوب قبول یک ہیں یعنی بلوغ تادان اپنی ذات سے نہ کرنا اور شاہد کا خصم و عدونہ ہونا پس شہادت وصی کی یتیم کے واسطے جر منفعت نہ کرنا اور دفع تاوان اپنی ذات سے نہ کرنا  اور دفع تاوان اپنی ذات سے نہ کرنا اور شاہد کا خصم وعدو نہ ہوناپس شہادت وصی کی یتیم کے واسطے اور وکیل کے موکل کے واسطے درست نہیں اور یاد ہونا مشہور بہ کا کا اور اگر شاہد  متعدد ہوں تو دونوں  کا اتفاق ہونا ، اور یہ شروط عام ہیں جمیع انواع شہادت میں اور جو بعض انواع سے مخصوص ہیں ان میں سے اسلام ہے اگر مشہود علیہ مسلم ہوا ورذکورت حدود قصاص  میں اور تقدیم دعویٰ حقوق عباد میں اور موافقت شہادت کی دعویٰ سے جس میں توافق شرط ہے اور قیام رائحہ شرب خمر کی شہادت میں مگر بعد میں مسافت سے اور اصالۃً ادائے شہادت کرنا جدود و قصاص کی شہادت میں اور حضور اصل کا متعذر ہونا شہادت علی الشہادت میں سویہ ادائے شہادت کے مشروط شرطیں ہیں اور مکان شہادت یعنی مجلس قضا اور عقل و بصارت یہ دونوں تو تحمل اور ادا دونوں میں شرط ہے اور معائنہ مشہور یہ فقط تحمل کی شرط نہ ادا کی تو یہ سب بیس شرطیں ہوئیں کذا فی الطحاوی اور امتیاز کرنا سماعت سے جو بہ تسامع ثابت ہوتی ہے اکیسویں شرط ہے۔