جامع ترمذی: كتاب: جنت کاوصف اور اس کی نعمتوں کاتذکرہ (باب: جنتیوں کے لباس کابیان​)

ترجمۃ الباب:

2540.

ابوسعید خدری ؓ سے روایت ہے کہ نبی اکرمﷺ اللہ تعالیٰ کے قول ﴿وَفُرُشٍ مَرْفُوعَةٍ﴾ (الواقعة: ۳۴) کی تفسیر میں فرماتے ہیں: ’’جنت کے فرش کی بلندی اتنی ہوگی جتنا زمین وآسمان کے درمیان فاصلہ ہے۔ یعنی پانچ سوسال کی مسافت‘‘۔
امام ترمذی کہتے ہیں:
۱۔ یہ حدیث غریب ہے، ہم اسے صرف رشدین بن سعد کی روایت سے جانتے ہیں۔
۲۔ بعض اہل علم نے اس حدیث کی تفسیر کے بارے میں کہا ہے: اس کامفہوم یہ ہے کہ فرش جنت کے درجات میں ہوں گے، اور ان درجات کے درمیان اتنا فاصلہ ہے جتنا آسمان اور زمین کے درمیان ہے۔