جامع ترمذی: کتاب: آداب واحکام کا بیان (باب: شادابی وہریالی میں اونٹوں کا لحاظ رکھنا اورقحط وخشک سالی میں سفر کرنا)

ترجمۃ الباب:

2858.

ابوہریرہ ؓ سے روایت ہے کہ رسول اللہ ﷺ نے فرمایا: ’’جب تم ہریالی اورشادابی کے زمانہ میں سفر کرو تو اونٹ کو زمین سے اس کا حق دو(یعنی جی بھر کرچر لینے دیا کرو) اور جب تم خزاں وخشکی اور قحط کے دنوں میں سفر کرو اس کی قوت سے فائدہ اٹھا لینے میں تو جلدی  کرو۱؎ اور جب تم رات میں قیام کے لیے پڑاؤ ڈالو تو عام راستے سے ہٹ کر قیام کرو، کیوں کہ یہ (راستے) رات میں چوپایوں کے راستے اور کیڑوں مکوڑوں کے ٹھکانے ہیں‘‘۔
امام ترمذی کہتے ہیں:
۱۔ یہ حدیث حسن صحیح ہے۔
۲۔ اس باب میں جابر اور انس ؓ سے بھی احادیث آئی ہیں۔