جامع ترمذی: كتاب: قرآن کریم کے فضائل ومناقب کے بیان میں (باب: سورہ اذا زلزلت کی فضیلت کابیان​)

ترجمۃ الباب:

2893.

انس بن مالک ؓ کہتے ہیں کہ رسول اللہ ﷺ نے فرمایا: ’’جس نے سورہ ﴿إِذَا زُلْزِلَتِ الْأَرْضُ﴾ سورہ پڑھی تو اسے آدھا قرآن پڑھنے کے برابر ثواب ملے گا، اور جس نے سورہ ﴿قُلْ يَا أَيُّهَا الْكَافِرُونَ﴾ پڑھی تو اسے چوتھائی قرآن پڑھنے کے برابر ثواب ملے گا، اور جس نے سورہ ﴿قُلْ هُوَ اللَّهُ أَحَدٌ﴾ پڑھی تو اسے ایک تہائی قرآن پڑھنے کا ثواب ملے گا‘‘۔
امام ترمذی کہتے ہیں:
۱۔ یہ حدیث غریب ہے۔
۲۔ ہم اسے کسی اور سے نہیں صرف انہیں حسن بن مسلم کی روایت سے جانتے ہیں۔
۳۔ اس باب میں ابن عباس سے بھی روایت ہے۔